唔知大家多唔多買抹醬，其實抹醬係籠統的講法，例如果醬，花生醬都係抹醬，多數用來搽麵包，我通常早餐才用！我試過親自做椰醬，係好好食架！
不過今趟想講呢隻芝味醬，顧名思義主要材料係芝士，唔屬甜醬類，如果講到健康標準，呢隻醬算邪惡，我睇份報告講，芝士類中最健康係茅屋芝士，我都有食過，較淡較稀，而呢隻忌廉芝士高卡指數都三甲之列……不過我唔會塗抹太多，少少地冇所謂，但發現到呢種醬唔襟擺，打開了封口要快快食，因為之前那盒擺約兩三個星期，發晒綠色毛毛，唔食得……所以今次都醒目番次，買後就快點食免得發霉！
芝士味重，反而食唔到忌廉味，它最好係唔甜，亦都冇一般芝士咁鹹……👍
我細個時候常用甜奶、果醬或花生醬塗在方包上，大個之後就好懶塗醬，芝士也比較少食，比較多食現成有料的包，例如波菠蘿包，忌簾包之類。
回覆刪除細時真係好多人都會用甜奶（煉奶）搽方包，現在怕太甜都甚少了，我反而現在少吃有餡料的包，食淨包多……所以都間中買些不同的抹醬來吃！
刪除呢個cream cheese 唔係只用黎整cake咩？我未試過搽包食。
回覆刪除細過時有段時間屋企買開卡X芝士醬，不過，我比較少食芝士，比較多都係食片裝芝士。
老咗早餐由食麵包轉到更有益嘅 museli 然後係現在嘅 燕麥片。
新思維：高糖(高昇糖)食物才 召喚 胰島素，將糖分轉化成身體脂肪儲量，反而食高熱量嘅脂肪唔會激發胰島素，唔會致肥。係多食麵包才致肥，有人會食西芹搽厚厚芝士，用蔬菜代替碳水化合物。
呢盒cream cheese好細盒，點整蛋糕，除非cup cake，佢最主要用作整三文治……
刪除片裝芝士，用來夾包食，佢呢隻醬易搽幾好味，方便唔錯！！
我整的早餐好多元化，好少太侷限，你講的museli未試過，呢種東西裡有麥片嗎？有的就唔會揀來食！我早餐多數有麵包同水果是基本食物，其他就隨意！
碳水化合物唔可以缺少，除了可飽肚之外，仲可以增加肌肉的力量，可以少揀精製澱粉類，食粗糧的碳水，如：蕃薯，全麥包等等，仲有很多選擇！
木斯里係百年前瑞士醫生專為療養中病人設計嘅健康餐單，強身健體、減肥排毒。一般½kg賣$100，食得佢都好有皇室貴氣。點知畀我喺價X棧碰到佢被貶為庶民嘅落難兄弟，做個健康上等人咪買包黎試食，真係符合唔係好味道嘅通常都係健康食品嘅真理。佢材料包羅萬有，營養均衡，其中包含部份燕麥。
刪除後生時我好似森哥咁要天天新款，老咗就來來去去都係嗰幾款，過簡約生活。
係架！美國倡導食物金字塔底層係食大量穀麥嘅碳水化合物(正確？)。佢都推翻咗食雞蛋導致高膽固醇係錯啦！批准基因改造食， 獨霸世界第一肥國，我哋仲要跟佢？ 自從知道佢盡用卑賤手段壓制老二發展，只敢出兵攻打穩勝弱國……，我開始覺得早期研究健康飲食結論好粗疏，唔好全信，低碳更合人，好多人透過一份醣飲食法鏟去肥肉回復健康體態。
自己食嘅餐單唔需要瑞士的醫生安排，自己餐單由自己設計……有人話過揀食物，最好是原食物，即是不要加太多工序的食物，最好就係食不需要有營養標籤的食物，現在森伯都係想買多些原食物做食材……生果，根莖類，五穀類等，要揀都有很多選擇！
刪除其實森伯指的所謂天天新款，都不外乎健康配搭，你估係今日早餐鋸完扒，明日早餐又魚翅朗口！……唔係果糊就係薯粉，普通老伯姓都未必like的早餐！
碳水化合物對人體都重要，放在食物金字塔都不是不對，碳水化合物可以令人有飽肚感，而且以前的人從事體力勞動，食碳水化合物才有氣力幹活，如農夫或體力勞動人士，你估個個好似一爺兄食飽飯就攤在梳化煲劇咁安舒！！無論食碳水化合物或澱粉質都係畀些能量肌肉，畀你多運動……
錯在放最大份額喺底層，每日份額應該由60%縮減至15~20%才啱！金字塔唔可以用，要改圓碟型畫分不同區域。
刪除聰明森哥咪帶出重點，現代人生活模式改變，唔再好似舊日農夫體力支出咁大，森哥手上已經唔揸泥鏟揾食，度身打造，人人不同。森哥話齋我呢條大懶蟲更要滅絕絲碳，零碳生活。
15-20％澱粉可能少了，我認為50％差唔多，要平衡應付一日的熱量所需，可以吸收良好澱粉質……
刪除多謝你讚老人家聰明，我全靠想像一爺兄平時的養尊處優式生活，睇到時下的人真係要多多郁動，做吓運動！！
人要破舊立新，雞蛋才得以脫罪。假若，有朝一日大肚森就要減低澱粉比例、試行生酮飲食，不過，醒目森哥自有招數，一路反對我就啱喇！
刪除餐後都立刻清理枱面，去厨房洗碗，再隔一陣間去擦牙，畀森哥描述到我喺度渾渾噩噩混日子。我日日餐前運動，全日總共廿五分鐘，比森哥更勤力，知你冇定期運動習慣啦！
有時所謂的專家的說話都係一時一樣，所以我講就返自己的餐單最好……未大肚腩前都已經減少精製澱粉，漸漸老都要注重身體，邊似一爺啲後生隨時大肚都得，斷食幾日又fit到漏😁
刪除又畀一爺睇穿冇定期運動，森伯老人家每日都有做十令分鐘，雖然沒你運動時間咁長，但都有規律！！
擺得耐表示防腐劑多，我接受不到芝士味道，但家人接受到。
回覆刪除都有可能襟擺的包裝食物，都加唔少添加物……
刪除食開芝士的都應該會喜歡呢種醬！
好吃的東西通常都很邪惡。
回覆刪除哈哈，咁又係！有益食物通常都淡口味！
刪除我好鍾意食忌廉芝士
回覆刪除咁你應該喜歡食芝士蛋糕！！
刪除我都有買片裝芝士，可是不能天天芝士夾方包，要轉口味吃其他的食物。
回覆刪除係呀，我也是買片裝芝士多，但亦不會天天食，會轉換食吓其他抹料醬，我早餐都很多變化，有時食一兩塊餅乾也可！
刪除