真的不知不覺又到年底了，一年很快就過，十二個月真的話咁快!!還記得上年年尾的事情，霎眼間又一年...在這個2023年相信對每個人都有不同的感受，人生的歲月中總有悲喜交集，只不過是喜多定悲多，新的一年來臨，總是希望有一番新景象...
今年最好莫過於嚴謹的防疫措施終於鬆綁，到一些地方也不需要什麼疫苗通行証，可以隨處走走...而今年的雨季亦遇上百年一遇的暴雨，寓意上覺得香港會水頭充足，之不過世界處處的經濟都係麻麻地，所以都不容樂觀，望到個股市，真係唔識笑...
回望過去，展望來年，講就時時講，但到年尾都要老土講吓，每年的願景之首，都係身體健康，在森伯本字典裡，呢個top one願望次次都係佢繼續蟬聯...打從今年年中，已實行斷食，話就話減少一餐早餐，但下午就食番夠本，要斷食得來又要增肥，真係互相矛盾~~😅而新年新版面，也要的起森肝完成了新Banner，等森blog有點新鮮感!!
有晚逛過荃灣的大型商場，雖然當時並未有什麼大型聖誕佈置，自己很少夜遊，既然難得外出，以為吃過飯後再買些東西，殊不知大部份店舖已經打烊(未到九點)，仲話夜繽fun!!!!真的有點掃興~~而這棵小小聖誕樹增添返些少商場內的氣氛...
每到年底都要清一下大假，森博都要抖抖，各位"森"愛的博友們，言照留，會照覆的!!!
預祝大家有個歡樂聖誕和新曆年，大家來年事事順暢...
新banner 有加咗靚仔樣喎。
回覆刪除加張個人畫像會有個人化，遲吓可以講講點生成……
刪除希望我區開多D平價店。
回覆刪除發覺現在香港想生意好，要主打平民化，仲要價廉物美，電子城係好例子……
刪除我慳返啖氣過我愉快節日，只發短句等森哥舒服寧靜地放長假。
刪除祝 聖誕及新年快樂！
有幾愉快就講嚟聽聽感受吓！假期又唔一定很多節目或活動，不過你選擇慳番啖氣都好，可以暖暖肚，呢幾日真係好凍……
刪除香港百物騰貴，市道不樂觀，除了飲食，其他消費，的都可免則免，開懷是疫情下滑，大家可以過正常生活，惟有希望在明天，明天會更好！
回覆刪除對呀，雖然防疫措施已放寬晒，但市道都係麻麻地，有些人有錢，也寧願北上消費，最主要平價和服務態度好，本地市場真係要改善吓！！
刪除「每年的願景之首，都係身體健康」，我都係，沒有了健康，甚麼事也做不成，一定要蟬聯啊！
回覆刪除一講到身體想要健康，相信每個人都認同，但我講的蟬聯top one可能同peace兄想的有點出入，只係講森伯的願望之首，如果已有健康，就唔需要成為願望……哈哈
刪除健康並非必然的，就算現在擁有健康也不一定永久，必須靠自己的努力維持住。
刪除說得正確，人生有很多事情也要自己用心經營，健康是其中之一，盡心做吧！
刪除新banner, 點贊！
回覆刪除每年的願望之首，離不開身體健康，今次要加上世界和平。
謝謝發兄…
刪除相信這刻，很多人也認同這兩點都很重要，這幾年才感到-和平-不是必然！
取消疫苗通行証後, 心情冇咁緊張 , 人也開朗咗好多 .
回覆刪除ak好耐…好耐…冇見！好嗎？
刪除疫情期間，大家都好緊張，到今日完全放寬，對比很大，當然購物逛街也輕鬆得多……
由於經濟唔好，覺得商場嘅聖誕節佈置少左好多。
回覆刪除都有關，在節日的佈置上，都可以看出當年的市道環境……
刪除2023年疫情過去了，本來想四出走動，可是由年初開始，車禍一單接一單，工傷死亡事件也奪去多人的生命！
回覆刪除舊楼掉下石屎廢料，砸在巴士上，的士上，婦人的頭上！真不是妙事，使我四出走動的意願大減。一年將盡，這個月比較熱鬧，希望明年比今年好吧。
有時都驚不了太多，通常我外出逛逛都要辦些其他事情，或買些東西……始終外出走走也是好的，尤其現在節日臨近加上防疫措施放鬆，所以外面也十分有氣氛……
刪除現在大家最擔心都莫過於經濟方面，不過今朝有酒今朝醉，都擔心不來……
來到年底，港聞終於有好事，數日前 一艘漁船中午在担杆島附近沉沒，兩名船員墮海後，獲得飛行服務隊人員救起 !
刪除至於大環境的經濟，聽說明年也未必會反彈；股市淡靜，輸少當贏啦。森少你手上的股票未能鬆縛嗎 ? 都唔擔心得咁多啦......
在意外事件中，能被救起，也是值得慶賀……希望新一年將至，每個人身邊都有幸運之神眷顧……
刪除相信暫時經濟都是差不多，起色不大……或多或少股市情況都能反應經濟實際狀況，森伯冇咩投資運，唔掂當贏！😀
祝你來年身體健康，森想事成！
回覆刪除謝謝阿摩！
刪除我也祝你新年新景象，事事如你所願……
真係一年話咁快就過，今年最大件事就是通關，所以被疫情困了三年的香港人都湧到外地旅行去了。
回覆刪除係呀，一年時間好快過！想想都有很多特別事情發生過！
刪除通關後去外地自由了，以港人性格都急不及待周圍走……
祝你：聖誕快樂！
回覆刪除我祝你新年快樂，今年勝舊年！
刪除