現在的健康食品真係有得做，畀著廿幾三十年前根本沒有市場，以前的人以慳家為主，所謂貴價又奢侈的健康食品，根本唔多人問津...家陣時勢為英雄，一有標榜健康食品，什麼超級食品，個個都想食了變健美變健康~~
好似今篇網誌介紹呢種奇就奇在...奇亞籽，外表細細粒好似黑芝麻，但經過浸水後就會發脹，變得粒粒好似西米...簡單介紹：奇亞籽是一種外國鼠尾草的種子，據講有降血糖的作用，唔想吸收太多澱粉質食物的都幾適合，食佢有飽肚感...
相中的是送人，我未食過，因含有大量奧米加成份，我反而唔食得太多...所以只影包裝，飲食宜忌要搜尋清楚...一般人試吓無妨況且對身體都有好處，可放在任何流質食物裡，待發脹後更易吸收!!!
其實我認為健康食品都係因人而異，可能係來佬(外國運來)產品特別貴，識食平東西都收到同樣功效!!
前幾年樓上1磅裝賣$19我就食咗二年，後來加咗價我又覺得冇乜特別superfood就停咗。而且植物性奧米加3油吸收率平衡值只有5%，奇低，都係食沙甸魚好過佢。
回覆刪除營養師建議每日食二湯匙，咁小量好似對健康嘅作用唔大。
我食過係唔飽肚架！ 唔好呃人。
$19元一磅裝...咁平?!!早知唔去超市買畀人啦!!貴到咁!!有時食呢類健康食品，食完後冇乜唔妥我就當OK架嘞!!!其實很多植物的營養素都唔高，這樣才不致營養過剩.....
刪除每日食二湯匙算唔少，通常啲人溝乳酪食當早餐......
我食過係唔飽肚架！>>>>>>梗係啦你仲發緊育嘛!!!!!XXXD..........人哋係畀啲想減肥的青春少艾食可能夠飽~~~~我未食過唔知飽唔飽!!!!!
『減肥的青春少艾』/『送禮』🔚森哥暗示收禮嗰位青春少艾肥喎！留心你唔好送呢樣去笑人哋啦！
刪除我覺得雞蛋營養豐富係 superfood，日日都食番隻補身，冇得賣貴咪冇人吹捧囉！另一樣，罐頭茄汁沙甸魚 都係 superfood。
所送的唔係青春少艾，係中年人...中年人比較注重健康，送呢類都幾啱，有得食又唔怕食壞身體!!公司啲鬼鬼同事都係送健康果仁咋，佢哋都喜歡...送健康食品包冇衰!!
刪除我都係第一次聽罐頭食物係superfood，冇食過，一向對食魚都係麻麻地~~~~
公司送禮文化我就唔鍾意，好易引致會用禮物換取某啲工作利益。
刪除superfood 定義我唔聽人噏！自己話係就係。
我細路時因魚骨而少食魚，啲人成日同我講『唔食魚會大頸泡』， 我反駁食魚就會哽骨死，你點揀吖！
你真係說出個重點來，我們的送禮好小兒科，大都係小食嗰類，頂多個旅遊完的鎖匙扣，多數人哋送我禮先，我才回禮...我唔會先送給人的，費事人又要回禮...盞搞!!!!
刪除咁你遲吓鹹魚都可以係superfood，令人開胃，而且鹽份又可補充返失去的礦物質喎......
唔想大頸泡可以吔其他...
『送禮回禮盞搞』我絕對同意，難得我又同森哥有共通思想。(尖叫)
刪除森哥咁媚人，唔好假扮 衰美 囗吻 ， 佢專做戾橫折曲、黑白顛倒、壞事做盡，但是，又要扮正人君子。
細路哥時唔知係缺乏碘質，有咩其它可食！讚嘆新科技，互聯網係人類一大優質發明，讓知識普及化並更快搜尋到。
好喜歡一爺乜都尖叫...好似少女fans，男士聲帶出唔到尖叫聲，可能一爺有別於常人……如非必要都唔想開頭送禮，除非真係值得送嘅人……
刪除有好多人都可能信老尾一套，唔係個個好似你咁頭腦清晰！
以前父母想小子女吃魚，通常會用大頸泡嚇佢哋……現在知道就算唔食魚，都可以食其他海產都吸收到碘質……
每個『大粟的愛』都有個少女心。
刪除我一直都相信老尾，係近年被針對才醒悟。信錯人嘅氣憤。
知識改變命運。
又關大粟的愛咩事……隨時尖叫唔係個個嗌得到。
刪除你知道有唔妥，識得什麼是對是非，可能仲有些人懵然不知……
我反而認為人的心念可改變命運……
低科技有變聲器，專門呃你呢啲入世未深嘅少男。
刪除我只在乎你。
心念？例如呢？
一般apps都有變聲器，又好似未玩過……入世未深的少男易呃，但老男就唔同……
刪除我只在乎你，好似係一首懷舊金曲——
全寫係心思意念，你的想法都有可能令你成功亦會使你失敗……
大多數騙案受害者都係老人，最非森哥承認自己係老奸巨猾啦！😂
刪除意思係其他人知唔知係唔重要，最要緊係森哥知嘛！
知識係有理論、辯論、實驗證明正確無誤，唔會因為老師係黃定綠而扭曲，跟著知識走就冇錯，心念就會令人行差踏錯，唔係咁好喎！
森伯屬於老奸巨猾，咁你啲小羔羊小心啲!!!!
刪除最弊連森伯都唔知呢!!!!!
有句說話講：聰明反被聰明誤...有些人自以為自己走在知識領域，想法「超然」，在過去兩年的事件中，還帶領一班人去違乜達乜，結果淪為階下囚~~~
我卻認為一個人的「念」係最重要，正所謂一念之間...卻會影響你人生的結果與得失!!!!
我個人比較傳統，買嘢要講性價比，一些標榜本地出產的我好少買，標榜有機栽種的我更少買，而標榜健康食品我極少買，原因很簡單，因為這些產品價錢都會特別貴，而且是否有如他所標榜的功效呢？我唔知。我冇乜錢，慳得就慳，都係買番普通嘢算嘞。
回覆刪除有好多人認為買本地出產的貨較好，一來環保，二來減少運輸費，理應都是值得買的...有機都不是時時會買，因為食開的穀類有很多都會標榜有機，其實有否有機種植都冇所謂，冇刻意選擇!!!!
刪除通常現在的食品加上有機，或超級食物，那樣食物就當堂升價十倍，所謂百貨應百客，都係各取所需~~通常普通家常飯餸，我都認為買普通食材就OK!!
我有食奇亞籽，放在咖啡內滑嘟嘟，口感吾錯﹗
回覆刪除我時時覺得奇亞籽可以當普通西米咁用...未食過!!有機會試吓~~
刪除奇亞籽我麻麻.
回覆刪除未食過，唔知會否喜歡~~
刪除我曾在加連威老道的印尼餐廳，多次外賣奇亞籽椰汁，好好飲，奇亞籽又有嚼勁口感，可惜印尼餐廳結業了！
回覆刪除我對營養食品不著迷，日常正常飲食都可以了！
係呀，我覺得奇亞籽跟西米都一樣可以製作甜品，都係一些東南國家喜歡整的甜品風味...尖沙咀平時舖租貴，疫情內冇生意都結業唔少...
刪除如果細想有很多所謂有機的營養食物，普通食材是可以代替的!!!
我沒有特別去追捧健康食品，以前有聽到健康院的護士講話，指導我們婦女們的飲食健康。要經常吃芝士、蝦米、白飯魚或沙甸魚以補充鈣質。新鮮蔬菜、雞蛋也很有益。
回覆刪除一般人最好都不要偏食。
你講得好啱唔好偏食，相信什麼食物都有佢本身的營養價值，只要有均衡的營養，身體都會好得多……
刪除但現今都市人，反而驚營養過剩才真，很多普遍的都市病都同營養過剩有關，所以節制一下飲食反而需要……
現今都市有很多的垃圾食物：油多，炸的多，或狂食肉類，要節制的恐怕是這些吧。 均衡飲食是不要過量，否則癡肥。
刪除最主要係現今太多化學食物，有資料講，都市人平均每日吃了十多種添加物落肚，我諗最主要係包裝食品……
刪除唔知秋葉平時有冇奉行健康飲食，一或喜歡就食，冇刻意避食呢？！
自從知道油多與肥膩的肉類係好冇益之後，已經減油與戒甩食肥肉好多年了。
刪除但凡包裝上印著E123，或是E什麼數字的加工食物都不要買。
更正：戒食，“甩”字是多餘的。
刪除好在自己本身唔多喜歡食肥肉，都係怕油膩的口感!!!
刪除有時買包裝食物都好難避免冇添加物，我會揀比較少些就是了......