一向都很少買現成的包裝食品，但自從多了入超市，就變得多買了，無謂的小食都可以抵得住誘惑，而感覺上包點比較冇介心，會認為始終比較好...其實這些包裝的包點都有好處，就是方便，拿出來蒸一蒸就可以食，可為懶人食品!!!
於是買了包奶皇包...其實一向都有買開某隻麥饅頭，唔錯，不過近來越出越細個，搞到唔想買...而超市的包點款式越出越多，有時真係很難抗拒~~當然喇，味道及質素點都冇得同真正的茶樓點心比...
返到去都順便睇睇個營養標籤，當睇到材料欄，真係唔到你唔驚驚，小小幾個包...駛唔駛落到咁重的添加劑呀?!!有成十幾種...面前幾個靚靚的奶皇包，原來係化學製成品~~
既然買了都會吃的，但對呢個品牌的包點已被列入黑名單，唔再買!!!
其實想食包點，最好都係新鮮做、新鮮買，例如"唐X包點"或"包X先生"等，一唔係上茶樓嘆一盅兩件，再嚴謹啲可以自己整......至於，包裝點心都可以買，不過千祈唔好睇標籤!!!😁
包裝預製食品好處當然係方便啦，而且一般都好好味，但講到添加劑，肯定會唔少，間中一次都算啦。
回覆刪除通常買這類現成的包裝糕點，都是方便為主，吃不完還可放雪櫃內隨時蒸……就因要耐存放，什麼添加劑都出齊！！
刪除滿滿的數字。。。
回覆刪除睇見太多化學物數字，都怕怕……
刪除幾年前在超市，也買過一些白饅頭。回家看清楚說明，原來落了很多化學添加劑，以後就不敢買了。
回覆刪除在超市看清楚食物的標籤很重要。
時下的添加劑已成為業界不可少的成份，白饅頭白麵包都照樣落，難怪有人講，每日吸收起碼有十幾種化學添加劑……
刪除有時買得就買，冇細心留意後面的標籤…………
呢舖真係入實驗室撳緊急掣…煞停…呢個劣質 碳水『化學物 』間唔中食下無妨。
回覆刪除烘培食物如麵包 蛋糕 餅乾…嘅精緻加工食物唔知用乜料，店商只顧色、香、味、保存、成本，施展渾身解數去誘惑客仔，定力十足嘅森哥都失手被擒，好食到停不了，理鬼你營養架。
森哥係聰明消費者，識得睇營養標籤。
我又講黎講去三幅被，飲食教條要睇到食物原始形狀。
香港人太匆忙，唯有劣食趕走良食。興幸我過梗優質生活…享用自煮愛心餐，手握健康大權。
有時買呢類包裝食品，都知必會包埋添加劑，但估唔到幾個包仔要咁狼加十幾廿種……以後唔會幫襯，最經典有次買一個香港著名品牌的包裝排包，排包唔算多餡料，但材料都十幾廿樣添加物，個包食落奇奇怪怪，完全冇味道……唔似一個包！
刪除通常呢類包裝食物味道麻麻地，不過有人話可以擺成個月都冇發毛……
森伯唔會樣樣睇營養標籤先買……當然會選擇原型食物才吃，但有時都想吃吃其他！
平時森伯都煮清淡原味餐，包裝食品要睇下什麼材料才買！
我只係去飲茶才叫飽肚包，平日滴包不沾唇。諗起，老人才食燕麥，哈哈！我不知不覺老左。望澳洲雜牌軍麥片無除草劑啦！
刪除依家我食得最多添加劑應該係豉油、蠔油同阿華田。今年無啦啦跟鬼自制奶油鹽醬，絶無添加，之後，係少用豉油蠔油，醃肉淨係鹽，只係醃冬菇蠔豉同淡菜才用。望D東歐奶無偷加三聚青胺啦！
消委會今年又公布咖啡有致癌物質、除害劑、霉菌、重金屬。好在我唔飲啫，點解食乜到有問題架，無得避，緊跟飲食教條，唔諗咁多。
經一事、長一智，從錯誤中學習。
有心去茶樓嘆一盅兩件，多數叫包，冇包點唔似飲茶……
刪除一向對燕麥麻麻地，所以麥皮少吃，但自從有人送過一包快煮燕麥給我，又覺得唔錯，聽講把煮好的燕麥放雪櫃一晚，便會增加飽肚的抗性澱粉！
豉油係醃肉佳品，冇咗佢唔得，你可以買些有機豉油，天然生晒，不過試過味道怪怪，冇普通咁香醇……有機豉油，朱江橋牌都有出，不過呢隻我未試過……至於蠔油多年前已經冇食……
咖啡少飲，因為咖啡阻截某些養份吸收，所以唔多飲……
舊時啲包包都係小點、我實剔啦！我搞錯重點只向錢看。依家好似無小點可揀？
刪除燕麥要限少於100克/日，太多會阻鐵鈣等礦物質吸收。
燕麥$15/kg抵過糙米$23/kg，而且燕麥營養更高，燕麥飯都好食。
有D日本人會一次煲五日飯，分裝每次食量，用保鮮紙包好放冰格，可存一個月。森哥可仿日，又多抗性澱粉，加埋森制沾醬鹹甜三餐小食皆可，係奶皇包、方包、饅頭嘅另一選項。用塊生嘅菜/紫菜包住嚟食另外一番風味。健康價廉又唔花功夫。
重點係無食會畀人 懷疑 森哥 仲係後生仔。哈哈！
抗性澱粉不易被消化吸收，功效類似膳食纖維，吃了能增加飽足感，功效減重、控制血糖、調整血脂及維持腸道健康。睇完佢嘅功效，一) 我食夠纖維量。二)我唔肥。三)我夠飽，有冇佢都無所謂啦！森哥咁fit都唔會理佢啦！
我大部份食物都係健康，用少少調味料我又唔驚，淡茂茂係好難食嘅，我忍受唔到森哥地獄式清淡架。
杏林在線 介紹生物制劑可醫風濕關節炎，因為自己免疫抗體攻擊翻自己致發炎，可打入外來抗體去中和自己打自己果隻抗體。醫療新科技會幫到森哥。
森伯冇分咩小點，大點，特點，想食就點！！
刪除燕麥營養不大，勝在纖維多，通常白米加糙米比較好食！！
唔會喇，煮好飯放雪櫃，到食又要蒸返熱，咩抗性澱粉都冇晒……
畀人懷疑森伯仲係後生仔，呢個最唔得，罪大惡極！！😀
森伯食野好老人家口味，煲啖飯仔，蒸碟餸仔……雖然冇食足幾餐，但都超經濟實惠……
有很多澱粉類食物經過攤涼或雪涷，就轉變抗性澱粉，但當你把這些加熱，抗性澱粉便隨即減少！！
唔係你估，森伯品嚐的地獄式清淡法唔係個個食得樂意！！
我以為一爺都話得，仲有地獄式生食法，食完包你清心寡「肉」……
森老頭兒的情況好難講你知，總之多謝關心便是了！🙏
每100g 燕麥/糙米
刪除蛋白質 10.7g /7.2g
纖維8.1g/3.2g
鐵質 4.3mg/0.4mg
鈣質 52mg/10mg
鋅 3.6mg/1.3mg
鏻 410mg/120mg
鎂 138mg/43mg
B1 0.5mg/0.35mg
E 0.42mg/2.54mg
結論係燕麥營養比糙米更高。
森哥有食面包、餅乾同雪糕都唔清心啦！我都唔買黎食。
節目中患者話10年前係無得醫，令他跌落谷底，証明醫學進步中，森哥要對未來抱有希望。
你又信呢類報告?!!...聽人講燕麥未被人食用前，本身是動物飼料，而且燕麥有種物質去干優你腸道的吸收，變得食幾多營養物都冇乜用...
刪除當然喇，唔係人講就要信，燕麥對森伯唔係太適應，所以就一路以來好少食，加飯多數用其他穀類，冇固定，隨便加些少就可以~~~
面包，餅乾，每日基本上都會食，但雪糕間中才吃...總之樣樣不過食，淺嚐就好了!!!!
唔使聽人講，我靠估：人類未食白米前都係動物嘅食物(飼料)，唔知話恐龍食過會唔會 馨香D。
刪除咁動物食過嘅係咪低等D唔應該係人食嘅？
古時都係畀動物食過無事，証明無毒，人才敢食。
你又蝦老人家唔識野，人本身都係動物...不過以前的人食物資源少，所以米就變得好珍貴，粗生的雜草，雜麥就拿去作動物的飼料...
刪除而且燕麥本身營養不太多，就係被西方的商人吹捧，用宣傳植入你的腦袋中，燕麥、奶類、粟米片就是健康的早餐，直至今時今日又發現這些有大問題~~~
古時的農作物同現在好大分別~~~~~~~~~~
有人在一失足成一古恨。莫非森善被人欺！
刪除正確黎講係老中坑要向後生中坑對燕麥平反。
蕃薯葉舊時真係餵豬，依家話有益我都唔介意食架！而且我同豬一样仲係生食添。森哥又要歧視豬………我。
殖民地下年少更無知，好彩我後來醒覺，認清邪惡嘅大話精。
以前，奶要高鈣低脂才健康，最近話全脂牛奶都算健康，食物康健真係一時一样，信自己啦！我細個時係無高鈣又無抽脂商品奶，但那個年代全世界係無乜有福氣嘅肥人，應該營養不足佔多，全脂奶又點會係元兇呀！係咩搞亂世界秩序？我只能齊身算喇！治國平天下要靠有能力領導人。
人善被人欺……唔怪得森伯成日被欺負！！
刪除自己少食燕麥，平唔平反都冇乜所謂！！😀
蕃薯葉煮熟都鞋烚烚，生食都唔講得少，你生食真定假？！
我一向都唔係太飲高鈣低脂奶，比較淡味……要揀，我會飲全脂，因為森伯本身脂肪不多，現在奶比較少飲，有時會用豆奶沖杯穀類飲品……都OK既！！
喺森哥面前講大話對我有咩好處？
刪除利用葉梗夠硬特性，我剪成粒狀，撈落軟飯內，好似魚卵/豆角/果仁碎咁样，令其口感多層次。炒飯都有加菜粒、菜脯…啦！
我喜歡用生嘅菜葉像紫菜包住黎食，有另一番風味。
我識變通又有創意，食腦架！
咁我又唔知你有咩好處，在社會都有好多人口是心非……
刪除用葉柄砌碎撈飯食，諗起都難食，而且冇必要咁食法，最近超市有翠苗賣，我用來作生機飲食，撈水果便易入口，翠苗多水份，間中見到會買！
就算有無限的創意，都要實際才有用……
現在啲食物越來越多添加劑，唯有食少d囉。
回覆刪除咁ManMan就醒目，可是現今世代好難避免太多添加劑，盡量少吃已經好好！
刪除點心都是上酒樓吃好的。
回覆刪除那就對嘞，起碼即叫即蒸，新鮮啲……
刪除一向幾怕食呢啲急凍點心，通常都係去到酒樓先會食。😅
回覆刪除其實自己買現成的包裝點心不多，茶樓新鮮又好味！
刪除