每逢天冷期間，總是很多節日，剛剛過了聖誕節及新曆年，很快又到農曆年，其實無論什麼節慶最有氣氛，最高興都莫過於在節日的前夕，因為人總會有期待，正如歌詞都有唱，越是期待...越是美麗...
以森伯老人家來講，都沒有什麼年貨需要辦，早幾日才去買些東西，其實對一般人而言，新年前夕花費最多應該是與食有關，至於節日的家居佈置花費相對較少...今年都見有些賀年飾品，很多都跟龍年有關，因為本身都有些舊的掛飾，所以環保一些吧，沒有買新的，雖然見到有些舞獅圖案也不錯，不過既然有就省回!!!外邊的市道比起往年較為淡些少，附近的佈置也不太多...
相信只是地區，或者有些區也十分旺場...自疫情以來，市道也是麻麻地，以為防疫措施取消後，生意能回復以往的好...可惜有很多因素都不能預計，一般港人大都勒住荷包，慳得就慳，又加上有些人北上消費，股票市場又...真的沒有消費的動力~~~~
農曆年將至，希望百業都興旺，有日經過一間眼鏡舖，都貼上最重要的新年祈願...就是"生意興隆"，對於零售生意來講，這對聯都好重要，唔止一張，要打孖上!!!!
一年最開心嘅節日就係農曆新年，到依家我都覺得係架！我會破禁買零食慶祝和獎勵，實現我嘅日『過肥年』願望。我係咪一個好傳統嘅中國人呢！因為，身體係流住中國血嘛！
回覆刪除過年真係好多嘢買，由其是舊時代。唔買唔知初一果盤齋原來有十九幾樣野，每樣執少少，煮完就好大盤喇！森哥初一係咪跟傳統全日食齋？我舊陣時拜祖先要豬脷和豬手，取其意頭：大吉大利、橫財就手。
大陸食嘢係平過香港，北上消費咁抵玩自然不可抗拒啦！香港四月會管制外賣飯盒走塑，個盒成本貴三倍，仲有餐具呢！呢筆帳將轉嫁畀小市民，慘情呀！百上加斤添，咁愈黎愈多人帶飯。北上配眼鏡都有片介紹，佢講十次生意興隆都無用。
我一向對節日麻麻地，人大了反而喜歡節日氣氛，尤其農曆年，因為多野食，雖然人老了，如果仍可以逗利是的話，都唔介意逗到九十九……👍當然要埋一爺封大利是喇！！
刪除咁你今年有冇咩要買？有時趁過年貨品較平速銷，都有機會執到平價野！冇話初一定要食齋，有齋食都會食，清一清腸胃……
走塑一向都有做緊，出街吃飯，自備私家餐具，自新冠後，發覺自己做法係對的！
通常啲人都叫利是仔，大利是…除非，你做大粒墨媒人婆啦！或者，貪汙，兩樣都無可能，睇怕森哥要失望喇！勸句：唔係你財唔入你袋。其實，森哥當我係要好熟落網友才問我攞利是逗我玩，平日都好cool，將同事贈予小食放入櫃桶底咁輕視，應該有尊嚴愛自食其力，唔會主動去問人攞利是嘅，反而正人君子想避開。
刪除無咩要買喎！仲趁垃圾税生效前斷舍離，政策不鼓吹消費、浪費。
諗深一層，斷食才係真正實現清腸胃，徹底清零，為人帶來健康生活模式。
唔買新佈置，咁年花呢？咩花？西蘭花、椰菜花、韭菜花、爆米花、桂花… 哈哈！厨師用食物擺盤、煮香、可口令事情更美妙。
都係想新年快樂啫！我不拘泥形式已達至快樂，何須多此一舉？能夠不花精神、金錢、時間堆砌出黎嘅快樂唔係更理想咩？另外，意頭我又唔信，抽獎嘅不勞而獲嘅幸運都冇我份，我只相信靠自己雙手努力、腳踏實地。
冇你諗到咁深奧，大利是都唔一定好豐厚，我以為一爺畀開的利是都係大利是，對森伯老人家而言，一舊水都已經係大利是！！
刪除過年買野過節都很有氣氛，雖然森伯都冇咩特別要過年買，食物佔大多數，紅底底都冇買……更何況森伯忌紅色！！食多些都冇緊要，一年一度就要食得盡興少少……
意頭不是你信定唔信，係新年的一種心願祝福，對正常人來講每個人都希望來年好，所以新年要特別好口，好的說話人人都愛聽，所以新年一爺把口要收斂吓！！✌️
既然森哥咁講究意頭，咁我封金幣朱古力利是，森哥用智慧實力掘到黃金，可抬頭傲氣大步走過這一生，仲好過金牛、紅衫魚利是多多多聲啦！而且朱古力代表 甜蜜愛情(包括朋友愛、父母親戚愛、同事…)，有愛就生活和諧，一封利是兩頭利，係人生勝利組。✌
刪除唔單祗買嘢，整個香港都爆滿過年氣氛，所以，我屋企係清淨地免啦！
已經唔再傳統新年買新衫著新衫， 誘惑價底底喺百貨公司平常特價時叫我郁手，一包6條雜色梗係會有紅色，唔係新年紅，美國超人就話底褲外翻啫，我藏入面唔太覺嘅。紅底戰衣咁有法力就好喇！
森哥話我口不澤言…我係爽直不拘小節、無機心、童年無忌啫！哈哈！搞笑，笑一餐、心理都可減壓健康，鬱住真係會搞出人命，唔好只關注身體健康，忽略心層次。
你封畀你的姪孫都係用朱古力金幣?!!我覺得利是唔係計較是多少，都係一個好的象徵意義，何況人越大對逗利是都不是太在意~~有時你對人怎樣，人家就會對你怎樣，相輔相成!!!
刪除過年有氣氛才像過年嘛!!!我覺得零售市場掌控過節氣氛...買多些與過年有關的東西，自自然然有氣氛~~~~
在淘X直情買條紅色孖煙囪簡單方便...不過森伯唔啱紅色野，家中都很少紅色東西，除了過年時就會出現紅色，記得整個衣櫃得件tee係棗紅色~~~
總之新年唔好畀森伯撞著你，費事你太"童言無忌"...新一年，希望有個新願景，都可能屬於在變化的一年，希望個人安然無恙...
做人要有規有矩，傳統未婚唔派利是架！
刪除一啲啲人啦！有種自私鬼只會佔你便宜，佢覺得自己好叻呃到你，你蠢到蝕底左都唔知，背後偷笑，或者覺得自己係上菜、人見人愛，你能畀優惠佢係你嘅光榮。呢啲人真係用完嘅一次性塑膠垃圾……即棄。要揀人黎蝕底，踏破灰色地帶，會有回報，共享開心時光。
『買多些與過年有關的東西，自自然然有氣氛』~今年森哥添置左咩賀年嘢？X罐曲奇送禮？
我著慣老土三角架。
紅色我後生時著左好女人，老左唔會，無顏色忌諱，乜色都得，鮮艷奪目令人覺得老人家有朝氣、好精神。
新正頭我會扮口乖，元宵節後打回原形。
雖然唔清楚係咩，祝森哥新一年能達成新願景，出入平安、身壯力健。
冇計啦...有咩所謂什麼規矩...都係朱古力金幣啫~~當請姪孫食糖糖!!!
刪除言下之意，一爺都曾經滄海遇人不淑...世界咁大，什麼人都有，咪當作人生的一個體驗，生活中都會遇到千奇百趣的人，總不會什麼人都係好人，亦不會什麼人都係衰人...
今年真係冇咩買太多東西過節，遲下過年期間可以在網誌講講~~，現在人人都怕三高問題，尤其是有些人怕血糖高，唔想食糖或甜食，所以唔敢買太多甜食送給人~~
買紅色孖煙囪咪唔似女人，之前都講過!!!新一年都打破買黑、白、灰的衣著，人老了要看起來醒神一點!!!
咁C啦，仲諗住等到元宵佳節上來吹下水，點知你又打回原形.........
我都祝你新年新景象，身體安康，當然最緊要係心想事成!!!!!
我都掛咗個新年佈置喺門口。
回覆刪除佈置唔駛多，掛一兩個裝飾下都夠！
刪除今時今日，農曆年我都冇乜特別的佈置或者食物，不過我就好期待同親戚朋友見面的歡樂時光。
回覆刪除其實香港地買野好方便，想食想用隨時都可以買，唔需要特別等過年……自疫情後，大家親朋戚友可聚聚，已經好難得，份外珍惜！
刪除以前過年我都會買些新年擺設 , 經過幾年疫情後覺得冇咗這些興趣了.
回覆刪除哈哈，係呀，自疫情後很多習俗都從簡了，以簡約方式過年便算！！
刪除我就過年如過日，會在家寫畫習字和煑得豐富少少的菜餚與家人分享。
回覆刪除有了簡便的科學毛筆後，我習字也多了，寫些揮春字貼起，也有滿足感……
刪除我都會掛少少揮春裝飾一下，有D過年氣氛咁喇。
回覆刪除我諗現在時下都好多人求其就算，屋企都唔會太多佈置裝飾，慳功夫！！
刪除經過數年來的黑暴和疫情事件，今天解除了口罩令，一般人若不是修心養性，就是坐不住的拼命往外跑。在我來說，本來就是懶洋洋的，可是遇著龍年，竟然心情特好，就隨意吧。希望過一個平平安安的春節大年就是了。
回覆刪除對呀，已經被環境限制了好幾年，都想周圍逛逛，買東西，吃東西...尤其是節日當前，放假心情更是一股動力!!!!
刪除又何解遇著龍年，秋葉的心情特別好呢?!!
今個過年，簡簡單單便好了，平平安安也是很多人新一年所祈求的願望!!!
其實自己也過過好幾個龍年啦，以前也沒有甚麼特別感覺。去年底還有些少情緒低落，也好快消失了，因為我不喜歡這種感覺。
刪除想不到後來會變得心情大好，也不知道為甚麼 ?
一個人的心情都有可能時上時落，如果不是身體上的問題，那就比較好解決，不過有些時候也講不出原因，總之今年的心情大好，已算是個好的開始……春節將到，處處一片慶祝氣氛，都可以令心情高興起來！
刪除