其實椰油都用了很久，用來食的反而不多，主要用在容易爆拆的手，到寒冬時候手部就會容易爆拆，一用上椰油就非常好，可以說是有藥用價值...至於如書上講搽頭髮就會令髮質好，但對森伯來講就不能，頭好易立立黐，所以對我來說無論用在頭髮上、面上都變得反效果...
而早前看到些資訊，認為用種籽製煉的油不好，因為用化學手段來提煉出來，而椰油、牛油果油係由果肉提煉出來，是比較理想的食用油，不過早前見過某間日式超市賣的牛油果油，細細支大約係罐裝咖啡的size，就賣百多元...對赤貧線下的森伯覺得很不划算，或等價格回落才買得過!!!
而見我這樽椰油都很少用到，怕會變質變味，所以也得用來吃，食用過一段少時間，我認為椰油味重，煮出來的餸帶有椰子味，就會覺得味道怪怪地，尤其鹹餸類...就好似煮鹵水食物，無端端有椰子味就極怪~~~~椰油只適宜做些甜味餸或甜味飯，例如蕃薯芋頭或栗子飯!!這個比較配合~~
所以，未必能夠餐餐都用椰油煮食!!其實用椰油來搽麵包都可以，橫掂呢排個個見森伯都話瘦咗，食番多啲油都冇問題!!!!
椰子油搭皮膚幾好，我就無用食用椰子油習慣，最近流行米糠油。
回覆刪除可能分一個個人，我用來搽手都OK，天然油如適合都唔錯，米糠油很新，市面上一般都少見......
刪除煮葡國雞落些椰油也不錯
回覆刪除逢有椰漿的菜色，落椰油應該幾配合...
刪除資訊太發達有時令人無所適從，有人倡議用種籽製煉的油，但又有人認為不好；有人說植物牛油建康，但又有人說含有反式脂肪；有人說芥花子油低膽固醇，但又有人說含有XX有害物質(忘記了甚麼)。總之，每個專家講法不同，都唔知邊個啱....
回覆刪除對呀，有時資訊太多，都會造成決定混亂，有些人話好，有些人話衰，都唔知信得邊個?!!
刪除植物牛油又稱為人造牛油，據講係石油副產品，都係少吃才是...芥花籽油是用化學方法提取，所以話含有害物質，認為產品冇問題的話，最好親自試試，覺得好才長期食用...
呢隻椰油外敷同我用凡士林護膚一樣，我平時 清潔完 趁濕即刻搽手、指甲、面同唇。以前晒錢買洗面奶、爽膚水、保濕膏嘅洗面3部曲都係奸商騙錢，仲講到好專業咁，兼且無幫我解決問題，最平肥皂搭上濕搽凡士林乜都搞掂，人要好學不倦，敢於試驗新方法，自古成功在嘗試，好似被美國壓制發展嘅中國人都可擁有自己嘅太空站，衝破霸權集團嘅高科技圍牆，帶領發展中國家走向共同富裕，一帶一路係現代版嘅摩西出埃及記，令人們生活安穩，世界變得更美好。
回覆刪除洗頭後都搽頭皮，咁就唔會洗頭2日後咁快頭痕要洗，頭皮喺5~6日後才有，原來，同洗頭水無關，當然貴貴洗頭水唔代表優質，勤洗頭係唔正確，反而令頭皮膚質惡化。
冬天搽腳踭防龜裂，夏天搽出汗位如腋下……。等xx城盤點8折特價$12/250g 就乘機入4樽，全年護膚品都唔使$50，價廉物美真化算，解決咗全身皮膚問題困擾令我開心，大力推薦。所以，唔好成日將鮑參翅肚掛喺口，貴唔代表優質、好味、有益健康，要認清事情真相，唔好咁虛榮膚淺。哈哈！
牛油果本身都貴，油價企硬無回落。
港府衛生署都有為芥花籽油嘅有毒謠言澄清咗，冇下架，我照食。
逢加椰漿食物我都愛，椰油未試過。
其實椰油或凡士林，我都認為立黐黐...森伯的膚質好畸怪，天然油反而唔多見效，一般的化學潤膚膏就OK冇問題，尤其大眾化易買到又唔貴那種.....
刪除你用咁多野打造個俊朗外表!!又潔面又潔手，又要洗面奶兼且要爽膚水，俊朗的背後功夫都唔少!!!!森伯一支普通到唔普通的潤膚膏就OK，阻止太乾燥...
你段一帶一路的說話，可以在「大恭報」同「民彙報」發表下...現在很多正路的國家，都想拉攏中國一同合作，尤其現在很多地方經濟都係麻麻地，與人合作可能有出路，經濟才會有發展...
一爺講的說話一半半，完全冇講用咩搽頭皮唔痕?!!又買咩要期待特價才入4樽?!!咩係大力推薦?!!...估估下好似猜燈謎~~~哈哈...
當然貴野唔等如啱自己用，面對著新用品都係本著試吓試吓的方法去用...
日後如牛油果油出產多了，價格就會降低...聽聞芥花籽油是用化學方法提取，所以有人認為唔健康~~~
你可以買細細樽的椰油試試，看看自己能否適應椰油的味道......
踢走暗瘡大病正常翻咋！靚仔要整容師大修啦！
刪除經濟衰退，捉緊大陸火車頭。
分段落累事，頭皮都係用凡士林，係我嘅萬能俠、我嘅救星！正爆！
椰漿更惹味，椰油行埋一二邊啦！
要整容師大修?!!...你應該搵醫院裡面的重置整形科才啱!!!!!!
刪除凡士林搽頭對我來講一定唔可以，好似舊時人用髮蠟gel頭...XX城真係幾多賣，不過未幫佢買過，而冬天用凡士林搽手腳一流，冇咁痕!!!
油脂直接吸收較好，當然要用好的油!!!
唔同髮臘啦！分別在於濕搽同乾搽，森哥未試過又喺度靠估。我洗完頭就搽，然後用毛巾印乾，唔係用力擦乾，再自然風乾。 森哥永遠都唔知道效果，因為森哥唔夠膽，終身不試，我講完更加鐵定唔搽啦！
刪除探索新嘢有成功、有失敗，森哥都親身試過椰油唔好用啦！理應阻止我，仲推我買，全森整蠱我呢！我唔上當。
通常鬚刨壽命都係1~2年，大都係刀頭表面塊金屬薄片破爛，無論平貴，趁xx城88折逛一吓啦，發現有個$87好抵買，浮動刀頭面係用厚金屬塊會耐用，試咗又剃得好乾淨，佢清潔時可拆刀頭係用磁吸而唔係一般嘅扣鈎，咁唔驚啪得多膠扣會斷，USB充電除去大嚿火牛插頭，用鋰電池長壽多，亦刪減多餘修鬢髮刀，希望用到3年啦！我唔係業配呀！
一爺的回覆好多時我都係估估吓...應了!!斷估冇痛苦嘛!!!哈哈...每個人的髮質唔同，你可能乾性頭髮，但森伯應該油性頭髮，洗一次頭只能維持一兩日乾爽，好易立!!!
刪除一爺講完唔係鐵定唔試，係唔敢試!!!
傻啦，未必個個體質都一樣，可能有些人會適合，始終椰子油是天然油份，可以試吓都無妨，尤其一爺喜歡試新野，都可以試下，可能適合你!!!自己唔太啱，可能都有人適合用......所以推介吓!!
你講的鬚刨是否樂聲牌呢?!!有隻樂聲牌幾襟用，可以用好耐唔止一兩年貨仔...我都冇留意XX城幾時88折，總之有時要買野就去睇睇...我覺得佢的家品一般價錢，又唔算太貴又唔可以話好平，不過有些貨的質量一般...你有冇鬚刨的型號?!!森伯揀鬚刨最緊要輕身...刀頭用磁吸?!!咁得意~~記得有次要特登去到專門店買刀網換，若然再爛就換過另一款...內置充鋰電最搵笨，好多時機未壞內置的充電池已經老化，用充電池比較好用...
刪除令我自卑嘅暗瘡面就係靠凡士林搞掂。暗瘡係油性皮膚造成，因為皮膚感應器覺得乾燥就釋放大量油脂，如果皮膚保持濕潤咁就唔會分泌油脂。當你洗完頭，頭皮濕潤度係100%，呢個時候立刻搽凡士林鎖住水份，皮膚濕度感應器測到仲係好濕就唔會分泌油脂。森哥塊面唔係油性，竟然有油性頭皮？我懷疑森哥係想推搪我，所以講自己係油性頭皮，點知凡士林對咩性皮膚都得。
老人家森哥應該提點我呢個後輩佢唔好用 ，按照我嘅情況，森哥係明跣我喎！哈哈！只想一生跟你走，跣滑梯都好好玩。
係松井，形狀似三葉草，都好輕身，不過，等三年後無壞我才証明係好嘢。森哥現有好用嘅就夠，當我無講過啦！
仲要濕潤的時候搽，感覺都好怪...畀著森伯又要洗過頭，講左咁耐其實除了唔頭痕之外，仲有乜好處?!!
刪除其實一路以來偶然會有瘡瘡，所以唔可以話自己塊面係乾性，影響到頭部都係油性，而凡士林只係用作秋冬天的皮膚乾燥痕癢來搽...
如果真係想推搪你，有很多可以講，唔會攞自己皮膚來講笑...哈哈!!你自己諗多左，邊敢跣一爺，唔掂的時候被你毒罵仲衰~~~~~~~XXXD
唔係架!!!!如果個鬚刨刀網爛了，就換一款新的鬚刨，每個用家的意見最實際...
當我無講過啦！>>>>>>>>>>>>>>>>>>你成日同你班小愛侶咁講，簡直毫無承諾可言~~~~~XXXXD
膚質好頭髮靚，少甩髮、少頭皮，三千煩惱絲健康令人愉快。個頭好乾淨 、無頭油、無臭味，我可每周洗頭1次，啱我懶人。 搽咗唔會死人嘅！咁你又嘥錢試椰油，係喎！貴過賤價凡士林，平嘢無好，貴嘢實好，往面上貼金會升仙。鮑參翅肚圈同包芯刺肚圈係兩個圈，溝唔埋。 (麵包，粟米芯，帶刺青瓜，豬肚)
刪除給人一個機會毒罵，宣泄吓可令人心身舒坦，退步嘅現代社會壓力巨大，當個出氣袋造福人群，減少都市精神病人，每個人都要找個出口。森哥有大愛。
我都對你咁講，換句話森哥係我嘅小愛侶…………一千個傷心的理由都唔夠森哥一句話咁慘烈，我要 food therapy 定定驚，森哥也要 food therapy 飽肚就唔會飢不擇食。哈哈！
你很著重髮質，我keep住有洗就OK，買的洗髮水本身要買埋護髮素，我都慳番...或者遲吓再去國貨公司會買埋茶粉洗頭，一於用傳統古舊方法解決頭髮問題......
刪除其實椰油用來食用，據講椰油有好處，某個地方的群眾生產最多就係椰子，人們食用椰油，發覺有好處於是有人認為椰油係理想食油......當然都有人話椰油唔應該食!!!都係人自己決定，森伯都冇意見!!!
我諗一爺都係心裡毒罵森伯，唔會寫出來!!!發洩心裡的冤屈都有很多途徑，絕不應該靠毒罵人來舒緩自己情緒，諗諗吓森伯簡直大好人~~~~~
都唔夠森哥一句話咁慘烈>>>>>>>>>>>有冇咁巴閉呀，森伯應講就講~~一提起一爺啲小愛侶，即刻話要food therapy定定驚，似乎耐人尋味喎!!!!!XXXXD
本來無一物，係森哥愛幻想才尋味。
刪除幻想你毒罵?!!定係幻想你啲小愛侶先?!!!...哈哈
刪除我回應森哥嗰句耐人尋味！
刪除有啲事情的確令人耐人尋味~~尤其一爺周遭的事...哇哈哈
刪除有朋友介紹椰子油可以用來護膚，但我用過之後一點都吾吸收，用完肥淋淋，所以我對所有椰子油產品沒有好感﹗
回覆刪除係呀，不是個個人的膚質都適合用椰子油，如果唔適合，分分鐘有反效果的情況出現，所以用來食會比較好!!但亦有人話椰油多飽和脂肪...
刪除森源﹕老朋友，你好嗎?真係好久沒見。得知你還有寫BLOG太開心。我就太懶﹗
回覆刪除你好!!!!真係好耐冇你的消息，最近如何呢?!!唔介意的話可以簡單一下近況...
刪除寫blog已成了生活的習慣，不過相對以前已經寫少了，維持一周一篇，好似讀書時的周記...哈哈
我都開始寫番，為自己來說是留一點回憶。我的近況仍然是工作、工作、工作。日日都得過忙字，好快亡。學校唔夠學生，有老師離職，又冇錢請人。又要入課室又要做行政工作﹗問題係學生放學先有時間做案頭工作。開心是學緊普通話，進修下冇咁無聊。
刪除真的很久沒有聯絡了，相信都市人每天也是忙過不停，我每天回到家中不久後便要睡了，一天的時間也完了，就是這樣時間便感到快得很~~~
刪除其實現在老師的工作不易，很多時候也知道他們有很大的壓力...不過忙碌過後，工作可以做得妥當，那種滿足感又會令人快樂~~
如果你寫番blog，又可以畀大家看或留言就好了...
其實唔可以講無聊，學語言相當實際，我也要不斷練好英語及普通話，幸好工作地方有人「迫」我練習...祝願生活愉快，彼此勉勵!!!!
感謝你，我會努力的。
刪除努力呀，大家都為生活打拼!!!
刪除