本來想寫吓其他日事，但這兩日的新聞都環繞七人攬球賽的播錯國歌事件，呢單事件完全唔需要諗是否有什麼初級人員搞錯了，好肯定是有心人所為，當然都要包括好多方面的「通力合作」...
反而想睇最後邊個要孭鑊，一話係不了了之...有啲傻人仲沾沾自喜，覺得今次仲唔落中國顏面...其實仲落埋你民族的顏面!!!!
聽有些人話要抵制韓貨，其實對森伯作用不大，根本都甚少買韓貨，呢個時候最重要係睇特區政府有什麼後續處理，班官員成日講強烈不滿，強烈譴責，有乜用?!!人地當你唱歌......講番國歌，自從一九年事件開始，反而關注了國旗及國歌，國旗都有些領會，可以日後再講...至於國歌就回歸以來，都有很多年了，仲有些人對國歌存有偏見，親身遇過有些人一聽到播國歌，就轉台...包括電視或電台!!!
這些人以為自己好有"吉士"(guts)，人地唔敢反，我夠膽反...其實做左豬頭炳都唔知，正中別人的下懷!!
不知大家有沒有遇過這樣的人?!!
「自從一九年事件開始，反而關注了國旗及國歌，」我都有同感，而且對中國人身份感覺比以前更強烈。
回覆刪除係呀，因這些社會上的政治事件，相信有很多港人可謂“如夢初醒”，才醒覺和認同自己的中國人身份!!!
刪除三歲細路哥都識上網搜尋國歌啦！谷歌唔會畀錯你。又會咁啱揀正呢首反修例歌，案情絕唔簡單，韓國冇得益，係代理人，背後好大可能係謀國陽謀。
回覆刪除推畀大學程度嘅見習生，揾個細粒出黎頂罪了事。
香港同大陸市場係蚊肶同牛肶，打人唔痛，人哋當拗痕。都要嘈吓擺個姿勢出黎，挽回面子。面對現實吧！區力弱係咁啦！
我細個時崇洋，長大多咗接觸，經歷令我改觀。想森哥同我『情投意合』比上太空更難(係講友情)，現在關係相互叛逆、鬥而不破。所以，有人反中好正常。
搵錯歌只係藉口，一個世界性的體育活動，唔會咁兒戲...唔會得一個所謂的“見習生”控制一切，要經多人過目才能出街播放......
刪除所謂的代理人國家就等如，社團大佬的“0靚”，大佬話乜就要做乜~~~~通常都係搵個九唔搭八既人出來祭旗!!!!真係好似社團組織做既野!!!!哈哈哈
雖然打人唔痛，但點都要做些不滿的反映才好!!!森伯細個好理智亦實際，唔會崇洋崇日...身邊的人們反中多的是，有時都想叫佢地清醒吓做人......
真係難得有樣野一齊『情投意合』，可以少啲爭拗..........XXXXXD
森哥心水清，睇準謀國行為確係一個社團大佬，形容得好貼切，地盆遍佈地球、月球、火星，要你哋跪低乖乖聽晒佢話，唔合心意就會修理你，仲會放佢啲狗出黎咬人。
刪除馴狗師話啲狗咬米飯班主係因為啲狗誤會自己地位比人高，明明係人養狗，反僕為主，教人要畀啲顏色隻狗睇，班主就唔買佢啲嘢，斷狗米路，知痛才改。
栽贓俄國轟炸波蘭，敗登可以唔出聲，竟然立刻企出黎澄清，加上大選結束， 跛腳鴨政府已不再有預算畀錢繼續打杖，謀國想停戰，有人唔想趁機搞大。
東盟 G20 APEC 峰會 連續上演，各國首長聚首交流，搶我關注。
呢個世界邊有話係絕對正確，不過都係憑自己直覺分對錯~~~~其實社團大佬唔係森伯諗到，好多人都有這個感覺...
刪除你真係講得好到位，我都唔敢亂咁形容人地的話事人係隻汪汪狗，國與國之事不是我們能理解到，有很多千絲萬縷的關係或者原因，總之森伯只用凡人思維去了解...
我又冇一爺關注世界時事咁透徹，只關注中國，同香港事情，或發生在周邊的事...自修例風波後，忽然多了認識世情，其實知多啲都好，不令人蒙在鼓裡，起碼知世界發生梗咩事!!!!幫人拗都識去反駁人嘛~~~哈哈哈
我中咗『中天』毒(台灣新聞台)，雖頗偏中，更合我。時事分析員諗到我諗唔到嘅方向睇嘢，當然，有時都唔係咁正確，亂估。
刪除發現我愛『斷』，斷舍離、斷食🔜少 • 幸福🔚騰出時間、空間，開揚廣闊嘅 時與空 令人心曠神怡。森哥斷開無㔾用嘅國際新聞，專注港事留空時間自用都好呀！
中國係大國，已登上國際舞台，因為佢嘅大小變動直接影響全球，中國事即係國際事。例如：為減低污染，拒收洋垃圾，東南亞又跟著做，西人冇處理過自身回收嘅膠樽廢紙，令佢叫苦連天。提煉尿素污染環境，中國限制產量後令日、韓、港…缺貨，柴油車要用佢消滅排放污糟氣體。中國係供應鏈其中環節，斷開必影響他國，對世界影響力超強，所以，有人勁怕，衆矢之的，全方位針對。
早排聽台灣有間新聞台，就係太過偏中，所以被迫收台，係你講嗰間嗎？！有時睇新聞或者時事評論，主要睇佢有幾多係講啱，如果講乜都係吹水又十句冇句真就唔會再聽……
刪除係呀，能做到斷捨離當然好，住的地方有個空間，人都醒神，空間越亂，人的思緒越亂……
國際時事新聞都有留意，相對冇咁多，起碼知道世界發生咩事！！
通常某國對別國，搞的小動作和大動作越多，就証明那個國家唔野少，想法子去打擊佢……
家陣的時局時時有改變，所以都會密切時事新聞的最新發展，一爺好似冇講到主題的球隊播錯歌，有乜睇法！！
Bingo！森哥都有睇外聞。民主都係一黨專政要滅聲，公平、公正界線難定錯對，睇你偏邊一方。
刪除17號留言已講出我嘅全部睇法，當時只發生一單喺亞洲欖球會辦嘅比賽，我已經話『案情絕不簡單』，接著爆出喺世界欖球會嘅比賽都出現同一修例歌當國歌嘅風波，一連串發生同類事件，咁就更加証明非偶然一次人為錯誤咁巧合，我諗嘅方向正確。
睇背景，從來香港欖球都係外藉人士喜歡玩嘅運動，只夾雜少數土生土長港人，仲大係都讀國際學校嘅，我估香港欖球會組織都有好多鬼佬/半唐翻/白心黃皮蕉嘅ABC，佢睇開英文傳媒反中嘅報導，真係會感染到仇中思想，偏西方組織更易被西方勢力滲透。
用香港警察查本地案就得啫，呢單要具國際刑警經驗/間諜/情報員/黑客(斯諾登逃美經港到俄)，需有西方人脈網絡才能真相大白。人哋早就消滅晒證據，當然死口唔認啦！
哈哈！突然時事分析員上身，我做咗副總編喺報紙社論度發文。呢度係森•傳媒。
凡人唔敢講？高人直情做出黎。人狗理論我都係觀察 盎格魯 撒克遜族白人嘅行為心態，佢自稱為神揀選高人一等族類，視其他族類 就算係白人(鵝人) 如狗一樣看待，奴隸要完全服從主人，出爐鐵唔打唔得。奴隸獸 打贏 超人 世界才得以和平、公平。係人嘅又點會係獸呀？因為呢族用銀彈控制世界傳媒老闆、總統(百億選舉費) 去妖魔化對手為怪獸囉！傳媒獨立公正只係呃大學生，係工具咋！做人必要獨立思想批判地接受邊句真、邊句假。
這間新聞報在早前都有很大迴響，記得仲訪問台灣人點睇，始終都有些台灣人會親中，或因政黨關係...當然喇，呢類案件應該循國與國之間調查，我相信迴響有一排，之後都係不了了之......
刪除其實自一九年之前，好多人都會相信傳媒的報導，當時不理傳媒有否偏頗，相信傳媒是中立發掘讀者未知的真相，其後就知道原來都有人利用傳媒來煸動人，和去改變人的思維同睇法...所以不能忽視呢種力量!!!人醒覺後，所報導的新聞都經過自我篩選，了解才相信...
相信醒目的一爺一定唔受不實傳媒的影響!!!!
現在有很多人在YT頻道開個channel，發表自己對時事政治事件的睇法，相信一爺都可以開個頻道講吓時事...到時記得叫森伯聽加睇!!!哈哈
奇怪喇！我講完森哥會再問我感想，好在我『好有料』講啫，唔使啞口無言，拒森於千里之外。時事政府題目太敏感，好多人都避開，我算好勇敢。
刪除現在好多 youtuber，不過，我又無興趣喎！有啲人 口多多，唔講出黎唔舒服，仲要有人認同佢嗡乜，我冇呢個需求。森哥諗到原因或好處對我有咩好呀？
我仲有一樣『斷』，英文係 HllT 全寫 High Intensity Intermittent training，翻譯為高強度間歇(斷)性運動，我形容為紮紮跳，一個動作做30秒，停10秒，連續做3次，跟著換另一動作，如是者短短哋做6分鐘就已經足夠，索氣爆汗心跳加速去鍛鍊心肺功能，唔使特定動作、唔使器械、唔使特定埸地(屋企地板薄跳躍式動作會傳到下層擾民就唔好啦！)
你知喇，有時一爺的偉論太多充實內容，不知你講晒未?!!所以唯有問完又問...
刪除係呀，政治題目太過敏感，不知那一些說話會觸碰人家的內心神經?!!而且政見話題未必個個會敢於發表，森伯的網誌只係少數，會講下時事或敏感的政治事件，絕對不是食食玩玩果類blog...森blog膚淺得嚟又帶少少深度!!!
時下一講親時事，政治議題的youtuber個個都有人氣，尤其是講政治加埋粗口，一定多人睇~~~XXXD不過一爺斯文人，唔講粗口...
我都係喎，每日定些時間會動一動，尤其工作時坐得太多，都會竄出去郁一郁，做下停下...目的舒展一下筋骨!!!
驚地板薄就去附近公園郁郁都可以，順便吸收新鮮空氣和陽光!!!!
台灣評論員分析準確、持平過香港喎！資料收集準廣深，語言表達能力又高，可增進我理科生唔太強嘅表達力。礙於身份定位，香港人會兩極化嚴重左傾、右傾，一係淺淺帶過或索性唔報導，所以，都無跟隨本地嘅。
刪除粗口低俗風氣不可長，有幾多個人呀？我承認某點係要講粗口才到位(西方總統都講)，不過為咗突圍搶收視而全面(面>線>點)創造粗口評論員嘅鮮明形象我就唔鍾意，星河量嘅中文字應該夠你用，語文能力弱雞就學好後才出來獻世啦！
台灣的評論冇聽，聽香港較貼地，而且會即時報導，夠晒緊貼時事!!!...承認香港好兩極化，非黑即白，非我族類就冷嘲熱諷，而聽眾也是如此，唔係站在自己邊就唔聽!!!其實都唔要得~~
刪除粗口又稱助語詞，火爆語論加多幾錢肉緊連粗口都出埋，可能真係會搶到收看率，森伯覺得呢類評論係好好笑...!!
始終YT唔係電視台，所以佢無太多包袱，都冇咩責任感，youtuber鍾意講咩就講咩!!限制已較寬鬆...
香港嗰班黑契弟因為國安法而靜了下來，其實他們並不甘心，一有機會就會搞小動作。至於南韓播錯國歌事件，係人都唔會相信係「初級人員搞錯」，點會錯得咁啱？
回覆刪除係呀，如有留意電視廣告，政府的新宣傳片，係講如有發現可疑的人就可以致某個熱線去舉報黑暴，就算訂立了國安法，都相信還有人死心不息，侍有機會就出嚟搞搞陣……
刪除話初級人員播錯歌，只係藉口……