夏日炎炎，最當造就是水果，的確在暑熱天時，食個冰鎮西瓜真係透心涼，所以如果可以以水果入饌都幾唔錯，整頓飯都容易兼且開胃得多...
近排真的食得芒果最多，仿似跟芒果有仇，要KO晒佢地...
突然想到可以用芒果整飯，只要在飯裡加上椰漿，就可以變出有東南亞味道的香芒椰漿飯!!做法當然簡單，飯用糙米、扁豆、腰果仁，再加上椰漿同蒸...剛蒸好的飯有微微椰香!!厚正!!
之後放上新鮮芒果肉，果肉不能蒸，這樣才會好味...一個簡簡單單的午餐便完成了，估唔到帶飯都可以帶出東南亞風味!!!
雖然返到去食都已經攤凍了，但仍好食兼且好開胃，如果熱食相信會更好，呢個飯森伯極推介!!!
我都好鍾意食芒果，但真係冇諗過可以用芒果煮飯，真有創意。
回覆刪除不是自家創作，見一些泰式食肆都有道芒果飯……當然食肆的師傅整味道定會好，但自己整就清新簡單!!
刪除飯嘅甜品我到依家都接受唔到。
回覆刪除自從蕃薯飯作為常態飯食之後，甜味飯就能接受……
刪除都係生果入饌，網上流傳有個唔多識煮食嘅阿爸整橙飯畀個女食，個女仲讚好食，煮食係要大膽嘗試才發現新頴款式。
回覆刪除逢加椰漿嘅我都鍾意。有年夏天，常整椰汁凉粉消暑。另外，有間雜貨舖買嘢間唔中送罐椰漿，加咗入我煮嘅雜豆糖水係好食咗，不過，熱量又高咗，唔會使錢買，因為營養行先要源頭減肥。
每餐食幾多克紅扁豆同腰果才可滿足每日所需嘅蛋白質呢？
其實水果入饌並不特別，常食的咕嚕肉，菠蘿雞飯，士多啤梨排骨……等都見唔少，呢個熱天時都合胃口的~~~
刪除我又係好鍾意有椰子味食物，遲下可出篇講椰子食品的網誌，如果平時唔係太肥又係中等身型，都唔需要驚太多的熱量，食完郁動一下可幫助消耗熱量~~
我的紅扁豆同腰果仁都係少量，唔需要太多，植物蛋白唔怕多吸收…乜一爺好關注蛋白質咩?!!
雖然我每周運動150分鐘，我好為食，日常食量已經達到我嘅消耗量，再冇多餘配額，偶然食吓無防。 我嘅情況同森哥唔同。
刪除老人吸收力同保持肌肉量除年齡降低，易得肌少症，要食夠蛋白質，老人要注意飲食運動，唔似森哥唔使點理、不費吹灰之力都冇事，森哥天生異稟令人羨慕。
唔好以為大食係後生人的專利，年長人士都可以好大食，尤其現今食物豐富，好多人都食大左個胃，要食多才夠......啲養生專家建議話每餐食到七成飽就已經好足夠，但我們通常要食到九成飽先肯收口...出去食總聽到貴夾唔飽，仲話人搵笨，現在覺得反而不用食太飽，營養仲吸收~~~
刪除如驚蛋白質唔夠就要適當食肉類，唔需要多夠就可以...動物蛋白易吸收，配合植物蛋白就OK...我天生異禀你又知?!每個人的body都差唔多啦，冇人有特別優待.............
愈睇愈唔妥！嘩嘩嘩！我心水清有新發現呀！唔通呢篇文係用咗隱喻法，用黎恐嚇 叫 mango 啲仇仁。
刪除蔘哥真係咁恨佢，恨到要將佢食落肚，兇殘至極，竟然先殺後碎屍，仲要特別用2種方法黎處理去洩憤，一份喺仁肉飯面生吞，另一份整仁肉叉燒包。 斃啦！我仲成日同蔘哥頂頸，得罪咗蔘哥，現在好後悔，今回實要上刀山、落油鑊，唔係大家樂一哥焗飯，而係限量版大檸樂一爺焗飯。
哈哈哈！本留言純屬虛構，如有類同，只有儍人才會對號入座。美國為咗打瓜中國，會揑造好多虛假謊言去汙蔑、抹黑大陸，呢幾年要習慣吓。
你的創作帶來歡樂，一路睇一路笑...真架!!冇笑出聲都有會森而笑!!!!
刪除的確同一爺太多頂頸，串咀，森裡辱罵...搵日真係要買一個椰子返來劈開十幾廿件，做個「一椰鬆糕」，又做個「一椰椰汁糕」，再將一椰啲椰肉榨汁撈飯食......現在已經太遲，你要留意身邊隨時有人襲擊你，費事你C得不明不白喇......一哥焗飯就留意吓，至於一爺焗飯就唔會嗌...哈哈哈
你真係幾好創意，尤其一些色情與虐殺暴力方面更加好諗頭~~~~「尾角」蠱惑兼小家，但「忠角」都唔笨，一於睇下邊個手瓜硬囉!!!!
用森哥笑聲救地球。
刪除上面咪已經警示一椰，會榨爆佢啲椰汁黎撈飯食囉！要吞啖口水壓吓驚。咁我會隨身袋住幾包椰汁，準備派畀人拎去交差，保命喇！
煮餸係要撒少許鹽花才好味，要照顧森哥條脷。
忠角人唔怕黑、唔驚鬼，幾千年歷史積累咗好多冶鬼方法。
笑聲救地球......冇笑出聲咁算唔算??!!!!!!
刪除你既然有心袋住幾包椰汁，我要有機鮮榨果類，比較有益~~~~唔好買啲過期貨!!!!
難得一爺會照顧埋森伯條...脷~~~唔該兼多謝晒喎!!!!
啲鬼鬼國家做錯什麼事都冇乜人大聲講，只要忠角有乜依郁就鬧到十彩!!!!
冇聲唔得囉！
刪除忠國現時係冇乜國際話語權，假以時日誓必逆轉。
所以，現在要做得畀鬼鬼更好，盡量等佢冇話可說，鬼鬼只得老作大話。反而因為對自己要求高，好多方面都已經超出鬼鬼如5G、控制疫情……。
鷹、得國禁用華後分別需多用70億英鎊、 30億歐元去建造5G，呢筆錢唔係尾角出。重關稅下出口去尾國反而增加，証明甩開忠國就要買貴又低質素產品。
忠國已成為120多國嘅最大貿易伙伴，各國想賺多啲錢人人有工開就要靠向忠國。
如果能穩定中東能和平發展經濟，處事係正確嘅，當然會聽忠講多啲。
因此，親忠疏尾會係未來新常態，只有少數角聽佢支笛。
咁你啲創作要更好笑先得喎~~~
刪除希望日子久了，每個人看事物的眼光都闊了，世界就會變得不一樣，很多事情的確要用時間去印證......
舊觀念始終未能一下子去改變，點都要讓思維配合時勢的改變才可以~~
所以我都日日有留意時局的變化!!!
我都好鍾意食粟米玉粒飯，證明了自己喜歡以果肉類送飯。因此把喜歡吃的榴槤、芒果放在飯面一同進食，真係好醒胃，好味道 ! 近日不敢吃煎炸食物，因此洋蔥都少買了，其實洋蔥很有益，但要炒炒才會好味。近日多吃淮山，快熟，口感好，加魚或是肉類就很好吃了。
回覆刪除榴槤做飯真係未聽過，如果榴槤做成飯相信味道會幾特別，我比較喜歡榴槤雪凍食...不過現在都唔敢食太多榴槤，怕燥熱過頭個人又唔掂~~~
刪除煎炸食物一向都少食，反而外出食就無妨，間中食都冇咩問題，因為都市人都唔戒得太多!!
淮山常食，易煮，易存放，易配搭...所以飯餐都會食淮山，配肉類都唔錯~
很多生果都不宜拿去煮，以免營養流失。蒸一下就無妨。
刪除水果凍食消暑是好的，不過，為了衛生問題，減去運輸時的不潔物，批皮之後，最好以熱水熨一下才吃。基本上，以開水熨過，放涼些以保解紙包好，才存放於雪櫃，隨時都可以拿出來凍食。
榴槤、芒果不宜蒸煮，以熱水熨過，放在飯面上同吃就可以了。在沒有蔬菜的時候，就以果代菜吧了。
更正：保鮮紙。
刪除講得對呀!!水果大多數要吃新鮮才可吸收它的營養，不過用來做餸的就冇計較，要生果本身的味道!!!相中的飯我用鮮芒果肉放上去的...
刪除用熱水燙一燙，呢個做法我又沒有，市面都有些用於洗蔬果的專用洗潔液，但冇買唔知是否有效~~不過我洗水果時會用力捽捽佢!!!這個時勢衛生一點較好，買回來會用清水洗洗，到食或切水果時再洗多次，感覺安心一些......
用來做餸的水果要煮一煮，受熱才會出味，如果做一味士多啤梨排骨，煮好排骨才放新鮮士多啤梨就完全冇味架嘞!!!!
閣下的提示真好 ! 凡是買回來的東西，都應該先用水沖沖 (雞蛋除外，煮前才好去洗)，洗去經過很多人手轉運的細菌，才好放入雪櫃，或煮或食用。
刪除可是水果生吃而用生水去洗，始終會有細菌沾染。
你的做法也對，現在有很多人都因怕疫情而不衛生，買回來的食物都抹抹，或直接用水洗，就算有包裝的食物，都會沖洗一下個包裝袋……
刪除其實香港的自來水都已經好衛生，有氯氣加在內消毒……基本上都很安全!!
但係水務署總是叮囑市民，香港的自來水雖然加了氯氣，但是要經過煮沸後，才好去飲用。不似外國有些地方，聲明水喉水可以直接飲。可能森少住過外國很久，以為香港的水是可以直接飲用的啦。
刪除我沒有講過直接飲水喉水，只不過買來的水果或食物等都會用水喉的自來水沖洗，清洗完後就用布抹乾才食用或烹煮，因為本港的水含氯氣，所以用自來水漱口都可預防蛀牙!!
刪除至於你說平時飲用的水，我一定會煲煮過，因為自來水可能經過不同的管道，都不衛生喇!!!!
哦，誤會咗添，你對食物都好小心。
刪除不過我好奄尖，生水沖過的食物，我不敢吃。
不要緊，只係驚自己老年腦退化，打了什麼又唔記得，搞到大家會錯意...
刪除森媽也會如此，食物用生水洗完都要用開水沖一沖先食落口...
好正！雖然現在市面很品種，我還是特別喜歡呂宋芒。
回覆刪除呂宋芒都好出名，但是否買到正宗呢?!有些是帶酸酸的，小小芒果反而大多數較甜......
刪除真係好有創意!
回覆刪除唔係我創，係抄人東南亞風味...
刪除水果入饌，我麻麻地！
回覆刪除這個天時，有水果做餸都幾開胃…
刪除