正所謂一年容易又中秋，天氣還是相當熱，完全未有感到絲絲的涼意就已經踏入中秋了，雖然話因疫情關係，但市面仍有很多月餅廣告，做節飯廣告...似乎餐飲都漸漸見起色!!
有時都會諗中秋只得食嘛?!!...月餅?!!...做節飯?!!...商業社會邊樣最搵錢，就重視那一樣，其餘舊有的習俗、東西就越來越少見，今年就完全不見一個賣的燈籠...至於森伯的中秋至愛---月餅，就點都唔慳得，買少少來應節!!!平時睇開森博的友好們都知，森伯都幾慳家，如果今天仲有「分」呢種面值，相信森伯會慳得一分得一分...哈哈哈哈，大家唔好以為信用卡儲積分喎，只係面值有元、角、分，分就係比較細的面值而已~~
其實今年有消費券的帶動下，百物騰貴，當然月餅都唔例外，普通到唔普通的月餅都要好幾舊水一盒，而我買的國貨月餅就仲可以二百蚊有找添...
而且相信國貨月餅做法會有傳統風味，而我買的是陳皮豆沙月餅，雖然陳皮味唔夠濃，但紅豆就有一粒粒的紅豆口感，好原味，而且唔油膩...
而另一種係迷你月餅仔，都闊別幾年冇買過，今年有機會經過呢間餅店，一於掃多少少，無論送禮、自奉、派街坊都幾相宜!!所以今個中秋特別慳番唔少...Yeah!!!
在此，祝願大家人月兩圓，兼且有個愉快開心的中秋佳節!!
中秋節快樂。
回覆刪除中秋節快樂...
刪除慳家好男孩！人見人愛！
回覆刪除我見過一分，未用過，係阿媽交電費。徙置區公共水喉房，免費用水。搭巴士用個斗零
中秋節健康。
咁慳家的老人家，又會唔會人人喜愛呢!!!!
刪除我諗現在一分的幣值都完全絕跡，分完全未用過，毫子就常用，仲有成樽添!!!
我都祝一爺中秋快樂安康，人月倆圓......
心得：冇討厭你祲老人馟同皺皮白髮個醜樣已經算好啦！可就可，不過係可憐你！對森哥要人哋認同可愛我真係『搖晒頭』，自己都可以活得精彩、自在。
刪除森哥有冇玩燈籠、蠟燭？
人圓潤就彈返畀森哥啦！
祲老人馟......一爺兄真係博學多才，完全唔識呢個成語~~你無端端講晒森伯啲特徵出嚟~~~~想扮可愛都唔得!!!!
刪除老人家都可以厚可愛，你不要一偏之見呀!!!!每個人都可以揀自己喜歡的生活方式，最緊要活得開心自在...
冇玩燈籠?!!擺吓電子蠟燭算了!!
你有個肚腩仔本身都圓潤架啦!!!!
廣東話口語："陣老人隨"氣味呀！
刪除森哥版面博主圖咪畫得好可愛，扮咗好耐啦！
可愛的老人，森哥有咪例子？
我喜歡反傳統，過節嘢乜都唔搞，輕鬆自在，仲慳番筆。
(岳高頭講) 我冇肚腩仔啦！
你講起又覺得森伯真係陣陣老人除......可能同啲驅風油有關~~~~
刪除畫得幾得意都得，博主圖當係森伯伯個孫孫!!!!!
冇咩例子，憑著一股傻氣!!!!
你果啲唔係叫反傳統，純粹係唔想搞太多啫......
冇左個肚腩仔就唔似外星物種!!!!
勁到連人都驅散埋。
刪除森孫的情歌，要有百子千孫冇難度，森哥平時幫孫仔裝身換衫，弄孫為樂。
大傻：森哥扮豬食老虎！高招
以前收到太多應節食物，消耗時係重擔，年糕早餐連續3周，月餅下午茶成個月……搞到肚滿腸肥，苦不堪言，滿腦子惨惨負面回憶，早就決定兩老走後乜都免，森哥明白我呢段歷史都同情我，現在，輕鬆自由好開心。
冇肚腩嘅特種部隊外星生物。
唔係你估……
刪除我仲以為你話森伯幫啲孫孫換片片——😀
森伯個樣都唔似扮豬食老虎，邊有咁醒呢！
係呀，過完節的食品要食幾耐，不過對森伯來講一般都鍾意食，唔會一次過食晒，慢慢食……睇嚟你大家族，送禮都唔少，年糕月餅可以食咁耐……
諗都冇諗過一爺似特種部隊的生物——😅
森哥都係虛擬玩玩，我做真嘅。幫外甥姪仔換過尿片，早期仲要係尿布。臭C死人嘅屎片我就唔換喇！ 大嗌救命，叫人黎搞掂佢，因要洗patpat，超大工程。餵奶、前抱後孭、喺痰罐屙屎痾尿都無難度，舊時代嘅生活寫照。
刪除森哥唔認面懵心精(扮豬)，即係面心俱精，令我妒忌。
我未夠十歲已經升呢做舅父。家裡人口衆多，所以，中年後唔係太鍾意過節，節後餘生簡直係大災難，舊餸又係食好多餐。為何要在指定日子進行指定操作？意義何在？唔做嘅好處/壞處？似程式機械人每年重覆又重覆。
係由凸腫部隊升級為特種部隊，好在過程都唔算好難。
講開又講，我都未試過幫啲甥仔甥女換片片，呢啲工作唔需要舅父父做!!尿布時代都有番咁上下時間喎!!!!
刪除除非自己好熟的親人個BB，否則森伯甚少玩人家的BB...一定冇父愛氾濫呢種傾向~~~
你冇嘢需要妒忌!!!我仲以為你有番句：面懵心又懵，呢句最貼切!!!!
未夠十歲做舅父，咁你外甥同你差唔多時間成長，有趣...
你講的完全認同，諗到你的苦處......人始終漸漸年長，真的不能食太多冇乜益的食品，你多出的可以送贈給人或轉交社福機構，自己哽就有排都食唔完~~或者可以變通一下，多出的月餅整個蓮子糊當早餐減低甜度，帶飯都可以帶些過節餸菜等等，快快手手清晒佢~~~~~~~
未幾好，無腩一身輕!!!!!!
回娘家坐月、返工、兩公婆去玩都會掉低個細路哥，人多玩吓唔覺攰。
刪除有年小學整個暑假我仲住喺大家姐屋企湊佢個1歲多大仔，細仔約1個多月大，湊仔家務幫輕吓，都係細路(我)同細蚊仔玩、去公園玩，家姐落街買餸唔使1拖2，間中請我食炸雞肶下午茶，真係雞肶打人牙骹軟。哈哈！賓佬傭工唔係好多人試過咁嘅未成年暑期工。以前要照顧細嘅係會成熟啲，做大嘅心態。
森哥講到自己係白痴，等人唔防備你，好聰明又高EQ。
如果年紀相差唔大，既是親戚又係朋友仔都幾好玩...
刪除叫個10歲的細路仔又揍仔又做家務?!!咁你都好本事喎~~以前年代好多小朋友都會這樣，通常家姐阿哥揍細佬妹，所以好多人環境迫他們變得成熟，起碼都會煮兩餐...
我成長回憶都冇呢方面的事，反而同啲小小寵物玩就有很多回憶~~~~
森伯唔係講，係真正的白白痴痴，feel唔到咩?!!哈哈哈
森哥交流唔倒啲戲畀我，feel 唔到。
刪除咩小寵？魚、龜、金絲貓、雞仔、鴨仔……
咁你feel唔到好過feel到喇...
刪除龜仔、雞仔、鴨仔都養過...都有很多回憶!!!!
祝森伯：中秋節快樂！平安健康！
回覆刪除謝謝，我都祝你中秋快樂，事事圓滿~~
刪除月餅的成本好低，但卻賣幾百蚊一盒，不少酒樓餅店都靠賣月餅搵番一年皮費。我個人自細對月餅冇乜興趣，不過都係咁依買一個擺下應節。
回覆刪除其實整月餅的材料並不算什麼矜貴食材，不過捉到消費者心態要應節，又想有月餅送禮或自用，所以貴一貴都有人買!!
刪除相對以前的月餅比較有月餅香味，現在只是一個甜實實的蓮蓉餅，或多或少都減低興趣!!
月餅真係越來越貴，體形越來越小。尤其是名牌子的，幸而有人進貢。舍區有家老餅家，價錢平一半，體形不少，上星期已經吃了兩個了。今日吃女兒送來的。
回覆刪除整個月餅最費的是蓮蓉，鹹蛋黃是最平的。那些商人很取巧，竟然塞四個鹹蛋黃在一個月餅裡，蓮蓉甚少。單黃雙黃都好，三黃四黃就太多了。有些是用紅豆蓉、薯蓉做的餡，都是有益的。
我覺得今年的月餅比較貴，可能加了價...正如你講月餅就好似越來越細，月餅太大就感覺越膩，反而細少少迎合消費者心態，現在的月餅主要都是蓮蓉為主，多食真的很甜~~
刪除所以自己食月餅都要諗諗會用什麼拌來吃，減低月餅的甜度~~
你有女兒送來的月餅，未食都已經甜絲絲~~我認為月餅有鹹蛋黃才好吃，至於三黃四黃又太誇張，一切開月餅就成個蛋黃，相信現在只有老式茶樓出的
月餅才有三四黃，一般餅舖都已經沒有了...
相對來講荳蓉薯蓉做的餅較好，但都要看它的甜度!!!
裕華月餅是國產名牌喎！無得輸！
回覆刪除我近年開始喜歡吃五仁月餅添，有機會我都要試試陳皮紅豆月餅。
雖然話係國貨公司出品，但佢話係香港製造，都冇想像般好味~~~哈哈
刪除對呀，近年我都喜歡吃五仁，或火腿月餅，反而其他豆蓉，蓮蓉覺得太甜都唔想吃太多......
以前中意食五仁月餅,因為係鹹味的,宜家少食了.
回覆刪除中秋已過,祝你秋天快樂!
我剛好相反，以前對五仁月餅不太愛吃，現在反而喜歡......哈哈
刪除雖然中秋已過，我都祝你樂在每一天!!!