除了人生要充滿希望之外，人生還會充滿著很多的回憶，很多人都認同細路仔的回憶特別深，或者小時思想不會過於複雜，正值腦中要裝載很多新記憶的開始，所以童年的回憶特別深刻...
有日見到呢隻雪糕，都很久沒有見過這杯裝，忽然小時的回憶完全返回來...記得這種雪糕杯又有另一稱號：綿花杯(不知是否正確名稱...)，以前的雪糕杯通常都附上一支小木匙(係用紙包裝)不過都幾廿年前了，都好似都係這家公司出品，現在見到都當是懷舊版，當時最喜歡都係云呢拿綿花杯、椰子味綿花杯(椰子味已不見了)、朱古力味綿花杯...
可能這款綿花杯一直都存在，現在多年來都是買家庭裝，這款已經沒有留意了...這兩年來都沒有真正吃過雪糕，可能遲下要捉緊暑熱天時的尾巴，買些雪糕吃吃先!!!!
你所說的"綿花杯"，我細細個時都有食過，不過媽媽叫做"蓮花杯"，我都不知所以，叫了幾十年"蓮花杯"。無論如何，年紀大了不太喜歡食雪糕，近十年來兒子長大後，連家庭裝也沒有買了。
回覆刪除看過那麼多的留言之後，發覺原來呢種叫蓮花杯，又不了解何叫蓮花杯...我以為好似綿花般的雪糕，所以叫綿花杯...
刪除有時唔食開雪糕，又很少衝動想買來吃，始終正如你講，年紀漸大都冇謂食太多甜食，所以有時見到都唔想買，等到有什麼高興才賀一賀買雪糕食...哈哈
夏天消暑至愛，乜味都正。
回覆刪除好食真係唔健康，雪糕、甜筒、雪條嘅味道要喺我記憶中尋找，因為我已戒咗致肥源頭好多年，最後一次應該係冰皮月餅。真係想食凍嘢只會將新鮮生果冰過，再用機打成蓉，平時都係食雜豆糖水。
少吃多滋味，間中食吓反而仲正!!!!
刪除好吃的東西十居七八都唔多健康，所以現在自己都在發掘多些原味又好味的食物，口味都係講習慣，雜豆糖水試真都好好食，尤其在早餐加個麵包，送碗熱熱的豆粥都唔錯...
咁你戒甜都幾有恆心，我比較常吃減甜的東西......
我唔係好似你講到咁有定力，零食、甜嘢都好大誘惑。
刪除最弊當我見到好抵買嘅(就到期)消化餅、朱古力，我都抵擋唔住買好多番屋企，喺限期前一次過“隊”晒佢哋。依據往蹟，好在我都係一年瘋狂一次，始終，健康係難能可貴嘅，我好想保持現在嘅腰圍，遠離因肥胖而引發嘅疾病。
一向都對甜度高的食物麻麻，較喜好甜得黎又清清地...所以朱古力都唔喜好!!!近排有隻有鹽的略帶甜的朱古力好正，因長輩要關注血糖問題，所以買呢種鹹朱古力來食，味道估唔到咁正!!!!
刪除有時包裝食物話將近過期，可能個日期指最住賞味期，就算擺多兩星期都未必會即刻變壞，一次過隊晒反而仲會食過量，你有個肚腩仔仲話想保持現在腰圍!!好明顯係中央肥胖喎!!哈哈
鹹味朱古力好似月餅大甜蓮蓉絕配鹹蛋黃咁夾，即係甜森同我呢個小小鹹蛋相冲得黎都夾咁囉！
刪除我衰貪平，好在貴嘅我落唔到手買架，否則一發不可收拾。
呢個陀衰家嘅衰仔，我早就同佢脫離咗父子關係啦！森哥因為身子精奇，早就絕『肉』，終身冇『仔』，令我羨慕。
鹹味朱古力出咗唔耐，唔知你有冇試過？！我認為唔錯……
刪除平還平，買嘢都要啱森水，所謂一分錢一分貨嘛。
你陀咗咁耐個b，你捨得？！！哈哈
多腰部運動，望少些機會有中央肥胖——😊
當遇上八両金，咩嘢高尚品味嘅朱古力都變得俗氣，唔好浪費，我要普通平價朱古力就得啦！我諗上一世我會係靚仔，因做唔夠好事，今世只能二揀一，靚仔或小聰明，梗係試吓醜樣啦！我都果頭近，做咗好多好事，期待下一世。
刪除絕肉、絕育、絕慾都係同音字，用錯字描述森哥就大件事。
18歲成年人要獨立。
原來森哥做好多腰部運動嘅生活，男人條腰好重要，係另一半幸福泉源。
我邊有話係貴價朱古力，普通在超市都有賣...試下都無妨，唔需要講到太凝重喎~~~~
刪除咁你下世揀番做靚仔好D，揀小聰明都冇人睇到啦...既然你果頭近，更加要積極啲，試多些東西先無遺憾!!!!
你都諗到幾多絕乜絕物...但千祈唔好絕郁，運動多，肚腩少!!!!
森伯就算到八十歲都獨立唔到...財政方面，靠乞靠施捨~~~哈哈哈
森伯個另一半都係自己，幸福由「森」做起~~~~
我食開$5有100g朱古力喎！呢個幾倍呀？
刪除都試過晒啦！下世我揀財富。
以前我諗住老咗要周遊列國見盡世間事物，此刻又覺得奔波勞碌太辛苦唔適合。我反而冇心去試新嘢，隨我心意自由自在，最唔喜歡有人干涉我，喺度指指點點，要我做乜食乜。
每周兩日斷食，係我絕招。
原來，森哥要 sugar daddy.
我明啦！ 森哥格言：我嘅就係我嘅，你嘅(另一半)都係我自己嘅！
呢隻鹽朱古力(喜馬拉雅山鹽黑朱古力 100G)價錢時常變，起碼都四、五倍，不過就唔錯~~
刪除乜嘢試過晒先?!!...下世都冇得你揀架啦~~~~~
都唔一定，有人干涉你，管你食乜又指指點點，都算是一種生活的小確幸，起碼你開心受佢管束!!
咁揀星期幾同星期幾呀?!，我都想試斷食可能一周一次，暫時成個人好似沒嚟精神，營養不良咁款都唔試住......
sugar daddy係乜?!!
真係畀你搞到亂晒，反而關心所指的另一半係左邊定右邊，上邊定下邊~~~哈哈哈
現在的人最緊要實惠，慳得就慳，邊會講咩虛榮價......百貨應百客，各取所需!!
刪除咁唔駛擔心，你積咁多陰德，尤其是把口，希望大把畀你揀!!
兩個人生活一起開心咪得囉，唔需要太多無謂的枷鎖，管誰，被管都不是著重點~~~
我諗寫了網誌咁耐，只得一爺兄可以將房事頻繁，契爸，另一半的體位打出來回應......相信在森blog裡都前無古人，後無來者~~~~
這種蓮花杯雪糕真係幾好食，不過已經戒了冷凍的飲食了。只是偶然也會雪個哈密瓜來吃。
回覆刪除這裡都幾多人減甜和少凍的食物，很好，對身體會好些!!不過太甜和太凍的食物本身都唔太喜歡~~~
刪除蓮花杯啊！由小吃到老，美味、感情並重！
回覆刪除童年時到鑽石山掃墓完畢，父親一定買蓮花杯給我們兄弟姊妹吃，一年吃一次咋！
如果要細數，真係有很多食物都富有回憶...
刪除我的記憶都很矇糊，記得細個見到雪糕車，父母都會買呢種蓮花杯給我們，隨後在店舖買，以前的雪糕很多都係細細杯，同期仲好似有阿菠蘿~~~~
呢個packing原來仲有㗎。
回覆刪除呢種包裝都很有懷舊色彩!!!!
刪除真係好耐都冇食蓮花杯，睇見都想食番一杯。
回覆刪除尤其天時暑熱真係幾有衝動買杯大雪糕，自己食餐飽......
刪除竟然重有呢款雪糕 ......
回覆刪除宜家我重記得果支木匙更Ｄ味 ^_^
謝謝你的到訪，可能製作一些懷舊版~~
刪除你講得對，當時那支木匙更都有雪糕木味!!!!