自疫情的防疫措施解除後，政府都好希望能快些復常，為要帶動經濟活動，都有很多對策，例如早前的開心香港活動、夜經濟等等...我最記得的活動是送機票，但好似講講吓又唔知最後，有冇人得到呢啲免費機票去旅行?!!
有日經過某商場，發現有個開心香港的活動，真係唔睇唔知...這個繪畫比賽主要是年青的學生們參加，場中展示了多張的得奬作品~~而這裡有些作品真的確頗有本地特色~~
如果從好方面去想，搞多些關於香港的活動，可以讓新一代對香港有歸屬感，而且這幾年，大家常常掛在口邊講的移民移居，倒不如搵學生們去發掘一下身處的香港有哪些美麗之處!!
此幅獲奬的作品都唔錯，一看也充滿著香港情懷，很有代表性，而且很有心機製作，現場看有立體感...
送機票是有的，我有朋友都得到，但不包括稅項及行李費。
回覆刪除我又不是太覺有什麼得獎報導，這樣你朋友也十分幸運，當然喇，佢只是送機票，其他費用就要自付......
刪除我抽唔到機票，連政府的一天遊都抽唔到呀！
回覆刪除唔緊要啦，Stella就算沒得送出的機票，自費去玩也不錯...
刪除活動搞手最叻唔係蘭桂芳之父盛智文咩，佢將海洋公園搞Halloween吸客後起死回生，無揾佢獻計？原來佢都係猶太人。
回覆刪除我識人得到單程免費機票。
繪畫比賽唔係好多機構都有年年辦咩！
主題係開心香港，森哥睇完有冇開心到呀？
我小四都得過校內繪畫比賽季軍，畢業頒獎典禮仲出去領獎威威……獎品係……一隻條柄有花紋嘅不銹鋼匙羹，依家仲用梗。不過，美勞科唔係我強項，之不過，得閑都要讚揚自己開心吓。
培養多啲得獎者如運動員、科學家、文學家……歸屬感會強烈，你見啲人喺商場睇奧運比賽咁激情支持都感受到。
奶茶、蛋撻、魚蛋、雞蛋仔、碗仔翅、月餅、車仔麵、菠蘿油、雞尾包、燒鵝、乳鴿…比賽令呢啲香港特色專業化。有咩打卡位嘅攝影比賽，十大手送比賽……外國朋友問起你都講得出，令香港有內涵，才有歸屬感。
每個人對開心的定義都唔同，政府都有很多智囊、軍師或者師爺...諗既計都未必個個市民都受落~~~
刪除單程好定唔好呢?!!如果係去的地方喜歡都唔錯喇，政府幫你出一半...
繪畫比賽時時都有，不過以開心香港名義個聲勢又會大少少，我諗在學校裡搵學生參加!!!主題個名係開心香港，等如有種堅果叫開心果，唔通吔咗你會變得開心咗咩?!!一爺好單純，我估你到聖誕節都會信有聖誕老人派禮物畀乖的細蚊仔!!!哈哈哈
其實你講開又講，不銹鋼餐具幾好，如果中途冇唔見或掉了，真係可以伴你一世!!!匙羹幾好，有紀念性又實用!!森伯平時好少用筷子，大多數用匙羹，拔湯拔飯拔餸一羹搞掂!!
對香港有冇歸屬感，好睇個人~~培養都未必係一個因素~~~
認同，現在講的香港特色食品，街頭小食，用來做生意的綽頭居多...十大手送比賽幾好玩，真係要用腦諗諗有咩包括在內...
就係人人唔同，才會百花齊放，呢個世界才有趣。
刪除開心香港為題，森哥會點取材？
我呢…人物有沈殿霞、許冠文、周星馳、曾志偉。食物有金莎朱古力、雪糕、藍罐曲奇餅…食左係開心呀！所以，我會一年一度買黎食，開開心心奬勵自己，有一年我開心得滯買左 6 kg 朱古力食。地點仲未諗到。
我喜歡簡單，單純正合我，可惜，世界太複雜，人人心機重，要生存不可單純，咁好易畀人揾笨。我會扮單純嘅！等人對我無戒心。
鐵係金屬真係永不磨滅，所以，有句：情比金堅。份奬品好有意思，你只係鐵匙羹，都係匙，但唔係含住金鎖匙出世，幸福神無降臨喺你呢邊，出爐鐵唔打唔得，你要以為自己係鐵打架！同前特首一樣好打得，要努力才揾到一啖仔匙羹飯食。講咁多嘢，其實，買佢單純係因為佢夠平，諗多左喇，有時單純就啱！直接啲唔使轉彎抹角。
開心香港係主題，港人現實，每間店舖派優惠最開心，不一定食肆，什麼店也可，每個人都有份……
刪除你鍾意金莎？！我就麻麻地……我隨當時想食乜就買乜……
單純都係好事，夜晚唔驚半夜有人敲門，訓覺都可以安心……
家中很多不鏽鋼用品，襟用，易潔，而且輕，唔會打爛，好適合森伯呢類長者用，外出食飯都會帶支私家匙，輕而易抹，幾好！！
超市買1送1，+$1多一件嘅優惠，都係將售價 飆高，實際平得5毫， 市面好多類同假扮優惠，會上當？哈哈！真係平嘅係黃貼紙。原來，FB都有關注組嘅網上報料，邊度有特價平嘢，等啱嘅人仆去買。
刪除見貨架不缺就知金莎深受大衆歡迎啦！不過，我好多年無食，年老改食健康黑朱古力好D。估唔到森哥係小衆！新年收到金莎咪借花敬佛，益同事？
相對老奸巨猾嘅森哥，我真係好單純。
半夜揾得你都係兇多吉少，驚架！
森哥自攜餐具好環保又衞生，自嘆不如。👍
消委會公布有幾隻花生醬含黃菊霉，服毒都唔知。諗起一生受用嘅飲食行為準則：食見到原形食物，加工到原狀係點都睇唔到就盡量少食。
最近都常到超市買東西，好少用到+$1多一件的優惠，通常唔等駛的香口珠，或其他小食類...
刪除自從一爺常常在森伯前講黃標價，都會留意多了，買多了，通常都係水果和肉類...好少睇FB的關注組~~~
森伯老人家唔夠人爭，通常都係見到有什麼優惠才去買~~~~
金莎同雪莎比較，森伯愛吃椰子產品，唔會啦，過年拿些禮品借花敬佛...人人都知你將過年物資來派街坊!!
我望都望自己係老奸巨猾，唔會畀人呃...若然真係有人叩門，幾驚都走去睇睇是誰啦~~唔驚得太多，如果冇人覺得係啲細路整蠱!!半夜三更有細路...哈哈哈
只係一支匙羮啫，疫情那時就更加需要!!!呢份消委會的佈告，我想睇睇喎，好間中會買花生醬來吃，其實一向都知花生醬好唔衛生，肝臟科醫生唔會買來食，黃趜霉素係一級致癌物!!
好早期就知，不過想吃便買下來~~
老人仲食後生仔香口珠…唔通…闢味…？森哥平時講鮑蔘翅咁大口氣，還是滿口香 煙燻味？
刪除歡迎森哥加入掃黃大行動。我都唔夠C奶爭。
逢加椰漿食物我都好喜歡，獨特椰香惹味好吸。
會嫌棄架？帶有色眼鏡歧視食物好唔啱，高貴同事真難服侍。太多食唔到，FB 有斷捨離網畀你免費 放手。做人要有衣食，不要浪費資源，諗到慘慘巴童。
父母唔畀細路去夜街。細蚊仔睡眠時間好長，佢哋半夜都瞓到死豬，扯唔起身。好在騷擾電話唔會深宵响起。
見微知森，好細心，照顧周到，人見人愛。
肝臟會解毒，食少少唔驚 。所以，我珍惜佢去減肚腩，因脂肪傷肝。花生我都會食唔停，我真係太為食。
森哥繪畫得過幾多次奬？最深刻係邊次？講下威水史黎聽。
邊有一爺咁多味要闢...以前有食，現在很少，有些香口珠話無糖，其實用了人工代糖阿斯巴甜...多食無益~~
刪除其實都係稍平，不過水果就平得多，可能時段關係，中午去冇咁多人爭，我附近間佳佳超市好悠閒，人唔多...
最近一段時間，我自己製作椰漿抹醬，用來搽包食，很好味道，唯獨啡色的椰子糖麻麻地~~
唔關同事事，過唔到自己果關，將親朋好友的禮轉贈，未到水窮盡的時候都唔會咁做，通常唔會太多，自己銷路...屋企人易話為，講明要送咩送咩，唔會買錯唔啱的禮物~~
你講起深夜電話響，真係好驚驚...都順道講返單曾幾何時遇到的頗靈異事件，當時半夜四點幾，廚房的收音機突然響起，一路聽就一路驚，當時屋企人都聽到，真係為之一震，但估計係屋企人煮完餸唔記得熄，但聲響掣又神神地，時大聲時細聲，半夜三更就突然大聲...
睇過份花生醬報告，佢話獲得滿星星係S字頭果款，我就是買呢隻，唔驚，唔係常常買...老人家怕熱氣!!!
森伯冇咩畫畫奬，很少參加呢類畫畫比賽，感覺佢地好內定......
森哥有篇博文講過。椰漿咖喱好味到無朋友，我餐餐齋汁撈飯都無投訴，啱糧尾。
刪除阿媽教唔好揀飲擇食，窮民胃不拒占記糖。
共享賀禮都係有誠意，唔算請人食次貨，啱食嘅我(後生)多多都無拘，森哥有難我幫口，唔好抹殺人哋意願。
嚇到個森離一離咩！可能係收音機締結鬧鐘良緣叫床啟蒙事件。
黃昏買完餸回家途中撞上派報奇遇…好心幫阿嬋快啲收工咪順手拎一份，阿嬋立即問：『先生有無喺國內讀過小學？』仲快手揭開疊報紙嘅中間位，好像要發暗器，應該將會有第二步行動，唔好浪費我寶貴時間，我答：『無』即彈走。回家睇呢份叫明慧週報有8頁紙，頭版標題：中共黑手深入加拿大，內頁有法輪功招式。原來係邪教，我估佢想踢人入會。西方都無出此死棋，唔通又重新資助？為何再度活躍？如果佢打正旗號派教會單張我真係唔騷佢，所以，要隱身扮免費報紙。呢D邪教都係避之則吉。
我有講過椰漿咖喱咩，好似未整個呢個餸?!!...現在食開日國咖喱，覺得呢款咖喱好好味，今個帶飯的午餐盒便是咖喱意粉....
刪除以前隻占記椰子糖好出名，現在真係少見，但有得賣...以前有隻軟糖，面頭有砂糖，係好好味，如果現在見到都想買~~人老左唔敢食太多糖，如食品加了糖又迫住食，
最好樣樣包裝食物都不要額外加糖!!!
唔會喇，森伯冇咩收到的禮品係要搵人清，若有日撞到一爺，只要大聲講係一爺，森伯寧願請你食餐!!!!
果晚真係嚇死，無端端收音機會自動出聲，現時最怕床邊電話響，驚午夜凶鈴~~
哦，真係好得人驚，法X功的人用呢種手法帶人入會，你有冇標明自己愛國愛港架?!!以前法X功有擺街站，我一路以來都係認為法X功係古古怪怪，細時唔識什麼叫政治，
只知這種組織有啲嶇崎，好少理會~~~
椰漿抹醬
刪除椰漿抹醬，呢個就有...用來搽麵包好好食!!!!
刪除做人最緊要係健康同快樂，睇到咁靚嘅展品心情都好D。
回覆刪除Man Man說得對，健康快樂也是很重要，見到學生們的作品，不其然回想學生年代的畫作...哈哈
刪除Beautiful blog
回覆刪除Thanks！！🙏
刪除Please read my post
回覆刪除Okay！！
刪除搞多啲活動總係好的。但是否「開心」，還要看經濟是否有起色、看民生是否有改善、看市民收入有否增加。
回覆刪除現時這個問題也是多國的問題，經濟對一個地方來講相當重要，就是如此，政府近年來都想積極搞多些活動刺激經濟，不過通常都係雷聲大；雨點小......
刪除上面那幅獲奬的作品真不錯，電車、大押，密密的樓宇，充滿著香港情懷。相信是家長提示，學生作畫。家長們一般都會幫忙參予子女的繪畫，或勞作比賽的。我也不例外。
回覆刪除記得小時候，美術堂我畫的雞鳴報曉，和另一幅淡紫色的山水畫，也曾經貼堂，不過都是自己的興趣。讀書無人管。
後來姐姐讀英專，年底舉辦聖誕繪畫比賽，她指派我代為繪畫，我畫了兩幅，兩幅都入選貼了堂，我也有參加派對，看見也很高興，當然不會穿煲，就讓她出一下風頭吧。
係呀，一看便知香港的本土特色東西，喜歡畫中的大押，很有昔日香港風貌的代表性...哈哈~~當睇到畫作，我都係即時諗起一定有父母幫手參予，現今的小學生都冇咩可能知道舊香港的一事一物...
刪除有秋葉幫一幫手，令千金的畫作必定獲奬無數~~~就算不是奬，也貼堂無數!!!!
你講起呢件事，令我想起曾幾何時，我妹妹課堂要畫些畫，佢她的畫畫天份不大，於是我幫她畫，結果拿了份奬品...這事也是一個兒時回憶!!!
屋企人攞彩唔緊要，會諗到她們背後的作品是自己的實力，也相當開心!!!!
想不到森少也做過妹妹的槍手。喜歡畫畫的人，總會出手幫忙。但我會幫忙起草稿，最後來個修改一些吧了，讓女兒也會有一些成功感。
刪除學校不會常常舉辦這些繪畫項目，但要全班參加，才參加吧了。小學功課都忙個不了，無暇再想搞其他。
我自小有病，唯有潛心讀書，哪裡有什麼要獲獎的虛榮心 。 而且自小就一直有獎品獎狀，都看淡了。但也懂得戥人高興的 !
通常喜歡畫畫的人，幫人畫幅畫係輕而易舉之事，而且家人獲奬，自己也沾上一分光榮...小時候易滿足，但人大了面對的事情，經歷都多了，很難再搵到昔日的易滿足感...現在都有填色比賽，不過規模可能細細地，開心香港搞的比賽，應該較大規模，但係市民可能聽都未聽過，可能只在校園圈裡面會提及~~~
刪除秋葉真係了不起，一直都有奬品奬座，而且你仲要看淡一切~~~真的不求名利，只會替沾了光的人感到高興...情操很高!!!
真的很想欣賞一下秋枼的獲奬之作......期待!!!
謝謝讚賞 ! 其實也沒有什麼了不起，既然付出更多的時間精神去學習，得到意外的獎賞吧，沒有什麼稀奇。
刪除自小我的生活主要是保持健康，其他沒有什麼令我覺得驚喜的。
至於我的獲獎作品，都被人收藏了，取不回。早期貼堂的，多次搬家都遺失了。但在19年黑暴期間，寫畫過一幅「寶寶飛升」，沒有著色的，算是素描吧。
來自學校、親友、報社各方面送給我的禮物也總有一些：
用品、書籍、各種名筆、飾物，有些都遺失了。
值得記念的人和事物，早已放在心上，不光是靠禮物來維繫。 人到黃昏，見一天走一天吧，隨遇而安。
名利不過是身外物，有得也有失，名利不代表一切。我選擇平淡，才得到今天和平的日子。
真是白頭宮女話當年，凡是比我年青的，都是後生可畏 !
時間是最寶貴的，希望你們能珍惜。
獎狀不等如獎座，是有分別的。
刪除不用客氣，總之有奬品或奬賞都應該值得開心，証明自己的作品有被人肯定的價值~~
刪除秋葉常常話身體有健康問題，好像還未聽過你說是什麼問題...當然喇，不想講的可以不講!!!
很多時參賽作品，如不說明，統統也不會退回...反而幾想看看你幅什麼「寶寶飛升」~~~
N年前的奬品或禮物都隨著時間的過去，真的所餘無幾!!!
人到黃昏，見一天走一天吧，隨遇而安......說得對，人生還有什麼想做的可趁這個時間去做吧~~
有些人講今天還能走還能行，就要多外出睇睇，等到年老不能動時，就留有遺憾!!!
對呀，彼此都要珍惜寶貴的時間~~~
我知奬狀同奬座有分別，可能老人家手快腦慢，打錯咗~~~
每個人都有不同的價值觀，喜歡做什麼事，可以各適其適，也不用跟風去幹。
刪除即如人人都要趕往外跑去旅遊，你若對這方面已經感到意興闌珊，也要舟車勞動的 學人家去跑了嗎 ? 以為我是傻的嗎 ?
至於把時間怎麼運用，也是各有各的自由。
我多年不作畫，19年畫的塗鴉，放出來也許是個笑話。
森源自認是老人家，那麼請你分享一下人生的經驗，給我參考一下吧。