有時簡單都唔一定求其，就好似食物，越簡單越好...記得以前仲係小朋友年代，通常家中都備有餅乾，威化餅、動物餅、水泡餅等等......不過印象最深反而係最淡味的克力架!!!
就因為是淡味，所以一般都會浸煉奶來吃，不經不覺間已變成一樣簡單的下午茶點，有時唔太舒服又想食東西，呢種食法最好...不過現在買的餅乾多是麥餅，都少吃了克力架，或者現在的克力架已沒有以前的味道，得個鹹字!!!
基本上家中都時時備有煉奶，因為佢用途多多，而且少少地食都不會影響味道，加幾塊克力架就可以了，精髓就係趁熱浸稔佢，除了煉奶都可以用熱豆漿、熱朱古力、或咖啡、薯糊、甚至粥都可以...
不過對森伯來講，用煉奶始終最有回憶的味道!!!
用煉奶我習慣買壽星公，始終最有回憶的味道！
回覆刪除我多數用鷹嘜...呢隻真正由細食到大，壽星公未食過，相信都差唔多...
刪除我最懷念的餅乾是細個時到教堂聽完耶穌之後派的"牛奶餅"，厚厚實實的，很香牛奶味，大個後都搵唔番呢種餅。
回覆刪除係呀，始終以前細個食過的味道，到現在已經不存在了，搵唔到!!!除了餅乾，仲有一隻豬仔包，係一間包舖獨有，它的好味之處現在已經絕跡了.......
刪除煉奶出了支裝好方便﹗我會用來整碎蛋三文治﹗
回覆刪除我就係買支裝煉奶，因為食唔多，一支都有排食~~~~
刪除冇下午茶習慣。屋企只有過客餅乾，通常係新年收禮。零食好臘雜，餅乾只係買山楂餅/威化餅。
回覆刪除煉奶諗起早餐好方便落樓下奶茶檔食奶油/奶醬/油占包/多士再加杯熱飲，未成年唔食奶茶/咖啡/鴛鴦，老闆搽好多，邊食邊漏。另外，牛油砂糖搽麵包都好好味。
奶茶檔係茶餐廳簡化版，檔口細細只有40呎，只有方包同雞蛋做到嘅X醬麵包/多士/蛋治/西多，飲品有咖啡/奶茶/鴛鴦/檸水/檸茶/立克/華田/美祿/滾水蛋/奶水蛋。只係做早市就可養活一家10口，佢有七個女最後終於追到個仔，以前係重男輕女，為咗傳宗接代。
屋企大部份的食物都係過客架啦...山楂餅都算餅乾?!!我覺得係送涼茶小食，講講下都想買番包!!!!
刪除茶餐廳美食好多款都離不開煉奶，因為儲存方便容易使用，煉奶加在紅茶上都幾好飲，係杯簡單的奶茶~~
我覺得只用牛油搽麵包已經好好味道，如果加砂糖就會甜了，未試過咁食法!!!!
你成份餐單都列晒出來，其實做茶餐廳都唔錯，因為大多數食物的成本都唔係貴價東西，而且好多人都鍾意茶餐廳的風味~~點解一爺好似訓在老闆的床下底，又知人地想追個仔，又知人地為左傳宗接代.........
森哥常備有餅乾，屋企奉行餐揾餐食餐餐清政策，米缸就貼『常滿』揮春啫！個零食倉冇貼到就係『常清』，所以，過客係咁意思。哈哈！人滿之患。
刪除街坊啦！同座我住二樓佢五樓，舖頭喺樓下，兩座樓之間。7層徙置區太親密咩都知道。染紅雞蛋都係揾佢入貨，舖頭價一箱蛋平好多。
幾歲同阿哥齊齊喺門口走廊坐痰罐大大中，點解會一齊作動咁啱？細路真係屙屎貪高興，隔離單位見我哋好得意，兩兄弟做小小模特兒，佢立即揾相機影低我哋，仲曬咗一幅相畀我哋留念，以前影相好貴，要好有價值才影，可能佢得1子1女就身體有事生唔到，恨多子女熱鬧好多。徙置區冇秘密。
小學係隔離座天台，落雨衝過去唔會點濕，慳番買遮錢。日日撐上8樓返學身體好(好彩細路多，區長派最低二樓啫)，唔似依家細路行步路都唔掂。唔好話我離題喇！係生活甜酸苦辣嘛！都係尋味道，有森度、有人性味架！
唔會奉行餐餐清的策略，家中點都要有儲備食糧，就算covid剎到，都有食物可以食幾餐，我唔係常常落街買，以前一般普羅大眾食物資源冇咁豐富，米缸一定要貼常滿，現在的人米飯自我調節唔會食太多，常唔常滿都冇咩關係...
刪除以前的街坊鄰里關係密切，有咩事大家都知道，現在的人差不多各家自掃門前雪，分分鐘隔籬姓乜都唔知...想問現在仲有冇紅雞蛋食，下次你生開日，記得派隻紅雞蛋畀森伯，都唔知幾世冇吔過!!!!
細路仔大大都好影?!!如果畀著現在又話性侵小朋友!!!!哈哈哈，1子1女都話生唔到?!!咁你本身家中有幾多兄弟姐妹?!一爺係最細?!!以前的鄰里關係比較親近，無論好事壞事都好容易傳千里，過時過節也特別熱鬧，現在住的地方，打開門都係靜英英，就算搭電梯，都甚少撞到人...有機會講句早晨都已經好好!!!
我諗同一爺有少少代溝，未讀過天台學校...以前的學校好少有電梯，通常都係樓梯上上落落，細路仔活潑好動多啲運動都係好事!!!
人越大前塵往事越多，有機會都會在自己網誌分享吓!!!!
森哥都中咗covid，會打針？
刪除舊時個雪櫃好細，日日食新鮮餸，仲話雪藏嘢無益，世事多變，依家我食好多，雖然獨居，一定要有個巨巨雪櫃。『常滿』消失咗。
個仔滿月派紅雞蛋同薑醋嘅習俗都仲有，不過，全球少子化啦！機會微。生日西化食蛋糕，我鄉下唔興生日派紅雞蛋喎！森哥公司為員工搞生日會真好，月月有『蛋』食夠啦！唔好貪我個蛋。
話係避孕避到無得生。
幅相好得意，人見人愛！唔多……9個啦！我係拉(尾)仔。我喜歡清靜、多私隱，現時更啱我。
行上行落用哂啲精力，喺屋企唔使咁百厭。
就算中唔中都唔打啦...
刪除我都係架，雪櫃對我家中都非常重要，不常買餸就要靠雪櫃保存食物，就算冇貼常滿兩個字，個雪櫃都係滿滿...
搞生日會冇蛋食，佢哋班友要食全齋...而且仲有冇人識買染料去染紅雞蛋呢?!!我全完唔知用什麼染，水彩，塑膠彩?!!...木顏色...哈哈哈
避孕避到無得生...........咁一爺真係要小心D...XXXD
咁得意又人見人愛，寫篇blog拿出來介紹下!!!!
我都估你係孻仔最細，冇聽你講過有細佬妹喎!!!!我哋家中的兄弟姐妹係你的三分之一!!!!!
蛋糕個蛋。齋最多假嘢，我估有扮蛋嘅。咁半齋森係咪都好多假嘢呢？
刪除花紅粉，依家唔知邊度仲有得賣？
個樣得意點用文字寫出？咁叻估中咗！👍
齋最多假嘢...個名而已，但內裡係真材實料!!!!(講返句好說話)
刪除森伯最假應該係個頭像圖，真實某咁得意~~~~哈哈哈哈
唔好話買，花紅粉聽都未聽過!!!
post你的兒時照出來咪得囉~~~~~寫到幾得意都冇用，有圖有真相!!!
答一句：花紅粉係賣中藥嘅店應該有
刪除我食過齋枝竹牛腩煲，牛腩無論從顏色到形狀，纖維筋膜同真嘅一樣，仲誇張到口感和味道都一樣，仿真度100%，唔講唔知係假，當時覺得好神奇，技術勁高超，我仲話好有益嘅齋好正食好多，依家諗翻起呢單世紀最大騙案，點解唔用真身見人，呢啲超級加工食物用上不知名材料和色素，我連食咗咩都唔知，你話驚唔驚，都係喺安全地帶嘅原形食物啱我。
刪除我去佛寺食齋有味芋頭魚，中國人因好意頭而將布甸、年糕整成魚狀就話啫，清淨地唔係六根清淨咩？好哋哋整球狀塊狀唔得咩！迫人殺魚！罪過？罪過？
因私隱而唔露臉，我咪都係一樣囉，點敢有異意。不過，森哥硬要當我長輩，仲要用張青少年頭像，思想一老、個樣一嫩係行香港小姐路線，美貌與智慧並重，人森難測，我都唔知講咩好！森哥會唔會畫個老伯伯頭像畀自己呀？
我屙臭臭森哥都唔放過，唔知內情嘅外人會覺得你係咪…………變態架！哈哈！我誓扭曲事實以保我名節、私隱權，適當時候要向伯伯講唔好。
阿摩咁冷門都識，令我驚奇。
刪除Amour: 原來花紅粉中藥店有售，又長知識了，謝謝~~
刪除這就叫集思廣益，知道的分享給大家認識很不錯!!!
一爺：
刪除其實所謂的素肉是畀剛剛食素的人，就算一些非食素者都會因為似肉的質感而走去試食，好耐以前都有，例如什麼甜酸齋都係扮肉，現在因太過油膩都好少食，不過都鍾意!!!
現在森伯所講的食素，就真真正正吃些不加工的原食物，有時真係好清淡，蕃薯加些無花果乾已經係兩餸飯...
你都好!!!食的芋頭魚做到好似一條魚，森伯見過一些芋頭魚係卡通魚，或山海經出現的魚，有啲更唔知係依什麼生物個樣所造成的...
多謝你話張圖像係青少年，其實森伯想畫細路仔咁cute...費事blog友入來冇興趣就走開，所以用張得意細路頭像圖來吸引班blog友...我又冇一爺咁懂得行香港小姐策略，你好中女心態!!!!其實做明星藝人邊個都想後生樣持續，
但有幾多個真能夠keep住~~~~~
乜你所有童年照都係屙臭臭?!!梗係攞張出得街既出來post啦!!!!!!真係畀一爺激到森伯伯嘔雪~~~~
壽星公、鷹嘜牌嘅練奶都有食過，覺得味道都唔錯。
回覆刪除壽星公都好似冇買來食，我相信兩者都差唔多......
刪除小時都有吃過煉奶搽麵包，還記得有個街坊的小兒子，名字是「牛奶仔」，他的媽媽說：這個兒子是自小用煉奶餵大的。
回覆刪除原來現在的煉奶有支裝的，超市有得賣嗎 ?
係呀，用煉奶搽方包都係兒時回憶之一，而方包係藍色格仔的生命方包...現在雖然有得買，不過再沒有買過，搵日要重拾番兒時回憶...
刪除我都聽過以前有些BB仔用煉奶當奶粉餵大，通常以前的家庭經濟都比較一般!!
支裝煉奶已經出了十多年了，超市當然有!!!
以前我都經常吃生命方包，後來改為吃麥包。現在口味轉趨清淡，感覺煉奶實在太甜，不過都會買回來吃吃，懷舊一番。
刪除相信以前都有很多人買生命方包，仲好記得外面的蠟紙包裝!!煉奶用來點綴一吓食物的味道，一般都唔會落得太多...講得啱，趁仲有以前的食物就懷緬一番!!
刪除呢個真係同年回憶。搵日整嚟懷念吓。
回覆刪除王子食慣好野，呢種粗食未必合王子胃口...哈哈
刪除偶然吃快餐，才會吃到煉奶！
回覆刪除因為煉奶吃法方便又耐儲存，所以家中都會常備!!!
刪除這種食法是一種情
回覆刪除可以這樣說，人年紀越大可能越多回憶中的味道!!!!
刪除