巨嬰年代...

很多人都認為現今是個巨嬰年代，盡管體格、年紀都已經成年或熟年，但思想行為都仿似一個小嬰孩...

社會幼稚化...

*有日見到一個小巴廣告，有半輛小巴都是漫畫卡通，可能你會認為以漫畫做為廣告有什麼出奇...再睇真些，原來是一個徵聘警察的廣告，何解徵聘警務人員會用卡通，感覺非常唔莊重，好小朋友...初時以為與什麼學生補習有關，甚騎呢!!!

*另外有個政府廣告也是常常在電視睇到，口號角色都有---「防塵減塵我有計，健康第一沙塵仔！」...個主角沙塵仔是用來哄細路?!!而且授眾是班建築工作人員並非細路仔，

所帶出的訊息也是同生命安全有關，正經成熟少少就合理，超唔配合!!!

*仲有大家有冇發覺，時下無論便利店、超市等店舖換取的物品，或用品也十分幼稚化，驟看之下又是感覺哄BB仔玩意，我指是有卡通頭像的玩具或用品...很少看見較成熟，較實用的換領品!!

思想幼稚化...

過去的週日，就是今年新一輪的電子消費券派發的時間，不知大家怎樣看?!!有些人認為好過冇、也有人認為OK、看新聞也有不少人嫌少...真的十分唔明白嫌少的人是些什麼人，每次派發消費券，政府庫房都以億億聲埋單，相信此舉亦不是現時個個國家做到，在今時今日的境況，仲有人會有這個諗法和講法，真係完完全全印證了什麼是思想幼稚化的表現...

"中伏"食品~~~

上篇網誌有提到零食，都知零食這個市場以香港來講，都十分龐大，只要一出街，處處都有零食、小食等在左近...

雖然人大了，特登去買一包二包零食回家已經很少，但每次經過某間日式超市，也會被佢當中的食品所吸引想買來試!!!森伯買零食並非一時三刻的衝動，都已經見過多次，於是買來試下，原來少買都可以"中伏"...

相片是當中兩款食品，而中伏的食品是左手邊那支抹醬，初時諗住用來搽麵包也不錯，應該也不會太甜，結果也不是甜的，但那些微鹹的油脂超怪，只要塗些少已經感到油淋淋...更何況用來搽整片麵包...只要手沾到些少，整隻手都感到油油立立的...只能形容為"好得人驚"!!好難食晒成支，古怪東西少食為妙，唯有丟掉!!(未試過一買食品回來就掉!!)

而另一穀物棒就冇問題，算唔錯!!始終東瀛食品，未必個個受落，好睇個人口味~~森伯都唔會用自己作準則，可能有人認為唔錯會接受，但我應該唔會再買!!!!

原來在生活中，有很多東西--真實比想像是兩回事!!!!哈哈

寶島食品...

現在絕大多數的零食店都只會售買日本零食，還有韓國零食這類...這類零食讓人感覺都比較潮食，好味!!至於港產零食，或東南亞出的就多數出現在比較低檔少少的零食店...

家住附近也有一間，買的是懷舊的港產零食，很多以前細個見到的都原來仲有出產，例如眼鏡朱古力豆、綿花糖、山楂餅和傳統涼果等等，不過人大了現在我都少買了，客人都有大人跟小學生，總算有些生意!!

但眾多零食中，好似很少會提到台灣零食，在印象中台灣零食就只有太陽餅和鳳梨酥，但一般超市賣的都是本地生產...有時去國貨公司的超市，也有真正的台灣零食!!

但今次去到荃灣這個大型商場就見到有台灣的食品賣...都要讚讚場內的佈置設計，把台灣食品的攤檔設計得很有文青feel，甚有台灣味!!!!

可能閒日兼且入夜時份，買的人不多...我也只是看看而已!!因為很多食品款式外邊也有，也更經濟!!

記得細時也有台灣百貨公司，雖然規模不大，但很多台灣貨，包括用品和食品，現時就沒有了!!!到現在大家都是比較多逛日式百貨，多買日式零食和用品等...至於較有地方特色的百貨公司，真是賣少見少~~~~

尋回睇電視的日子...

如果近排有留意開新聞，都知一間陪伴不少港人生活的電視台，宣佈業績不理想需要裁減員工的消息，其實TVB是一間很有本地代表性的電視台，到目前為止我認為佢最煇煌的時期該是七、八十年代，踏入九十年代因為互聯網的開始，以睇電視作娛樂的人就開始少了...世事不斷在變，每樣事物也會一樣，可能隔一段時間，就需要作些改變......

有人認為TVB有太多外判工作，正式員工(幕後)唔願做，乜都求外判完成，本身一份糧，外判又一份量，唔蝕就出奇喇!!!!不知這是否真正的原因!!

其實到現時TVB仍是香港的大電視台，做任何節目都要保持一貫大台作風，所以感覺上有點保守，可能給後生觀眾認為老土，最主線的劇集，拍來拍去都係類似題材，了無新意...不過近來有個節目名為「有理說得清」播出的說話都幾明目張膽，不會就住就住，有些內容唔似能在TVB播出街的...算是突出!!

而最近呢幾年什麼都政治化，幸好TVB都盡量做到政治中立，可能不想流失任何一方的觀眾...

若果講到森伯的睇電視日子，應該係小朋友年代，反而人大了，電視劇都冇追好耐了~~現在大多數都只在晚飯前後才看TVB節目，勉強都可以說是以電視汁撈飯...哈哈哈

稱呼...

其實一直以來，都好想問問大家，對一些中年或上了年紀的女士，你會怎樣稱呼她們呢??

在社會上，你去稱呼男士就相當簡單，一句先生就可以，不論多少年紀...相對女士就可能要考究一下，現在大家都醒目，不論個女士什麼年齡層都一律叫乜乜小姐，森諗：唔係呀!!!都幾廿歲仲已經結了婚都可以稱呼為小姐，若然正確而論，所稱的小姐是指未婚女士，都有一定年齡界定，若果是後生女生，當然會稱呼為小姐，但如果是中年女性，我會認為叫女士就最好，因為不會分她的年齡層!!而且聽起來也沒有太大問題...

而另一稱呼上，就有年齡層劃分，例如男性由細到大的稱呼就有：先是弟弟>跟住哥哥>阿生>阿叔>阿伯~~女性就有：先是妹妹>姐姐>阿姐>阿姨>阿婆~~

這些都是港式稱呼!!不知外國人有沒有那麼多年齡階段的稱呼!!

復常之路...

一晃眼已經幾年了，對於現時的復常情況，大家又點睇?!!口罩令就是防疫最後的一項措施，都由上星期開始取消了，可以講是大致上取消，很多地方都沒有限制戴了...有些人可能覺得鬆綁了，見到街上都多了人不戴口罩，相信會漸漸多起來。我都係視乎情況而定...

這幾年在疫情間，每日都要聽新聞，留意幾多人感染、早期還要所謂的在家工作、每日都要用視訊溝通...至於自己就耐唔耐睇下防疫用品夠唔夠，將近冇的話又要去補貨，大多數係口罩同搓手液，反而檢測包暫時都未買過...工作枱旁都有樽搓手液，可能成了習慣，若果臨時冇水洗手，都可以用佢頂住先，可能呢個以後都會繼續用!!

至於講到口罩，相信都有人囤積不少...自己都一定要預留一些，記得在疫情初期，所謂一罩難求的苦況，仍歷歷在目，因為唔知幾時再需要......目測街上不戴口罩的人群，感覺上男士女士都差不多，初時會認為男士居多，但仍有很多女士們會不戴...不過從此後，男士出門前都要刮淨鬍鬚(需要的話)，而據講女士都要化番粧，因為冇左塊遮醜布，原來個口罩都有另一功用...哈哈還有在疫情期間認識的人，一直都以口罩示人，如今終於現真身(樣)，俗語有話："醜婦終需見家翁"!!真的相當貼切~~~~XXXD

始終世事難料，突然要戴返都唔奇，現存的口罩每個都有獨立包裝，擺些防潮劑都可以擺得好好，話唔定趁低吸納再買多包~~~~

派糖糖...

新一份財政預算案上周已經出了，一般的普羅大眾最關心當然係，今份財政預算有冇得派糖糖!!!!真實的糖就話怕甜啫，但政府派來的"糖糖"就真係多多無拘~~~~哈哈

儘管財務預算都有很大的赤字，但今次依然派發消費券，初時以為社會已經踏入復常之路，都冇期望再派消費券，但點知今都仍然有得派，可能豬肉在前，有些人認為少了一截，又有些人認為派現金好過...這些人真是貪得無厭，總之在出現財政赤字的情況下都仲派錢，已經好好好!!!!初時消費券的原意是要大家去支持本地商戶去渡過難關，如果畀現金又係袋落自己袋唔會郁......

其實今篇除了講消費券之外，最主要講預算案裡面仲包括一個名為「開心香港」的活動，睇報導就講到有好多節目，真真正正形容為目不暇給...例如有：美食市集、維港海陸嘉年華、愉快遊樂...(可能係早前話送機票的活動)、仲有咩文青創作(呢個應該唔係好啱又魯粗，又老餅的森伯參予，哈哈)...至於仲有咩其他活動，可以Click大張圖睇睇!!

總之一句講晒，都期待!!!!