對於森伯伯來講，出街最怕係搵路、記路...除了因為老人痴呆之外，也會隨時忘記路線，除非係時時行，行開就會記得...
就算要問森伯平時返工的車程，我只能答主要路線，要細緻講解什麼路名，街名就未必會答得到...可能未盡全力去記喇，不過現在有手機在身，一些未到過的地方，慎防唔記得，都會搵手機拍拍，呢個係最保險的方法，有人同行就靠大家記下...
記得有次最驚險的是去山頂廣場，應該係第一次去，去的時候已經好似迷宮咁款 (對森伯伯來講)，而且這地方交通又唔太方便，落車後就行，行完之後先至最「金」...要記返行過的路才能到車場搭車，最弊條條路又差唔多，入口出口又差唔多......要在腦裡的殘餘記憶勾返出來真係唔易~~當時真真正正係個：森急人上~~~車!!!唔係誇，諗番都仍有餘悸!!!!哈哈哈。正所謂危急生智，後來都記記地得去返車場...之後第一次去的生疏地方都要搵手機或相機拍拍途經的門口，出入口等等...
今次第一次去這個新蒲崗的商廈，都要真的要認認路，所以不免用手機拍拍，日後要多去幾次後就會很熟...
我睇谷哥地圖揾路，真係揾唔到就問人。所以，有人問路我都好友善盡力回答。
回覆刪除未去過嘅都事先睇地圖，查吓搭咩車，點行去目的地。有街景功能記路標更容易。
可能森伯伯的原始人形象太深入大家民心，每次去新地方前都會look look和尋尋相關地方的資料~~~
刪除我當然有睇谷歌地圖啦，但始終有些場景沒有，如：停車場，泊車位，車場升降機等等的真實位置...
停車場、泊車位……即係……我揾地鐵站、巴士站 同小巴站咋！發現身份地位唔同，揾嘅地點都唔同。
刪除昔日未有高科技嘅森哥咪成日做迷途小羔羊，可愛到好想摸下。
我曾經有本地圖旁身架，不過，跟隨中英牛津大字典一樣被淘汰。近代高科技對人影響超大，急速地驅使呢廿年間消失咗好多嘢包括職位。
哈哈，咁講法真係好誤導大眾...森伯等人架車來坐，唔係自己渣車!!!!山頂廣場好高高在上，除見旅遊巴載成班遊客之外，唔見其他公共車輛，的士都唔見!!
刪除你講迷途小羔羊咁可愛，我都想模幾下~~~~~
又唔駛帶成本地圖咁誇，不過真係事實自科技的出現，很多舊有的東西都漸漸消失了，職位都係啦，不過大勢所趨都要慢慢適應~~~
你呢啲富二代，除咗有司機，應該仲有保鑣，同私人助理，背負著好多人嘅飯碗，責任好重大。我呢啲能力一般嘅生活喺唔同世界，但我滿足現狀。
刪除死跟揸車友人嘛？唔通有性感異物搞到失散咗！多高興！
小羔羊森哥對鏡自摸、自娛！
以前我帶架！我又介意別人眼光喎！誓要獨立！
睇森伯個款都唔似富二代喇，著起龍袍都唔似太子，邊及一爺兄天生富貴格，外貌出眾，品味獨特……
刪除咩叫背負好多人飯碗，森伯自己都係打工仔，仲要手停口停果種，等緊政府消費券紓困，蟻民一個咋!!
你的創作力量同幻想會嚇我一跳……
自摸只希望在牌局發生!!
都好少人帶本地圖出街，渣車就會，莫非你係車主…
我氣質好有貴氣，我諗我嘅前世係高富帥做霸道CEO，好似貪心振震叔咁，豪砸10億買部私人飛機方便我行程，前天去巴黎香榭麗大道睇住日落食血鴨同黑松露菌，大前天去俄羅斯食魚子醬，大大大前天喺英倫食 Low Tea……澳洲黃金海岸食龍蝦刺身……。夏天到啦！森哥有空上我遊艇玩吓水著派對，有時間可去我個泰國私人小島，如果你有時光機能回到我嘅上一世，可惜我哋唔係戲中主角能穿越過去未來，隨便寫下啦！
刪除發夢啦！
其實真正的富家子弟，佔的人口唔多，唔需要刻意強求，做個平凡大眾都唔錯，起碼仲有目標去追求，掃到平貨會開心狂笑，放長假就儲定錢去外遊，間唔中食餐豪嘅有期待的心態……
刪除如果係發夢就無意思，腳踏實地做自己仲好……
發夢……腳踏實地……揾路記
刪除美國攻佔廿年又戰敗，要落荒而逃，我發夢都冇諗過阿富汗嘅塔利班打低全球軍力第一嘅美國，重新奪回國家主權。
美方應當以負責任方式確保阿局勢平穩過渡，不能甩鍋卸責，一走了之，要力避因撤生亂、因撤生戰。同對上一次敗走越南一樣只顧美國利益，拍下蘿柚就走。新疆人權只係佢攻擊中國嘅工具，並唔係真正尊重人權。
我啱啱至搞清楚原來係阿爾蓋達組織恐怖襲擊美國，而塔利班只係同佢friend，沒有攻擊美國，就被佢毒打。
確實美國出手只搞他國戰亂，中國只想建設他國，森哥呀就算腳踏實地好和平都會被美國抹黑同打壓，唔 work 喎！喺半導體上中國正係上演揾路記，我森信憑著中國人高等智慧，成功指日可待。
希望搞屎棍美國撤走後，留下爛溶溶阿富汗能揾出路，成日戰亂嘅中東能和平發展，伊朗一阿富汗一巴基斯坦一中國一俄國聯成一線，建設美好將來，証明美國才係邪惡軸心國，我正反醒正邪點分辨呢？！
所以時時都感覺中東國家的政治好混亂，其實生活在香港的人算好幸福，唔怪得常常聽人話香港是福地~~~
刪除好多人都會被所謂的"自由"矇閉，去到外國都未必如想像中好，當然每個人都有嚮往的生活方式，不過大前題唔好搞亂香港先走人囉，正一拍下籮友就走人~~~~真想講兩個字的粗口!!!!
一爺兄都幾關心中東方面的局勢，森伯以前唔多留意時事，自己身處的地方都會關注的，至於他方的事都唔理得太多，正所謂事不關己，己不勞森!!!
一爺曾經打過中資機構工?!!...幫過阿富汗，伊朗等地的重建工程?!!當地的人民都幾慘，有些地方可能建得好地地，一個榴彈又搞到溶溶爛爛...
森伯呢個唔係咩時事blog，講啲敏感的政治話題唔好開晒國家名...要留意!!!!!!陣間畀人鎖咗個blog~~~~哈哈哈哈
下次記得拖實啲人哋隻手仔，無啦啦甩拖就唔吉利啦！唔通呢個係森哥苦肉計，失踪頃刻，想人哋焦急擔憂掛住你，蠱惑喇！
刪除美國唔係民主，係武林 盟主，獨霸天下。
我從來未喺中資機構工作過，亦都冇重建伊、阿工程，利申咗可以令森哥放心。
自從2大國貿易戰開打後引起我嘅密切注意，打壓動作頻繁，花樣百出，亂港都係佢安排活動之一，擾攘唔只幾年，唔睇唔安樂，睇多咗屈埋屈埋咪講翻出黎發洩吓。
蠱惑喇！......睇黎呢招一爺都用過唔少，因住狼來了的故事呀!!!!
刪除多謝一爺教誨，下次叫佢用狗繩箍實森伯先得...
有意思，簡直係世界的盟主~~社團大佬!!!
你講左放森好多...見你對美伊的局勢咁關注，以為你曾經有份參予當地的工作啫!!
初時都好似你講咁，時時密切關注事勢發生，後來講得太多...太多嘞...差唔多某國個廁所塞左都與鍾國有關...擾攘都會陸續有來，見慣不怪~~~
我學識粗口，但我唔講粗口，人哋用粗口鬧我都知道。正如我識呢招，但我唔用，知道人哋咁對我，我識防備。中學老師上堂都叫我哋應該識玩啤牌同麻雀啦！
刪除森哥唔好洩露自己性傾向，要細細聲喺我耳邊講……狗繩綁森哥……呢種狗奴最愛，係一群性虐傾向者，啲人會扮演狗角色，他們很喜歡自己嘅主人，很忠心，不管主子如何調教，都會好報從。
大家都係斯文人，邊會隨便在人哋面前講粗口...你既然識呢招間中用下都好，測試一下人家的反應!!!冇呀，啤牌玩來玩去都係幾種，牌只是識少少冇乜幾何打...
刪除你又想講乜，你應該稱之為"性癖好"...你又諗多左，狗帶通常都係拖狗出街，未免走失所以要綑住狗仔頸，方便主人控制牠，有些狗仔未必聽話~~~
咁又比我有機會認叻嘞....我認人好水皮，但認路係我嘅強項，方向感好強，尤其是行山的時候，未去過的地方第一次也許要靠地圖，去過一次就一定認得路。
回覆刪除以peace兄來講，喜歡行山人士，方向感，認路能力都會強一點...可惜自己平時少有這樣訓練，所以係差啲...哈哈
刪除所以我都好佩服行一兩次就記得經過的路，或駕駛者兜過的路，都可以用最快的時間去到目的地...
我香港屋企嘅屋苑隔籬嗰座我都唔知叫乜乜樓㗎。
回覆刪除我都係架，不過住耐了都不經意地記起了，好確定就未必講得出!!
刪除識路揾路我都很差，出門前會上網探路先，最怕晚上揾路。
回覆刪除原來時下都有很多人會去街前搜搜網上地圖...
刪除係呀，網上地圖真係幫到不少忙!!
夜晚同室內認路就差D，街外認路就好好多。
回覆刪除可能街外有些明顯的地標指示，所以較容易記起...
刪除我反而夜晚睇路專心啲...
哈哈﹗我認路都得架，我去過一,兩次就認得點去﹗
回覆刪除你們是年輕人嘛...去過一兩次就記得啲路，唔需要四圍搵!!!!
刪除認路最重要係有方向感，大範圍比較易認，如果橫街窄巷反而會迷失。
回覆刪除你講得好啱，反而大範圍比較易認，但係內街小巷而且又差唔多，真係難認少少......
刪除