如果用BB仔來形容一個人，相信大家都會諗起這個人被寵愛，被呵護...所以時下很多女星都會加BB兩個字，頓時好似BB仔咁可愛~~~
的確有些BB仔好可愛，但當一個人廿幾歲仲係好似BB仔，相信就唔係可愛係可憐...有日睇到個視頻，一個廿幾歲的後生仔仲係好似BB咁，你即時的反應都會感到萬分無奈!!!這個是國內的真實個案，這個男孩因為個子太小所以生活空間大部份都在家，唯一消遣就是去附近的士多買自己喜歡的零食，因為環境熟悉知沒有危險!!而每次外出都要有大人陪同才可，因怕被車撞倒.....可能將來的歲月都要受人照顧......以下是當中視頻，是普通話但有簡體字幕，可click上去看看：https://www.youtube.com/watch?v=US3yQG7ENx8&t=1014s
當你看完這個個案後，有沒有什麼感想?!!我就感到在無奈的境況中，都總有些人和事係值得珍而重之!!或者看完段片你便會明白!!!!
有啲人會不幸一出世註定係悲劇嘅主角，仲會拖累親人，我都唔識講咩安慰說話。
回覆刪除我有個朋友個妹係低智，當父母過世後，佢就安排入住院社渡過餘生，無能力長期照顧，亦都唔知邊個長命，早啲好過老時入去適應呢個環境。所以，我讚成基因改造，生過健康強壯聰明BB，因為，未來競爭係完美嘅人工智能機械人。
咁又唔需要太悲觀，所以我咪講生活就是很多的無奈，普通人都會遇到很多無奈境況，最緊要明白到人生無完美，你就自然睇得開...
刪除有親人照顧當然好喇，但都巿裡又有幾多個人能夠全時間去照顧患病的親人呢??!
當個個人都基因改造，生出個個超級人類，到時又帶來另一些問題啫~~我諗起碼我們在呢個世代未必睇到...
主角唔可以獨立生活？智力正常嘅喺呢個歲數一定會諗過自殺唔想親人照顧一世咁大壓力。
刪除哈比族人 (侏儒 ) 都可自己過活結婚生仔，佢應該都可以參照吓？
台灣有個42歲名叫鍾國洪，小五就停止生長，案情一樣，佢都生活得比人般好。
換個角度諗吓短處變長處
用佢嘅 『特長』 諗吓有咩賺錢渠道扭轉人生：
(1) 上電視推高名氣，做名人，剪綵、兒童用品代言人、拍廣告、接商場騷。
(2) 可以拍戲做童星/明星。
(3) 供大學研究長生不老法術，人人喺三十歲黃金時期動手術用激光割除腦下垂體某部份停止老化，叫青春常駐手術，咪唔會有老人病，冇皺紋，老人斑，冇風濕病，冇老花，冇骨質疏鬆，冇白內障，冇關節炎，五十肩，白髮…………可能係造福人類嘅新發現，講到我都想立刻做呢個手術添，雖然係遲咗好多，我能喺現況 『係咁大』 都可享受許多好處呀！
(4)主題公園扮哈比族人。
傷殘人士有特制扶助生活小工具，唔使吓吓靠人，自己心理都舒服啲。
窮途未必係末路。
你呢個回應好正向喎!!...讚!!
刪除其實悲觀絕望是你們一般人眼中認為啫~~~有很多身體有障礙的人生活都不知幾積極，想自殺的人大多數都未經歷過什麼苦難，好似某些人認為香港民不聊生的後生人(當中都不乏幾廿歲的不化人)...當對比他們的苦難簡直活在幸福不知福!!日日要生要屎...唉~~~~
很多患有矮小症的人，他們生活好積極，跟一般人無異，照樣日常生活......但個案中的人太似BB仔，變了影響一般社交或就業，做老闆的都未必想請個小朋友來打工!!始終感到他們不能做太多...
至於要人照顧就見步行步啦，好多一般人無端端都會中風，其後在康復路上都要人照顧...預計唔到架!!!!!
你都諗好多出路畀佢!!!好老老老土講句，辦法總比困難多，從健康上，生活上，娛樂興趣上，都總有辦法做得更好，更寫意，要睇下心態怎樣諗!!!!
畀森哥讚到我面紅添！
刪除一個人有一個有趣嘅故事，只要唔放棄，靈活思考，定會綻放自己嘅花朵。
有名氣好啱做現在國內流行直播帶貨促銷新途徑，實體商店會畀線上銷售打低，送貨仔，智能櫃……有好多新嘢因應時勢而衍生出來。
我諗未來屋企會有個玄關位，頭尾裝上二度門，依家電子門鎖可以用手機遠端設定個一次性密碼，送貨仔咪可以開第一度門放低啲貨喺玄關位走人，咁樣可以解決送貨最後一哩嘅難題。
你都會面紅?!!……咁真係唔好意思搞到一爺面都紅晒!!!!
刪除當然啦活了一把年紀，都會有些故事，有些經歷可以同人講下，希望一爺兄多些講下你的人生故事!!!睇下你支花朵點綻放法!!
只要有諗頭，處處都可以是商機，尤其是現在電子商務咁發達!!!咁一爺帶咩貨咁了不起呢?!!
你連送貨都諗埋，網上購物咁盛行，遲早都會有更新的送遞方法……越方便越多人買嘢!!!
我都會面黃、面青 同 面黑。
刪除喺呢度寫唔少我的故事啦！仲係超長篇章，睇到你怕。
我唔帶貨，分享師奶情報，不過森哥唔係師奶，唔係C眼聯盟內，冇得分享情報。
酒店已有機械人送貨到你房間內，有5G聯網同北斗定位導航係可以送到你家門口，不過，政府未批准，要研究相關法律。
咁一爺的臉色隨時五顏六色喎!!!寫幾段仔嘢又話係個人故事，你經歷都比較少~~~哈哈
刪除我仲以為你識帶貨，等我仲想偷師，國內有些人氣網紅帶貨都搵到大錢，唔知真假，都懷疑~~~~~
可能森伯思想過時老土，都係有些人氣好啲，乜都科技機械人唔太好，前日睇到電子嘢的電池波好影響人，當乜都係電器電子人可能仲多病痛......
邊及得森哥人仔細細就咁多經歷吖！
刪除14億市場喎！直播一次增加銷量$20萬，分你1毫子都$2k，一年做200次都收$400k。內地消費力驚人，見海鮮、牛肉、豬肉有貴到飛起就知啦！比我粗略計算仲高嘅必定大有人在啦。
啲人都唔多想生仔，未來，人力必定好昂貴，廿年一代，2040年打後係會有更多機械代替人力，到時，要好似森哥咁有錢先至買得起『人氣』服侍森大爺，夠長命嘅我都係適應廉價機氣。
我知道歐洲對電磁波有EMC認証，凡入囗嘅電器產品必須通過測試要求。
哈哈哈，你又知森伯伯人仔細細咁多經歷?!!...
刪除真係冇咩留意人家網上帶貨的情形，國內人多好辦事，每人駛一蚊雞都好唔得掂，國內人口多，食物資源珍貴，越來越貴都唔出奇~~有錢了，對生活自然講要求!!!
你講得對，將來人口老化問題嚴重，唯有靠機械人，有時諗下將來的人工種少都唔知做咩.....
據講手機的電池波都好利害，咩EMC認証都冇用，奉勸一爺都唔好同啲honey煲咁耐電話粥，煲下豆粥食好過~~~XXD
正所謂 『經一事，長一智』，長期交流後，知道森哥智慧好高，睇怕經歷唔少。
刪除中國地大物博，路途遙遠，因為舒服、省時，網購自然好流行。睇直播介紹產品，了解會更多，有問題仲喺網上問到，咪話銷量唔高。
再者，現代網上社交媒體竊取你網上和現實嘅行踪，真係對你需要咩，同對咩有興趣 係 瞭如指掌，已為你建立個人 profile， 向你打啱廣告，推薦你睇咩直播。
一雞死、一雞鳴，到時會有新工種。到時，森哥都退休，唔關你事啦，除非森哥有仔有女，長憂99。
以前啲人都話電視機輻射好高，我睇到依家都安然無恙，有啲傳文唔太啱。 聽講你瞓覺時唔好將手機放近床頭充電，你會好易得腦癌，森哥咁驚咪用少啲囉！
第一次聽人讚森伯伯智慧高!!可能來的幾廿晚都訓唔著......
刪除有時睇網或者睇直播去買野，到寄上手就貨不對辦，想追都難追，早前買了部長者機(諗住唔係貴衰了都冇咁肉痛，結果如自己所料真係唔多掂，去換配件都搞餐懵，
另一間店就好，所以都係撞手神之餘，仲要睇下商舖的經營手法，我第一部的智能機親自去有商譽的店舖買，結果都係壞插頭...都係碰彩數!!!!
真係諗唔到有咩新工種!!!!其實比起七八十年代，香港都已經少了很多工種，以前的人肯捱肯搏都可以過些好日子，現在郁D都話要栽員......
連森伯既閨房密事都畀你知道，早前都要成日充電，因為枕頭前有個插頭位，現在唔敢，據講電池波就好似輕微的微波爐，幅射電波好勁~~~~
幸福並非必然，這個世界有不幸遭遇的人不少。
回覆刪除對呀，幾時都話要珍惜眼前所擁有的一切~~
刪除但願每個人都可以化不幸為力量!!!!
世界上的確有很多不幸的人，這年青人幸好還有愛他的父母，將來希望政府能關注他。
回覆刪除對，相信每位不幸者，都可能有些地方是值得欣喜的，當然社會人士對他們多點關懷都好重要!!!
刪除今天再看這段影片，原來這個長不大的男孩，永遠都停留在一歲多的樣子，這麼小的男孩，我們不能要求他可以做什麼。原來這男孩還有一個正常的哥哥，他們的親生媽媽也太狠心 ! 竟然放棄了她的責任，把善良的丈夫和兩個兒子都拋棄了！
回覆刪除幸好皇天不負好心人，也有一個舊時相識的善良的女子來成為祥和的一家人，深深為他們祝福 !
更正：還有一個正常的“弟弟”。
刪除對呀，小男孩似乎是不會再長大，長期停留在一歲小嬰孩的階段，本身寫呢篇網誌，其實都想問吓各位博友，寧願永遠小嬰孩還是未老先衰呢?
刪除真實生活都見過有人廿多歲但樣貌好老成，兩種狀況又怎樣選擇呢?!!或者每個人都有屬於自己的故事，經歷，有句說話講得對：既來之則安之...豁達一點看人生!!!
媽媽雖然忍心離去，但爸爸是他唯一依靠，就是失去一樣上天會填補一樣，所以人生際遇就是這樣吧!!!
一個未老先衰，或永遠長不大的孩子，兩個極端的例子在媒體上也見過。
刪除最弊的是天生的脆骨人，要常坐輪椅，面貌長得不好，也長不大，這個更為悲哀。可是像霍金這名學者，生前卻是不一樣的生活在世人的面前。
或者人在追求完美的外表時，都好應該反思一下每個人已擁有與生俱來的不同...好好欣賞自己的不同之處!!!
刪除其實世界之大，什麼病患都有，遇到的都不需要太過驚奇，倒不如好好去活出一個不一樣的人生，才是正念!!!