自我檢測 + 連花清瘟...

唔知大家在過去的周末有冇響應一下政府的呼籲，一連三日做這個快速檢測，其實做這個新冠檢測之前都有做過，應該是正宗的核酸檢測，至於快速的自我檢測就未試過，可能有些人因為工作需要，每日都要check住，但在我的情況又不適用...既然政府都呼籲各市民要做，都好應該配合一下...

測試都厚驚驚，因為患了都未必有病徵，檢測包內說明話要等15分鐘，結果不到半分鐘就有結果...好在三日都係一條線...

防疫物資包內，除了口罩同檢測劑之外，仲有中成藥，呢隻中成藥本身都諗住買，但都知道政府會派所以就慳番，據中醫講呢隻成藥是有事才可食，它不是有病醫病，無病強身那種藥...所以冇事就唔可以食，現在都係用作看門口，我比較信中藥成份，所以萬一有事都會拿來吃!!中藥成本低，又少些副作用，其實好應該推介...

芝味醬……

唔知大家多唔多買抹醬，其實抹醬係籠統的講法，例如果醬，花生醬都係抹醬，多數用來搽麵包，我通常早餐才用！我試過親自做椰醬，係好好食架！

不過今趟想講呢隻芝味醬，顧名思義主要材料係芝士，唔屬甜醬類，如果講到健康標準，呢隻醬算邪惡，我睇份報告講，芝士類中最健康係茅屋芝士，我都有食過，較淡較稀，而呢隻忌廉芝士高卡指數都三甲之列……不過我唔會塗抹太多，少少地冇所謂，但發現到呢種醬唔襟擺，打開了封口要快快食，因為之前那盒擺約兩三個星期，發晒綠色毛毛，唔食得……所以今次都醒目番次，買後就快點食免得發霉！

芝士味重，反而食唔到忌廉味，它最好係唔甜，亦都冇一般芝士咁鹹……👍

買支"槍"...

呢個時候講買槍，都特別敏感...話說頭來，現在每個人都入定些防疫用品，我最主要買口罩為主，因為逢外出口罩都要打孖上，以及買些保健沖劑，假若有什麼不適，都可以有些沖劑飲飲，遲下都可以介紹下!!

記得好耐之前家中都有支電子探熱針，是耳探形式，用了不久就壞了，都已經好多年前，之後又好似沒有需要用到，相隔至今疫情關係都好應該有支探溫槍，本身都有用過呢種探溫槍，操作亦唔難，現在的人講衛生，一般都會用非接觸性的，而且用法超簡單，嘟一嘟就量到體溫!!

呢個時勢有什麼頭暈身熱都可能要睇睇有冇發燒，正常體溫應該係36.8度~~因為check體溫係檢測的第一步，咁我又唔清楚中了新冠是否一定會發燒?!!

自助售賣機……

其實對香港人來講，要買東西都十分方便，落一落街什麼都買得到，所以售賣機呢行生意都未必做得長久！相對有些外國地方，售賣機好多，亦都好旺，即時諗起日本，當地售賣機咩都有得賣，好似罐頭熱湯都有……

家附近的商場本來都有幾部售賣機，賣的係一些普通罐裝飲品，貴不特止，而且再上一層已經係超市，要買都上超市買啦，結果做唔耐就消失了！

疫情關係，都見到很多口罩售賣機，很多地方都見過，當中包括醫院同商場…

這是某個大型商場的口罩售賣機，裡面有多款口罩！但冇細看它有什麼分別，只知係個韓國品牌……不過買的人不多！！

薯薯地……

早排大家都好怕屋企冇食物，冇物資，一見到有什麼食得既都三七廿一搶購一空，不過及後有車運來食物，才沒有之前緊張，不過市面上的東西仍貴了很多，尤其防疫用品！早前想買支普通的火酒，但都已經缺貨……

至於儲糧方面，暫時仍沒有困難，所以買的可以少量，綜觀眾多蔬菜中，南瓜，萫薯幾好，只要買多少少，都有排食，對森伯來講，蕃薯一日四餐都可以填肚！早餐就來個蕃薯五穀粥，午晚的正餐都可食蕃薯飯，當然有其他配料，至於有需要下晝tea一tea，都可以食個烚蕃薯，既簡單又方便！

而呢種橙色蕃薯十分甜，不過熱食相當好，紫蕃薯就有益，除了含花菁素之外仲話有抗性澱粉，相對都不太甜，至於森伯最喜歡係雞蛋黃色蕃薯，尤其是口感粉粉地那種，超好味！！

據經驗得出，蕃薯都幾耐放，只要保存得當，都可以擺一段長時間，而且又係粗糧，用來儲糧都幾好！！

私院……

本身有歧見已經唔啱，而對患病的人有歧見更加唔應該，自新冠疫情爆發以來，見到公家醫院竟然把眾多病人放到急症室門外，任由他們吹風受寒簡直匪夷所思……

公院是這樣，而私院更加令人火爆，身為一間醫院竟然都唔願接收新冠病人，乜醫院不是救急扶危咩?!!仲可以揀病人?!若果不是早前有國內官員嚴厲出聲，私院都唔會立即轉口風，私院除了有象徵式的租地價之外，仲有很多營運優待……理應都要盡下社會責任，但都未有為到嚴峻的疫情伸出大大的援手，自私自利!!有些私院更加有宗教背景，宗教主張弘揚大愛，好憐憫，更加話施比受更有福，最弊家下連施都唔願施!!!

記得疫情的初期(兩年幾前)班醫護唔想照顧新冠病人，他們說上班就等如叫他們送死，又請假又刻意曠工，你話這些仲有冇職業道德及責任?!!反觀國內的醫護大家都志願照顧當時武漢的新冠病人，仲記得車廠都變成口罩廠，這才叫上下一心，眾志成城同疫情打場硬仗，但香港的現況就令人髮指!相信都有職德的醫護，不過為數就少!!

事情的發生，就仿似一面照妖鏡，係正係邪一睇便知道，亦可睇到問題出在那裡，是關有因才有果!!!

港式餐廳-------大乜樂

在疫情之下，很多人都要留守家中，自然很多外出活動都要暫停，當中包括外食，不要說現在的嚴峻地步，其實之前食肆的生意都係好一般...

有報導話陪伴港人多年的大乜樂都要暫停營業，好似話暫時仍可做外賣~~但始終很多食肆都好難繼續挨，因為疫情唔知要搞幾耐...

我時時都會將大乜樂，同大乜活撈亂，但聽好多人講大乜樂的食物較好味，於是才去試試!!

記得對上幫襯它的時候，仲係清零時候，可以自由出入店員都冇理會，安心出行都可以慳番，不過呢種光景不知幾時再出現?!!