新年的話題也講不完，農曆新年的特色之一，與12生肖有關，就是以12種動物代表每一年，但當你看過生肖表，就會發現只有一種動物最為奇特，其餘11種動物是最普通常見的…今年是龍年，就正正是一種虛幻生肖之年，相信連David Attenborough都未見過…😁
但大家有沒有想過，究竟龍這生物是否真的存在過，有人話龍既可在水裡游，亦可在天空飛翔，有腳亦可以在地上行走，正正是水陸空處處都能見到牠的蹤影…
既然處處有蹤影，但又有幾多人親眼見過…在中國人的眼裡，龍是種高高在尚的生物，只有當今世上的皇帝才有資格配上牠，俗稱龍袍
(呢個詞常常被人講：森伯著起龍袍都唔似太子…><)、龍床(森伯認為龍床都唔及自己個狗竇…)、龍體(皇帝個Body)等等…所以龍在中國人的心目中是瑞獸，是正面的，高尚的，中國人會稱自己為龍的傳人…所以在今年龍年，都要來個撥亂反正，連番文都要更正一番，將Dragon改為Loong(龍的譯音)…而事實上Dragon在英文字典裡的解釋相當負面，在電影中，Dragon被塑造成兇悍、噴火、破壞、讓人驚懼的龍，跟中國龍的寓意完全不一樣，中華龍是瑞獸之一、代表著吉祥、尊貴、有帶來好運之意…憑一個英文名稱來改變之間的分別…
一向對畫龍都不大信心，是很難畫的一種動物，以漫畫速寫方法去畫，大家又認為如何呢?!!又能否看得出牠們之間的分別呢?!!當然啦，中國人點都撐番中國龍喇，除了威武，仲夠霸氣!!!!!!yeah!!!!
龍的由來已無從稽考，但是，呢個組合展示左中國人創造力。某國人唔知龍的傳人優良特質，就算壓制茅招盡出，中國科技創新係愈挫愈強，誓死爭回一口氣，永不服輸。中國龍有霸氣，絕不會係某國嘅霸道，我唔係亂講，睇翻邊個喺最艱苦時期捐贈疫苗共享，邊個霸住疫苗自私。
回覆刪除要讚下森哥條龍畫得好有氣勢，快要飛走喇！下次等我黎點睛嘛！
龍係皇帝象徵：咁姓龍又唔使避違改姓，咁啱近期有一個叫 龍婷。
舞龍都好有特色，追住粒龍珠左穿右插。
酒樓婚宴仲有龍鳳雕塑佈景。
都唔係，當你要查下龍的由來都會查到很多資訊內容...基本上龍是多種動物的混合體，正代表"龍"集齊多項動物的優點，化成一隻能飛天遁地兼可下海的生物~~
刪除當然我都會講句公道說話，邊個國家的人都會有好有唔好，都未必執住龍的傳人，個個都要有心目中龍的品格啦!!!總之路是漫長的，相信會越行越好...
多謝你的讚賞，只是快快趣趣畫隻漫畫龍，冇十二年前畫隻龍咁靚靚，平時好少畫龍，都要趁龍年畫返隻似樣少少的龍才有睇頭~~~哈哈
網上睇到很多龍的視頻(因為呢篇博又搜查吓資料)，龍飛在天非常有氣勢...
現在新式酒樓已很少有龍鳳雕塑裝飾，現代人看上去會認為老土，將來一爺擺壽宴可以選擇一間來玩下gimmick，不過一爺現在得廿令歲，到擺壽宴可能這類茶樓都所餘無幾~~~~XXXD
咁中國龍 同 Dragon 唔同， 好似山羊 綿羊 咁各自有名，要用 loonge 另一個名，而 Dragon 應翻釋為 魔龍 妖龍 惡龍 毒龍才啱。不過，西方過氣列強都還是抹黑唱衰中國。
刪除最弊某國班 話是人團體 全部都係壞人。因為愈行愈好，超越後怕我哋用佢壞方式主宰翻佢，依家，驚到乜嘢那渣招數都用。
農曆新年過左，森哥清晒啲糕未？仲有冇親戚好友啲賀禮糖果餅乾未食？
感覺人生好似墜入有限期嘅循環，每年重復又重復咁過，不過，不是一成不變，每年都會遇上新問題和老問題，希望我能一一解決。
廿幾歲…我哋十年前認識，咁咪係十幾歲仲係學生哥、黃毛小子時候已識，友誼永固，好有趣。
西方人都可以講中國人太玻璃心，本身叫慣dragon又無端端要改人英文名稱，記得龍船都叫做dragon boat……先入為主！！其實英文怎樣稱呼都唔緊要，只不過現在什麼事都關政治事，先要政治正確！
刪除啲糕很早清晒，唔清唔得，糕好易發髦，變到正餐都係食糕！
新一年開始，祝你的問題能夠儘快解決，正所謂春有百花，秋有月，夏有涼風，冬有雪，若無煩事掛心頭，便是人間好時節，人越老越體會呢一句！
真實幾多歲都唔緊要啦，心態保持年輕也十分重要！！
如果我叫你惡毒衰格森哥呢？西人就係咁樣侮辱梗我哋尊貴嘅龍，咁都忍受到！咁我可以用英文操囗鬧森哥。恐龍係dinosaur唔叫xxDragon
刪除中四時班主任兼英文老師用英文教訓全班，雖然知道閙梗咩，但唔到肉無反應，要佢用回中文才完全感受到有幾震撼。森哥係英文隔膜感受唔到，還是次次硬要企喺我嘅對立面？或愛受虐？
先入為主！知錯就要糾正不遲疑。好似權威醫生話早餐對健康好重要，斷食後才知係凡人醫生錯嘅，唔改，我點可以減肥變得健康，和增強抵抗力好少病呢！
森哥高潮迭起，正餐都要食糕咁惨？我就係怕左咁樣，從少到中年都被迫害當惜食焚化爐。知足常樂，少少咪夠，泛濫糕潮反而累事。
我呢D後生仔也能體會到嘅。
我心態好年青呀！
如果從一爺口中所講，似抹黑森伯多啲……😁
刪除以前的中國人有咩不對都唔敢出聲，好似小一爺（小鵪鶉）咁，乜都低頭忍受，現在覺得有咩唔妥就要出聲……都係好事！趁新年一於大大聲講，中國人唔係東亞病夫……💪
現在中国崛起，龍字番名都要平反……一爺太馬後炮，一路以來又冇聽你講過有問題，現在就話屈辱？！佩服！！
拿，我冇話過正餐食糕慘，又係你想抹黑森伯，正餐冇限定，想食乜就乜！！
我幾時都話一爺呢類後生人，十八廿二正值青春年華，同老人家森伯有代溝……
借題發揮就係爽！🙌
刪除驟眼睇 竟然出現 『抹茶黑森林』，抹黑都係美好嘅。
人知將死其言也善，善男唔係好跡象，我哋最好惡言相向。
樣樣做啱變強大，有牙力憑實力自信講話，西方節節敗退，虛偽雙標，保護主義抬頭代表其能力弱化，死剩把口，自誇好人，踩低對手。
我係理科人，耗時學完文字唔記得，好浪費，生活範圍夠用就算，大多表面工夫，有需要才深入學習，「龍」係人哋提起才鑽研。呢樣交畀中國啦！
我細路哥時幻想一日三餐都係零食，同一樣，森哥鍾意全日糕餐都不厭。
人哋講嘢半真半假，信一半啦！代溝係啱，老嫩角色就對調左。
你斷食得太耐?!!把字句誤以為食物......若果真有其物，個蛋糕係綠色定黑色呢!!!!
刪除新正頭唔需要下下都講到死咁誇張，把口學乖了都是一個有口德的好人~~森伯又好少惡言相向，通常都係做好脾氣的人...
大眾都有眼睇，除非裝聾、裝盲、裝傻，西方實在做到太肉酸~~
我認為中國人始終都要對中文字有了解，尤其現在是知識型社會，而且中文又是母語，點都要有一定的認識!!!
食糕餐也是過農曆年才有，有節日氣氛!!平時少吃就覺得好味特別...
唔知森伯做邊一個角色呢?!!老定嫩?!!!
翡翠黑金相輝映，蛋糕要有創意。
刪除森伯做好人，咁醜角啱我因夠醜。
咁肉酸我要睜大雙眼剝花生睇住，恥笑脆弱嘅佢哋。哈哈！
夠用咪得囉！森哥想做中文老師。大人物有錢聘任文書撰稿。
新年限定特色餐，彈性處理，叻森好會執生。
唔使問阿貴，森哥當然係嫩啦！我扮細無説服力。
自己覺得森伯係入屋樣，忠厚老實👍
刪除其實冇咩好笑，一個人或者一個地方有可能漸漸失勢，漸漸失去光環，就變得醜陋，什麼大體尊嚴統統不顧，其實十分可憐……
稱呼叻森好聽過長者森，但森伯個feel 唔襯叻森！
森伯伯老人家形象太過深入民心，個嫩字冇說服力！
畫龍真是很難畫的一種動物，我畫水墨畫龍，畫了五張也不甚滿意呢！
回覆刪除對呀，要捉到龍的神髓不易，尤其要畫到神龍擺尾的姿態，兼且栩栩如生更不容易...期待見到stella的龍作品!!
刪除中國龍同西方dragon的確有分別，dragon是兇悍的、破壞、毀滅、令人驚懼，正如美西方一樣，但龍譯作dragon這麼多年了，很難改變的了。
回覆刪除一諗西方龍，會即時諗起在荷里活電影中的特技龍...通常好幾隻兇惡的噴火飛龍，追趕著主角，到最後多數被主角打低，龍只是當怪獸~~或者中國龍都係時候要平反吓~~
刪除你畫的龍真不錯呀 ! 通常睇西方龍好兇的 .
回覆刪除多謝讚賞，對呀！一向印象西方龍都比較兇猛不討好！
刪除當然鍾意中國嘅龍啦
回覆刪除中國龍寓意好，無論喜酒筵席，節日慶典都會見到龍的出現……
刪除自小見慣中國龍圖的威武樣子，也不知道dragon這個字是外國龍的意思。如果這個dragon是表示惡魔的意思，真是不要也罷。
回覆刪除對，一向龍的形狀都十分威武，高高在上，而且又神秘……
刪除本身對Dragon冇話正面或負面，經過報導一出，才覺這個英文有這樣的意義……