唔知大家會否一到秋季就會喉乾乾，想咳想咳，或者一到秋天轉天氣，氣管就有些問題...對森伯來講，幸好秋季都沒有以上問題，反而皮膚就會容易乾燥，很易痕痕癢癢，一盒凡士林，或什麼滋潤膏也是必備...不過今篇不是講用品，而是講養生食品~~~
一向對喉糖都不是太好印象，尤其含有藥性那種，吃了沒效果之餘反而更差!!!!遇有問題時常用鹽水漱口，反而有點舒緩作用~~但平時都會在便利店、連鎖藥房等等見到很多中藥喉糖，見就見得多，買來食都係第一次...佢講明是以草藥製造，一包糖買來試試也無妨，吃過後比預期中好，涼涼地、甘甘地...都有點醒神~~
與其買喉糖，不如自己整個天然飲品，也是生機飲食...呢個做法超...超...超級簡單，找來一個梨，除了啤梨，最好雪梨...我用的是貢梨，很大個那種!!!只要切塊，加適量涼開水，少量蜜糖(潤燥作用)，一起攪拌，攪完就飲得...若想涼浸浸，放冰箱裡冰一陣，仲好味!!!飲過都要竪起...手指!!!!
當然喇，食療不是一次半次就見效用，如果不是忌甜的話，可一星期飲一至兩次...黃綠森醫師包你過一個潤潤的秋冬季!!!!
某整年總覺想咳想咳感，做中度氣喘運動鍛鍊心肺功能後就消失，強左條氣順翻。
回覆刪除凡士林係養膚聖品，x城8折買250ml，平過藥房$10。
我都係！喉糖/咩膏無效兼引痰。
話橘檸皮比肉更高營養，近年我食埋，亦減垃圾。係咪食左會預防咳呢？
另外，甘草檸檬、九制陳皮…係好味有益古老零食，依據見到原形食材嘅飲食法則，會比加工成糖更好。兒時，新年吉係成粒連皮吞再吐核，好孫(酸)。
我呢…直接雪梨蘸蜜糖。
好多假，點揀？
多做運動就最好喇~~始終肯動動身體對免疫機能都會好些......
刪除x城是否日X城呢?!!我一盒細的凡士林可以用上兩個冬季，都幾抵用~~而且好多配方選擇...
係啦，喉糖唔係個個得，個個都有效!!!
橙上的蠟質好明顯，唔會食埋落肚，近幾年好喜歡吃柑，超市常年有賣，而且又甜...橙比較少吃因為酸，唔食得太多酸食物......
每次去超市、便利店都會買些包裝的九製陳皮，雖然知佢唔健康，可能用糖鹽醃製，但少量食用都可以減少喉部的不適，因為正宗的陳皮有化痰理氣的作用~~
甘草檸檬，九製陳皮...等等的古老零食，裕華間超市好多，有機會去可以要睇下~~其實你會否去裕華?!!
直接雪梨蘸蜜糖...咁食法唔好，攪勻食會易吸收~~~
我本懶惰，堅持日日做唔易。
刪除聰明估中。我膚質差需大量補救。
習慣清洗貯放雪櫃，無咁易發霉，食前再洗多次，怕農藥。
有曬柑皮，整果皮雜豆糖水。
裕華…無嘢啱。
真係每樣食物都諗到壞分子，唔嚴重嘅我唔理。好似喺屋企跌落地我會快手拿起食，有時唔使太講究，正常人無咁脆弱。
以前，我係因為老人家牙力唔夠才買部機打爛畀佢食。堅硬果仁種籽如芝麻、阿麻籽用牙咬胃磨真係如豆苗明天見，攪成醬狀才完全吸收。斷食日600卡有小得可憐嘅南瓜加蛋，打成美味濃湯可安慰自己，我無森哥腸胃咁削。
都市人對做運動都沒有太大恆心……
刪除你膚質差好可能飲食出錯而你唔知，又加上你夜睡，唔差就奇……
生果買後唔洗，到食才洗，咁樣耐放一些，尤其車厘子同葡萄或一些莓類……
跌落屋企個地，再洗洗就食，好多人都係咁做！
打成梨漿放雪櫃會好好飲，森伯個腸胃好削，話晒老人家，唔似你哋後生消化力咁強！講真！！😀
感覺每天都在掙紮中救存。
刪除敢問黃綠森醫師食錯左咩？應食咩才有森哥咁嘅美膚？
我早睡早起。
有啲水果係唔可以提早洗，同黑錢一樣唔何亂洗。
我係唔洗直接放入口，藝高人膽大。
醃制乾果以前叫鹹濕嘢我都好鍾意！依家太化學化，防腐劑、增味劑、色素、改性澱粉、濃稠劑…一大堆，都係舊時天然有機方式好。
一日一餐都唔缺營養，証明我吸力強大。回憶中，森哥好多時都用機打爛食物，森醫師有方法增强吸力嘅！
每天都要爭扎中求存，咁慘……好似現時水深火熱的巴民，早前都有睇巴民的視頻，到呢刻完全害怕了，炸醫院，受了重傷都冇人救，麵包店唔開，因為已經冇麵粉……簡直係人間煉獄！！
刪除也希望一爺可以想開一點……
Sorry喎，森伯冇美膚，求求其其，你可以買包杏仁粉，放豆漿，放粥等等，唔駛磨很方便，森伯個雪櫃常有包黑芝麻粉！！
就係太多添加劑，多吃原食物……
打爛食好處易吸收，唔好處係醣份也易吸收，所以現時少打了！你在網上打開胃健脾食物搜查，就搵到答案！
我無寫錯字架！有陣時，到運動時間唔願郁，似被繩『紮』住，要『掙』脫捆綁，才『救』到條懶蟲，健康『存』活下去。
刪除打杖啫！烏人都無巴人咁慘。死啦！無咁快打完，仲有排……等死。唉！
其面積係2個大嶼山， 住左3百萬巴人，以想巴人逃走晒，就可佔領埋。
美對俄以意向係一停一打，兩種態度顯露虛假不公正，自己周圍開戰侵略，仲美言自己係世界警察，其實，背後 盤算利益。反觀，中國對兩戰都搬出和平方案，高呼停戰、議和，行為一置。
你講維他命E護膚，我一定多過頭。每天飲食都包含果仁類。而且，用芥花籽油 牛奶 鹽 發打成cream，自制無添加劑沙律醬，撈落米飯內，用生蔬菜包住飯肉食好美味，因蒸烚烹調和醃肉一滴油都無落，知道鼓吹無油健康係錯誤嘅，我要加好油。
FB突然出左鱷魚肉止咳廣告資訊，呢個氣管敏感救星竊聽左我哋對話，可能仲開通左我手機鏡頭和咪高鋒，偷睇我一舉一動，用得網絡預左無私隱。
徵費後街道上垃圾桶會消失？呢道唔使用收錢垃圾袋？
自己做運動，隨心啦...冇得強迫自己~~~有時要上班的日子，成日坐在電腦前，有種無形的疲累，點都要起身郁一郁，做下運動，志在郁郁...
刪除烏人同巴人係兩種情況，俄烏嗰場戰線，俄國有普京大帝助陣，情況便會不一樣!!!!打仗耗損太多，自有很多利益方面盤算......現時各國都有人反戰遊行，都係希望早日停戰，其實中文有句話很對，生靈塗碳，現在巴民就正正是這樣處境~~~
近排除了吃水果之外，仲有加埋生機菜苗，取其生機飲食，我不會吃生取代平時飲食，不過會習慣吃...
想自製沙律醬，我會用牛油果，現在一年四季都有牛油果，用來打醬非常適合，而且習慣了又幾好味，牛油果，加牛奶或者豆漿，有堅果的話可以加些少，一齊打到杰撻撻...當沙律醬都得，若然加條蕉蕉變奶昔，簡直係森伯果類庶民的高級甜品!!!
坊間時時都講鱷魚肉治喘氣，氣管問題...不知是否屬實呢?!!近排都刻意多飲梨水，係我呢排既補健飲品，我介紹過的杏仁粉，都有補氣管的作用，我有幾聲咳時都會吃呢個杏仁食物，尤其在患新冠時~~它不是堅果杏仁，是中藥既杏仁，細細粒心心形，南杏佔多，北杏佔少，不過坊間買到的杏仁粉，應該只得南杏，藥用價值冇咁大...
咁一爺的手機又開鏡頭又開咪，就小心啲啦~~森伯幾廿歲人，絕唔會玩呢類玩意~~~~XXXXXD
將來自己垃圾，需要自己帶返屋企揼!!!!好似係咁講過.....
隨心……我會諗一千個借口唔做！如何培養好習慣？
刪除同一時間提供彈藥和政府運作費畀兩個國家，就係森哥講嘅耗損大。本來已經債台高築嘅國債又破新高，會拖垮國力。但係，各國都開始本幣交易，減持其國債和貨幣。
打壓人仲要問人借錢(買佢嘅國債)，邊有人會蠢到借錢畀敵人去攻擊自己架。
澳洲就買左個慘烈教訓，個種族歧視、傻瓜總理仇視大客仔，終於成功鬧走左。發現大市場嘅不只有經濟力量，仲有政治力量。
深層次地諗，一帶一路係一個大謀略，貸款基建去扶起小國經濟，令佢成為你嘅第一大出口國，依賴你來生存，唔敢亂咁反對大客仔。要辦進博會。
我餐單9成食材係固定，可不斷發掘、撞板、改良，發現生食味道和營養更正。
早排玩左自己 曬矮瓜乾，同菜乾一樣可放成年都得，因為雪櫃空間有限，多個貯糧方法都好。
500ml咸奶油約要$10，抵過油醋…混醬。
超級食物牛油果當然好啦！森哥識揀。
我打杏仁糊就係用南北杏。
佢開左我都唔知架，德國梅婆婆咪唔知畀CIA偷聽囉！大國劣行、無道德標準，令人憎恨，快要倒下。
習慣都冇得迫，隨心做，當你自覺有此需要，就會畀心機做好佢!!!
刪除所以有句說話講打消耗戰...付出的不止是金錢、國力、仲有人命、國譽、國運~~~~
其實呢樣我都覺得好奇怪，你同一個人借錢，點都會就住個責主，竟然仲聲大夾惡去抵制人，仲去指責有什麼什麼的不對!!!反過來個責仔仲惡過責主~~~
有邊個唔想有生意做，唔想有錢齊齊搵...全球經濟都係麻麻地，搵到錢，做到生意，國泰民安...就是領導所願，搞得唔好遲早下台!!!
乜野晒矮瓜亁，苦瓜乾就聽過...有時睇落好簡單，把食品風乾便可，其實內裡可能有學問，吃了後身體又會出現問題，輕則肚疴，重則頑疾~~
曾聽過有人在家中自己晒鹹魚，可能天氣潮濕，濕幾日又乾幾日，久而久之鹹魚都生晒蚊蠅的蟲卵，聽落都唔衛生啦，仲要食落肚!!!
香港地買野好方便，唔需要諗計去收藏太多食物，有些食物未必襟擺~~~現在多了到外出買菜，頂多一次拎多少少!!!
牛油果醬好好味，好適合現時的秋冬季節飲用，有油性滋潤一下身體也好!!!
一爺好得意，講講下食物又會講返政治!!!!
係人性的弱點，完美森哥體會唔到凡人喇！
刪除同納豆國一樣國運唔好，意外碰上兩場戰爭，係長期作惡多端，畀天收。
俗語：妹仔大過主人婆。自以為是。
自大左百年，未遇過比自己更強勁嘅對手，打左4-5年，要醒覺認低威，換一種態度。
政棍錢多唔志在，唔理民間疾苦。
民意係揾錢，聽取民意揾錢為先，富民強國，才係真民主。
上網睇片學人哋。我好奇心算大，損失都係一條矮瓜$2啫，森哥無咁孤寒。
漁民將鹹魚包住個頭唔畀佢產卵。
回應手機竊聽係事實，呢個例子實證如山最啱。
人有人運，國有國運，當然行緊運的時候都要把握……因為運氣不是時時陪伴左右，當運去時，就要沉著應戰，靠努力賣力，等下個運再來過……
刪除現在好興乾風機，果片菜片風乾就食得……對我來講無乜需要，買來食都方便！
呢款軟糖唔錯，我間中會買黎食，貢梨清甜又多汁，佳果！
回覆刪除係呀，有時食食都唔錯，起碼有種涼涼感覺……
刪除可是貢梨屬季節水果，不會常常有！
含西藥成份的喉糖真係冇乜用，一來惹痰，二來食完之後個口苦的，三來，又是最重要的，根本看不到效果。你介紹嗰款雪梨加蜜糖攪拌，值得試試。
回覆刪除係啦，所以喉糖不是首選，還有自己也不太接受勁薄荷的香口珠，味道唔自然，食完個喉仲辛苦……反而傳統的醃製陳皮會好一點！
刪除這個梨水簡單易做，清清涼涼又潤喉……
金桔喉糖非常有效，水沖咸柑桔也不錯，護聲舒緩喉痛。
回覆刪除你都有買，食落都唔錯，涼涼地地都幾好，是中藥提煉（據講）
刪除據知西藥的喉糖成效越來越差，我也很久沒有購買了。
回覆刪除你提供的方法很好，俗語說：「有雪梨，冇熱氣。」
前年我喉嚨有些痛，飲了些蜜糖水就沒事了，這個也很方便哩。
對呀，這種西藥成份的喉糖很多年已冇吃過，據講政府醫生開的喉糖是這類(不知現在是否)...只能當糖吃，沒大效!!!
刪除很多人對藥效也有差別，我齋飲蜜糖水效用不大，加梨水才有用，一般我會喝南杏北杏的食療，甚為見效!!尤其患新冠期間~~
在新冠期間，有人說日常可以多喝陳皮水，這個幾方便。
刪除以前友人送我一樽自家醃制的鹹柑橘，我一宜都是珍藏，沒有用過。因為一向不慣用這個。
南北杏的屬性有所不同，南杏甜，北杏苦，並有微毒，用量控制在5至10克之內。南北杏共用份量，一般為10克。
中藥喉糖真是好介紹。
回覆刪除