農曆新年又到喇，都係傳傳統統向大家博友拜年：恭喜發財；身壯力健!!!
講起傳統，真的不知如果在現時要過一個傳統的農曆新年是怎樣過?!!反而要過一個自己模式的大年初一，應該都係一早打開個電視，聽下賀年歌，睇返TBB的大show重溫，或者睇番咸豐年代的賀歲片...跟住整了成檯糕一齊食，基本上午餐、晚餐，都可能食回昨晚年三十的""年年有餘""的餸菜...若是年三十外出食，初一便會在下午吃個齋菜...
其實慶祝過年家家都有不同，總之覺得高興便是了!!
基本上個"福"字是農曆新年見得最多的中文字!!
上年兔年整了幾個兔仔包，今年冇咩可能整條龍，所以寫個龍字來賀一賀歲...
中文字相當有趣，一個字就是一句賀年祝福!!!......
自從有了支仿真毛筆後，練習字體也多了，最主要是用來畫字畫用的，寫寫下又發覺有興趣，最好是不易弄污，乾乾淨淨書寫簡便...
祝好運龍來 身體比球王美斯更健康方可落場！人生才有好下場。
回覆刪除形形式式隨森合意舒服過新年，自由選擇做咩、唔做咩，不要硬性規定，時軟時硬，我才有快樂新年。
都係食，可食字， 『龍』貓饅頭都收貨。
仿真毛筆：係呀！人要送舊嘗新，不斷改變，才有新年進步，有意外收獲，日日順手快樂。
恭喜，恭喜
刪除祝願你龍精虎猛，身心康泰……
至fit身型無反彈！！繼續造個陽光大男人，爽朗唔婆媽，買野疏爽冇格價！！生活舒適無煩事，桃花猛開樂悠悠……
每日一餐都豐足，股票就祝你財息兼收，投資大豐收！！
唔會做龍貓饅頭，完全唔知做出什麼動物，新年要威威，做條龍先夠勁！！！
仿真毛筆可以寫字之餘，仲可畫畫！！！
全部接受，成你貴言。
刪除放肆亂食，哈哈！好滿足呀！
仿效平安包寫字如『神威猛龍』、『福』 等揮春喺饅頭上，曲面上畫條龍啦！森哥最順手卡通龍都好應節。
雖然我無興趣作畫和寫毛筆字，我好奇心都好高，想知道支神奇寶筆係乜乜，森哥可以簡單又深入介紹下啦？唔使用臭臭墨汁(回憶中小學氣味)。
個人都懶得做，要在饅頭畫畫寫字唔係咁易，有閒情先喇！
刪除難得一年一度的農曆年，都放肆吓，因之前買了不少東西吃！
有時訓練自己寫字畫畫，都可平伏自己心靈，簡單又易做，不需要寫得靚，畫得好，自己睇無所謂！仿真毛筆好簡單，筆內有地方可以入特備墨水！
就可寫出毛筆字，另一支毛筆仲簡單，裡面備有墨水，即開即寫……如果想睇，搵日介紹吓……
白滑曲面饅頭令我閃出裸露人體彩繪，呢個夠原始，最啱守護老舊古物腦袋嘅森哥哥，諗起都令人好醒神、好刺激，唔使等閒心都自動出擊，高級感拉滿。
刪除紮炮成年等此日子用唔健康食物犒賞，恢復人本性邪惡一面，完全無保留釋懷，做幾日壞男人，人真係…
聽落似上一代嘅墨水筆，筆頭都係一樣金屬？我仲年青都未用過，係見阿哥用嘅，係舊嘢～唔怪得森哥愛上啦！仲讚賞森哥肯接受新事物添！我誤會左，不過，好高尚殿堂級。
另一支係一次性內置墨水筆？用完即棄？滿滿疑問？？？
封你做高尚森。
新一年積極一點吧……乜都要從好處想，自自然然做事就有幹勁！咁醒神，咁刺激，就不如等一爺做隻龍又好，畫隻卡通龍又好，甚至彩繪個*波哋*都好，不過唔需要畀森伯伯過目，你自己知道為龍年做過就好了……祝你龍年愉快，事事如意！！
刪除對呀，直情係墨水筆的原理，以前寫美術字體都要靠墨水筆，鋼筆之類！！
另一支毛筆應該係用完即棄，不能換墨芯，都幾好用，乾淨企理，不過細心睇，筆觸冇明顯的粗幼之分，真毛筆書寫筆觸靚得多！！
現代人已經很難跟足傳統，正如你所說，過一個自己模式的大年初一便是了，最緊要自己喜歡。祝你春節愉快！身體健康！
回覆刪除對呀，做自己所想便是最好了！就算心目中的傳統農曆年，也都可能個個人都有不同！
刪除祝願和平兄，身體健康無煩事，事事稱心！！
祝：恭喜發財！龍馬精神！心想事成！
回覆刪除謝謝，我都祝你身體健康，事事如意，龍年行大運！！😊
刪除寫寫畫畫，充滿樂趣，自得其樂，樂在其中。龍年大年初一，祝森伯伯身壯力健、心想事成、龍馬精神、日日愉快！
回覆刪除謝謝牛兄的祝福……
刪除新正頭，我都祝牛兄身心康泰，龍馬精神，生活愉快，繼續畫多些畫作給我們欣賞！！
㊗️人人身心康泰💞生活愉快😃事事如意✌️
回覆刪除揮春字寫得很靚呵！
祝願Stella生活愉快，出入平安，事事稱心！！
刪除多謝，你常習字應該比我靚的多！！
森伯,祝龍年心想事成﹗龍馬精神﹗今早我食左年糕及蘿蔔糕做早餐(埗埗高升)呀^_<
回覆刪除謝謝羊羊的祝福……
刪除我也祝你龍年行運，生活愉快，出入平安，事事稱心……
我初一日的午餐，就是吃糕餐，過時過節都唔錯！！
恭喜新財 ! 祝你新春大吉 ! 身體健康 ! 龍馬精神 !
回覆刪除多謝AK，我都祝你心想事成，事事如意！最緊要身體健康，日日有食神！！
刪除森源晚上好 ! 新春伊始，恭祝安康愉快 ! 百事吉祥，萬事勝意 ! 龍馬精神，招財進寶，寫得龍飛鳳舞，成為墨寶。
回覆刪除秋來拜年排龍尾。香江人語：執輸行頭慘過敗家。聽落幾好笑吓。
多謝秋葉形容森伯的拙作為墨寶……龍字應該可以寫得更好！
刪除香江人亦有句話，有心就不怕遲……拜年不分早與遲，有心便可！
我都祝秋葉龍年愉快，身體健康，家人甜蜜溫馨，事事順暢！！
初七人日好高興，聽到樓下大門外舞獅很熱鬧的鑼鼓聲 !
刪除鑼鼓聲喧鼓動著人心，相信人們又會拍照一番。
過年深宵我追看古裝舊劇《公主嫁到》，十分好看。
府上雅潔整齊，相信都是女主人的功勞。
我們屋苑每年農曆年都有請舞獅助慶，見班街坊都有拿手機拍攝，幾熱鬧！！逄新正頭，有什麼喜慶，大家都好樂意拍攝一下，一年一次而且意頭好好。
刪除相片不是自己寒舍，可算是住客可到的地方，見甚有氣氛影張相放在博裡……
新年進步！
回覆刪除多謝，我都祝你今年事事稱心……
刪除How I like to learn.
回覆刪除I loved discovering your blog.
janicce.
我多麼喜歡學習。
我喜歡發現你的博客。
賈妮絲。
歡迎你！！
刪除有時間就多來訪……謝謝