踏入新一年，理應都會講下願望，記得好耐的時候都會為新年想些願望出來，看看在這年內能否達成，當然喇，能否達成一些願望都要取決於很多方面，自己有沒有恆心、毅力...正所謂謀事在人；成事在天...有時都要睇睇運氣，所以唔係靠努力或毅力就一定得!!!
若然想祈願達成，坊間最有名的說法就是吸引力法則，宇宙之大有著無窮的能量，只要心存想像，終有一日能與宇宙接通，願望便會達成...相當虛無縹緲!!所以隨後亦沒有再設些什麼祈願，反而應用一句：隨心而行最好，輕鬆地過好每一天吧!!話雖如此，但今年我也訂些目標給自己去做，計劃也應按步就班 !!!
坊間有就有很多願望達成的方法，不過成效幾多冇人知，不如經經濟濟買盞阿拉丁神燈碰碰運氣，每日摔、摔、摔~~~可能真係有位阿拉丁燈神出現，實現你三個願望...若然呢一刻真係有三個願望可以實現，你又會揀邊三個呢?!!唔需要講畀森伯知，因為講左就唔會實現...
相片裡的阿拉丁神燈在某間大型的玩具連鎖店賣的，唔知畀小朋友點玩法，冇記下售價多少，見有趣便拍下來...
願望呢家嘢我總覺得應該有的，但正如你所說，「謀事在人，成事在天」，自己盡了力，無論結果如何，也得欣然接受吧。
回覆刪除係呀，通常人會在新年或生日許個願，但求可以在一年裡能將祈願成事，願望都要憑自己盡力去成就，至於最終能否達成都要看看天意......
刪除2024年的三個願意：身體健康！生活愉快！出入平安！
回覆刪除Stella唔貪心，相信若阿拉丁燈神聽到，都會實現你的祈願~~~~
刪除森哥啲珍藏石頭唔係會催運咩！時不時親密撫摸添旺氣。
回覆刪除悉人信粉紅水晶旺姻緣，佢真係買左無幾耐就沾上紅線。
我嘅目標從來唔喺年頭訂，任何時間，偶遇激發點、新方法，有股氣湧上黎，乘勢而就、一鼓作氣向前衝，靠衝勁力完成目標！例：52斷食，OMAD(一日一餐)，凡士林護膚，成套運動招式組成，事情/工作後檢討及改良，節約用水、用電、垃圾、花錢。成功不用等年頭。
誰寫『一年之計在於春，一日之計在於晨』 ？古時農業社會係春天後播種開始新一個耕種循環係適用，現代社會還啱嗎？一日工作計劃要睇完全部電郵才訂好，工作計劃表實時更新，有時晚黑靜啲才計劃明日做咩。
我細路時覺得好奇怪，茶壺當燈用！
森伯為人好實際，寶石用來欣賞的多，有些是當玩賞石，當心情緊張時放在手裡把玩，就會帶來輕鬆，有些很特別，漆黑晚上會發出綠色螢光...
刪除坊間所謂的水晶催運，只不過是吸引力法則的2.0......如果咁靈驗，大家都可以買舊石返屋企改運，連工都唔駛返，身體任食任玩都仍然健康......根本冇可能!!!
52斷食，一日一餐......畀森伯一定唔得，尚待發育的老人家森伯肯定時時肚仔餓.......
古時的人都冇講錯，現在的人都適用，一年之計在於春，在於晨，表示講最佳的開始時間，至於你漏左一句，一年之計在於春，一日之計在於晨，一生之計在於勤...到今時今日都合理!!!
本身神燈造型係一種古時的油燈，並不是茶壺..............
咁勵害嘅心靈石，可惜，對其他人未必有效，緊張都市人不斷尋求舒壓方法。
刪除夜光石令我想要馮寶寶喺61年出嘅粵語殘片「夜光杯」，同神燈一樣咁有發力。
我細路時新界無電燈，路中間有發光貓眼石分隔來回線。
唔係急速一下轉換，係一步步慢慢改變去適應新生活。
傳統文化影響下，平均而言，中國民族係勤力過西方。
當然我認為得，另一個人又未必得，一爺都可以揀些心儀的石仔試試，有些叫健康球，就是用晶石來造成兩個圓球，在手中把玩，閒來可作手部運動，所以稱為健康球……
刪除都話你後生架啦，一諗夜光杯就諗起馮寶寶，我反而諗起唐代有首詩詞……葡萄美酒夜光杯可能古時的小酒杯真係用呢種黑夜有螢光的石頭去造，夜光石是奇石……我的夜光石很有趣！
男人本性就愛玩弄兩個球體。
刪除屋企浴室枱面、窗台、玄關都鋪上漂亮又冰冷石材，命令自己一踏入家門赤腳觸上一片石板，就拋棄緊張工作，重拾輕鬆，遠挑海景、心曠神怡。石材於我係實際用途，並不是公子哥兒氣質嘅森哥作玩賞，每日掃塵，定期洗抹。
係架！森哥一席話，讓我看到中國一個朝代，鏗鏘有力之餘又氣定神閒，我當然望塵莫及、拍馬屁難追。
森哥每個回答都能打動整個世界，驚天地、泣鬼神，我功力淺薄，不能相提並論。
套用我上回留言，每句偶遇產生出激發點，使得森哥燦爛留言發出夜明珠般光芒，令我回味無窮。
一爺諗得誇張，健康球唔大，目的係訓練手部活動，對我來講，用石做的健康球太硬，反而軟膠造的較好！如果力度不對，好易轉到手都痛埋！😄
刪除其實石材幾好，基本上是種可以恆久存放的東西，森伯認為玩賞石頭只係老人家玩意，好似一爺果類後生人未必會欣賞，未必會視作喜好……
你講野特別浮誇，活到一把年紀，總有一兩首詩詞歌賦拋下書包，在一爺的留言中，令老人家森伯伯都獲益良多，高至世界時事，下至街市行情，都有所得著！
我套日常運動係身體各部位都郁下，包括少郁腳指，係喎！無包手指…諗下先…我平時咁多粗活，手指運動量夠晒，應該唔使做補充練習。森哥有練双球？森哥真係十指不沾陽春水嘅大少爺。
刪除我係啱啱睇左最近熱爆大陸 由港導王家衛拍嘅電視劇嘅網評，佢話睇老戲骨眼神交流，就表達左一個世紀，我覺得咁樣文字表達好生動有趣，咪拎黎用下，我真係寫唔出咁有文采嘅。
有機會見到健康手球就買來試試，練下手指的靈活性……
刪除森伯十指不掂陽春水？！你真係幻想力豐富，森伯常常掂地拖水，抹地布，做到十隻手指鞋烚烚……😔
睇多啲文筆好的作品，或古籍，漸漸就會寫得好，以一爺咁有慧根，好易入腦！！
加強手指靈活性…中風後康復者需要…老森中左獎？加藤鷹手也要…老森臨老轉行拍AV？勁喎！打字員…呢個職位早就淘汰左。依家唔夠靈咩，留翻寶貴時間做更需要地方，森哥想掂呢？
刪除奇怪…咁樣洗地？森哥都不懂愛護自己，咁就唔悉愛人，唔好怪無人愛你架。有錢買石頭無錢買洗地利器 (掃洗機器人、不沾污水洗地海棉棒、腳踏擰乾地拖…)，孤寒到傷害自己，自作孽不可活，我唔會可憐呢種人扮可憐嘅人，大喊想跳樓尋C…我伸你一腳幫忙森哥立即達成願望，唔好阻住地球轉。
語文興趣唔高，我會唔記得，再寫唔出來。
其實健康按手球是手部運動，長期打字，造成手部痠痛，健康手球有物理治療作用……你就算冇中過風都可以買來玩吓！
刪除森伯一向都活在舊石器時代，新科技咪搞森伯，用最傳統的掃把吸塵機，如果一爺送部畀我，都唔要！！
其他完全唔明你講乜，唔識覆！
活到呢個年紀唔敢再貪心，淨係想自己同身邊嘅人平平安安就算。
回覆刪除係呀，當人年紀漸大，所求的事趨向心靈上的需要，多於物質上的需要~~~
刪除健康同平安就係最好的願望！
回覆刪除對，越寶貴的健康及平安，對每個人來講都重要的...
刪除其實從來沒有訂立過什麼願望，生存已經不易。不過是做一日和尚敲一日鐘。偶然也會做一些有興趣的事情吧了，盡力而為最重要。
回覆刪除秋葉講得好啱，其實都冇話新年定要訂些願望，多年前我己經沒有訂什麼願望，訂下目標就需要，無論如何，每天過得充實就夠了！！
刪除新的一年，期望世界和平、身體健康、闔家平安。神燈是否靈不要緊，有期望就有盼頭，保持信心；能否實現就聽天由命。
回覆刪除對呀，人生總要有希望，雖然願望能否成功未知，人們抱有希望都是一種生活的動力，之後就要看看自己有冇為到這願望而努力過，話唔定真正，人有善願；天必從之呢！！
刪除