考慮...
呢幾日天氣都回凍，若然太凍兼且又潮濕(不時見微微雨...)，都會令人幾唔舒服...而平時老人家用開的暖風機，相隔半年沒用過，開著時竟聞到一陣"囉"味~~之後都唔敢長用，恐怕著火，最怕是睡著了而不知!!!不過部機之前都係神神地...
見最近凍了...不知應否置部新的?!!不過香港的天氣凍幾日，又暖返幾日，真係要認真考慮!!
年貨...
新曆年後，好快又到農曆年，時下港人辦年貨的熱點，係上深圳買東西，可謂風水輪流轉...都明白，雖然山長水遠要搭車過關，但勝在那邊選擇多，而且價錢唔貴，憑唔貴兩個字已經合晒很多港人的要求!!
森伯要辦的年貨不多，在附近超市都搞掂，雖然現在物價都上漲不少，但平價便會在無意中買多了無謂東西，尤其零食之類...反而買少少，淺嚐便算，因為農曆年真的會吃得太多!!!
細路...
而最近看到有關戲劇協會的報導，詳情就不說太多，相信很多人都看過此報導，呢單新聞令我想起一齣叫《十年...》的電影，當時電影的內容都受到很多人關注，而最令人感到費解的是，一部這樣的電影竟然可以獲到政府的資助...就等同今時今日劇協的情況差唔多，無論他們邀請的嘉賓，台上所講的台詞，明眼人都知他們想嘲諷些什麼...這樣有了前例，政府當然不能發予資助，也會估到他們又搬出"扼殺創作自由"套理論出來...想獲得更多人對政府的批評...
其實想要你所謂的創作自由，就何必要政府貼一分一毫呢?!!很小朋友!!!
用政府拳頭打番政府，佢超爽！一的都不似小朋友。
回覆刪除最弊居心用意都被人看穿，頂多玩一兩次就可以，長期咁玩，你當所有人傻?!!
刪除我想說劇協的人無知，但諗落又唔係，因為他們的安排都是早有預謀的，安排定的人，安排定的講稿，安排定的紅線，天衣無縫，盲了的人都明白他們想表達甚麼。但如果他們有這種勇氣去挑釁政府還想用政府的錢，那就真是無知。
回覆刪除其實在整台show，有一兩句揶揄一下都無可厚非，拿政府的一些事件來講笑，但整個show的主題變了"踩紅線"...
刪除在眾多人選之中又偏偏揀選些比較敏感的人物參予，即是承認佢哋有專業的代表來頒獎啦!!!無知!!!
當唔獲批金錢，又乘機開個記者招待會做場小龍鳳，想做大件事，而事實很多人都知他們把戲，坊間都冇乜迴響!!!!!
我都收埋兩部暖風機唔敢用。
回覆刪除如今竟公然與政府對抗，唔怪之得特首話香港前途隱伏著困難重重，不敢掉以輕心了。
用呢類電器真的要好小心，唔為意好易做成什麼電路問題而釀成火警，昨日就有單這樣的新聞...
刪除對呀~~這些就是特首常常講的軟對抗...你搞對抗唔緊要，也有你的自由，但用政府場地，又要貼錢，就休想了...
會視乎我體質而定，末來當我耄耈到自我發熱差，凍病左大件事，會從三個方面睇，平時會用貼身暖水袋，瞓覺前用暖水袋或電氈預熱被竇，瞓就拎開，冲涼會改抹身。就算全球氣候暖化，香港得幾日凍，老左就係老左，要買黎補身架！
回覆刪除幸好獨居無須辦年貨，係囤積 “三” 餐夠2～3周閉關，又係一年一度塞爆個雪櫃。
年青人反叛，偏要行 “西”，凸顯 “與衆不同”，挑戰xx，好叻咁啦！如果將呢鼓力量放喺科技創新，向難度挑戰，創出一條新路線，造福人類。美國航空母艦用交流電磁彈射戰機，中國用更有效嘅直流電。日本環保車用氫能未有廣泛應用，中國用電動車高速增長。美國GPS要靠地球上每洲設立好多基準點校對，中國北斗導航靠月球做基準點更高精度。中國太空船有2、3、6小時3個航行模式。中國剛發明核能電池，未來手機可以不要充電用一世……等等。文科腦、理科腦都可以有好建樹，唔知班年青人係純真定係有機心 甘願 被 西方 煽動 、擺佈、做英犬呢？好勇敢？好聰明？實質，成年人要為自己愚蠢行為負責……扺死。
我覺得暖水袋最多暖一兩個鐘，過後又係冷冷的...以前好興一種叫暖蛋的預寒東西，但現在又較少見，這個等同暖水袋，隔少少時間便失去熱力~~家中有暖氈，是別人送來的，不過香港冬季凍的時候不多，迫於無奈變成"擺設"...在最冷的時候，森伯可以隔天洗白白!!!咁你話老左買來補身!!!係乜?!!!
刪除自己一個人都可以慶祝新年，買啲野食同佈置用品，利是封都要買卦!!!哈哈
一爺真係睇得佢地高人一等，每個人搞反抗一定好叻叻，但要創造科技就不是個個人都可以...核能電池，會否有幅射呢?!!現在談核色變...
純粹講自己感受，科技太先進，就好似漸漸失去人性化，就等同，今日覆你的唔係森伯本人，是用AI文章來覆你...已經感受不到人性的存在!!!!
我覺得人最蠢可能不是無知、不是被利用......而是這樣做，以為對世界是好的，你就會甘心做傻事，香港真係有大把這樣的人，用"認賊作父"這詞來形容很貼切!!!!
30歲後肌肉隨年歲流失，肌肉係發熱來源，到我80歲後(耄)，就算我著住羽絨或蓋棉被都因身體發熱量低，依然唔夠暖，咁就要在衣服下、棉被下加暖包(暖水袋)。羽絨隔熱能力高，保留暖包釋放嘅熱量留喺衣服內，我便覺得好温暖，熱力無散失，唔只2個鐘。使用方法唔係將暖包握著喺掌心中。補身=補充身體唔夠嘅熱量。我哋都未到此階段，森哥有照顧上一輩就了解情況。
刪除每周有兩天食600卡好少嘢，餓透後，其餘五天一日一餐勁食到飽，感覺係大食會慶祝節日咁好開心，過年期間會特别加餸：黑朱古力。無佈置只播賀年歌我已有新年氣氛，我好在易滿足。舊年我捐哂多出黎嘅利是封啦！
未面市，無客觀輻射測試報告。
我聽過AI好有感情咁回答，我會以為係同真人講嘢。
殖民地長大嘅我，大部分時間都係「認賊作父」，直至19年川普向中國開打貿易戰時才覺悟，認清惡霸令人髮指嘅真面目。
森伯唔會著羽絨，抓毛又輕又暖，會選擇，而且易洗易乾！人不是靠肌肉保暖，運動員多是肌肉，少脂肪，所以他們都比較凍，肥人脂肪多，怕熱唔怕凍！
刪除謝謝你的保暖法，森伯在天冷吃多點薯仔蕃薯，食完暖笠笠，不過老人家太凍都要開暖風機，尤其今年都頗凍！
AI始終是人工智能，冇得跟有血有肉的人相比……
你都好，有覺悟的一天，有些人仍在睡夢中，仍望西官會從強權的煉嶽中拯救他們出生天！！
啊！森哥好 cool，唔怪得要增肥啦！
刪除仲有熱可可(華田)、打邊爐驅寒喇！靈光一閃，同卵双胞胎輪住食自助餐、火煱放題咪半價囉！
一人一樣唔使爭，森哥用暖爐，我用熱水袋熱敷行氣活血。回想徙置區係公共浴室，太凍喺屋企洗面腳，浸腳好舒服，瞓覺好快腳暖。暖水袋可直接暖腳。
同有血有肉愛打仗嘅某國冷血殺人總統人類比，要咁多人墊屍底成就選舉，AI温情好多。
好多執迷不悟人已走佬啦！咁好架，無人搗亂去破壞香港秩序和經濟。
咁增肥又同凍冇咩關係……
刪除你講既都好正，尤其一杯熱可可，飲完成身暖晒！用暖爐比較方便，一開著就令空間和暖不少！暖水袋少接觸，扭唔實會漏水，咁呢幾日咁凍，你有冇用？！你講起浸腳，也同樣諗起細時，冬天太凍多數懶沖涼，改為洗面腳，把腳浸在熱水裡非常舒服……
你太極端，唔係個個領導人都一樣……
走得就走，唔走得的搞亂者希望有日夢醒！！！😄
如何增肥最優勝…蛋白質？油脂？碳水？蔬果？選擇題…四揀二、全選！
刪除我都有幻覺扭唔實塞被淥傷恐懼症，我諗斟水倒吊都唔漏就安心出行。衫夠暖暫無需，多謝關心。
如何冲凉不覺凍？運動後立刻，哈！冲凉前熱身，似黎明金句。太陽未下山每日温度最高時冲凉…哈！都係屎橋。
極端才可當領導人因民粹主義抬頭。
死牛一便頸，焗住怨恨中活下去。
為了快速增肥，早前都試過~~多飲些奶類，增加些碳水...例如麵包夾芝士、麥餅，在奶中加些蜜糖，吃幾次都會見效...哈哈哈，只是分享吓!!!
刪除總會覺得扭唔實搞到成床濕晒，以為賴尿~~老人家最驟忌驚畀人話要用"成人尿片"~~~不過張床濕晒都有排抹...所以暖風機較為穩陣!!!
如果太凍就隔日沖，都冇咩特別方法，快快沖就是最好的方法!!!
選領導人好重要，會影響民生又會影響到國家，甚至世界~~~~~
我想保持現有得來不易嘅身材，咁我要避開佢哋？
刪除膠樽飲品都係擰蓋，我又無擔心洩漏，照樣橫放，但會怕暖水袋出事。
老人住院會因病禁止落床，就要用尿片，森哥要面對事實，唔好睇唔開做傻事。
半世紀後嘅森哥老態龍鍾會手腳慢，你都有呢一日喇！
今日總統大選又係拜川，有得咩揀？世事無奈！
反而想知一爺點保持令人艷羨的身材~~哈哈哈
刪除有些質素差的膠樽，好易漏水，基本上飲品的膠樽也是用完即棄!!!!
希望森伯老人家能夠面對到事實，因為老人家基本上都見慣風風雨雨~~~~
個個都有呢一日架啦...如果真係到老態龍鐘的時候，睇黎一爺已經接受到喎!!!
身為一個大國，冇合適的人選嗎?...定係冇人敢選呢?!!!做總統雖然威威，但活在大大的壓力中...
過年前行街看見滿街擺賣賀年食品, 唔覺意就買多咗回家 , 往後就要想辦法快點食哂佢 .
回覆刪除唔怕，等到真正過年時，可以用來招呼客人，再有剩就慢慢食，一般的賀年糖果都好襟擺...
刪除天氣忽冷忽熱，大家真係要小心身體。
回覆刪除對呀，一早一晚可能比較凍，但中午氣溫上升又會暖些...所以時時要注意!!
刪除同意。又要想取得政府資源，又想借頭借路挖苦俾錢的人，邊有咁着數的事？你自己有本事就自己做好，才有資格鬧人。
回覆刪除牛兄，你說的對，我想沒有人會又出錢，又要被你侮辱，所以呢班人冇人幫，冇人同情……
刪除收唔到錢又要嘈，簡直自取其辱！！