過去的2023很快就過去，今天已經是踏入了2024年，呢篇就是今年的新一篇，先祝願大家身體安康，天下太平，社會安穩...儘管世事難測，很多事情都不是能夠預計之內，最緊要的是過好目前的每一天便是了!!!
過往很多人的新年願望，十居其九都是身體健康，今年踏入2024年，通常都加多句...就是世界和平，世界事的確有很多事情並不是理所當然，今天還好地地，下一秒或下一日又會有什麼變化呢?!!真的無人會知曉...
平時的自己並不喜歡人多多的地方，但對於現在，聽到某地方很多人很旺場，反而是高興，起碼多些人外出消遣，能真正去帶動香港的經濟...希望今年能夠多點外出消遣，有閒錢都留在本地消費，當然啦，得森伯一人促進不了什麼，如果個個都有這想法就一定可以...當然大前題是個人安然無恙，否則都免問什麼消費...
你說得好啱，願世界和平！
回覆刪除這個亦是很多人的願望！！
刪除過去幾年，經歷過很多冷清清的商場和大街道，雖然少了一份壓迫感，但感覺是慘慘戚戚。
回覆刪除祝你新年快樂🎉健康如意🧨
我也祝你身體安康，新年快樂！
刪除過去幾年的嚴格防疫措施，造成市道淡，希望未來日子會好些……
今日經濟未能快速復甦，多少也同多年前的踢喼趕客事件有關，大陸人覺得在香港不受歡迎就不想再來。
回覆刪除祝你有個健康愉快的2024年！
謝謝，我也祝peace兄身體健康，心情愉快……
刪除對呀，遊客來購物，來玩，都想有個好的回憶，若果只係得被人踢喼，又沒有受到重視，都會對香港的印象變差……不要說是遊客，有時店員的服裝態度，本地人都覺得他們唔掂！
踏入元旦，日本就接二連三撞上衰運，地震、貼地空難、商店街火災。日本人一向做事細心謹慎，防範於未然，空難火災令我好愕然。 佢好馨除夕夜入廟拜神祈福 ，求神來年庇佑，唔通係倒核汙水落海多行不義，神都遠離佢。
回覆刪除特區政府搞夜繽紛好成功， 吸引左一大批內地客睇煙花，可惜，甩轆滯留香港，不夜天香港節日特別交通安排都咁差？但是，展示大灣區融合同1小時生活圈嘅成功。
有7間旅行社推出2日山姆購物團，全部爆滿，北上消費已成熱潮，我見超市啲價唔係好平啫，不過好多嘢係香港無得賣。香港要創新，有自己特色才保證消費。好多年前去美國工幹，諗住買啲道地嘢，結果，平民價東西全都中國制造，零食喺香港都買到，空手而回。
唔知垃圾徵費後，會唔會令人買嘢前都停一停、諗一諗，手緊啦！咪會影響香港消費！矛盾！
健康唔係必然，無得天跌落嚟，係要有毅力和恆心去營造。食方面合格，我嘅問題係拖延做運動，不過，總算無偷懶日日都有拉筋和做運動，好想能養成習慣啦！
發生飛機著火，乘客都能及時逃生，已算不幸中之大幸！！應該還神……
刪除其實每個國家都有可能遇上好運與厄運，所以有很多事情都不能預計，只是將傷亡數字減到最低至為重要！
嗰頭去祈福，嗰頭又做壞事（倒幅射水），想神靈保佑什麼？！
香港政府做啲唔做啲，顧得頭 ，唔顧得腳……每件事都可以汲取到教訓，下次應該會好些吧！
其實香港都有很多東西買，豐儉由人，自己一向對零食麻麻地，聽講山姆超市好大，啲貨品食品勁平，你有冇去過？！
當經濟麻麻時，大家都想慳得就慳，好似森伯咁，慳得一毫得一毫，有時慳左兩毫子都樂上半天……所以話商家們想生存，而家時勢最緊要平！
垃圾徵費後，掉垃圾都唔敢太多，間接使人唔會製造更多垃圾，應買則買，商舖亦要減少無謂包裝！
新一年又老一歲，更加要注重身體！！
日本被迫下台嘅內閣係奉旨貪汙，可向機構慕捐政治金，每年超過黨內設定配額後，多出黎便可靜雞雞袋入自己袋，無填入財務報告，所以，倒污水無涉及萬惡金錢打死我都唔信。政府腐敗人人受損。
刪除架機燒剩排骨，好驚驚呀！空姐唔係吃素，訓練有數，疏散得快。著草唔畀帶行李，話每人賠$萬一，呢鋪真係唔怕一萬，最怕萬一 。
未去過呀！我都係睇片咋！新興反方向帶水貨。FB有代購群組畀水貨客揾快錢。深圳仲有一間 1月新開 嘅 costco 加入戰團，中國內部競爭夠激烈，可以站穩嘅都係實力強環，到打入世界各地可能反覺輕鬆。
注重都要有法，話少油、食全素、少肉、低卡、少食多餐、生機有益？其實係信錯人講令自己踏入陷阱都唔知呢！舊時我試過好多減肥食法、運動方法都唔掂。情況如自以為聰明嘅美國制裁中俄，全部方法都失效，呢D方法蝦小國就得啫。近兩屆都係蠢貨，今年大選又係佢哋，平民只可揀爛蘋果戓爛橙，倡議嘅自由民主選舉好優良呀？哈哈！森哥想和平就係要滅左愛挑釁果個大國，有時，係自己衰敗。
坊間有句說話，唔貪做官嚟做乜!!!!要貪都唔好畀人知!!! 哈哈哈…日本所謂天怒人怨，市民都唔順個政府~~
刪除今次呢單燒機事件，聽聞話有機組人員夠醒目，及時疏散班搭客，呢位空姐好應該表揚，起碼都頒個機警獎給她，否則有人傷亡，做成的後果會仲大鑊~~~~
你搵日報個團上去探入探路嘛，可能有更多平靚正的貨品係一爺的心頭好呢!!!!不過，如果香港買的東西平啲，好啲，服務質素好啲…啲人都寧願留港消費~~~順便報一報給森伯知道有咩好野賣，對森伯來講，有時為唔需要拎一袋二袋都會揀最近的超市才去，如要返深圳必定要買更多東西~~
現在外出吃小菜的質素超級麻麻地，唔想再幫襯吃小菜，寧願揀其他!!!
一爺平時有一大套養生理論，個人必定吃得健康又保持青春，外表看來還似是十七、八歲的陽光大男孩…反觀森伯老態盡現，唯有斷食吓減緩衰老…
某國時時話制裁呢個，制裁果個…兩方都唔係好，只係想攬住一齊差…
近呢幾年真係睇化晒，特首成日話，現屆政府唔係一個叫口號的政府…就正如西方口中的所謂自由民主，等同叫口號差唔多!!!!
我都係買平民嘢，香港已經好平，北上慳得雞碎咁多，蝕埋車錢咁笨我唔做架。網上好多人爭住分享短片，森想知彈指之間已揾到好多料。唔使拎架，埸內有速遞公司寄返屋企就得啦！
刪除森哥唔係鼓催留港消費，仲用霸道總裁口吻洗我做私人情報員去收料，自刮嘴巴。
我悉D咁嘅發達秘訣就正喇！明星 闊太 二奶 富豪 排著隊 跪求 我啦！可以腳印印長歎。
回望2018年森哥篇 『鴻運當頭』 有生機，我只留言： 『冲喜 』2個字咁鬼短，都唔知6年間我幾時變得咁長氣，老人上身。哈哈！
啲人唔單止買平野，都順便食吓野，就係畀班分享短片的KOL，講到咩都底都平，其實唔知真實情況怎樣，由一爺直擊報導，可能情報會比較準確...啲人北上消費都高興，不過唔鍾意留港消費實有原因，知道咩原因又唔改進...早前屋企人話去青衣某間酒家食左成千蚊的菜，完全唔知食乜，甚唔滿意~~乜都自己嚟做!!!!可想而知食物質素同服務質素都非常之麻麻!!!!
刪除發達秘訣...每日夠錢用就已經好富有，睇嚟一爺都唔使憂柴憂米，你已經好好，又要再提巴民在戰火裡求生，活在親人離去，家園離去的慘況~~~
你講『冲喜 』兩個字，我仲以為你今年準備成親及拜堂...
有價錢牌無假嘅。
刪除我哋平日咁多相反諗法，需求確完全不同，我只睇自己嘢，滿足唔到森哥需求。
你仲乜自己又唔去？硬要我上去做代理人。怪怪嘅？實必有隱瞞！有內情！
食嘅必須試過才知好壞，第一次去都係碰運氣架！點解睇中佢？
通漲不斷，我驚衰 收尾幾年 ，由其是醫藥費。
「冲喜」~「衝起」，世界經濟差，全球需要有『起』色呀！如果我成親拜堂能救地球，我唔介意日日咁做，富豪森哥畀我人情要厚禮呀！人唔到禮到我都唔介意。
有時未必...雖然一爺只係睇些高級食品用品，但森伯都可以觀摩一下富人的生活品味嘛!!!
刪除你諗多咗，香港買野都係但求就手，上到深圳，對一個年事已高的老人家來講幾大壓力...
見有很多片主的介紹，都唔係樣樣食品都會試，所以對我來講去到都冇乜野買~~~~
見你平時都有顧好身體，相信將來都唔會太差，相反如果冇乜養生觀念，任意狂食狂玩，臨老真係會驚架!!!
你日日成親拜堂，好似返工咁...我就唔會畀人情，森裡送上祝福就算!!!!^^
過了幾年疫情常在家已習慣，現在只有朋友約會才偶有出街吃飯，我覺得現在好多食市服務真是麻麻，我最不接受是要限時，不過我都會出去消費買吓嘢，而我最開心是疫情開關後去旅行，幾年時間消失了，時間失去追不回，同健康一樣，新年願望都身體健康最要，祝願森伯新的一年事事順境，工作順利﹗
回覆刪除對，經過疫情後，很多人都已經習慣冇咩事唔多出夜街，是種新常態……若要限時都幾掃興，尤其一班人或三五知己想傾吓偈，食得來又要睇時間，我覺得自助餐可以多些時間慢慢食，慢慢坐……反而我覺得店員態度好重要，態度一差都未必再有下次！
刪除謝謝祝福，我都祝羊羊身體健康，旅途順風愉快，期待你的遊誌！！