因為有些事，需要聯絡同事們班whatsapp群，而且有新加...在此發現到幾有趣，雖然這類聯絡社交帳號係個人的，但很多頭像照都是以物品代替，群組當中都沒有人用親身照，問題就是有whatsapp來，就一定要看回之前的留言訊息才知邊位發送，有時又要新增聯絡人，送出後又唔知有冇錯，有親身照應該就包冇錯~~
森伯自已雖然都冇用親身照，是用漫畫化的自己作頭像，但起碼我send畀人，人家都會知道，我認為這樣會較好，唔知各位Blog友，你們在這類社交或聯繫平台，多數會用什麼作頭像相呢?!!唔敢放真身照又是什麼原因呢?!!都想知知...
諗諗下都要摷返張屬於自己靚靚仔仔的照片出來，作個人帳號的頭像相，不過搵足大半日都搵唔到~~~><
其實過年都不外乎食食懶懶，不過大時大節都預了食得多，當然唔介意，尤其早陣子更覺得自己需要食多點，所以食多都唔怕~~
過年時節糕點都少不了，眾多的糕點中馬蹄糕都係首選......
今年逗的利是雖然少了，但利是最主要是著重意頭，多少並不是重點~~有時見到設計精美的利是封都會把它收藏起來，不過就唔多~~
至於買利是封都會趁過年買，比較多款式，自己姓氏是首選不過今年冇周圍搵，通常有需要時用得著~~
事先聲明，森伯伯唔係心虛，只不過逗得利是多都要作番少少回禮...哈哈哈
幸好超市選擇多，行一轉就可以買齊晒，唯獨最麻煩好多都太甜一唔係就唔多健康，事關佢地仲腌尖咀刁過森伯...
呢排的疫情都係反反覆覆，相信今個農曆年都要平平靜靜渡過，仍然要戴住口罩做人~~
近來口罩都係一種暢銷物品，好難得人人都需要，相信商家唔會錯過呢個搵錢機會，口罩的款式越出越多，見過最好笑的款式應該係袁專家的鴨咀口罩，唔係個個人接受到戴出街，太花的口罩自己都未必會戴，當然喇，普通外科口罩都戴到悶悶地，有日見到呢款口罩，又覺得唔錯，花款得來又唔會太誇......
顏色都似係牛仔布，一盒內有三個款式，雖然佢標示是防花粉口罩，但森伯通常都Double戴，都冇乜問題，戴了都OK，總算是平淡之中又有少少新花款，有疫情以來呢盒都算我第一次買的口罩..
在過去一周的新聞裡，相信最大單是美國總統侵侵的支持者衝去國會大搞亂的事件，國際上都受到很多人關注，而這件事好易令人聯想起前年，香港的立法會都有件類似的事發生，當時也是有群滋事者衝擊立法會，現在也有很多人會將這些事相題並論，而我最想講就是事後官員的態度......美國政府為了阻止搞事者繼續破壞便立即出動警衛軍，而即將就任的拜登總統，都完全沒有忌諱地稱呼這些搞亂者為暴徒，不久後更稱這班人為恐怖分子，短短幾日內拘捕了很多人，整件事感覺極之快手快腳~~~~~
反觀香港年前的社暴事件，發生之初，冇個官員夠膽站出來稱呼班暴亂者為暴徒，只聽到他們稱之為示威者…其後新任的鄧署長(警務署)夠膽站出來稱他們為暴徒，之後才聽到有其他官員說出"暴徒"這兩個字，講句事實都這麼難，捉人定罪就更加有排......
好明顯香港是個弱勢政府，就是官員的怯懦，讓事件持續發酵...
兩件事不單止可以比較，還讓人看清楚外國政客的真面目，仍在造夢的人這刻都應該醒醒吧!!
