發覺我們的日常飲食當中，澱粉類的食物都好難在餐單剔除，除了麵飯外，仲有麵包、餅乾等......
至於近來消委會測試，發覺有多款餅乾都唔合格，有致癌風險!!一聽到個「癌」字大家都驚驚啦!!因為製作餅乾的過程，會產生一些致癌物，多食就會增大患癌的機會~~除非你完全唔食餅乾，在報導中所講的60款餅乾裡，或多或少你可能會食過，我食的餅乾多數當早餐來吃，有時都會當小食...不過就很少餅乾當正餐!!
呢隻食開的B字頭消化餅又冇出現在問題餅乾裡，而另一款老牌子的消化餅就有問題，不過唔會食太多，唔驚...
其實好老土講句，少食多滋味，多食就壞肚皮，適可而止唔過量便是了!!!
早前已經聽說過~有些餅乾會有些不良成分在內，因此不會胡亂買餅乾來吃。
回覆刪除其實以果仁或是豬肉鬆用來作零食也不錯。
其實餅乾報告較早前都已經有，還列出多款有問題餅乾，而今次是消委會又再做一次，驗下邊隻餅乾還有問題...
刪除我現在的零食多數果仁類或乾果，購買容易，若不是太鹹堅果類比較好!!!
其實任何坊間買到的預製食物都有添加劑，最低限度有防腐劑，有些更多達十種八種，其實也不必過度擔心，否則食唔C都會嚇C，大部份添加劑都會在管控範圍內，只要不是過量食用就是，如果真係好驚的話，不如就自己製作食物好了。
回覆刪除我諗包裝食物都是看它的添加物多或少而已，超市食品都好難避免，盡可能揀些較天然，加工少些...正如你話齋唔食C都嚇C...
刪除唯一方法最好係自己整，材料可以自己控制，不過要花些功夫同時間，除了比較健康做出來的食物都有份滿足感，就好似peace兄的糕點美觀之餘仲健康添!!!
鹹餅乾搽啲醬當lunch我有時都會嘅。
回覆刪除你喜歡整野食，可以試下自己做餅乾，相信難唔到你~~~
刪除古惑零食令我進入忘我境界，只要嘗第一啖，必須一口氣食夠200克餅乾才能停止，明知餅有毒，偏向餅山行，呢個係我嘅弱點。唯有縮窄一年一、二次勁食，通常都係揀聖誕過年齊歡唱時期或者賤價時大手買入。為食饞嘴會中毒，癌從口入，呢啲咪係知易行難囉！
回覆刪除或多或少，人人都不知不覺中中癌毒，咁森哥有咩防癌秘方？
平時策略係食健康水果代替零食，塞住把囗。
餅乾充饑只在荒山野嶺郊遊冇舖頭買嘢食，因為攜帶方便唔易壞。
你講200克諗唔到有幾多，如果你講幾多塊會比較易想像!!!可能你要改一改，我每次食餅過都唔會超過三四塊，除非大食癪發作...長輩們時時講餅乾熱氣，試問燥底森點會食得太多呢?!!!
刪除你真係要留意上圖的問題餅乾，唯有避開唔揀，或者食少些都唔驚...聖誕新年都大把野想食，又好少大手入餅乾喎!!!
可能自己身上已有癌細胞蘊釀，都唔敢講有咩防癌秘方，不過多食些鹼性食物，因為癌細胞不能在偏鹼的身體上活躍，查下網都有大把鹼性食物......
最近多了吃果仁乾果當零食，止口痕發作!!!!有時都會帶一兩包獨立包裝餅乾外出，即時可充飢幾方便!!
200g係半筒餅咁細食啦！我腦囗交戰，放低又拿起數個會合，戰果係口力大勝腦力。
刪除對傳統賀節聖誕、新年食品冇興趣，我成日反森就知我反叛唔跟古老習俗啦！
森哥有冇一啲好喜歡嘅酸性食物戒咗？
半筒餅對我來講都幾多......你不如學吓阿茂咁整餅，添加劑不用太多，可能會健康啲，放心食!!有個小焗爐就可以~~~
刪除鍾意食傳統美食都唔等於唔反叛嘅!!!最反叛係乜事?!!想聽聽你個反叛程度!!!
對身體好就戒，應該係酒卦!!!煮食用除外~~~~
癲咗！一年一度狂食症發作，放縱、放棄、放空。
刪除我用情專一，都係食M字頭或B字頭嘅消化餅，貪佢哋夠經濟實惠。咁我唔買黎食囉！
自己整咁麻煩，再者，致癌物質係由于200°C高温烤焙導致，自己焗有癌毒你都唔知啦！所以，近年流行經典嘅氣炸鍋都會致癌。蒸烚燜燉烹調法係健康之選。
花生、雜豆糖水、生果係我平日零食，餅糖係聖誕過年放縱吓才買，咁我變吓只買少量朱古力食，唔買餅。蛋卷呢？
我好乖架，森哥行西我偏向東，包頂頸已經係我最反叛。
反而覺得你係一種：放肆、放任同有少少放蕩不羈~~~~~~
刪除又食M又食B，又食A，又食T......咁都叫用情專一，其實發覺今次有問題餅乾，大多數都係親民價及大眾化，或者日後選購可以買些貴價少少可能安全些!!
怕焗出致癌物，就不如整些細細饅頭之類，都係以蒸為主，第日有機會試下整些蒸麥餅，夠正氣卦!!!
諗諗吓森伯鍾意食餅乾，相信都唔會戒，不過適量及著眼啲貴價少少的純餅乾!!!!朱古力一向都少食，鹹朱古力好正!!!蛋卷糖份高!!
咁未好囉，你行東我行西，拍住一齊行搞到森伯自卑，實冇一爺咁靚仔兼且玉樹臨風!!!!(冇笑架，證明唔係講笑~~)
我企喺度煎3大塊(夠一餐)雞肉蔬菜煎餅要18分鐘都嫌辛苦，食一排後都放棄咗。唔喜歡花時間煮食，慳水慳力嘅飯餸一煲熟，才算幸福人生。花功夫整包/餅咪攪我。
刪除森哥平時食得清寡，仲未削髮出家做和尚，食吓雪糕餅乾，添一絲絲色彩，係生活情趣，正常不過啦！
不同思想、諗法，才可擴展我思維。如果森哥係我copy2.0，駛鬼同你傾偈，我早就消失咗。
似熟賣熟，深交森哥會比普通人放肆，相熟朋友嘅界線會畫過啲。我特登揾2大節日放任不管。放蕩不羈我只敢喺隱藏身份下寫，面對面我講唔出架。
刪除煮一味餸菜都要18分鐘...所以煮野食都唔簡單，仲要去買洗切...所以好多人寧願叫外賣，不過享受入廚的話都可以是樂趣~~
刪除整野食係一個人必需學識的求生技能...不過一爺將來可以請工人服侍，想食咩都有人代勞~~
森伯就嚟連飲啖清水，吸一下空氣都變成一絲絲色彩!!生活情趣，每個人睇法都唔同!!
擴展你思維?!...最弊森伯講的良言都未必有博友會聽!!哈哈哈
講笑啫，又唔需要太過認真~~我都會趁節日飲飲食食，平時清森寡口都留番啲quota適當時候可盡食!!!!
有齊蔬菜肉蛋麵粉各種所需營養，係一餐呀！切幼絲真係切餐C。後來一煲熟切4份分4餐快手好多，節省5~6倍時間去享受人生，而且蒸烚健康過煎餅，一舉二得。
刪除良言係金石定係膽石、腎石，真係因人而異，外星人更加啦！即係我每周必食OMEGA3魚好有益，對森哥係有害，沒有絕對正確，唔好勉強別人認同自己係啱嘅諗法。
喺印度要吸一口乾淨空氣，喝一啖乾淨食水都唔輕易架！
到我要請工人服侍嘅老年後期，我諗身體殘障程度唔容許我享受自由自在獨居生活，係時候入住安老院。
......從一爺兄所言，覺得你思想都真正負面，簡單的事情都諗到很灰!!良言梗係配金石，如果有錢啲都可以配鑽石，比較富貴都可以配寶石.......絕對唔會諗膽石同腎石~~~~
刪除將每餐餸菜做個記錄，每次諗餸前可以睇一睇就知煮咩餸，省卻很多腦筋...森伯多數蒸飯，只要切主菜，配以五穀又可以當一餐，簡單直接又正氣!!!!
我講的良言是指，譬如吸煙危害健康，多喝酒就會傷身......相信都冇錯，係人都知但又未必個個會做~~~~我們身處香港，無端端講印度?!!...總之一句珍惜環境珍惜所處的地方!!!!
你真係好灰，你可以現在請定就有工人服侍，到老~~入老人院先算啦...
太平，由細食到老！哈哈！今次死得。
回覆刪除唔驚啦，有森伯墊你底...哈哈
刪除「泰瓶」唔多買，至於「勿唯它」就比較多買!!!