這個商場已經很久很久沒有來過，有時車程都會途經過這裡，有一段時間地下的店舖都圍了木板，可能進行大裝修...
曾幾何時都要常常到這裡銀行，不過大概早在年幾兩年前已經搬遷，而事實森伯要辦理一些銀行事務，這間分行算很方便，不知大家有否覺得??現在銀行的分行越關越少...最主要可能是減省成本，取而代之什麼電話銀行，網上銀行或櫃員機等等，去辦理日常的銀行事務~~~大家都知森伯伯是長者，銀行太過電子化就恐怕容易搞錯，都是喜歡渣住本銀行簿仔走入銀行辦理各項事宜~~~不過現在這分行都消失了，日後可能要到遠少少的銀行辦理!!
而到今時今日再臨到這商場，真的變化很大，相信是商業考慮，打通了整個商場，騰出更多地方經營多間食肆，差不多八九成是食肆!!!!是關附近太多商業工廈，一放晏人頭之湧湧，可想而知!!!!就因為這樣，昔日類似的屋村商場，搖身一變了很多連鎖食店進駐......隨口up，都數到十間八間你總聽過的~~~有麥記、家鄉雞、星巴克、翠湖、譚仔、大家樂、大快活、吉野家、一粥麵等等...仲有很多不過很少聽到的食店名字~~
個回憶當然是昔日的富臨酒家，每逢過時過節都會一家人前來食餐做節飯...講了些時間，仲未講這裡是什麼商場，就是長沙灣廣場，現在就偶然才會去逛逛吃吃東西......
銀行越開越少，的確是事實，間間銀行都推廣網上, 手機或是電話理財，我等長者，逐漸被遺棄，下一代人都開始適應網上銀行，相信當我們這一輩漸漸老去，街上的銀行就會更少。
回覆刪除時勢所趨，也沒辦法，始終社會也是不斷進步或改變，森伯老人家也應該接受網上或什麼電話理財，就因為科技的發展，將來新一代的人工作又會是什麼呢?!!
刪除因很多機構也會趨向電子化而減省人手，雖則這樣說，但自己都不知幾耐沒有掂過本銀行簿仔~~~~~~哈哈
呢區少行，係工作需要去附近製衣業中心。
回覆刪除就腳又價廉理由，喺工厦飯堂食過飯。
銀行同超市一樣，我享受㩒機優點。
昔日策略係梗有一間喺左近，方便客仔才可吸客。依家係將所有服務網上化，網絡所到處，屋企厠所廿四小時都可辦大事，銀行服務延伸無邊界無時限。不過，我好遲先知手寫支票都可以用機入票，再無煩櫃員，又無用支票箱(無收據錢財交易唔安心)。
有一次屋企附近開新商場，收到問卷調查問你想要乜鋪，最尾，無理到我寶貴意見。
聖誕、新年及生日願望 係 友誠 家興 淘多多 電特場 Aeon 佳寶(摺左) 開就腳分店。
係呀，果區很多製衣工廈或服裝店...一爺一向走開時尚型男路線，有冇來買衣裝呢?!!
刪除銀行同超市，兩者性質唔同，超市是生活購物所需，銀行就是財務需要，不過仍有人手幫忙，都會選擇人手幫，若有日是機械化，也要慢慢去適應用...
可能真係有日銀行分行的數目越來越少，因為很多都趨向電子化~~~
很多銀行事務都可以在櫃員機裡辦理，可能減省人手的速度比預期快!!!
看來，我同一爺都係同一類的消費群，你講的店舖我都識得晒...係呀，附近有齊晒都會幾方便!!!!!!
我去工作同製衣無關。
刪除走平實路線嘅我，型男都係啱森哥，咁近你，開倉時斬獲唔少。
各行業都朝呢個方向進發，依家咪係畀你慢慢適應囉！遲啲老一輩走晒，商家會全面改造，唔好臨急抱人腳，森哥快啲搞機啦！世界少子化，人力缺乏。中國巨輪推動亞洲急速發展，無人步伐大趨勢會快過西方，加上人工高漲，亞洲廉價外勞無得提供。
名單上全都行益街坊價策略，由其是夠期貨品，簡直令我對眼發光。
好榮幸可以泊住森哥做同一類消費者。
我最唔鍾意裝修，業主又黎剪升斗市民嘅羊毛，街市裝修後D嘢貴晒。
我仲以為一爺去傾生意，去入貨！！因為佢主要唔係做零售，係做批發，好多服裝店都會去攞貨！
刪除冇呀，冇去買過衫，最主要去銀行，同食飯……
將來什麼都電子化，國內連買杯野都用手機畀錢！但香港冇咁快，正如你講，等個社會慢慢適應，早排的電子消費券，已是一種全民習慣電子支付的開始……
你都識講，現代人少子化，餘下的人口又會老化，更加唔可以太過什麼都科技化，驚我哋啲老人家用不到科技野而生活唔到……🤭
夠期貨品有些都仲幾好，但有些比較冇咁新鮮，所以都會當心選購！！
如果地方太舊，我都寧願佢重新裝修過，起碼行得舒服啲，又衛生啲！
做生意…係呀！快要去賣鹹鴨蛋小生意添！哈哈！
刪除追憶…唔會咁單簡平淡嘅！我以為係激情初吻地方！
國内街市買餸都係手機付錢，無假銀紙，小販無大量現金唔驚打劫，唔使唱定散錢…好處多籮籮，所以，大衆接受得咁快。
係呀！要戴老花眼鏡睇清楚到期貨品。
係唔舊都要裝修呢！唔係點無啦啦加你租呀！
你咁快諗住賣鹹鴨蛋，冇咁快卦！😄
刪除激情初吻地方？！你估拍緊劇咩！！森伯本字典裡都有很多地方值得回憶，可能老人家，你哋啲後生唔明——
雖然用手機支付係有優點，但假設手機壞了，冇電，什麼都做不到了……諗到裡面太多資料消失就頭痕……
觀察貨品的外表狀態好過睇有效日期……
如果拾年前我無正視36"肥腰，今日的我同蛋生意商機只差半步喇！上左年紀就好化學，鬼門口隨時候命。
刪除咁你講到我明囉！
好多地方……咁初吻係幾時？喺邊度？森哥不要忘記初心呀！…『長場』係當初約會地方！
要有後備手機囉！或平板。
意思係老森哥已過食效日期，但睇森哥外表狀態依然㗳糖。
狂斬百刀果兩個女仔都係喺商場…深刻回憶。
既然預測不到，擔心都冇用，活得一天便活一天！老土一句活在當下最重要！
刪除邊有人問人初吻響邊鼠架！！十居其九都唔會答你……長廣只係曾幾何時留過不少腳毛的地方，回憶盡是過時過節……
森伯的另一部手機係長者機，方便攜帶！！
憑一爺講句仍然嗒糖，相信森伯伯有三個月訓唔著，感覺森伯冇八十都起碼有七十歲，但憑著地獄式淡食法＋生食法keep 一keep，但始終都敵不過歲月痕跡……😔
五十知天命，命數係老人易病，最怕患癌，知道唔可以躺平，自自然然做吓可行嘅防備措施，做左我就無擔心健康，無未完心願，壽命長短唔重要。我又唔覺我依家係地獄式飲食，反而覺得係優質生活模式，簡約式一巨大餐非常滿足、方便，2日細食踢走壞蛋脂肪，真係好到要推薦畀大家。
刪除過節都係獨孤一味酒樓中菜，重複又重複我就覺得沉悶，多啲花款刺激下好D，世界咁大嘢食繁多嗎！
平時可以做到的，就是食得健康，活得輕鬆，可以減低患頑症的機會，未知的就唯有不用擔心，因為要來的總要來，不來的也擔心不來，雖則話...事在人為，但成不成事也得靠天意~~
刪除講地獄式就代表下定決心咁做，唔係個個人都做得到或願意做...你成日話過優質生活，有冇一些具體例子呢?!!
你估個個都係一爺咁逍遙咩，鍾意去邊度食都得，一個人易話為，但一家人要顧及每一個，包括森伯，梗係揀最方便到大家的地方，同埋每次去同一撻地方都冇壞，久而久之可以成為回憶之地~~
你話：重複又重複我就覺得沉悶，多啲花款刺激下...睇嚟一爺幾鍾意耐唔耐搞下新花臣!!!!哈哈哈
呢樣因人而異，優質係自在、簡化和健康生活。獨活消遙自在唔使遷就別人，自己想點就點。任何事簡化左，就會有好處多出黎，少即多 (Less is more)。例如：吋頭可自剪省時慳錢唔吹頭。一片番梘、一樽凡士林就可冲涼、洗頭護膚，舊時要十多樣。一部萬能手機等于相機、手錶、電腦、攝像機、電視、銀行、電郵、字典、交費、地圖、記事簿、日曆……。屋企細D、少嘢D減少精神去維護和打掃。揾平嘢花少D錢。三餐縮為一餐。每樣食少少就可食多幾樣不同嘢更易達至優質均衡飲食。原來，每天做20分鐘優質HIIT運動就夠，舊時我做足成個鐘。騰空多D優質時間做我喜歡嘅事情。
刪除睇嘢簡單D，做人就化，睇得開，自然開心。
有健康才有好生活。
係呀，自己的生活算唔算優質就唔知，總之隨森而行就已是優質~~~
刪除人老了，反而覺得多一事不如少一事係對的，盡量減少麻煩事~~頭髮又稱為三千煩惱絲，剪短頭髮真係爽很多~~
番梘又可洗頭又可沖涼，想問你用咩番梘洗頭，尤其夏天，番梘洗頭好快就立黐黐...
手機雖然方便，但我畫插圖始終要用部電腦~~
有時唔明一爺慳埋咁多錢點用?!!慳埋咁多時間用來點打發?!!
健康並非一己所願，但怎樣都要保持正向心態好重要架!!!
短髮瞓醒無豎起一執，被人恥笑爛瞓，要搞一大輪㩒翻低，才敢出門見人，慳翻打理。
刪除我仲怪到用凡士林搽頭皮鎖水都無立黐黐。吹咩！
慳得鷄碎咁多…無畀人揾笨傷感， 同揾到著數愉悅感，療心。
慳多啲時間去發吽哣…冥想緩焦助眠。
人大了，好少訓完覺頭髮竪起，通常細路仔才會！如果竪起頭髮真係難搞，會淋多次水才出門！！
刪除凡士林你當髮膠或髮蠟？！森伯本身油水多，唔搞啲髮都竪起又快立！！
我又唔會因為買到平野而療心，反而就算買貴了，好用合用就開心！！
經過幾年疫情的侵襲，市面生意不景氣，收入若不夠租金的支出，很多的店舖都只有關門大吉了 ! 因此有多間分行的銀行，都取消了好幾間分行，使該區的市民很不方便。
回覆刪除雖然水費電費、石油氣費等等，大多數人都是以銀行過戶，省得走來走去付費。除此之外，總有入銀行辦理的需要，如今分行少了，客仔堆在同一間，把時間拉長了，總見到怨聲載道。
沒辦法，政府要減省開支，私人營運的銀行也需要，見人流少的地方便刪去，變得人流集中在其他分行內……而且現在差不多人人有智能手機，乘機用電子化辦理銀行事務，唔習慣的也迫你去習慣使用……秋葉唔驚啦走在時代的尖端，一隻手指掃一掃，就搞掂晒儲蓄，往來，投資各項事務……
刪除只有森伯呢類石器時代的人唔知點搞……😅
何以見得我是走在時代尖端？太過抬舉了。我若是有咁叻，就唔使吓吓求小女幫手應付電腦上的問題啦。
刪除森少你懂得製作版頭並設置，比我叻好多喇！
居然敢係我面前認老？ 試試像粵語長片那樣，在畫面上鬥放飛劍吧。
見秋葉平時在網誌又有睇片links，又有影片歌曲連結，又截圖，放相放文字，看似很熱衷搞呢類電子玩意，就估計秋葉定走在時代與科技的尖啄，森伯當然自愧不如啦……
刪除版頭以往也是自己做，只是將圖片放上去，寫開blog的都會懂……
在我的想像中秋葉仍很年輕，森伯面前別認老！！
哪裡，哪裡 ? 秋打博13年，都是在兩年前 求教於Peace先生，才懂得上載有聲有影的視頻，感覺很滿足。但若是太久不用生疏了，幾乎就搞不定了。幸好近日也弄到。
刪除近兩三年來 黑暴加上疫情緊張，我的頭髮白多了，樣子都衰老了。所以我少照鏡，心情特別年青。呵呵~~
咁peace兄真是你的良師益友，遇有不明之處也希望可以有人指教！我寫博簡簡單單便算，所以一向都不多連結或影片，如非必要，相片一兩張便算可以……將來自己眼番也簡約一點！
刪除相信過去的黑暴及疫情的發生，很多人也不會忘記，是香港及全球的大事件！
很認同你的講法，當人年紀漸大，鏡也不敢照……森伯遲啲連水中自己的倒影也不敢望……😔
有句俗語說：「唔信鏡，都望吓盆水啦 !」
刪除唔係呀嘛，森少竟然連水都唔敢望 ? 噉貪靚，果然係美術界中人。使乜驚，在家中舖吓mask，或者做吓facial, 就會面貌一新，同性異性都會走嚟跟住你gar啦 !
有時廣東俗語都幾好笑，簡單得來易明~~~
刪除你諗多了，森伯所講的連盆水都唔敢望是講嚴重程度，如果森伯敷幾塊mask就能解決衰老的外表，咁就易辦很多~~
估唔到秋葉姨仍很率真...森伯一塊mask都未用過，而且容貌是內從外的，養生法較合我...乜容貌一新，同性異性都會走埋嚟，呢個秋葉試得多!!!!
吸引力不是靠個樣，言行舉止很重要。學習多接受自己的变化，隨遇而安！
刪除秋葉言下之意，莫非說森伯的言行舉止有問題?!!...歲月的變化，人人也得接受，而人老了也可是另一種美!!!
刪除不敢，不敢。素未謀面，也少見閣下拍攝的照片，怎麼看得出 你的言行舉止呢 ? 講笑搵第二樣喇。
刪除我仲以為秋葉有天眼通，窺看到森伯嘅一舉一動……哈哈
刪除秋葉可能自己唔知，有時都幾有幽默感！！👍
縱使艱難，心態也要樂觀。但我不是一個喜歡活在幻想中的人。自小看電影和電視，看到一些男演員老了，確是比年青時好看。好像周聰，老了樣子很慈祥；在年青時他得個樣，演技毫無特色。姐姐最喜歡扮他的呆樣。
刪除人當然會老了，無論有很多人不接受也好，也得要面對~~做公眾人物無論一舉一動，相貌也要被人去評論，所以都很難阻擋歲月催人的現實...
刪除但現在的藝人算好了，有很多護膚，造型幫他們去保持著青春...有些年老藝人都保持得很好!!!
版頭幾有新意。春花秋實，色彩怡人。
回覆刪除貓咪與熊貓，都很可愛。左右兩側平衡，畫工甚佳。
多謝秋葉的讚賞……
刪除版頭多點色彩，看落也有生氣一點！有部份是重新製作，謝謝欣賞！
我真係好怕去銀行，雖然銀行有長者隊，但一樣是要排長龍！
回覆刪除通常很多人一諗起銀行，就諗起要排隊辦理事務，証明仲有很多人對實體銀行是有需要的……
刪除甚有同感。老牛這區也是零售銀行撤了幾間，匯豐銀行、恆生銀行、東亞銀行都沒有了，告市顧客到一個很遠的什麼地方的分行。老牛有「高新科技恐懼症」，從不搞什麼「網上銀行戶口」，更不會用手機付款取款，頂多是「撳機」過數或取現金。真的，待這一輩長者老去，世界上只有電子銀行了。
回覆刪除你說出的三間大銀行都轍走了，區內的市民如需要實體銀行真的不方便，幸好我住的附近都有櫃員機，基本上一般的簡單事務都OK既……森伯都已經好感恩！
刪除係呀，我都感到網上有錢銀往來好唔安全，但大勢所趨，將來也得接受！！
將來只有網上銀行都未算驚……最怕將來連銀行內的儲蓄也成為一堆數字，冇了實體錢！！
好多工種都用電子服務，咁將來D人有無工可做。
回覆刪除我也有同感，見人工智能越進步真的可取替很多人的工作，到時人們要找工作更加難……
刪除