有日經過某超市，見到有松露醬賣，它就放在當眼位置，當時話就話做特價，但也不覺相當平，因為之前沒有買過，買來試試也無妨...
其實買了後都未有諗諗怎樣食，最主要是用來整意大利粉，我認為松露醬真的要加熱過比較好，若是未有加熱感覺味道也不太好...呢種黑松露醬本身也有點鹹味，相信它主要加在食物上添加香味，於是乎用它整個松露意粉，可能不多其他配料，煮出來的意粉好一般，未有想像中的香味...
唔太清楚呢隻松露醬會否容易變壞，外表好難睇，所以都要趁快食晒，我認為最好的食法是加在麵包上，當成一種塗抹醬，麥方包+芝士，再搽上松露醬，之後拿去加熱，如果有焗爐的話，焗一焗更加好味，我只是簡單的放在煲裡加熱，竟然相當好味，最主要加熱後滲出松露油，若是焗過，相信很似薄餅!!雖然松露醬並不搶眼，但加在麵包上賣相也不錯!!!
各位博友，不知你們又怎樣吃呢?!!有好推介也不妨告訴森伯...
很久以前買過用來煮意粉 , 但味道怪怪地有点像火水味 , 可能唔識買又唔識煮 , 放在雪櫃好快就發咗霉 .
回覆刪除哈哈，原來都有很多人覺得呢類松露醬味道麻麻地，我聞落也覺怪怪以為呢樽野有問題...基本上我開了蓋便放雪櫃，驚佢壞~~~~
刪除我覺得松露醬味道有點怪怪，不合我合味﹗
回覆刪除原來其他人都有呢個感覺，口味好睇個人，未必人人都認為香...
刪除我無食過，不過，睇電視見啲厨師直接刨一片片菌喺碟餸上，係生食喎！
回覆刪除野生嘅，靠受過訓練嘅豬或狗揾出黎，平嘅應該係假嘢，由化學合成香精。
唔會啦，一般情況，香港食肆很少用一片片松露上檯，除非去些西餐食肆...好少見有生松露買，可能森伯去的較為平民化的地方，邊有好似一爺咁見多識廣~~
刪除森伯好少買呢類醬，真與假都未必識分!!!!
多謝森哥讚賞。電視平民化啦！平民只要多睇電視便可見多識廣。不過，互聯網已取代電視和書本(圖書館)當上第一大知識寶庫嘅來源。
刪除除左識廣，我也食廣。我都安排每餐食到少少金菇和雲耳，有時換上冬菇，實施營養大包圍策略。半素森係咪每日都有食菇呢？食咩菇多呢？
原來松露如榴槤味感因人而異，後生好奇心大想嘗盡世間食物，老左務實，只看營養/價值。
雖然現在互聯網搜查資料方便，但亦有可能偽資料，要自己再過濾！
刪除自從有媒體佈導過有些菇菌含毒素，不知怎去分辦，所以獨菇一味吃冬菇，磨菇，草菇間中會吃，一向不是十分喜好菇類……
其實對我來講，剛剛相反，細時未必乜都想試，反而人老左就會試，本著人一世.物一世套理論……
就算係咩權威報告都有假啦！我咁多爭論就知我有獨立思想。
刪除唔知邊單港聞？指引
除鮮草菇有陣 “噏“ 味，但罐頭草菇又好正喎！杏鮑菇 秀珍菇 蟹味菇 白靈菇…乜菇都啱。
森哥細過真係唔可亂食，長大後對個病了解左，梗係要食翻夠本，開心過活無遺憾。
冬菇磨成粉後做素食調味料，生/熟食都得，同松露菌嘅香料性質差唔多。
我覺得一爺為爭拗而爭拗，似少年反叛行為，包拗頸！！
刪除完全認同，罐頭草菇好味得多，鮮菇總有種霉味，不過都可以接受！！特別菇類少吃，最特別算係猴頭菇……
菇粉用了很久，我用的是李x記，據講話有提鮮作用，我覺得冇咩太大作用，菇味不太濃，你有冇好牌子介紹？！
証明老身仲有一顆少年不老心，中森太焦急加快長大成耆英心，我倆身、心都有代溝，如中美處於大國年少氣盛和衰老沒落階段，爭拗不斷屬正常現象。
刪除猴頭菇我從未食過，我揀食平民價菇已滿足到我營養需求。
鮮菇粉我只食過一次，仲要阿哥送嘅，一向用雞粉調味，森哥上網揾師傅仲優勝過我呢個初哥。
垃圾稅推遲8月，要喺政府內部試行4個月，我覺得好多實況運作問題未 debug 嘅，一個個大問號？？？？？？咁廢…丟晒班垃圾環保官。
有幾老先?!!...純感覺一爺又唔係咁老，不過話森伯有個耆英心就啱，仲有外貌年齡都屬於"老友記"類型~~哈哈哈
刪除中美都時時有得拗，感覺係美方單方面爭拗，你估中方唔知咩!!!!
菇類唔常食，基本上冬菇最常食，而且幾好味...冬菇蒸雞柳，冬菇做麵的湯底，仲有過年的炆冬菇都好好食...你阿哥都睇唔過眼，見你食到冇嚟味道，所以送樽鮮菇粉給你，加點食物的鮮味...師傅的口味又未必會合森伯呢!!!
政府今次真係預咗比人鬧，垃圾徵費好好好早已經開始講，這一段時間冇人研究過當中細節，搞到4月1日仲未搞掂，呢班官員好應該被問責!!!!!!!!!!
老到有姪孫 甥孫，叫到我老晒。
刪除話同時經歷三場戰爭，拜川統選內戰四月開打，常爭拗，佢文化。
中國以和為貴，等英文8年喺92共識上表態得個吉，清德上場前已行動表明滿。對美方都畀足時間，大客仔，損己利盡避。
估錯！旅行他國又平又細樽塞入喼嘅手信。
無味清淡食法，早知並非減肥法，我身體健康糖鹽有額照用，夠味才得快樂。無健康要避鹽、難食、 哀怨形成惡性循環。
垃圾官話鋸斷長地拖棍，老人家無力喎！我要去買鋸。乜鋸短同環保有關…擾民。
實有人照用白袋，無得追邊個，垃圾官話裝鏡頭請人𥄫住垃圾，鏡頭加新職位 ‘’垃圾專員‘’…咁都得。
誰執法？大厦管理都係叫垃圾車清走垃圾，司機唔理照收壓扁，大厦清潔工唔理，誰理？
用偽造綠色膠袋當然隻眼閉，淘寶網好快有得賣…魔高一丈。我屋企仲有早前試行時嘅仿真綠袋，唔係咁覺眼架。
唔知我喺街邊垃圾桶無用綠袋掉垃圾會唔會犯法呢？
一個多漏洞唔成熟 ‘’假‘’ 環保制度， 苛政猛於虎，勞民傷財，無限放大，錯左重點，花太多精神，無簡單便利法咩？
你有姪孫、甥孫...榮升成舅公和叔公，中國人以家庭為主，都只是輩份的稱呼而已!!!
刪除都估唔到今時今日仍有動槍動炮的戰爭，最慘是平民百姓...
旅行送菇粉又幾特別...是來佬貨?!!
飲湯，或湯麵都一定要落多少少鹽，反而餸我就淡少少都可以，尤其蕃薯飯根本唔會落鹽，事實有些食材不宜放鹽...真係可以食得清清淡淡~~
你有句講得好啱呀...哀怨形成惡性循環!!無論什麼事情都要做得開心，食得開心...自然舒服的狀態幾時都係好!!!!
以一爺咁富貴，掉地拖棍駛乜咁操勞，在棍上貼個綠色貼紙咪得囉，分分鐘鐘個貼紙可能仲貴過支地拖棍!!!
根本佢呢個垃圾徵費仲係疑問多多，不是政府裡面有很多軍師?!!點解諗出的方案如此混吉!!!!
森伯應該係個一等良民，本身的原意就是不想製造更多垃圾，只要縮細垃圾就可以一個袋放很多，有些人飲完紙包飲品就直接掉，其實可以壓縮再放落垃圾袋，即使現在沒有垃圾徵費，我已經這樣做了多時!!!
我就唔想認老都唔得，你就爭住認老。笑C我！
刪除韓國來。聰明囉！夠實用。
無味燕麥片我又食得落。一煲過全餐啲湯無放鹽都有鹹味，由上面蒸醃肉帶落黎，有時湯中放海帶/洋蔥衣都有味。蔥衣嘅槲皮素多過肉，令血管有彈性，紫色有花青素護眼。啲色素係水溶性，洗衣要快手，甩色喺水中就係寶貴原素。不過，我一年前才識留衣熬湯。
紙包飲品有得回收，可惜屋苑內個收集箱取消左，要外出行15分鐘才有收集箱。厨餘機年頭才放喺隔離公屋邨，記者追問才話私人屋苑可申請，班9官明知都無理會收集箱覆蓋率低，好懶無心做好，只諗住用垃圾稅推卸責任畀市民和清潔阿嬸執法，只係做幾個袋出黎就交功課，激氣。本來1月實施，因膠袋供應商出事才推遲到4月。得翻單一保皇區議員無反影到立法議員去發揮監控政府運作功效，反對黨功能就會挖出黎，呢個機制好重要。
咁你可以慳番D笑，森伯冇爭住認老，只是歲月催人啫！！！
刪除韓貨都唔錯，不過我樽菇粉也用得七七八八，遲些少再試其他菇粉……
其實森伯唔需要樣樣都講究惹味，清淡便可！！習慣淡口味，唔需要落太多調味料！！
我曾經試過一排食蒸熟的蕃薯，薯仔連皮食，後來沒有了，蔬果若然可以連皮食就食喇，比較好！
當大家是局外人，實多多意見，但當你負責做當中的官員，又係一樣不作為，今次呢單野就足證明呢班負責官員的無能……好唔掂！！！
我從未買過松露醬食，主要因為貴，又唔知點食。
回覆刪除通常這種松露醬都係用來煮下意粉，或用來煎蛋食都幾好...試試無妨~~
刪除我通常係煮好啲意粉後加上去。
回覆刪除可能森伯老人家，點都要將松露醬加一加熱才食...
刪除這類西式松露醬好像很貴氣似的，不過我不會買這種東西吃。樽裝合成劑好易變質，雖然是放在雪櫃，費事食得慢又冇信心吃。
回覆刪除能夠在一般超市有售，也代表著大眾化吧~~不過份量不多，只是80g而已，都很快便吃完!!!
刪除相信樽裝食品，只要放置地方陰涼，都冇咁易變質!!
吃的口味人人不同，我都幾奄吓。所以都唔會立亂試。
刪除前幾年買了幾樽調味粉回來，只有香茅粉可以接受。其餘的只好丟掉了。去年小女執意為我訂購食物上門，說免我操勞，誰知那些都是我曾經丟掉的味料粉的味道，真係畀佢激壞 !
我也是，見超市很多未試過的新食品，我也不會亂買來試，尤其日式超市或數字屋的零食，食品真是多不勝數...
刪除香茅粉買過一次，有點像淺味的芥末粉...聽講話香茅粉可以加蜜糖沖水飲，試過一次...話可以預防感冒!!
哈哈哈，掉了的又買回來真是一大烏龍!!，你女兒也算是一片孝心，你可以試下用這些調味粉整下其他餸菜，可能用得著!!!
我個人就唔多鍾意松露嘅味道。
回覆刪除哈哈，就係有些人話松露很香，以為真的很香，殊不知我都覺得麻麻...
刪除外出吃飯都有機會吃松露或松露醬，除了咸咸地，也覺得沒有吸引力。
回覆刪除有些人若未吃過松露，可能不知是什麼口味，但吃過後又不是太特別，看個人口味而已！
刪除真是口味因人而異，老牛較保守，不太接受松露的味道。正如榴槤，有人話香，有人話似貓屎，真係「各花入各眼」。
回覆刪除牛兄講得對，口味因人而異，很多有味的食物，每個人的評價都不一樣，就正如松露，未煮熱時，總覺得味道怪怪，若配搭其他合適的食材來整，又會覺得味道不錯……
刪除