一向都少買罐裝飲品,但有時餐飯比較豐富,都想飲杯東西送飯,當然唔會選擇汽水或者人造果汁之類...記得N十年前,有種蔗汁是罐裝,好新鮮好好飲,而罐是要用罐頭刀開(唔知大家飲過未?!!)相信是鮮榨蔗汁,但時至今日就算有都唔會太多人買,因為蔗汁都比較甜...現在容易買到就有椰青水,味道都OK天然...
同時兩種都有,你又會選擇哪一種...
重量:當然係椰皇重,拎兩至三個可以當舉啞鈴~~帶出街飲唔方便!!
淨量:應該罐裝較多,相信椰皇是罐裝的大半......
味道:只要佢話pure 100%,我認為跟新鮮椰皇味道差唔多...
價錢:應該椰皇比較貴!!
慳家:罐裝只得椰水,新鮮椰皇可以有肉挖出來食或整個滋潤品...
創意:如果有閒情或藝術細胞,可以將飲完的椰皇殼(雕或畫)做個工藝品~~
唔知大家又點揀?!!始終我個人認為罐裝方便,買多些少放雪櫃較好,隨時有咩虛火燥火上升,都有些清涼東西飲飲,又冇咁易變質,合乎經濟效益~~
我從不吃朱古力,朋友都話我怪(我都唔明白點解喜歡朱古力才是正常),但我極喜歡椰子食品,椰子糖、椰絲、椰條、椰角,椰奶、椰汁 ‧‧‧‧ 仲有椰青水。你以上兩樣我都喜歡,如果要我二揀一,在不考慮"方便"的因素下,我會揀椰皇,因為罐裝椰水雖然話百份百天然,但卻冇可能冇添加劑,否則不可能入罐擺一兩年。
回覆刪除都唔可以講怪,食物都有個人喜好,因為很多人都認為朱古力大人細路都喜歡,我對朱古力都係麻麻地,我都喜歡有椰子味的食物,椰汁糕、椰賓麵包等等...反而椰子糖,或全盒裡的椰角,椰條就麻麻地...因為“甜到膩”,現在我常親自整個椰子醬搽麵包,好好好正!!!!遲下可以在網誌內講吓~~
刪除其實天然點都比較好,至於罐裝買起來較方便,罐外寫明冇添加物是純椰水,通常不會擺好耐,一至兩星期左右就會飲晒...
椰青水我只係用嚟煮餸。
回覆刪除椰青水仲可以放落椰子雞湯裡,好清甜......
刪除諗起N年前遊泰國只飲椰青,因怕支裝水會係水喉水唔乾淨,遊途中肚瀉好大鑊。
回覆刪除好多人怕水土不服都會自攜水去旅行,所以一般都會買當地水果當飲水,但真的可以唔飲水全程飲椰水咩?!!!.....
刪除嗰次跟團,後來,衛生條件提高咗,才興自由行。
刪除我唔明中醫虛火燥火點分,我淨係曉自己幾時火滾。
凡加椰漿嘅鹹、甜食物好惹味,我全都鍾意。
想搞好旅遊形像,衛生好重要!!!
刪除我諗虛火是唔夠訓,導致個人熱氣口苦...而燥火大都是乾燥引起的不適卦~~~森醫師都畀你考起,好彩只係醫自己唧!!哈哈哈
反而椰漿做餸就一般,因為擺耐了會變味~~~
我係分啱該餐份量,食前才落椰漿撈勻,太合我胃口啦!次次全清,無可能擺得耐,唔知有變味。
刪除啱啱上網見到xx棧清貨100g果仁朱古力賣$3.3,魔鬼誘惑超大,把我吸到佢哋面前,喺舖內停一停,思前想後,我都冇帶走班魔鬼回家享受,因為決心想保住我條30吋纖腰。某年因狂食佢而肥住1吋,點知咁就翻唔倒轉頭,29吋腰已成為歷史。國家吋土不讓,一爺吋腰必爭。哈哈!今次我戰勝咗!森哥有冇抗拒食誘經歷呀?
椰漿太易變味,所以都好少做送菜,做甜點小食最好,放在雪櫃可以放幾日,
刪除你都好野,有番條小小蠻腰就掛住食朱古力果仁...買些全黑朱古力,唔好有甜味,咁比較好~~~
現在想食得好,好多時都自己學整,這些街上買唔到,又好食,唔需要下下都要去舖頭買!!!
希望你寸腰繼續必爭,陣間又比魔鬼的誘惑搞到失守!!
其實被誘惑的食物唔太多,叉燒飯,炸雞燒味之類,都唔敢時時食,偶爾食下都無妨...
記得花生醬的誘惑,鍾意食但唔可以食得多,一燥熱個人就唔舒服~~所以花生醬都幾魔鬼,萬聖節森伯會扮樽花生醬!!哈哈哈
大肚dum冇良心,失去良知嘅我一樣掛住食。
刪除期間限定,節日失身。
有說齊家 治國 平天下,應該喺最前面加入齊身,冇好身體捱唔到尾,好似朝鮮元首都減肥。
以前燒味飯喺初一、十五買黎敬祖。叉燒係好好食,由其是有致癌嘅燶燶哋黑端。
花生我都好喜歡,平日我都烤兩把手花生食,幸好我策略正確,買啲生嘅花生,如果已經烤熟隨時食得,會係兩手、兩手再再…………再兩手,嗰樽花生好快畀我食清光。
森哥哥咁扮法係想人哋食咗你,祝森哥節日失身記成功。
都冇咩所謂,你啲honey唔介意咪得囉……
刪除年年節日都失身,希望今年唔會啦——😀
時下講形象,又要打得,又要睇得……領導級更加要啦!
燒焦的食物冇益,唔好話燒味 見個麵包底焦黑色都會換過………
花生幾好食,偏愛鹹脆花生,同紅衣花生,你點整花生?!
你估啲人黐咗咩,扮的花生醬都食!
唔健康,我想病。
刪除近2期總統,一個低能,一個老人痴呆。
以前唔知有害,仲好搶手。
洗下塵埃,放入微波爐叮到脆身。原味冇鹽、冇糖、冇添加劑。
冇痴,但想黐實森哥,拎樽花生醬出黎,搽喺森哥肌膚上,然後……
呢排溫度時冷時熱,要小心身體...
刪除好在你冇開名,每個國家都有高低潮,處於不佳的狀態時,邊個做都唔掂架啦~~
以前唔知有害,仲好搶手>>>>>>係呀!!係呀!!以前的人叉燒唔焦黑都唔食,不過細個聽親戚講過都知冇益,印象好深...
森伯冇微波爐,相信會烚來食,生的花生邊度有得賣?!!
搽喺森哥肌膚上,然後...當護膚油咁按摩,滋潤皮膚!!好在森伯幫你兜番咋!!!!
吖!我語無倫次,唔通個腦有事,改改佢,我意思係:唔會冇所謂,大肚dum唔健康,我唔要,因為唔想病。
刪除反影民主選舉嘅弊病。國策短視只為選票,5年換權又推翻之前計劃,國會兩黨相鬥拖死政策決定,議而不決。國家發展郁吓都要幾拾年計劃,咁嘅制度只會破壞國家長遠發展,仲愈走愈差,要思考吓咩制度更好!
花生已經剝咗壳,藥材舖同雜貨店都有得賣,啲人買黎煲湯、炆雞腳/鹿筋/牛筋。叮出黎效果同烤焗一樣咁脆口。
專登留白,再寫落去我個留言會被森哥删除。
大肚dum係福相喎!!!其實好唔明白,有時唔好話健唔健康,肚dum太大行路都冇咁方便...減到就減嘞!!!
刪除每個國家都有自己的政策,都冇話邊套係最好或者最唔好,總之人民只講求生活同經濟,兩大方面搞好就是上策~~~
管理一個國家唔易,就好似香港細細地都有人滿意,有人不滿...好難做到兩全其美!!!!!
哦!!!原來已經剥左殼,等我仲以為原粒花生!!!冇微波爐!!不過好多時候食粥飲湯都有花生~~
都知你留白的說話唔多出得街,所以森伯幫你填返上去~~~~~~~~~XXD
呢兩款我都飲過,在家飲當然椰青最天然,又可以吃椰肉飽埋個肚,罐裝椰青水勝在方便,但我較少飲,如果要清熱,我就簡簡單單煲香矛薏米水加少少冰糖,放涼搾個檸檬汁落去,一家大小可隨時飲。
回覆刪除有時懶起上黎,煲蘿漢果水,簡單又甜甜地。
通常椰皇用來煲湯幾好,椰子可以增加鮮甜味,而椰肉都可挖出來放湯內煲,夠晒潤肺...香茅加薏米又好少飲,薏米我會放在飯裡當作五穀糧...
刪除新鮮香茅嗎??仲要加檸檬汁,除可清熱更可以清脂肪...一舉兩得!!
羅漢果水有飲,不過對我的效用只是一般,冇咩特別!!!!
揀椰皇天然D。
回覆刪除買天然無添加,飲得放心!!!
刪除我會揀椰皇,我喜歡食椰肉好香甜﹗
回覆刪除原來好多博友都會挖椰肉食,我沒有!!飲完就丟去...森伯好浪費~~~
刪除曾經買過椰青取水飲,不過唔受得。茶或奶茶都唔受得,飲咗會失眠。
回覆刪除因此日中多會飲清水。
係呀,據講椰青水好涼,如果食用者體質寒底,不宜多飲...森伯果類人燥底,就OK......
刪除清水是人體最需要和最有益!!!
我都唔知係唔係寒底,因為都唔食得煎炸物,食咗就會喉嚨痛 ! 辛辣的東西都唔受得。炒蛋都要焗一焗,才敢進食。所以湖南、四川都唔會去,聽說他們很喜歡吃辣 !
刪除哈哈哈,秋葉好識講笑...無論咩底的人食多炸物都會喉嚨痛!!!太熱的食物到喉部會灼傷!!!
刪除炒蛋焗一焗都幾好,冇咁熱氣!!我少少辣都還可以,太辣就唔食得,冇咩必要拿來受苦~~~~
令你見笑了 ! 如果是虛寒的人,可以喝當歸茶。 可是“當歸”我都唔受得,係咁你話這樣算不算是寒底呢 ?
刪除寒底的人好少飲當歸茶,最好飲些薑茶,因為薑可以落多落少,而且薑有驅寒作用...
刪除其實最穩陣可以食些平性食物,現在有網絡最好,查一查食材或藥材就知它的屬性!!!
真是開我的玩笑了 ! 薑是我的大敵 ! 一吃了用薑煮的餸菜,我會喉嚨痛,咳個不休。前兩年我試試吃一些,當堂看了多次陳醫生,他開的藥才能有效,而陳醫生是本區最有名,最花時間,最花金錢的西醫生。我都很久沒有看他了。
刪除的確有很多以為普通的食材,食了反而有反效果,看完食後身體有什麼不良反應……
刪除我都唔可以食太多薑或蒜,辛辣料都唔啱我……
中醫講體質,未必個個人都適合食,尤其中醫講寒熱,要食的東西都可以好唔同,若然有機會睇開中醫,問問都好——