相信香港地最矜貴就係地方，所以現時新推出的單位好多都以納米樓作招徠，因此傢俬，家品都趨向細細，甚至迷你，當然最好一機多功能啦~~
近排常常留意一些小型多功能鍋，貪佢可以蒸食物，平時常用電飯煲因為怕時時操作會蒸壞，之前飯煲裡的易潔塗層花了又要去換，所以就想買個細細地唔阻地方的來用...當有留意就發現小型的萬用鍋真係幾多款式，甚至一個智能蒸煮飯盒都有煮飯功能，款式多多...當然要睇定先買啦，常常心多多!!睇下有咩功能自己適合最重要!!
呢種係自己的森水選擇，蒸少少煮少少都得，而有些款式好似一個大型的漱口盅差不多，畀人一路打機一路泡個麵食，好有毒男feel~~不過感覺呢種鍋唔耐用，但又未用過唔知~~~~對森伯來講都係蒸少少東西居多!!...冇諗住搞咁多!!更加唔會諗住用佢整九大簋啦!!!
切合需要嘅就係神器，煮起黎得心應手如、虎添翼。
回覆刪除我用真空煲+電磁爐+微波爐黎煮三餐，電磁爐+BB水煲+暖水壺就煲水。
易潔塗層真係唔耐用，依家我唔用架。
現在未買，唔知係咪神器……不過無可否認呢類廚房小家電，慳位，慳時間的確好幫得手!!
刪除以前聽電磁爐，微波爐有很多電磁波之類，所以冇諗過買……電器種類多，要揀到合自己才買，否則又多幾件電子垃圾……
我個電飯煲係要配易潔塗層鍋，易潔用品要小心用，易刮花，蒸嘢煮飯就算，用來煲湯，炆餸就唔會!!
現在的小家電真係五花八門，睇到眼花瞭亂，不過最緊要楝個啱自己用。
回覆刪除我的氣炸鍋買了$1500多元，有博友話貴，轉瞬間，我用了7年，平均計是貴買平用。
耐用，一級能源是我選擇之一。
係呀，這類小家電真係越出越多，同一種功能的電鍋都有好幾款，所以都要揀啱才買……
刪除電器價錢好有趣，新產品剛剛出的時候比較貴，之後有了競爭就會越出越平，而且款式功能上會好些，通常等一排才買較有著數!!不過貴買平用就無所謂，耐用方便好味已經抵番…能源都係考慮之不過細細件應該唔會太用電卦~~
BB水煲要夠袖珍。先煲落水，3幾分鐘後將早餐剛剛整好就水滾去冲食，配合得天衣無縫嘅。
刪除反而真空煲就要巨巨。因為我一煲過要煮齊4餐飯餸，成日出現迫爆冚唔到蓋嘅墟撼場面，等蔬瓜菇悄為熱咗軟化，個蓋才能完全冚陷，有時材料太多條罅太大，就要用力壓實幾分鐘，唔太方便，等政府消費券到手時想買個大容量啲嘅，但暫時又揾唔到更大嘅。
所以，厨具真係要睇個人煮食習慣。
家居裝修及日用品要揀啲唔使錫著黎用嘅。舊時飯煲係鋁質咪耐用過易潔塗層，不過，就要浸一排才洗得乾淨，奸商想賺多啲梗係要你快啲買個新飯煲啦！
唔好懶，煮食都係要用明火最好，我的早餐好簡單，蒸熱就可以，算係有個醒神又暖意無限的早餐!!!
刪除以前聽講壓力煲好易爆煲所以唔會買，森伯間納米屋一爆就好唔掂，邊及一爺間萬尺巨宅，頂多爆個廚房~~
你又真係豪喎，瓜菇都要用壓力煲整，放落普通煲煮煮都已經夠淋...
廚具不是看個人的煮食習慣，是看個人的煮食需要!!!
鋁質的廚具唔可以加熱，否則釋出有毒物，基本上我自已食是用蒸飯，放在餈碗內，煮熟後把飯裝起，洗個餈碗或碟就可以，夠晒簡單~~
我呢啲係聰明人叫辨事高效率，懶人係唔郁手煮食。
刪除好多酒樓厨房已改用工業式電磁爐，節省好多燃料費/水費，2010年投資改造新式厨房一年可回本。因為電磁爐將9成能源用喺煮食，唔同明火厨房咁鬼熱，提供優質工作環境，厨房人都做得爽手。另外，爐頭煲鑊清潔更易。冇明火還減低火燭風險，火險費都少啲。一舉多得，全贏啦！都十年啦！厨房仔跟住你呢個殘忍老闆就係悲劇。
唐記包點就係循環式電磁爐蒸櫃，可慳翻9成水費同9成電費，你見唔倒有蒸氣喺頂飈出黎，一啲都唔晒回收重用。個櫃放喺冷氣商舖內都冇熱氣問題，唔使隔開個熱厨房，將啲食物拎出舖面，工作流程簡化咗，裝修都簡化埋。科技改變命運。
真空煲原理來自保温飯壺/暖水壺，但個內膽可拎出黎加熱，放回保温壺內焗熟。超安全、超節能、超省時、超方便。
你咪效法瓦盅飯囉！好巧合我都類同，不過，用不銹鋼兜。我已淘汰電飯煲啦！森哥未來都會。
有時又覺得為乜要辦事效率高呢!!!好好去享受生活，學習慢活都是對自己生活的一正向態度~~
刪除電磁爐都有很多電磁波，常常靠近太多會有不良影響...食肆公司志在慳成本，根本未必會顧慮到員工的健康，所以微波爐或電磁爐暫時我又未必考慮會買，不過這些會較明火安全...有時用這些電磁爐烹煮過的食物，未必有很大的鑊氣!!，所以現在有很多人都認同街外食物冇乜鑊氣...
「厨房仔跟住你呢個殘忍老闆就係悲劇......」咁駛唔駛畀張紙巾仔你抹下眼睙咁呢?!!逢親電量較大的東西，都會產生電磁波，在大型電纜下生活或居住都容易患癌，都市人唔好忽視這些問題，睡覺的地方或側邊都係擺得越少電器越好，手機就是一個問題，所以未瞓前都會熄了手機......
唐記包點常在地舖或商場內，不能有太多蒸氣或油煙，迫住都要安全衛生一點...但自己家中一般都會用明火煮，較為健康~~
家中的電飯煲蒸野好快，相信暫時都唔會淘汰，有機會買個樂X牌陶瓷多用煲~~~
抹眼淚要借用森哥胸膛、膊頭、背脊，感受暖意温情，因為，x仔抹不乾心內流眼淚。
刪除x聲仔有咩特異 性功能 吸引森哥？
胸膛、膊頭、背脊...幾驚你繼續數落去呀!!數到個肚腩仔......根本冇乜野需要流眼淚~~~
刪除X聲牌有種電子瓦罉，陶瓷內鍋玻璃蓋，而且操作簡單，老牌子品質可靠少少!!
驚咩呢！……一觸即發、快樂只得一瞬間太短暫……我都唔知你驚乜！係快樂嘅根源，亢奮啦。
刪除當森哥漲大變硬時咪有眼淚，關節腫脹僵硬痛到喊。
燉盅，太虛耗要整補品？ 奉勸做少啲愛情動作啦。 或係整勾魂森湯 ，要箍住人哋個心，走唔甩森哥五指山。
你又散播啲黃思想...其他博友就唔駛驚，但一爺講的說話要過濾吓~~~~
刪除冇你講到咁恐怖!!畀你激到喊就有份...
唔屬於電子燉盅，類似飯煲，可以蒸煮炆多種用途...
森伯燥底好少燉補品食，怕森伯果類老人家虛不受補，即食即流...鼻血啫!!
蒸唔蒸到四粒燒賣？
回覆刪除又冇咁細……正常燒賣十粒到，不過王子整的網球咁大就粒半到啦…
刪除見到煮食用具勢色不對就要撤換。我都是以蒸煮滾為主，煎炸較少。
回覆刪除本身飯煲係有名牌子，都唔知點解個塗層鍋咁唔襟...所以未免成日用而蒸壞佢，所以買個純蒸煮滾鍋仔~~~
刪除請問你這個純蒸煮滾的鍋仔，是“不鏽鋼”造的嗎？
刪除這個是不鏽鋼製造煲蓋是玻璃，相信長期蒸煮會較為好，未買，或者睇定少少...
刪除而家廚具品種繁多，功能各異，問題係冇咁大個廚房。
回覆刪除就因為現今香港住屋絕大部份的家庭都冇個大廚房，所以啲廚具細細兼且多功能......
刪除