據講過了新一年的立春，就已經踏入牛年了，先祝大家牛年步步高升，事事順意，如牛般壯健~~
今年立春唔記得玩雞蛋……，事關傳說有話立春當日，是可以把生雞蛋立起，唔知有冇根據，又唔知大家有冇做過呢個實驗?!!
今個過年最好就係一早剪了髮，免得太多人，其實新年的習俗都一切從簡，雖然森伯伯係古代人，但自己都唔想做得太多，新年都係想好好地送舊迎新，森態上有更新便可...
眾多農曆年的圖騰當中，最喜歡都是獅頭或舞獅，見到有獅頭的圖像，都不其然想影影~~
環保森伯過年時都要摷返兩隻獅頭...仔點綴一下，增加些少氣氛~~
我玩過把生雞蛋立起。
回覆刪除結果如何?!!可能要等出年立春試玩……
刪除舞獅很有氣氛，我喜歡！
回覆刪除拜個早年:祝牛年萬事如意！
我都祝你事事如意，新春愉快…
刪除舞獅好熱鬧，好嘈…不過這樣先似過年!!
森哥都話要簡約咁過新年，全盒樣貌已面目全非，𡃁仔應該未冲過碌柚葉水凉……呢啲咁珍貴嘅傳統習俗應該訥入香港博物館才唔會失傳。
回覆刪除祝願大家 新春大吉 財源滾滾 龍馬精神 行運一條龍
咁你昨日有冇跟咩懷舊習俗?!!……新一代真係未必知咩係沖柚葉水，好應該把這種習俗列入文化遺產……哈哈
刪除我祝你新春愉快，牛年行個靚運，身壯力健!!
暫時得一樣，就係初一唔掃地，長輩話會掃走晒啲財氣同好運。懶哈哈！
刪除最怕硬食一周蘿蔔糕/年糕無營養早餐。
森哥初一全齋，初二開年開年食葷？
咁又係呀，一爺咁多財富，當然唔可以掃地啦……我呢項習俗都有遵守，初二才可掃地丟垃圾……
刪除都唔可以話全無營養，不過一年一趟冇所謂!!
今年初一冇食齋，食年年有餘的隔夜餸……
森哥應該話我有錢過李超人，掃走啲零頭無感覺。
刪除噚日赤口唔敢上黎滾攪森哥，平日都時時鬥嘴，好怕呢日會口角攪出大事，跟吓傳統習俗啦。
但我去咗救三個人，活血行善 Blood星高照 『紅』運當頭，少梗啲血氣咪變柔弱唔火爆囉！
一年一度破戒食咗排朱古力應吓佳節。
食隔夜糕點餸係農曆新年一大特色，森哥係好有衣食嘅美德。
唔敢將一爺同李超人作比較，這樣要留返少少餘地，令一爺再有搵銀的動力…
刪除哈哈哈，你好識諗…平時我哋時時鬥嘴，赤口時節更容易火上加油，為免出事，避一避好啲!!
為免有血光，捐捐血都好……哈哈
平時好少食隔夜餸菜，新年餸菜豐富好味，無所謂啦……
牛年已至，新春伊始，來恭祝森少闔府安康，萬事勝意，歲歲慶吉祥 !
回覆刪除舞獅很有過年的氣氛 ! 我在本區的新春看過雙人舞醒獅，在高樁上跳來跳去，十分的技藝高強，但是卻嚇壞了一些心血少的觀眾。
謝謝，我也祝願秋葉事事順心，身體安康…
刪除舞獅夠晒過年氣氛，大鑼大鼓兼且鮮艷奪目的獅頭，看起來十分醒神，做得舞獅多數訓練有素，兩位表演者都相當合拍，冇咁易有差錯……
首先祝你新春愉快！身體健康！
回覆刪除我也很喜歡舞獅活動，聽到鼓聲就開心，記得細個時候住木屋區，新年期間經常有醒獅穿梭往來，我經常跟著醒獅隊到處走，不亦樂乎。
我也祝peace兄，事事順利，身體安康，發掘更多行山樂的美景…
刪除相信小時候的過年情景，相當深刻，以前過年時節比較冷，著了綿納比較有氣氛……
祝森伯：新年快樂！龍馬精神！萬事勝意！
回覆刪除多謝Man Man，祝你事事稱心，身體健康，天天開心……
刪除新年快樂，身體健康。
回覆刪除我都祝狂小子天天快樂，心想事成，最緊要身體健康…
刪除