夏日除了吃凍品之外，其實水果都不錯，起碼多選擇又正氣...在炎炎夏日裡凍的甜品都唔少得，雪糕都好耐冇食，反而今年多吃了涼粉，相對起雪糕涼粉就比較健康~~
今個夏季有芒果又有涼粉，一於整返杯芒果涼粉撈，雖然話整個甜品，但所有甜份都來自果肉，所以基本上都唔算甜，食開又幾唔錯，相信平過街外的!!望落已經夠晒消暑，完全零難度的做法...其實正式可以加些椰漿、楓糖漿、西米、罐頭雜果...不過森伯乜都冇買!!!!
唔知大家又多唔多幫襯街外的甜品店，我就比較少，通常甜品又未必在我首選之列，我會選些輕食比較簡單!!聽講某間好出名「芒果撈」的甜品店許x山已清盆，有時見到呢間舖都想幫趁，看看是否真的好味，可惜一路以來都未有幫襯過...(相中的店舖只是幾年前在APM所映)
至於整涼粉的原材料仙草，就有這些功效，可消暑、解渴、除熱毒、預防中暑等...真係幾適合呢個時候食用!!
涼粉曾經係我夏天消暑首選，近年食蕃薯糖水同雜豆糖水，因為價廉又有營養。
回覆刪除潮流食肆好似打風咁一陣就掠過，呢盤生意好難長做。
近來都唔想吸收過多的無謂糖份，所以煮豆粥和糊類都落一兩匙的紅糖就算...
刪除所謂潮流食品，過一陣又唔興，不過涼粉芒果夏天必吃，冬天可以有蕃薯芋圓，照計有得長做，不過許X山敵不過疫情~~~
糖有毒，正如狗奴會巧克力中毒，超人都畀黑氣石剋住。 奧米加3油消炎係相生，而奧米加6油發炎係相剋，世事萬物皆相生相剋，只係森哥比較多剋星。
刪除森哥咁遝水應該屬金，火剋金，兩把火咪係炎，食糖過多，糖火燒起太旺就剋住金主森哥，落地喊三聲，好醜命生成，命格所至，天命不可違，催吉避凶，要避開糖，少食為皆，有8大炎火食物少食為妙，要聽我一一師傅講呀！森哥千祈唔好『無名火起』，遇事靜心、平穩、鎮定。
國與國都係相生相剋，奉行太極八卦中嘅此消彼長，中國又有新事物，剛剛初次登場高温超導磁懸浮列車，突破陸上飛行600km/hr，日德現有技術分別係低温超導同電磁造價昂貴不能推行，中國嘅比高鐵多少少，京港澳線會先打造，中國發展愈走愈快，尾角望塵莫及，焦急如焚。
聽講吃糖太多就會誘發炎症加劇，所以無謂的糖份都唔想吸收過多~~~奧米加3油大魚含量最多，有魚油丸的補充劑...不過呢種成份森伯伯唔可以食~~~
刪除我諗森伯的剋星仲有一爺，呢個真係無庸置疑啦!!!成日都窒住晒，有時又講說話九唔搭八，無人睇得明~~無端端又做起玄學師傅??!!!反而想知有邊8大惹炎食物喎!!......森伯幾廿歲都冇咩火氣，除左時時被人激到無名火起!!
尾角做慣大佬，都未必接受到其他國家超越佢，所以駛出很多招數去打擊，日後都會陸續上演，睇下玩完呢樣又搞邊樣囉......
炎物都係上網查架，我唔想copy搞到我啲留言超長。
刪除高GI食物如某啲水果、粥、麵粉、麵、白飯，除咗令人發胖，都會激發胰島素分泌，引致慢性發炎，唔知森哥有冇影響？
唔食得補丸。每周食2~3餐含奧米加3油嘅魚(每餐100g)已經足夠，咁食魚都唔得？邊隻魚？冇得享受，戥你唔抵。
留言及做人多啲新意咪無咁悶囉！森哥啲插插都幻變多端啦！思想廣濶唔使患上老人痴呆症。我盡量從不同角度面對事物，更有啟發性，更多樂趣，易於解決問題。
我覺得自己冇乜用架，突然有人話我威力強大，能做到森哥剋星，我真係開心到彈起。當遇到剋星時，咁你會有咩異動？某器官脹大、紅噹噹、發硬、興烚烚……正常生理反應，有益血液循環，還是軟弱無力任人擺佈？
我以為有你講就唔駛自己操勞~~
刪除又唔驚得太多，唔好講到澱粉質好似毒藥，澱粉質最主要控制份量，揀選一些粗糧比較好，我成日覺得戒食太多澱粉，人反而容易肚餓仲食得多~~~
森伯好少食魚，就係唔食得什麼奧米加3呢種成份，對森伯來講冇咩損失，反而吔呢個鮑魚就可以，長輩講鮑魚滋陰補腎，你係唔係有得請森伯食先?!!!
森伯邊有一爺咁怕悶，新意睇吓什麼啦~~唔係樣樣新意都是好的!!!咩叫插插?!!又係啲外星語言?!!得閒諗咩覆番大家博友都要動很多腦筋啦，唔驚老人痴呆...到要來的時候都冇得你驚啦!!!
做人最緊要對自己有信心，留得在世上個個人都有他的作用崗位...真係估唔到森伯會令你開心到彈起，咁你的筋骨腳力都幾好，好似奧運選手攞得跳高金牌!!!!
唔好不勞而獲。打針抽獎都要自己上網填資料啦！我參加咗8處。森哥打咗針未？
刪除低醣減肥法唔識點食真係會因減得加，餓住黎減肥係唔會長久成功。
唔好叫窮人請你食鮑魚啦！喺人哋乞兒兜拿飯食，食咗都喺背脊骨落啦！
老人家扮 cute 講叠字，好似低B仔，係插畫呀！
中國式謙虛嘛！
森伯好少諗不勞而獲呢樣嘢~~我未打針，睇吓你有冇咩不良反應先考慮喇!!!森伯又冇咩抽奬運.....
刪除減肥除了好肥或痴肥那種，否則順其自然喇!!相對森伯容易瘦難肥嗰類，好少諗節食，何況平時都食得好清淡~~~
森伯唔係咩人請食都食架!!!!一爺兄真係請當然食喇~~睇見你真係孤寒財主!!!!老人家鍾意扮cute同低B仔，你又想潤森伯?!!哈哈
森哥啲器官敏感，硬起上黎唔得掂，驚會打到你癱。
刪除好羨慕你咁輕易就有標準身形，我要搞大龍鳳。
係喎！同事畀你嘅嘢食都係調喺櫃桶底。你呢啲有錢佬好鍾意欺凌我呢啲窮人，咁唔公平，衰人要畀天收。
明知就唔好畫到自己咁cute啦！都一把年紀。
癱咗唔駛做添啦...睇到一爺仲咁精伶識駁咀，針藥對你冇咩不良反應喎!!!!
刪除肥定瘦都算是一半生成，恨唔到太多!!可能好多人都艷羨一爺兄有個富貴腩呢?!!
現在好興一招叫「賊喊捉賊」，你啲行為真係表露無遺......
如果唔畫得cute就冇人來睇啦!!!!!!
癱咗 Claim 政府打針保險。
刪除努力苦攻下得番窮腩。
我有良民証喎！
騙子森。
Claim 幾多錢都冇用喇!!!!
刪除睇戲都係有錢人有個肚腩，窮人挨餓骨瘦如柴...
咁你可以移去外地會阿王子喎...嘻嘻!!
唔知騙左一爺兄啲乜呢?!!!
我不太喜歡雪糕，一年食唔到一次，但卻很喜歡涼粉，入甜品多數會選涼粉。上述芒果涼粉是我的至愛，睇見都流口水！
回覆刪除雪糕實在太多精製糖，現在少吃了，偶爾去買來吃，不過今年夏季都未吃過...芒果涼粉可以配其他食材，隨你喜歡，而且好易做~~
刪除不過有個問題，我比較擔心在街市買的涼粉磚的衛生質素。罐頭涼粉又太過"林"
刪除其實要買涼粉多數在街市或罐頭，自己做夠衛生但多工序，超市有隻包裝涼粉一開便吃得很方便...而我的涼粉磚在相熟的豆腐舖買!!!
刪除雪糕、涼粉、芒果都是我的至愛，睇見都流口水！
回覆刪除看來涼粉，芒果都係大眾的至愛，原來有咁多博友都喜歡~~
刪除許x山係我唯一會去嘅甜品店。
回覆刪除除了許X山之外，元朗仲有間BX涼粉都係有名...
刪除我沒有出外吃甜品的習慣，要吃就入廚去煮。以前很喜歡吃腐竹白果雞蛋糖水。
回覆刪除現在口味不同，改為百合紅棗雞蛋糖水。蕃薯湯圓都幾好，薏米都好有益。
我都係呀，外出食都唔會揀甜品作首選，近期喜歡吃豆粥，簡單易整又可當早餐~~
刪除百合紅棗雞蛋糖水，蕃薯湯圓糖水都好有益，補身又高纖，我會比較喜歡薏米放在飯裡同煮，幾好!!!!
我本身好鍾意食芒果，不過皮膚病要戒口，所以淨係食得芒果雪糕，睇到你個post真係流曬口水……😫
回覆刪除最無奈就係因病痛而要戒食自己喜歡的東西，或者等到完全康復後，又可以淺嘗一下芒果的味道!!
刪除在一般情況下，芒果都不宜吃得多~~~~
比較鍾意食菠蘿多D。
回覆刪除如果菠蘿較甜，我都會幾喜歡的...
刪除