小時候外出見到玩具店，都會興奮的走進去看看，雖然當時父母未必捨得買太多玩具給我們，但看看玩具也相當高興...
正所謂三歲定八十，直到現在見到玩具店，都有衝動去逛一逛，看看有沒有些新奇有趣的東西...或者會買的東西不多，但見到繽紛的玩具森情也會有種愉悅感......
現在買的玩具大多數都以車仔為主，太大件就不會，砌圖或模型要時間，要心機才可完成...所以也不會考慮~~提起模型，款式也較以前多，記得細路時，都是砌些動物、飛機、船仔、車等...現在都跟貼潮流有懷舊風，加入了舊香港元素，最多就係一些店舖的模型、士多、冰室、街市等等，發覺現時這主題的東西，真的長做長有...
話時話，以街市為題的話，餸菜又做得求其了，完全唔似...
真定假，五歲開始就識砌?!!雖然話銷售對象是小朋友，但相信仍會吸引到大朋友購買...
感到現在的玩具店越來越少見，都可以藉此來緬懷一番!!!
對於我來說，玩具是一種奢侈品，年少家貧，兄弟姊妹又多，父母辛勤工作換得三餐溫飽已經非常感恩，沒有餘錢買玩具，不過我卻很享受自己製造玩具的樂趣。
回覆刪除係呀!!根本店舖內的精美玩具，都屬於奢侈品，就是不是必需品，所以父母平時都會慳個錢，寧願用來買食物、交租交子女學費還好，因為這些生活費才有迫切性，以前小朋友就憑創意整出多種玩具...
刪除代溝呀！哈哈哈！
回覆刪除我個年代無行玩具舖架，細細個已經好懂事，知道家境係點，唔會扭計買嘢，有書讀(免費，仲乜都送)、有衫著(補衫、吊腳褲、 執舊衫、頂指鞋)、有飯食(未必飽)已經好幸福，實行『無功者飯餸不留』，即係返工賺錢有，讀書玩過時冇，我哋好準時架。
有遊戲好似十字鎅豆腐、大風吹、一二三紅綠燈、 包剪揼猜樓梯、猜皇帝、跳橡筋繩、 黐紅豆……都係兩手空空都可以玩。同埋幾種棋、啤牌、麻雀。睇黑白電視係最佳娛樂。
我哋興幸有靚家姐多人追，細佬會有人送玩具一齊玩。
有代溝?!!...可能係!!唔怪得成日同一爺拗頸!!!!!!
刪除其實以前的小朋友，一般都比較成熟和懂事，就算家境不太富裕，都不會太過物質主義，有就當然好，冇的時候也理所當然，自己很懂得如何「生活」，相信更加不會出現現時常常講的「巨嬰」...
講就咁講，父母見到自己子女過了時都唔會計較，留番碗湯，留個包都起碼唔會餓親自己仔女...
你講的兒時遊戲，森伯唔知十字鎅豆腐、大風吹、黐紅豆...點玩?!!細個玩過好幾種棋，最多鬥獸棋、飛行棋、同康樂棋(係擲骰仔嗰種)、仲有一種叫蘋果棋(等如黑白棋)~~~
森伯又冇靚家姐畀人追呀...不過小時都有親戚送玩具給我們，自己儲零用錢買玩具都試過...
網友唔使碰口碰面，包無面左左，拗撬吓促進血液循環，無傷大雅。
刪除聽我家姐講，佢去買餸嘅，芽菜白飯點一磚腐乳/豉油就係一餐。都係向舖頭賒米、油…，一出糧還清債又賒過，常時又肯賒咁好人喎!
時代同貧窮會產生不同觀念，孩子都係天生天養，除非九代單傳，當時冇咁矜貴，餓一餐半餐唔會死嘅，咁似我健康斷食，要用食物教訓子女唔好玩到喪晒，培養做人要有分吋、守時習慣，識自律，唔做温室小花，而係風水勁草，現代富豪家族都知道，所以窮養子女。
康樂棋教導人生行行吓會跌到谷底，打回原形，跌倒起身重新再爬翻上去，好有深遠人生意義。
正常上唔拗撬血液都照樣循環...在網上就是不需要碰口碰面講說話都大膽些，若然真實認識可能會扮客客氣氣...哈哈
刪除以前的街坊街里日日來買餸，見慣見熟就可以賒數，你都唔會因此而走我數，而且同班街坊關係好，都會多來幫襯...
多謝一爺肯分享咁多兒時經歷畀森伯伯知，每一代人有每代人的生存之道，我時時覺得今天有幾多困難都好，只要跨得過，將來講起都一定津津樂道，無論是順境或是逆境，都總算自己經歷過!!!!
你又好似神化咗康樂棋的意義，其實康樂棋都係靠手氣，就正如人生往往都係靠天時地利才能達到目的地..........
當代係奉行傳統『勤有功、戲無益』，唔鼓勵玩啦！嬉戲減壓平衡生活唔黐線、自殺係西方思想。
刪除見森哥講開舊時嘢，我又講吓。
我有穿膠花幫補家計，十隻手指頭都好痛。
戰後出生嘅好慘，我家姐係孭住細佬(我未出世)去小童群益會上學。
父母年代揾份工要有擔保人架！有咩事擔保人要承擔責任。
因為推行九年免費教育，有人要個仔特登留級畀少三年學費，錢大過天，窮人無奈。
以前啲人唔夠秤，係問人借身份証去工廠打工，明知唔係你都畀你過骨，執法好求其。
基本上中國人都守著這種『勤有功、戲無益』的精神，認為玩樂是種浪費時間的東西，但想深一層玩樂都係現在都市人的減壓方法...
刪除希望你日後都多多分享一下你的經歷~~
我又未穿過膠花，如果現在有得穿，我都要搵這類家庭手作仔做下，幫補一下拮据的家計~~~~~
你家姐孭你...但你又未出世?!!咁孭乜?!!我聽我上一輩的人講，要孭細佬妹才有得出街玩...
上一代冇咁重視教育，總之搵到食就冇問題，相對現在人乜都話為下一代，連移居海外都要扯埋下一代落水...唔同時勢有唔同的心態!!!!
真定假，借身份証去打工?!!...假如醜樣豬豬的森伯借左俊朗不凡的一爺張身份証去打工，咁都過到骨?!!搵鬼信咩!!!!你講既年代是否身份証連相都冇的時期呢?!!
農村生活壓力比現代社會細，自己種田養畜實唔餓死，就算走日本仔都喺山邊揾到嘢食唔驚餓死，屋租又平，好易就有三餐温飽，大昊三年，可問阿公借，即係太公剩低遺產由鄉長管理。呢個角度睇，時代退步咗！
刪除我無出IQ題喎！咁多仔女，唔係我仲有我啲阿哥同家姐。
十二歲以下嘅兒童身份証係無相片，成人身份証才有。有官巡查，工廠都會叫童工走鬼。
我都話一代人有一代人的生存之道，以前的人生活困苦點都自己捱下去，從不怨天尤人，不似現在的新生代，沒有便埋怨父母，有些會埋怨政府...每個人都不是一出生就擁有，靠自己打併才是，沒有捱過苦難都不算是人生...
刪除咁你大家姐個背脊咪好厚，要負責孭咁多細佬妹!!...
你講的借身份証去打工的情形都好耐之前，諗番起以前真係細細個就幫人打工，有些就要煮飯畀屋企人食，久而久之人都變得成熟獨立!!!!
童工都要走鬼?!!...扮老闆個仔女得唔得?!!哈哈
到現在我看看也相當高興...因為現代的設計師很了得，款款精美，買不到咁多，也沒有咁多地方擺放。
回覆刪除哈哈...雖然精美，而且也有很多是電子玩具，太過大件...
刪除而且對森伯來講唔得實際，所以大部份都係睇吓就算~~~
以前自己整玩具玩，係細個時的樂趣。
回覆刪除以前的小朋友憑自己的創意，創造自己的玩物，認真叻叻！
刪除哈哈，現在既孩童，玩既係手機多囉！🙂
回覆刪除係呀，電子化世界...只要手持手機，大人細路都啱玩~~~哈哈
刪除小孩子梗係鍾意玩架喇 ! 唔同年代有唔同嘅玩法。
回覆刪除我小時就係跟住大我幾年嘅家姐去跑山，拔青草界鬥堅韌 !
最開心是睡醒見到爸爸送我一盅五顏六色的圓玻子。後來就是與鄰居小孩玩跳繩：有單人跳、雙人跳。捉鬥獸棋、飛行棋。
我在某團體，仲會在操場得閒時，一班青春女孩跳大繩。
後期的孩子興玩鐵的玩具，膠的玩具，仲有砌Lego.
現在大人小孩都係愛玩手機。
所以有很多電視節目都會以年代的玩物作為題材...
刪除相信那個年代的小朋友比較強健，因為多接觸大自然，相對現在小朋友肥胖的也多，對得電子產品多又少郁動~~~~
你講起波子，即時諗到波子棋，呢類棋現在難搵，我懷疑都冇人捉?!!一些舊的文具店，或國貨公司的文具部仲應該搵到!!!
時代不同了，玩具的物料和款式都不斷變，很多都電子化，有影像有音樂，不是以前的年代想像得到!!
現在的手機真係大人細路都可以當玩具!!!!
玩具是人類的恩物，無論男女老幼，三歲到八十都各有所好，不同的時期不同的物品而已。
回覆刪除玩具的含意有很多，有些成年人房車就是玩具，有些就古董字畫...真真正正各有所好!!!!
刪除兒時我最愛的玩具就是煮飯仔
回覆刪除以前很多煮飯仔玩具賣，現在反而少見了?!!......可能自己冇為意~~~
刪除