記得森伯講過，附近的商場一向都唔旺場，人流唔算太多，當中都有些舖開了不久都要執，其實商場裡都是一個競爭，都要看你賣什麼，多人需要嗎!!
自從有家品店同麵包店進駐後，人流都多了，她們甚至在這個疫情中也留得住...算好野!!或者家品、麵包在生活上有需要，所以生意也不錯，總算在沉靜的商場中帶點人氣!!
話雖如此，最近亦有些新店開張，看看原來是熱狗店...做輕食應該唔錯，不過之前都有間Subway開不夠好幾個月就執了，所以做快餐輕食都唔一定十拿九穩!!相信在這個時候開店，都有可能消費券未過，仍想在當中分一杯羹...
在這裡還有一間新開張的藥妝店，眼見貨品不多，可能主要在網上做生意，取貨就去舖面...事實在這個期間，都有好幾間店舖關門大吉，身為附近街坊，如果能幫襯我都會幫襯，因為就腳方便!!!當然未必樣樣都幫襯得到...哈哈
我最近常見的店舖是家品雜物店，賣一些平價家庭用品，很明顯都是短期租約，不必裝修那種，他們都沒有長遠規劃，有生意就定期續租繼續做下去，冇生意就隨時執咗佢，在別處另起爐灶。
回覆刪除現在做生意都要隨時變通，你所講的該是快閃舖，可能有批貨買晒就算，如果生意好就繼續做，可能適者生存，唯有用這形式的方法經營比較好...
刪除現在時勢一些高檔貨唔得，只有平、靚、正就會多人問津~~~
Subway 係咪相對貴所以做唔住。
回覆刪除這間Subway在商場的地舖，又接近巴士總站，本應幾好.........
刪除伸隻手入客仔個口袋都要有幾度板斧，熱狗店我會㩒住荷包，因為美國人都話係 Junk Food 嘅 西式M記/K記抵啲。
回覆刪除乜一爺成日伸隻手入人口袋?!!哈哈哈...人大了都少了食腸仔薯條之類，不過未試過都有意欲買...
刪除M記，有啲都唔抵，有次經過M記諗住懶健康叫杯抹茶豆漿，點知都要數十元...嚇得我!!!!自己買粉沖仲經濟過佢~~
要讚自己描述得好生動、有晒畫面。
刪除上等人森哥真識貨，當時，係咪覺得佢隻手伸咗入你口袋郁郁下、搶梗錢呢！真係嚇到飈冷汗，上檔後想切單，又怕畀人睇小食唔起貴嘢 好尷尬，森哥最終有冇要到？乜M記同兩大超市睇齊唔係最低價。 奸商特意喺消費者心目中建立咗好抵形象，等人放心隨便買，原來已經暗藏 掠水貨，我唔懶得，要格價，買嘢要硬起心腸唔怕羞，拒絕就拒絕，做個精明消費者。
我試過喺食肆被鬼嚇襯。餐廳環境黑嗎嗎好有情調嘅燭光晚餐，正在一個人靜雞雞食吓嘢時，突然，失驚無神被前面叫聲嚇咗一跳，眼前都係黑嗎嗎咩都冇呀！抬頭一望，原來，係全身黑色制服嘅女黑鬼，禮貌問候吓OK嗎？佢行路無聲架，膚色超黑果種黑鬼嘅，黑暗中只睇到對眼白同白牙齒，佢啲保護色令佢行到我面前都唔察覺，諗翻起都好好笑。
反而我諗起個畫面係一爺去摷人褲袋，攞左(錢)人哋都唔覺......XXXXD
刪除感覺唔單止郁郁下，直情係搶!!!!
你描述得寒酸森伯的心態好貼切!!!!最弊係成杯野在你面前攪下攪下，溝下溝下，完成後才付款!!咁又唔會話唔要，最多下次唔叫呢款呃水豆漿!!!!
M記同超市都係少部份貨品才抵，現在很多人都周圍去格完價才買...森伯好少格價，見到價錢OK就買，因為很少周圍巡，無法啦，資本社會商家及地產主導...不過我們小市民仍有選擇權，可以揀你認為抵認為好才買!!!
一爺去啲咩餐廳食野?!!咁隱秘...呢句真係：人嚇人冇藥醫，其實有很多事情都係虛驚一場!!!!自從經過一九年，啲人全黑打扮，都搞到森驚驚~~~~~~~
人哋褲袋係敏感禁區，唔可以亂碰亂摸，森哥引導人開黃腔，輪到我掃黃，唔好抹黃我喎！
刪除刻骨銘心M記綠色血豆漿，區區幾拾蚊係數目，不過都係森哥辛辛苦苦嘅薪金，拗出黎有血有汗。M記係叫完嘢，職員讀翻畀你聽，有錯可改，然後才畀錢，收錢後部機自動發工作單去厨房制作，SOP咁樣設計減低問題呀！M記相金先惠，怕人走數，整完才畀嘅程序唔同咗，邊個搞錯呀？
咩隱秘？係正大光明嘅餐廳喺美國科林斯堡，喺香港我一個人唔煮嘅通常都係去平快正快餐店。
阿爺出手立法，已掃蕩晒，連根拔起啦！混入香港嘅外籍CIA特工聞風喪膽、全部落荒而逃，漢奸同天真無知熱血戰士排隊入冊，依家太平盛世，仲驚乜鬼喎！驚都係台灣，下個烏國嘅代理人戰爭。
我覺得你真係諗多左!!好地地一句說話都要講到偏黃...而家仲要屈森伯抹黃你~~~
刪除杯豆漿又冇咁誇，下次唔叫就可以~~自己買料攪都一樣，現成抹茶粉加豆漿頂多十令蚊，合晒森伯的慳家原則!!!
唔需要諗太多，只係森伯自己大鄉里...豆漿一向都係要新鮮加工，冇得擺一段時間，所以要即場整!!!
我點知你間餐廳在某國，不過某國都有很多隱秘餐廳架...只係一般人(森伯呢類)唔識窿路去!!一個人唔煮嘅通常都係去平快正快餐店>>>>>>>>呢句說話可反映一爺仲好後生思維，畀著森伯啲老人家都會在家蒸碟腐乳仔送飯就算...哈哈哈
你講得對呀，風雨過後會見到彩虹...不喜歡的人走了，留下來的就好好建設香港!!!!灣灣如果唔懸崖勒馬，遲早變烏乜蘭2點0~~~~~~~~~~
森哥記得M記最叻係防腐，其漢堡包放20年不會腐爛，防腐豆漿唔驚放得耐，只要你唔驚照食啫！
刪除森驚驚：睇新聞透視知道有人工智能插畫，輸入幾個關鍵詞，十秒後就彈出一幅靚插圖，令個放棄正職嘅女插畫師懷疑人生，會被AI淘汰，咁記者安排佢喺街道問路人4幅圖有邊一幅係人畫嘅，結果有50%人指出黎，森哥應該驚AI侵略。
慳家森：德國政治人物呼籲國民因俄烏戰須節約用氣，只洗身4個部位，今天網上自動建議文章，話前天文台長超英哥教人慳電方法，沖涼1分鐘，我要用手拍住額頭、快要暈低啦！原來，專業成功人士嘅思想都唔會全對、有偏激。我都要多啲同人傾吓偈，等自己做人合情合理。
雖然有防腐漢堡包，其他食物未必樣樣防腐...唔襟老的人可以多吃M記快餐，食完冇咁易老~~~~~
刪除AI已經取代很多職位，所以我仲慶幸自己留在這世代，若然現在的新一代人，將來唔知可以打咩工，可能將來的人，生活用另一種模式...
教人用些簡單方法最好，容易明白嘛...生於香港暫時都唔需要太擔心能源問題，至少起碼香港唔會凍到要開暖氣，好凍時冚多張綿被就OK!!
發覺一爺幾受專家的說話所影響...
明顯我係嘲笑啲專家。咁無名氏普通人森哥又點記得啫！
刪除咩人都可以影響我。因為工作範圍涉獵太廣，唔識時問人係工作一部分，我唔會理會職位高低、經驗長短、學歷背景，係咪專家唔重要，只要幫到我就得啦！有時我會特登揾師奶試吓某些產品功能，唔好用我都要修正。洗面後趁濕搽凡士林鎖水都係睇妹妹仔篇博文學嘅，解決困擾我大半生嘅皮膚問題，佢影響我下半生，我好多謝佢。
見你時時都引用專家的說話，就知道你好信賴專家...有很多時候，自己最清楚自己適合什麼(本身人體內就有一個自救感官，什麼東西適合自己，什麼時候有危險...不過隨著人文明後，漸漸失去這個感官，又加上現今世界乜都信專家，自己都懶查證，所以潛藏的感官都沒有用武之地，失去這本能...
刪除你搵咩師奶試下產品?!!因住人地以為你係呃錢黨~~~
常常聽你講呢單妹妹仔教你護膚方法，看來你個人都唔會忘恩，老說話講句：得人恩果就千年記嘛......
家品同麵包都係民生所需，店舖做得住都好正常。街坊多幫趁，支持他/她們做落去。 本區大街市同類型的檔位好多，今年竟然有幾檔摺埋，可見得買的人是少了。
回覆刪除係呀!!只要每日都需要，顧客才會多幫襯，但時下消費者一定先看價錢，質素反而OK就可以，唔會要求太高，不知你有否留意平價的東西，不久就被人搶購一空，可能這就叫逆市求生術~~~
刪除我平時都係買些比較平價的東西，好像豆腐豆漿之類，都是我的至愛，配搭魚或蛋之類。
刪除所謂食嘢食味道，只要合口味又想食，不論平貴都會買；如果是不好的東西，幾平都不會買啦。
所以現在時勢下的消費者，都主攻一些較平宜的來買...對呀，有時食素類都係買豆腐，豆乾，素雞等為主~~
刪除食材固然重要，不過烹調技巧同烹調方法都同樣重要，分分鐘令到平凡的食材有驚喜的味道~~~~
香港生意特別難做，就算好生意，商場會幾年又大執位，或要店鋪重新裝修改頭換面。
回覆刪除時勢下做生意的確艱難，又要賣得平但又要衡量成本...
刪除大型商場都不斷換新舖，正所謂一雞死一雞鳴，好貼切的比喻........
呢個時勢做生意九成都係蝕
回覆刪除都係架!!!現在都要以薄利多銷才有生意做.........
刪除逆市開舖勇氣可嘉。
回覆刪除可能有些人認為富貴險中求...
刪除