雖然中秋已過，但氣溫都仍處於時涼時熱，這是典型的香港氣候，可能要到十一月中才會感到有涼意，就因為現在的氣候已沒有春夏秋冬之分，所以衣櫃裡、衣箱裡...常年都有齊春夏秋冬的衣服，要著都很容易拿出來...
今年都冇特別添置新衣換季，不過早前就買了些日常短tee，都只是舊換新，森伯有幾樣衣服是一年四季都會著，第一樣是背心，第二樣是短袖tee，冬季時外面的衫多數著好幾日，而換就是內裡的背心，而短袖tee最多著就是現在的秋冬天時...
通常唔會周圍去買衫，附近的日式百貨已經OK，它的款式多是老實款，有些仲係阿伯款，所以幾適合老人家森伯，呢度買衫好free，完全自助式，售貨員打牙較，某人理你...拎完又試，試完再拎...完全感到自己係透明人，而且這裡買衫的人唔多，好悠閒~~~~~~~
買件合森意的恤衫唔易，有就唔買，反而有領的tee才合森水，今次主要目的是買短tee，唔講咁多，拎件衫去試試先!!!
我都係衣服殘舊左才添置新衫。不過，底衫褲常更換，洗得多好快殘，我見特價就買定囤貨。係揀特異功能底衫，熱天著快乾排汗嘅，而凍天便是消委會測過有效B牌保暖啦！棉質衫早已打入冷宮。
回覆刪除大熱天時我都習慣喺恤衫下加底，底衫索汗唔使令件恤衫濕左，有礙觀占，格甩底都要索，所以，背芯唔切合我需要。
淋浴換季：今日我仲冲梗凍水涼，通常低過20⁰C啲水體感凍到打冷震才用熱水。涼天會用分段洗身法，煤氣爐出水初段凍嘅會先下半身，後段熱水洗上身。寒冷天就開行全熱水，咁前段凍水用桶仔裝起，要贊自己好珍惜食水，所以，獨居就唔使交水費，水務署唔寄水費單畀我架，俗稱打單信。
有話19⁰C以下水溫冲涼刺激身體會更健康強壯，但係有話體温降低1⁰嘅抵抗力會變差易感冒，咁樣咪好矛盾。
我最憎售貨員打擾，要全自由不可眼超超，喜歡靜靜睇、慢慢揀、隨便試，揀啱去櫃枱畀完錢鬆人，比起熱情款待我愛冷對待，所以，贊賞超市自助收錢冷對待法。森哥和我係不同客戶群。森哥要打眼色，售貨員要洞識眉頭眼額，你哋交流叫做『眉來眼去』。哈哈！
換季除左衣服仲有咩？……xx城廣告已有特價火鍋爐、電暖氊。…風扇洗完包起。…煲雪梨水潤肺？賞紅葉…大閘蟹…秋栗
每次換的衫褲，洗得多都好易殘，呢個完全認同！！其實一路都搵緊有些底衫又涼爽又快乾果種，慳時間嘛！
刪除一出街都著得肆正些，自然裡面要著底衫，索汗之餘又可以望落挺身些……背心夏季係家常服，所以一年四季都要著，但洗得多，又會易殘兼穿窿！
冇你咁多慳家大法，大概上已習慣一年四季都要沖熱水涼，天冷時沖熱水比較舒服，天熱時去汗，若然沖凍水涼，洗完個身黐立立，森伯係大汗人！
咁好唔駛交水費？！煲水，洗食物都要卦，你唔係話落街攞公用水呀！！你好似活在鄉郊地方！！佩服你……👍
打眼色？！買少少衫要打眼色！！都冇優惠，你打埋我份……
你真聰明，森秋系列可以慢慢講，一年時間過得快，今年夏季霎眼過後，又來到秋冬……
我首件快乾底衫喺 優衣庫 發現，真係汗水好快帶走，熱天去街市買餸，昔日棉質衫濕透，快乾衫只有好小面積濕，係爽D。無汗臭味。晾衫好快乾。衣料好薄放衣櫃慳位，有一半。衣料好似森哥肌膚咁絲滑，摸不停。有幾項要注意。1) 愈貼身效果愈好，好似大隻佬揀細一碼衫騷肌肉咁貼，更有效將身上汗水盡快帶走。2) 唔可以用柔順劑，佢會整塞衣料特有吸汗嘅毛細孔。3) U牌要用洗衫袋，否則，洗完拉長左。其它品牌嘅厚身D唔使。
刪除有分要見人嘅，同唔見人嘅底衫，可以殘舊D嘅。
我喺屋企係赤膊，好性感。
凍水浴好爽呀。
多汗症可補充4倍維他命B1減低少。
全部做齊都唔過限額包括煮食、洗衫、洗地、清潔、有時無咸水冲厠……
我鍾意香港氣候，唔想住喺有落雪嘅地方，整年夏天太熱我又唔啱。
有森哥陪伴開開心心拗撬下過得更快。
有些牌子都話清涼快乾，好切合現在人們所需！講就講到天花龍鳳，但實際又係不外如是，冬天實有保溫內衣賣，廣告常講零下幾度都可以穿，結果同普通內衣差唔多！冇再買！
刪除基本上買內衣摸下質地，薄薄地就合我（易乾），越厚越綿質就越難乾！
森伯老人家冇你啲小鮮肉friends咁嫰滑，唔好摸得就摸……🤣🤣
你講幾點都唔合森伯用，幾乎唔用柔順劑，冇u牌底衫，好少去買衫……
香港氣候比較熱和潮濕，不過好過會落雪的地區，太凍個人唔掂！
你當拗撬，我當傾偈咋！😀
信佢哋蛇都死啦！森哥一朝被蛇咬就怕啦…唔好氣餒，自古成功在嘗試，早買早享受。
刪除消費者委員會出咗快乾排汗運動衫和保暖內衣測試報告你有冇睇過，有參考價值。另外，特異功能衫都要人特異處理才達至預期效果，你要睇吓有咩要注意事項。保暖內衣一樣都要細一碼緊身架！揀大咗就唔太暖喇！網上都有資料。
我堆嫩滑小鮮肉friends 簡直令我流口水，忍唔著食佢落肚…蒸雞、 燜牛腩 、蒸魚、煎蠔餅…。
件衫真係好好摸，你撥冗去舖頭摸下啦！哈哈！
我反傳統洗衫唔落柔順劑架！可能咁樣才正確。我亦反傳統唔用大浴巾，改左薄身輕盈洗面巾冲涼後抹身，效果一樣，日日順手洗埋晾乾夠乾淨，反而，笨重大浴巾唔會日日洗，潮濕天難乾死。
我都知我講咩森哥都唔啱聽，唔合森意，不過，我都會繼續長篇大論。哈哈！
喜歡針鋒相對、拳拳到肉、入森入肺 感覺強烈，唔係表面客套話，搔唔到癢處。
到肉嘅仲有班被制裁嘅香港法官/律師/律政處人員，氣焰好大嘅西區議員又黎淋紅油。驅使各國爭住去美元化，惡唔出面。所以 BRI 有百幾國出席，尋求經濟加速成長，脱窮脱美，快啲結束單極覇權。
唔駛啦，一般的背心已經OK。想當年，年少時好喜歡去連鎖服裝店買衫，順便都會買埋底衫，尺碼容易買，而且到找數時，一般都有折扣……現在老人家買的衫都唔敢太多花臣，老實款就OK！！
刪除通常你啲鮮肉friends夠新鮮，點整都好食，煎蠔餅正喎！幾時請森伯食先？！森伯多數買雪肉，係雪肉fans，貪佢可以保存在冰格內一段長時間，幾時想食就解凍，隨時可以煮，叫做唔駛成日買餸！！
一爺真係大闊佬，用大浴巾，濕完又要晾乾，唔方便，而家冇幾多人會用，森伯一條浴巾走天涯……
一爺啲富泰生活同森伯啲赤貧生活係兩個不同的level，難免有爭拗……
唔知點解某國班官員（完全唔知乜水）時時走出來話制裁呢個，制裁嗰個……港官員仲要理佢，當佢發up瘋仲好！！呢幾年都聽唔少！
年少多花臣就唔會去連鎖店買『制服』。係咩花臣？
刪除我唔出軌架！四平八穩嘅衣著，否則，化身妖獸。
森哥提起我小鮮肉陳年往事，高唱：舊夢不須記。近年我都係吃雪藏肉/罐頭。
窮森應該馴服如小羔羊，唔敢同一爺霸道總裁爭拗喎！正所謂：窮不與富鬥。
邪惡軸心國盛產大壞蛋到處鬧事，從我對西人工作經驗，唔反噬佢哋，你就係怕左佢而收聲，一定要拗到底。
換季 換森 換心情 換芯片…華為用3年換上中國芯 …中國經濟突飛猛進並非偶然，而係中國人太聰明從10年開始各方面技術都突破，走上世界一流水平。
嗰類花臣係年青人先著到，例如：啲衫無端端有條金邊，心口有英文字，顏色配搭怪怪...當年紀漸大也很少再去幫襯，最主要唔得大體!!!我又唔似一爺model咁款~~無論年青look、斯文才駿look、鄰家男孩look都拿捏得到...哈哈，所以著衫都為求穩陣!!!
刪除基本上肉類不是時時買，所以對我來講雪藏肉比較方便食用，罐頭甚少買...現在"地捫"出了很多紙包食品，用起來都十分方便，有湯有餸，又有意粉醬幾多選擇，不過間超市只得兩三樣...
窮不與富鬥，一爺又想用錢欺壓窮人森伯~~~~算唔算網上欺凌?!!
你成日話邪惡軸心國，畀人家的間諜聽到，活捉你去某國賣豬仔，運你去舊金山揼石仔做苦工~~~~~~~~~~~~哈哈哈哈
阿媽年代紡織技術低，布料只有單色，灰沉色系最平， 所以，佢覺得紅紅綠綠花哩碌就好靚。我細蚊仔時阿媽就係我嘅當然形象設計師。加上我樣貌出衆，唔係背後話，而係兜口兜面話你：「醜人多八卦」，所以，低調、簡約、唔突出就啱我。
刪除仲有平價海產乾貨如蠔豉 淡菜 蝦皮 海帶都好有益。
見呢两場戰爭，不謀而合，以強凌弱係真理。因此，國家富強，人民有福，我慶幸能望到呢一日。
監獄早已爆棚，所以，早年立法偷竊少於950美元係輕罪唔拉架。拉我呢啲無名小卒都晒米飯，除非係森哥呢類重要人物就要驚。呢條法案造就許多集體O元購，店舖每年損失大。
現在潮流就剛剛相反，淺色沉色的統統稱為型格look，反而太過花哩花碌就被人認為太浮誇~~~對個小朋友話「醜人多八怪」好失小朋友的自專心，當人大了思想漸漸成熟，知道有咩應該講，有咩唔好講...都很少當人面前話人不是，無論大人細路都一律讚，俗語話：禮多人不怪...所以要我形容一爺，一路都係以富家子弟，model，陽光男孩，型仔等等...等人聽起來都順耳一點~~~除非見過一爺的照片，靚就當然讚，唔靚就唔出聲......都算有口德卦!!
刪除你以下講的說話，我完全認同，國家弱，任由他國欺壓凌辱，人民唔值錢...聽過早幾年前，有人話寧願當時(侵華時期)被日軍統治，都唔好畀返大陸~~~~森諗：佢食咗藥未?!!
根本外國當地冇咁多人手去辦理呢類0元購事件，只要被竊的金額不高，都冇咁得閒睬你~~~~
係殘酷認識真相，接受無人完美嘅缺點好，還是，避重就輕逃避現實害怕激評？有能力超越關口會變得更強大，承擔唔到錯折或造成抑鬱還是避之則吉，面對嚴苛，有時會愈變愈強，有時會愈黎愈弱，情況如要視乎那隻病箘與自身免疫力。
刪除睇過一集電視劇訪問個富翁，有個商品想用佢嘅名氣做代言人，佢思考好耐，身邊太多擦鞋仔美化謊言，最終佢問咗個女，誠實講出利害衝突，才作出最好決定。所以，有問題都係誠實面對好，身邊亦都要有信得過嘅好人。皇帝都要有免死進諫大臣。
衣著嘅，有 model 身型和面孔 就亂著咩都好睇，唔係呢個級數嘅…最好知道點著最順眼。
佢向錢看咋！90年代係日本發展最暢旺，多方面已爬過美國達到世界首位，當年，跟佢揾食賺錢多多好架。中國人以前偷渡到美國、香港，依家係東南亞人想偷渡去中國、香港，因為自己國家揾唔到食，要走佬去他鄉保住條命仔，仲有機會發達，不過佢講到太侮辱國家就過份左。
琉球人以前係中國附屬國，係被日本人吞併，所以，奸詐日本人一直對佢哋唔好，日本咁多小島，個美國軍事基地就係放喺琉球，造成美國仇敵轟炸主要目標，驚驚呀！島民抗議要搬走都無效。
給人印象係口乖定口臭就你自己揀！！
刪除森伯好少刷人哋鞋，唔認同最多唔出聲，至於賣吓口乖都無傷大雅！！
好認同，冇model款，就要行老實型兼大方得體就好了……
國事，家事，天下事，近兩三年很多平時冇留意的也很關注，都係好嘅，始終政局跟生活都係息息相關……
我都冇乜所謂"換季"的，由於衣服不多，長袖短袖同時放在衣櫃內，要著甚麼衣服，隨時可取。不過衣櫃掛有幾套西裝，是退休前返工穿的，又唔舍得丟棄，好嘥地方，正考慮忍痛，因為明年4月要垃圾徵費了。
回覆刪除記得細時的天氣還有四季之分，天熱跟天冷有很大分別，現在人們都沒有需要換季，平時大家都懶得執衫，大多數一個衣櫃，或用些膠箱放晒，一轉季可以即刻拿出來穿！
刪除西裝都要丟！唔怕有什麼比較隆重場合需要穿著……
而家自己多數casual wear，有些衣著可以百搭配合，簡約風格便算……
我已經留住西裝幾年，但一次都冇著過，而家就算去飲都好少著西裝。
刪除社區久不久會有回收活動，我明白peace不是貪小便宜，祇是坊間有此回收活動。此此外也可聯絡「救世軍」會否接收。
刪除唔使忍痛，18區都有舊衣回收箱(上網搜位置)，幾時捨得，幾時丟。
刪除Peace兄：
刪除係呀，一般的聚會好少著到西裝，通常主人家辦酒席，就會著西裝，較為莊重……
Stella：
近些年來，大家都話要斷捨離，不合時宜或已不再使用的物品都要忍心清一清佢……
有機會Stella都在網誌介紹吓！！
一爺：
呢類回收中心，所回收的舊物，他們也要篩選過那些可重用才會接收，若然屬於唔等駛，如舊杯，舊用品等等，他們也會攞去推填，有時仲嘥咗自己精神時間，不如親手丟了更方便……
天氣暖化，現在換季簡單得多了！
回覆刪除可能是這個原因，現在四季的氣候分別不大……
刪除以前四季分明，現在熱嘅天氣特別長。
回覆刪除係呀，據講係溫室效應，背心短袖衫，常年都會著……😔
刪除