上篇都有提到中醫藥，當然無論幾有口碑都好，藥物都會有宜忌，始終要因個人的體質和患病的表徵才能決定食什麼藥，但平時用來保健，或食療的中草藥，一般都好平和，大多數都適合大眾喝……
就好似呢味茶，近排都算係抗疫茶的大熱之作，而這個材料做法都好簡單，合晒這個時勢保健，甚至有人患新冠時都可以飲，而事實上材料都不陌生，有：金銀花，菊花，甘草，就係呢幾種，煲也不需太多時間，30-40分鐘，嫌淡可以加蜂蜜，森伯唔需要加糖齋飲都OK，比一般的菊花茶較濃，味道甘甘地，呢個時候好適合！
所以唔好話森伯得個講字，間中都會飲下涼茶……
甘草乾果同菊花茶都食好多，不過，無原因近年係冇乜點食。
回覆刪除咁樣一齊又未諗過喎!你識得咁食真叻。飲咗唔大隻森哥抵抗力都勁過大隻佬。
就算無疫情嘅時候大家都要有強勁抵抗力。
其實很多中草藥，最好係煲一煲先飲，可能覺得麻煩，所以近年來都少飲，咁啱家陣疫情期間，就恆常煲來飲飲，飲一兩次冇咩特效，多飲才見功效！
刪除係呀，增強抵抗力都要配合很多，多休息，仲要多運動……
睇日本健康節目，會邀請大學教授專門研究該種食材都有十幾廿年經驗上節目，教人該種食物有咩對人有益嘅營養素，同點食至吸收得最好。飯前飯後、同咩其它食材一齊配搭食，煮食方法、每日食幾多…………日本人對每樣事物都鑽研得好深入，做事超認真又仔細。
刪除甘草好有益可抗癌，我食甘草檸檬係將甘草粉末吞埋落肚。假如抗癌營養唔係水溶性，煲水唔食渣咪會蝕囉！如果好似茄紅素係脂溶性嘅就要加油煮方能吸收。可惜以前中醫冇系統地深入研究，唔係傳畀自己後代會留一手，冇公開研究成果益大衆。好似華佗神醫嘅醫書被獄卒妻子燒剩幾頁，中國民族一大損失。
日本拍呢類健康節目唔錯，觀眾最緊要收看之餘仲學到野，有機會睇到我都會睇下！中醫學又有另一套理論，看似複雜其實分人的體質和藥性來治病，以前的人不用做太多研究，臨床應用最重要，現在很多食物也有研究，但適合阿A又未必適合阿B……適合一爺果類後生仔，又未必適合森伯果類老人家😅，不過他們的節目推介的食材，有些真係work，都幾實用！
刪除華陀太太在獄中燒醫書，係真？！獄中有火又有醫書？！不過講到中草藥有名的書有黃帝內經，仲有李時珍的本草綱目……普通人睇睇作個參考都唔錯，有個了解！
你講起甘草檸檬，是小食那種嗎？記得裕華國貨有很多呢類含有藥效的小食，咩川貝檸檬，咩九製陳皮之類！用作化痰止咳……
我話『獄卒妻子』，唔聽書，罰你夏天兩日唔畀冲凉。因華陀大口氣話要切開劉備個頭壳治理頭痛，中國古代都識做手術啦！好超前，可惜失傳咗！講錯嘢要殺頭，誅九族啦！想留傳醫術下去必要畀陌生人，獄卒老婆怕受牽連。
刪除聰明又勤力嘅中國人一直領超前世界，依家又要回到呢個位置上，攔路虎出招都徒勞無功，仲反傷了自己。
係好食零食呀！自從豆豆糖水落果皮後，我食完嘅柑、橙、西柚都冇扔，柑皮曬光做果皮放入糖水度，而橙皮同西柚皮就用白醋醃制，醋橙皮做飯前開胃菜。
咁戲劇...丈夫係大夫，妻子是獄卒?!!........唔畀沖涼兩日都唔算什麼喎!!!這些古代名人都應該留有很多著作，但隨著時日的過去，很多都失竊了...說話要公道，中醫西醫都各有優處，西醫在手術消毒上的技術不容置疑(唔知有冇錯字...)仲有檢驗化驗，否則都不明白真正原因~~
刪除中國係四大文明古國，係最早期有文化文明的國度，有時都好可惜，點解文明古國不能延續下去呢?!到最近多年中國不斷進步直逼世界大國，才不愧古代文明古國其中之一...
好野喎，自己識得醃柑皮，橙皮，仲有西柚皮，我唔識，有時間過兩招畀森伯學下野!!!!做下開胃菜~~~
森哥硬要亂調角色。有個出名靚女明星3毫子小姐叫森森，唔通森哥係任劍揮女扮男裝！有不可告人嘅秘密要隱藏身世。
刪除西醫系統同理論好好。
第一步已經跨唔過，豈敢叫森哥『收皮』呢！😜 喺森哥面前班門弄斧，見笑喇！再講啦！ 我怕身子矜貴嘅粗人森哥唔受得，萬一出事我咪係八古罪人，拎出滿森十大酷刑報仇，我知驚架！😱
點亂調角色??!你又用外星話講野，唔多明你講乜~~~你真係夠鐘食藥......
刪除西醫的醫治用藥基本上都較統一個方向，睇A西醫畀過咩藥，去見B西醫都可能同一樣藥!!!而中醫每個畀的藥都唔會完全相同...所以質素較參差!!!
食下柑皮，橙皮，碌柚皮...應該食唔壞，仲講到萬一出事......有冇咁誇!!!!
華陀：醫生/ 坐牢
刪除華陀太太： 家庭主婦/
獄卒：收到華佗醫書放喺屋企
獄卒太太：家庭主婦 燒華陀醫書
係4個不同嘅人。
森哥有好多嘢唔食得，唔敢。我係早兩個星期前喺 網上學嘅新手。人哋有照片影片講解更清楚，一定畀我只用文字(抄)寫好好多。
簡直係劇集，通常啲劇慳"筆直"就四位演員演晒...哈哈
刪除相信獄卒太太的戲份最多......
咩話，學左兩個星期就可以扮專家?!!唔怪得好多教人煮餸啲嘉賓話，呢個餸第一次在節目煮架!!!
我話唔班門弄斧即係冇扮專家啦！森哥中文水平唔低理解到，係感染咗美國抹黑病毒，我畀霸主森哥欺壓好慘呀！
刪除所羅門羣島因為同中國簽安保合約，澳狗才變臉好客氣畀著數去拉攏。唔係一國獨霸天下，有競爭才好。
阿蘇煮嘢係唔叻，學咗即拍片教人。GiGi、肥媽煮畀屋企人食，有幾拾年經驗累積才有真材實料。
有句說話講，識少少扮代表……証明好多人都未必有十足料就吹噓自己識，當然一爺未必啦!!!!!!!!!!似係你染左抹黑病，森伯為人隨和，夾硬抹黑老人家係蝦蝦霸霸~~~~
刪除當老大的心態是會明白的，試諗當一人是家中的老大，有咩事都要經過佢同意，買什麼都要佢畀實質意見，若果突然跟另外一位家庭成員講，都會不是味兒啦!!!!!
我認為上到烹飪節目教人煮野，點都要煮過幾次，親朋好友都讚過，才去做示範教人，否則完全過唔到自己……
中草藥是天然食物，不容易造成身體傷害，平時按需要多飲，從根本增強抵抗力。
回覆刪除無論藥物或食物都係來自天然較好，對身體沒有造成太大的負擔……
刪除對呀，中醫主要治好根本，減低復發！！
多謝分享！我以前怕苦很抗拒吃中藥，經過新冠一疫我開始接受中藥，而且中藥發展到迷你小顆粒更容易服用！
回覆刪除不用客氣，這方家陣很流行，而且飲過都唔係苦茶，有很濃的菊花茶味，味道也不錯！
刪除可能疫情過後，會有更多人對中醫藥有更大的了解，現在中藥有多種製法，顆粒沖劑或藥丸形都有！
屋企有時都會煲呢D涼茶架，清熱解毒好好飲。
回覆刪除對呀，有時煲吓涼茶飲，可以保健，真正幫到身體，而且味道唔難飲！
刪除金銀花，菊花，甘草，
回覆刪除煲30-40分鐘，
可加蜂蜜，
甘甘地，
呢個時候好適合！
大夫你好，好…好…好耐冇見，有時間就多來訪……
刪除呢個時候都會間中飲吓！！