收到銀行信，話說分行將會遷址，分行的營業時間到上月底就結束...森諗：日後要親身辦理些銀行事都不知到哪間去了，最主要是未必間間分行可以就腳又方便...而且很多有關銀行的事項都在此辦理，想想不經覺地也有十多年了...趁未關門前都順便搞些銀行事務，過往通常辦完要事後就會到這裡個商場逛逛，一來大把食肆，二來對這個場更充滿回憶...其實香港有很多地方，都不停在變更，早些時候有次車程經過這裡，發覺這個商場變靚了很多，時尚很多，以為內裡可能改頭換面，但今次走進去發覺原來都是差不多，我反而覺得保持舊貌便好了...
長沙灣廣場主打上班食晏客，所以食肆很多，而午飯時間都有很多人，以前買電子產品的舖頭都有好幾間，不過被大部份食肆佔據後餘下只是一兩間，可惜早前已經買了部「拿為」機，否則都會認真睇睇有咩合森水手機...
到我幾日前經過這裡，發覺地下多間分行已被木板圍封了，相信遲下又有一番新面貌，估計地舖都係開食肆多.
十年人事幾翻新，要剔除唔好部份，注入新好元素，要不斷進步才免被淘汰。好似我隔離個居屋商場二年前改頭換面，剔走咗間酒樓，騰空咗畀小街市、某品牌快餐店、包點店及街市內嘅細食肆，方便生活需要，多咗選擇，由其是間包點店，有即整腸粉，早午晚都排晒長龍。
回覆刪除森Blog都搬過幾次啦！
十年人事幾翻新......相信一爺兄都比過去十年俊俏不少啦~~哈哈哈.......其實呢個場變高檔了，有很多名牌食肆進場~~不過又冇想像中變化咁大!!!而家的店舖大多數都係搞食肆，始終每人都要食，而且一肚餓就要搵食，不愁冇生意，有很多人食慣了口味又未必會轉!!
刪除民生所需，我認為要有小街市，超市，茶餐廳，包店和家品店~~~咁就最理想!!
森Blog搬過一兩次啫~~~~
讚完我俊俏嘅『哈哈哈』，你笑咩嘢？唔想亂猜，都係高深莫測森哥直接講好啲。
刪除森哥唔係帶飯咩，應該好少外食？識人有電飯煲仔喺公司即煮即食，新鮮滾熱辣飯餸香特別好味道。
我最怕靚咗(唔係我)，租值升級，物價齊脹，都係平民價啱我。
唔知點解最近啲嘢菜貴咗，黃昏時分菜檔會減價清貨，喺年頭仲賣$10/3份嘅日落價，依家要$18/3份。
森伯冇你講到高深莫測，好簡單直接，變靚左自然開心，森裡笑出來就……哈哈哈，有幾奇呢？！乜你變得靚仔過以前會唔開心？！所以話一爺兄的外星智慧另一個層次……
刪除我係帶飯多，只係講其他打工仔出去食晏通常幫趁食肆，帶餸返公司蒸味仲麻煩！！
門面整得靚，租都可以要貴些，汰弱留強，名食店才會進來，例如麥當當，家鄉龜，大渣樂等……對大眾來講都係平民價啫，但個場就升級左！
發覺自從政府派消費券後，很多東西都明顯加了價，唔加價果間真正良心店鋪……唔緊要喇，$300/3份，一爺都食得起喎！！
我仲以為森哥喺我面前恥笑我添。森哥咁講我諗係由十級醜樣變靚啲為七級醜，仍然屬醜類，距離十級美還是好遙遠。君如拍電影時被晶哥指派走醜角路線才紅，人生角色因人而異，我樂天知命，做好自己配角就夠，老天爺自有安排，呢點思想同森哥有差別。
刪除如果上天容許森哥剔走一個缺點，我估森哥一定會揀自己個醜樣。
$100/3份！！森哥就要塑造自己係慳家男🍌，迫我做洗腳唔抹腳嘅大洗怪👹，你真壞呀！唔怪得你就人見人愛😃，原來係踩住我上位😒。搖頭嘆息😱
點敢恥笑一爺兄，費事又畀你加倍抹黑!!!!美醜天生都冇得強求，可能有些人要求高，"吾現早"都話五級靚，都冇得好講喎!!!!
刪除你既然咁樂觀，森伯都唔需要打太多字來安慰你，你即本做好君如的人生角色，森伯精神上都會撐你!!!!
你又估中，森伯寧願剔走自己的醜樣，因為未試過做靚仔果類!!費事畀人話醜樣豬豬~~~~~~
$100/3份！！就叫做洗腳唔抹腳......?!!咁$3000/3份！！果啲叫乜呀?!!我發覺一爺兄駛多個錢都好有罪惡感，夾硬自我污名化~~~~~~
我講梗街市菜檔喎！我係未見過$100/3份咁乸貴。我買過最貴嘅菜係$80一斤嘅新年豆苗，一年一次屋企團年飯就唔理價錢啦！
刪除通常過時過節乜野都比平時貴啦~~尤其餸菜，食材等...不過就係要過節好多人都唔計較!!!
刪除另一時段係打風前後都貴咗，今日好多人搶嘢，街市菜檔開檔2個幾鐘頭就畀市民搶清光，打孖黎呢2個颳風搞到人都癲，平時啲人都冇咁緊張，羊群心理好怪異。
刪除覺唔覺圓規呢個風名改得幾好，規挸地唔駛造成太大的破壞，到現在呢刻都好風平浪靜……
刪除我今曰就聽到商舖有位老闆講，打風一定會加價，講到好似係行規……其實啲人又唔駛太緊張，可能正如你講羊群心態！
長沙灣廣場我也曾到過，都祇是逛逛而已。
回覆刪除我發覺多間工商銀行是未拆圍板。
呢個場主要以食和銀行為主，如果想又購物又有嘢睇下未必太適合...
刪除場內的銀行冇郁，但地舖的銀行分行封晒板~~~~
長沙灣廣場其實不算舊，以前都經常在這裡食晏，這兩年沒有再去了，咁快又番新？
回覆刪除舊就唔算太舊，可能佢當中常常改變下，始終開食肆有商機附近大把打工仔，豐斂由人，但門面都唔可以太差勁，否則有名食肆唔進駐...哈哈
刪除以前都有去長沙灣廣場逛吓，近幾年都好少去了。以前特別多商場檔位，每架特定車仔都載滿各種時尚貨品，遊客來來往往都好熱鬧。
回覆刪除我知你講的特定車仔，可能係較早期的檔口，但現在已經沒有了，轉變成為商舖，可能這些檔口收租不多，改為一間間的舖位之後租金比檔口仔高!!
刪除