捉緊"中秋"的尾巴~~
通常過時過節後，都有很多節慶食物留下來，相信中秋過後，月餅剩下來都不少，畢竟一年一渡吃耐一點都冇所謂，月餅糖份高可以耐擺，所以冇必要即刻食晒...
就因近排過時過節吃多了，成個人呆呆滯滯...家下又要森醫師出來講下養生推介，年年都係差唔多得一味教大家，就是胡蘿蔔果糊，今次仲加了豐水梨，兩樣加埋好適合秋天天氣飲用...
森伯一向燥底，食得月餅多就好易虛火上升，飲用這個甘筍水梨，又潤燥又潤喉......重點係甘筍有清熱降糖作用，合晒清月餅時飲用!!!!
捉緊"夏天"的尾巴~~
雖則中秋都過了，但下午天氣還暑熱，趁暑天還未過，都可以趁季尾食番杯雪糕，都很久沒有吃過雪糕，起碼今年冇食過...相對之前吃過的抹茶雪糕都有年多前，今次就食咖啡雪糕，講開又講，如果不是常常吃的話，買呢隻雪糕唔錯，佢的成份比較自然，沒有太多添加劑(冇乜化學數字)...而今次呢隻咖啡雪糕，食過後森伯即刻竪起...手指公，真係好好味，雖然唔大杯但都夠1-3人品嚐!!
都唔敢講為夏天的甜品劃個完美的句號，家陣分分鐘再熱多一頭半個月，到時又可能整多杯.....
雪糕就咪搞嘞，唔啱我。不過豐水梨胡蘿蔔糊就好適合這個天氣。
回覆刪除呢個時候(雖然好熱)但總算入秋，食些滋潤的水果幾好，可以減低燥熱感......
刪除我每周食3條甘筍，晚黑唔使發雞盲。
回覆刪除雪糕戒咗好多年。
夜嗎嗎，一般都用來訓覺啦...係喎，一爺兄晚上特別多活動...(我指煲劇、或同摯愛數吓星星咁啫!!)
刪除雪糕又冇話要戒，不過絕對唔會常吃~~~
約7點入黑，仲有好多時間，我夜生活多姿多彩、有心有力。森哥太削要補腎。
刪除我係戒煙戒酒咁級數斷絕，唔再上癮。
真係好好好羨慕你哋啲有錢的大豪客夜夜笙歌，多姿多彩的夜生活……森老伯就冇這種福份！得閒都要燉番兩副豬腰補補先……哈哈
刪除又唔需要戒絕，乜你有隱疾咩？！
唔係吓吓講錢架！餘下日子應該有趣地生活。
刪除森醫師知道雪糕會同咩隱疾扯上關係？可能隱藏到我都唔知，你唔使借啲意話徹底檢查我身體，你未夠班。
你都知我就算唔健康嘅嘢食都係貪平呢個規條啦！如果手上有幾拾蚊，個人價值觀驅使我買生果多過雪糕，雪凍生果有益好味又消暑。
一爺兄的思維大溝亂，一時又話貪平係個規條，一時又話唔係下下講錢...咁即係點先?!!...
刪除講明隱疾都唔知你有咩事喎，除非你肯講啦!!!以森醫師推斷你可能夜生活太過多姿多彩，又食得罐頭野多......出事都唔出奇!!!!哈哈哈
你平時睇咩戲，郁D就話檢查身體...對一爺個波哋真係冇咩興趣喎!!!!你當森伯係當年解剖外星人班研究員咩?!!!
如果手上有幾十蚊都會睇當時想食乜?!!唔會規限自己會買乜......
好彩森哥誤會我講乜嘢，最怕我哋會好似啲明星『因了解而分手』。哈哈！
刪除你又定喎，從未了解過一爺兄...有時都唔係好明你up啲乜??!!
刪除工作上就要打爛沙盤問到篤，不可存在任何含糊不清，非常繃緊不安。呢度打牙骹就算存在疑問、分歧，都可以繼續傾偈，隨心而行，放鬆自在。真好！
刪除唔緊要，聽明幾多就幾多都預左同外星生物溝通會有問題...
刪除工作逗人薪水就要認真D，覆博就可以輕鬆!!好一句隨心而行，森伯就要畀你時時窒，時時串，時時奚落!!!!哈哈哈
森哥都禮尚往來咁對翻我！哈哈哈……意思指咁樣互相吵鬧都係會開心嘅， 獨沽一味恭維奉承會太膩、太沉悶。
刪除唔好抹黑森伯會「禮尚往來」，通常都係畀你串和窒的多，老人家毫無還擊之力，只有默默忍受......
刪除我要伸出同情之手，去摸吓森哥到底有幾硬！
刪除男人要識時夠硬先至得人鍾意。
想摸啲咩有幾硬先?!!....唔好借啲倚又散播「黃」思想~~~嘻嘻
刪除男人話一就一，話二就二，要企硬立場先得人鍾意!!!!
森哥唔可以太軟弱，要學全球老二面對老大霸凌都絕不屈膝，政治綁架三年都唔認罪、唔賠錢就咁無條件釋放，係世界首例。
刪除原來，以前鵝肝國、戰爭民族、壽司國、珍珠奶茶人都遇到同一樣迫害，最終要坐監同賤買或拆散公司。
我很喜歡雪糕，現在減肥，少吃了！
回覆刪除我也很喜歡胡蘿蔔煲湯水。
如果真的要減肥，那就要少吃多滋味嘞...
刪除胡蘿蔔煲湯水較清淡，用來整果糊可以吃到它的益處...
嚟咗呢邊我反而少食呢個牌子嘅雪糕。
回覆刪除外國人喜歡呢類甜食，相信雪糕的牌子都有很多選擇......
刪除今年食月餅有D放肆，食完滯滯地，好彩都食晒咯。有D尾唔抓得，好似秋老虎條尾，呢幾日熱到飛起。
回覆刪除月餅可以擺放好耐，都冇急於快快食完，過節就是這樣，不知不覺就會放肆食多了，所以都要飲番些涼茶補救...
刪除呢個時候好似話古時有稱三伏天，用來施藥治病最理想~~~~
就算冬天，雪糕都一樣好多人會食呀！😜
回覆刪除我諗香港地一年四季都可以買雪糕來食...哈哈
刪除今年太熱啦，我都食多左雪糕﹗
回覆刪除大熱天時，吃些凍品都幾適合……
刪除今年中秋節前我吃了兩個大月餅，中秋後吃了4個中型月餅，到現在還是想吃月餅。
回覆刪除只要吃多些水果就不會滯的了。其中我吃了三個大楊桃，半個柚子，6隻香蕉，矞了吧 ?
更正：夠了吧 ?
刪除一年一度都唔會太計較要吃多少，一來是應節心態，二來節日高與心態...
刪除反而今年的中秋又少吃了柿子，如有林柿都會吃多一點，因為柿子有季節性，過了秋天就沒得吃了!!!!
兩個月以來，不過是吃了6個月餅吧了，不算多。兩個月前，已經吃過龍眼。
刪除真可惜今年中秋沒有買到紅柿來吃，如果還有龍眼和紅柿的話，一定要買來吃吃。
都係差唔多喇，有時喜歡食就不知不覺間吃多了...
刪除現在好似很多時候都有些非當造的水果出現，我都在兩三個月前食到龍眼，當時仲正值夏季...
今年都有食柿子，不過不是林柿是富貴柿(果肉硬身爽口那種)
無論是軟柿(紅柿)還是硬柿，都是營養豐富，但不宜同時多吃海鮮或是豆類、肉類。因為一時蛋白質太多，會有不良反應。
刪除除非見柿子太過熟，否則好少會一次吃太多...聽過話柿子不能與蟹肉同吃，會影響消化之類...
刪除通常某些營養吸收太多太偏，都不是一樣好事!!多謝秋葉提醒~~
我有二十多年沒有怎吃過月餅，但今年意外吃了不少。
回覆刪除雪糕，很難戒掉！
二十多年冇食過月餅?!!!點可以忍咁多年......
刪除雪糕又唔需要戒，間中食下讓自己味蕾開心一下都好!!!!