爬蟲---紅耳龜
話說有人年底可能要移居外地，現在的時間都要作好準備，搞掂好香港的「手尾」，大事小事現在就要處理，大的事就唔講，至於細事就係要安排寵物日後的生活，如果係幫狗隻移民要幾萬元，至於佢養的是龜又如何?初時以為細細寵物會平宜些?!!點知佢都唔需要問價，佢養的紅耳龜(俗稱巴西龜)係冇得移民，所以要搵新主人...迫於無奈要人龜分開，所謂在自由的國度裡，連養隻龜的自由都冇......真係一個諷刺~~哈哈哈
註：紅耳龜是外來物種，怕進入當地就會造成生態災難都唔定...所以外國的把關好嚴謹!!!!
爬蟲---檐蛇
記得以前都在網誌裡講過，森宅仿似一個檐蛇竇，又唔可以話好多，但間中都會見到大大小小的檐蛇同你say句hi...可能與牠們共存了好一大段日子，慢慢都完全唔驚...
基本上檐蛇是益蟲，有牠存在曱甴仔都絕了跡，相比曱甴仔麻煩得多...牠們慢慢成為家中的守護者，而有件趣事就係當見到檐蛇的C體仔，果排都知當黑~~~~所以都唔希望見到檐蛇的C體仔，當佢地視為金叵蘿，打都唔敢打C...後來睇到資料，原來家中有檐蛇係代表好，古時檐蛇叫「守宮」，守宮代表守護家宅，守著家中的福氣和財氣...財氣好似唔多覺喎!!!!
據講話以前的老人家唔會趕走檐蛇，因牠們是守護獸......都係果句：信則有；不信則無...
我要為巴西龜平權喇，貓狗可以移民點解龜唔得。大家一樣係寵物啫。
回覆刪除可能奧地利都有規定，有些外來物種都有限制，怕一旦進入本土造成生態災難...
刪除我知道檐蛇是"益蟲"，佢會食蚊，但見到佢在屋內走來走去又接受唔到囉。
回覆刪除哈哈哈，我本來都係，但自從與檐蛇共存多年後，漸漸發覺冇咁驚，基本上唔會主動滋擾人!!!
刪除係佢有自由點嗡都得，冇話你有自由喎！人諗多咗！
回覆刪除嚇細路說：檐蛇 捐入耳仔窿。
外來物種一旦侵入人家國家，會對本土動植物造成傷害，都明白~~~
刪除以前啲大人嚇細路，話檐蛇尾會捐入人耳仔窿...當細路仔又天真又傻~~
森哥迫住要揀同屋主？咁我都係用翻我套花功夫嘅防治曱甴秘方，享受獨居。
刪除竉物玩吓就開心，長期飼養嘅負擔都唔輕，好在我一個人時都唔怕悶，唔會有寂寞感，發揮宅男嘅優點。
移民為子孫，原來，子女未來可以靠佢哋一少啖口水，有間瑞士/瑞典？公司能檢測用BB仔DNA去決定呢個人嘅性格特徵，睇吓佢係咪未來CEO，或者幫手揀份合適工作，好似算命師傅。
老人家的同屋主係班檐蛇仔，不過呢排秋意漸漸來到，檐蛇又唔多出現，爬蟲要冬眠，檐蛇可以趕曱甴……
刪除養寵物要負責任，冇就唔好養……森伯做慣宅伯，宅在家中都有很多嘢做……
一生兒女債，做父母為下一代，都冇得怨…將來個個父母都希望自己仔女改基因，個個都要做CEO，到時人才多得滯，職位又係爭崩頭…慶幸自己活在這時候！！
班仔……人哋係幾代同堂嘅大家族呀！有老有嫩。
刪除農夫耕種 有魚菜共生 ，你哋同一屋簷下， 有 森蛇共生。
香港冇落雪有幾凍呀！十月我都仲係著梗短衫褲喎！去冬眠咁懶，要畀封Warning Letter，唔再改呢種工作態度，將會執行森家家法，炒魷魚。
森哥唔使伴侶咁獨立，畀十個讚。
未來係AI智能電腦搭檔機械人打工囉！全球出生率下降，好似自私英國鬼脫歐後唔夠運油車司機而缺油，加油排長龍，香港依家家居傭工因疫情封關唔夠人做，人哋唔憂做，物以罕為貴，人工扯貴幾倍，係僱主爭崩頭請人做嘢呀！
大家族？！班檐蛇仔來無蹤去無影，爬蟲動物係冷血生物類，秋冬天氣涼涼凍凍，日煦唔夠爬蟲就不靈活，所以食飽後要冬眠，生理需要，我唔會好似一爺呢類無良顧主，強迫人地勞動，因住又畀人話冇動物權，再駁嘴又話你滅絕蛇族……哈哈哈
刪除多謝一爺的十個讚……森伯好識do嘅，應獨立時獨立，應依靠時依靠，大把人都係咁啦！！
一間公司只得一個ceo ，而有好多人才都可以勝任，又係憎多粥少，將來的人一樣冇乜嘢撈！！
森哥點解好似隱暗地講我冷血，塑造我為貼身黑皮衣殘酷殺手，咁型格啱我呀！雖然森哥確實係一個暖男，(佢自己都咁吹噓自己)，因為我時不時被窒、被踩，正值秋天，森哥給我秋凉感，欠缺温度，人說物以類聚，冷血蛇揾冷血森正合乎天理。但四季中，我最喜歡秋日那鼓凉氣味道，好爽呀！森哥夏日灼熱 熱情係 for 情人 only，咁樣態度對付外星人就恰到好處，好受用。
刪除中國科技一日萬里，速度驚嚇到美國都要出手開戰，諗住拖慢發展，見獨自發展太空站、北斗GPS、超聲速導彈都係講到做到，我估美國都係戰敗。
阿里『小蠻驢』自動車送貨解決咗送貨成本最高嘅最後一公里，呢條驢舊年疫情時已喺內地大學校園區出勤，好成功呀！計劃未來會擴大隊伍，增聘更多驢仔，呢個咪係未來。啲人做乜呢？中國有計謀，唔使拆散家人要人離鄉背井，父母可以留翻喺山區搞旅遊業，山林田園秀麗、空氣清新乾淨，呢個咪係提升有質素嘅生活而唔係死命生存。
我諗一爺若然係老闆都屬於無良顧主果類...哈哈哈~~冷熱來講我都比較喜歡涼涼地，夏季太酷熱真係都幾難頂架!!!!尤其是黐黐立立~~~~
刪除你係外星物種冇所謂是冷是熱，身體都有智能調溫器...
邊個國家唔想發展高科技，但環境，人才都要金錢去培養，尾角的經濟都大不如前啦......
扶貧的工作雖然艱苦，但每個人都能夠參與先至係良策，每個村民市民都可以出一分力，真係做到發揮自己有價值的地方，幫自己幫埋國家走向豐足都唔錯......
我好怕檐蛇。我曾經養過龜，現在乜都唔養，照顧好自己便算了！
回覆刪除本來都好驚檐蛇，當慢慢接觸得多，又會唔太驚，有時在浴室拎起毛巾，又會見到佢地個樣仔......
刪除金魚和巴西龜我也有養過，可是一見到爬來爬去的蟑螂、檐蛇，就會好驚，誓不兩立。
回覆刪除相信細時好多人都養過巴西龜，容易買得又唔難養...
刪除以前都好驚檐蛇，不過近來見多了就習慣，森理上跟以前相反!!!!