早排大家都好怕屋企冇食物，冇物資，一見到有什麼食得既都三七廿一搶購一空，不過及後有車運來食物，才沒有之前緊張，不過市面上的東西仍貴了很多，尤其防疫用品！早前想買支普通的火酒，但都已經缺貨……
至於儲糧方面，暫時仍沒有困難，所以買的可以少量，綜觀眾多蔬菜中，南瓜，萫薯幾好，只要買多少少，都有排食，對森伯來講，蕃薯一日四餐都可以填肚！早餐就來個蕃薯五穀粥，午晚的正餐都可食蕃薯飯，當然有其他配料，至於有需要下晝tea一tea，都可以食個烚蕃薯，既簡單又方便！
而呢種橙色蕃薯十分甜，不過熱食相當好，紫蕃薯就有益，除了含花菁素之外仲話有抗性澱粉，相對都不太甜，至於森伯最喜歡係雞蛋黃色蕃薯，尤其是口感粉粉地那種，超好味！！
據經驗得出，蕃薯都幾耐放，只要保存得當，都可以擺一段長時間，而且又係粗糧，用來儲糧都幾好！！
粗糧原來是價廉物美，但現在甚麼都有價了！
回覆刪除價廉物美都係其次，最主要係能夠飽肚，而且蕃薯又襟擺！
刪除薯仔類我都麻麻哋。
回覆刪除根莖類係原食物，好的澱粉質嚟架…
刪除一個四餐…諗吓…森哥喉管閉塞……要纖維疏通吓！祝一路順風
回覆刪除食太多會好『好氣』喎！喺莊重場合大爆發好失禮。
兒時街頭美食，碳火燴番薯 同 炸蕃薯 都好味。
近年西方流行漢堡包餐換上佢做炸薯條，話健康啲，不過，高温油炸係令健康食物變成唔健康，唔好騙人。咁我又未食過喎！
喺雜豆糖水前我成日食自制蕃薯糖水。話食糖冇益我唔聽，冇味道就食唔落哋！有益都冇用。
抗性澱粉又畀人吹到好大，文章冇寫到得好少百份比轉到，份量少到起唔到作用。 嘥鬼氣
政府又話恢復9成供應，但個價錢依然高企，民不聊生。
我仲以為你話腦管閉塞，唔駛一日四餐都食佢，只係早午晚餐都啱食啫！！
回覆刪除森伯老人家冇咁多風放出來，唔似一爺兄keep得啲腸胃好似BB仔，個肚仔咁多風，食完飯後仲要搵個人幫你掃吓個背脊仔！😁
燴蕃薯好少買來吃，家中附近有檔燴蕃薯，炒栗子，兩者我會揀炒栗子！！
近來好多人話西方傳媒都幾多fake news，用自己眼睛來判斷，遲吓食快餐都可以當補品！
糖我戒得就戒，吸收太多糖份會加速衰老，誘發炎症，蕃薯本身都甜，加其他穀類一同吃，落少許糖我都OK！
據講將麵包，蕃薯，薯仔呢類食物放落雪櫃一晚，第二朝攞出來食，就係所謂的抗性澱粉！
講到民不聊生，莫非你又想出嚟搞抗爭！😆
清血管超複雜，單呢一樣完全唔掂，食好油、水溶性纖維、抗氧化物、索氣運動、硒、拉筋、維他命 P、C、K、鈣、鎂、鉀……
刪除BB仔做得嘅未必啱成年人架，掃掃吓就會上下其手，飽暖思人肉。攬攬鍚鍚一樣有年齡界限，森哥唔可手多多亂黎。
最近我見人哋整甜美蛋糕都要落鹽咁鬼怪異，啟發我煮糖水落少許鹽帶出甜味，我真係用少啲糖都夠味，係我獨創。呢個故事教訓我要博學，仲要腦筋急轉彎，舉一反森，大膽創新。
我已經唔崇洋啦！唔理東西，現代傳媒都唔客觀公正。由其是西方傳媒報導佢哋假想敵： 中國、俄國、 穆斯林……
森哥呀！按你咁做，唔會全部轉晒抗性澱粉，諗吓只得0.001%轉咗呢？少到冇用呢！ 報導偏頗唔全面，好似男人咁有誇大某方面之嫌。
南瓜$32/個，正常$8/個，椰菜$20/個，正常$6/個，唐生菜$20/斤，正常$5/斤，我係唔夠錢買少咗菜食，唔夠健康。唔係含糊抽象主觀文字，有確實數字支持，仲有失業率上升。森哥代表咩團體架？想滅聲？我理直氣壯、大大聲講民不聊生。
其實要清血管，真係大把食材可以幫你，只要唔係太肥胖，都唔需要太過清血管……
刪除森伯就缺乏維他命M，所以唯有慳得一毫得一毫！
你諗多咗，又上下其手，又飽暖思人肉，長輩認為幫BB仔掃風好重要，要嘔番啖氣出來才好，相等如成年人食飽左會嗝啖氣出來一樣，不過BB仔要人幫……
總之人大了，減糖飲食我冇問題，唔需要好似你要搞咁多，你可以買些天然提煉的增甜劑來食！！
以前真係會相信西方大媒體，不過經歷過一些社會事件之後，完全發覺佢講的報道同我親眼睇嘅實情唔同，真的明白什麼是晃然大悟！！
其實什麼澱粉類的食物，當你熱食血糖會快上升，但冷涼後再食，血糖升幅較慢……
通漲上升，是世界人們都要面對的生活問題，買些耐放的蔬菜，減少份量，可以食好幾餐！！
刪除唔使盲估估！量血壓就知血管好與壞，瘦人都會中風。
係洗腳唔抹腳嘅二世祖，擔心冇錢好自然。
我唔相信呢啲加工商品係健康冇害。斷食令我唔怕食呢啲有益甜品。
100g薯仔有17g澱粉質和0.59g抗性澱粉，放雪櫃後會提升到0.63g。有咁多抗性澱粉真係會減到肥，森哥食多啲啦！
慢咗幾多？熱嘅100，凍嘅97，係慢咗，不過，都一樣係高升糖指數食物，陷阱呀！要用量化方式去分辨虛假，形容詞太抽象。
同樣係物價高升，呢個唔係通漲問題，係運輸問題 同奸商問題，解決方法都唔同，唔好混淆視聽。
家中有血壓計，隨時check check……不過都好耐冇量過！
刪除洗腳唔抹腳……？！你話你自己？！森伯慳得就慳呀！
這些所謂健康食品，係畀又想食甜又怕血糖升高人士，但一啲都唔經濟！！
抗性澱粉最主要係畀離不開吃澱粉質，又需要飽肚，是有些方法吸收好澱粉的做法！不需要樣樣量化，隨心食就最好……
呢個時候都冇人理會乜原因，有嘢食買都會入定多點貨！！
森哥同我一樣好fit，唔使度啦！恆常捐血者嘅我一年量4次。
刪除咁森哥係慳家？孤寒？我偏向孤寒[迎合森哥去醜化自己]。
正流行嘅健康素肉，仲貴過真肉，但成份表有超多不知明(有害？)添加劑，唔係貴嘢就好。超貴(健康?)代糖都要睇我荷包食飯，唔信奸商話健康，只要我腰圍冇越紅線，大衆價砂糖都可接受，唔使精神緊張處處提防。一般小市民冇得測試，所以，認同醫生建議多選擇原形、少加工食物呢個原則。
見數字屋有相宜糙米就買黎試吓，年尾才開始食半糙米飯，有心唔怕遲，初初唔識仲煮咗生米，不時變吓，愈食愈健康。
疫情同局勢變化急快，係要買定多啲。不過，咁多人中招產生群眾免疫力，退潮中，我估年底開放都得。
血壓時時變，冷熱環境有改變，運動前後都有改變……
刪除咁我都要醜化自己，我唔係孤寒，係度縮！
新一代的植物肉未買過，至於平時食開的素雞素鴨就成日食，我諗呢類素肉都係畀素食者多個選擇，齌得來又有些少新口味，亦可以畀新加入食素行列的朋友仔適應食素的口味……好似常講的甜菊糖，羅漢果糖，木醣醇都係從天然植物提取的甜味，落少量就可滿足好甜者的味蕾，但不會影響血糖，正所謂人一世物一世都可以試下，在這個時代，好多食物都加工，若然原食物都有可能是有基因改造，有時都未必百份百原食物……
咁森伯食糙米都好多年前了，你最近先食，慢慢食慣了後，唔加都唔得！
最驚到時又有新變種病毒……
陪2老去覆診，醫療人員會叫你先坐低靜止10~15分鐘平伏後才量血壓，森哥唔信我講上網搜尋正確方法。食嘢後、發火中、運動後 度都唔算數。
刪除基因改造係美國發明，世上冇一個國家批准基因改造食物，係要 譴責 自私美國人要毒害全球人類。
同枱食飯，當然後生遷就老人食軟飯啦！咁都要等2老走後才可做回自己。健康飲食係有心唔怕遲。
我冇用電飯煲架，係我犯下彌天大錯，包括落少水，煲時間過短，煲嘅火力唔夠猛，同冇預先浸水，經調整後冇生米囉！我對味道要求低，食得慣。
窮人食賤價米，都係舊年才食大昌五豐行白米$38/5kg，數字屋糙米$21/2kg，應該係你嘅半價。食物嘅，我係無毒第一，價錢第二，健康第三，味道第四。
時常要量血壓的人才知道怎樣才是量血壓的正確時候……仲有通常在診所或醫院時量的血壓會偏高，可能是緊張所導致！
刪除都要講句公道說話，基因改造食物有時是應對食物危機，怕人多唔夠食，所以改變食物的原有基因，可以使產量多了，快速生長，其實基因食物都已有一段長時間，但有冇害處仍沒有太多資料……
就老人家食軟飯都冇咩所謂，大家一同用餐，互相遷就！
森伯仲用電飯煲煮飯，好快有得食，唔似一爺兄用些高科技的煮食工具煮餐飯！
糙米每次落約一半，不會全糙米，所以一包都有排吔！！
講到物價就嬲，好多嘢之前話缺貨就加價一倍，而家話供應量回復九成就平番一成，即係仍然好貴囉！
回覆刪除而家都好少公道商家，呢個時候唔賺幾時賺呢？發覺有很多東西起碼加了10-20%，都冇辦法，生活所需！
刪除喜歡橙色的蕃薯🍠
回覆刪除係呀，橙肉蕃薯特別甜，熱的更好味！
刪除