在blog前的每一個你，有否跟森伯有同樣感受呢?!!小時候對節慶真的麻麻地...但人漸漸老了，反而喜歡一種節慶的氣氛，尤其是大節農曆新年...
每逢過時過節，都有大把應節食物，尤其是香港地，市場是節日的主導，所以過年當然不少得周遭都是賀年食品，其中一樣就是糕點...賀年糕點有多種口味，人人都會揀到自己喜歡來吃，但又未必種種糕點人人都識做，基本上自己吃的糕點大多數都是森媽製作，之前的過年網誌都有提過...
而自己今年也見到超市售賣多款糕點，都買了一款棗茸糕來應應節，初時對這些超市的糕點也沒有太大期望，但吃過後，可說是打消了初初的印象，是完全不錯喎!!!吃過的，人人都話好味...而且幾廿蚊都算經濟，算抵食!!!!若然見到，都會買多個encore!!
過年糕點特別吃得多，有時甚至當作飯餐，同樣是高澱粉食物，所以都能夠飽肚，每次都吃不同的糕點，寓意樣樣都有，衣食豐足...
食嘢啱食與否真係撞手神，咁森哥今年一定好好運氣。
回覆刪除紅棗係甜嘅啱晒我。紅色代表喜慶事，過年唔少得，自製年糕面會放幾粒，初一盤齋都有落，拜祖先隻雞會塞粒紅棗落個口到。
一年度要放開懷抱盡情咁食。
食完蒸糕 祝森哥生意蒸蒸日上 事業步步高陞。
承你貴言啦...對呀，有時買食品好唔好味真係碰手神...
刪除現在零食市場內，很多食品都係甜到漏，大部份都啱晒你，紅棗紅卜卜，過年就最適合用來點綴一下...
又唔需要等一年一度，偶爾放縱一下都無妨，不過人年紀大了，都係適可而止，早幾年都會响往去食自助餐，就住就住食又好似唔抵，瘋狂乜都食又搞到胃頂頂，所以現在都甚少去吃~~本來未吃過點心放題，都想試試，現在上茶樓一兩籠的包都飽到爆，經濟地食都已足夠~~~~
森伯暫時不是搞生意，希望今年勝舊年，都算步步高陞~~~~
發瘟三載握殺試食阿嬋兼職收入，何時會恢復呢？人見人愛怕怕羞羞森哥有無大膽去試食呢？我估……無~罕見。
刪除如臨大敵，我已施咒誅邪：邪惡停不了口嘅『零食市場』，像千挑萬選新抱入門，剩黑朱古力過得關。甜品只有自煮雜豆糖水。買嘅果仁都係煮餸用生嘅而唔係零食級別。要讚吓自己下定強大決心，才能脫胎換骨。森哥還有天賦本錢，我能吸食邪魔時機已過啦！樂天知命，過咗就係過咗。
食過棗茸糕森哥都(紅)鴻運當頭 福星高照。
入老係細食左去食自助餐認真唔抵，畀足錢當然要翻本，又無犯規，食凸佢、撐大肚皮走係好正常啫。最近嗰次係因疫情而補辦婚宴自助餐，女仔好重視，我係斷食34小時後，算無失敗。有仔趁嫩生，點心放題都一樣，森哥要把握天賦尾巴。
即係唔想停啦！生意機緣好難話準，講定先啱架喇！
正如新一年己經來到，不好的事由得佢過去，班阿嬋又可出動試食，乜你都會參予試食這玩意嗎？一爺真係森伯內裡的一條蟲……講清楚啲，係肚裡面啫！！😀明白我唔會周圍試食……
刪除千挑萬選揀個黑朱古力……仍有很多好的零食選擇，乾果堅果是森伯伯的森頭好！糖有使炎症，都儘量唔食太多，過年破禁，要完全不吃甜，現在時勢好難做到……
雖然棗茸糕吃了有冇福星高照就未知！不過幾有紅棗味兼唔係甜到漏嗰種……回味！！！
婚宴你要斷食34小時，乜仲慘過你結婚擺酒，乜你要影婚照？！
點心放題對森伯來講未必抵，有次叫兩籠包，叫個腸粉，幾舊椰汁糕，已經飽到上森口……
可能已經代表森伯老！！
森哥係真男人，拎得起，放得低。
刪除想買才試，唔貪小便宜。
識少少睇人眉頭眼額啦！
屋企有就屁股坐唔暖張凳，手唔停、口唔停，所以，我咪話買生果仁，巧妙設阻礙，即食嘅會超音高速消失，唔得掂，發癲。乾果都有入過門，因醒悟自己有瘋食症要斷，過量好高糖變唔健康啦！
我唔膚淺為拍照咁表面，係食物深度遊好有內涵嘅！撞啱啫！知我一日一餐，咁啱晚宴前一日因事安排早上用餐，累計好嚇人，我感覺好平常。
畀長啲時間個細胞自噬機制發揮作用，身體更好，係養生大道。
嘩！好細食，咁易養，放題蝕大本。我係飲茶聚舊時扮野食少少，唔飽呀！傾偈為主。
哈哈哈，你又唔駛講到咁凝重，可以拎起就拎起，要放低就要放低……邊及一爺咁Man，乜都自己嚟，堅果都自已做！自食其力，原汁原味……
刪除我吃乾果都忍得口，適量就收口！！以前會過量，但食完又要買過，所以要就住就住食！！
如果我要一日一餐斷食，我會選下午三點，但不會迫自己有所規限，遇有特別情況會作更改，回復平常時候，再繼續遵守……
通常要睇同邊個去食野，自己友食多啲，同唔熟的人要扮斯文……
新年我都愛吃糕 , 由其紅豆糕和蘿白糕 , 棗茸糕未吃過 , 是超市才有嗎 ?
回覆刪除你講的兩款糕...我今年都食到飽晒!!
刪除我在"佳佳"超市買的，其他有冇銷售點我就不知了......
謝謝你 !
刪除唔駛客氣，有機會見到可以試吓……
刪除我新春糕點最愛蘿蔔糕，可以當飯食。
回覆刪除今年蘿蔔糕，芋頭糕根本已經係當飯食，唔駛煮飯~~~~哈哈!!!
刪除我細個都喜歡過節架，因為梗有多啲嘢食，過年仲有利是收添！
回覆刪除其實在小朋友的世界裡，只要是節日，一般來講都係高興開心，有得食又可以玩……
刪除自從親友喜歡送我年糕之後，我很多年都沒有整年糕了。不過，要是有時間的話，都要動手自製了，因為最喜歡吃的蘿蔔糕，裡面的胡椒粉越來越多 ! 受不了。
回覆刪除去年底在佳佳超市買了一款馬蹄糕試試，竟然幾好食呀 !
如果認為時間許可，又懂得做糕，當然自己做最好，一來可以做份量多一點，而且又可以做出合自己口味，親友來拜年又有話題，亦可增添過節氣氛！
刪除係呀，一向諗法，超市的包裝糕點係麻麻，但今次試過後，原來都唔錯喎……
芋頭糕、蘿蔔糕，兩種我都鍾意食。，
回覆刪除你講的兩種糕，我今年都食了好多，兩款都好惹味……😋
刪除Please read my post
回覆刪除Okay！
刪除可能係因為經歷關係，我最討厭嘅節日就係農曆新年，呢個係我個人問題。😅
回覆刪除唔通要繼續討厭一世，有些事情是可以令人改觀的...
刪除小時跟大過都可以有兩種睇法...