都很久沒有介紹過什麼好食材，今篇又可以同大家講講，據講如能在每餐飯中加些乾豆類會比較好，有些時候都會把豆來煲豆粥，但我多數喜歡把豆加在飯吃，好似之前講過的眉豆，眉豆好易煮熟又好食，其他豆要煮稔真的要些時間，還有一樣幾唔錯，就是扁豆，呢種豆都吃了很多年，用來加在飯裡最好!!
如果浸的時間足夠，跟米飯一同吃都唔覺它的存在，口感粉粉的~~製作甜或鹹都冇什麼所謂，絕不會搶走飯菜的味道!!扁豆的顏色頗多，有啡，有暗綠，有淺黃種種，不過最好煮都是這種粉紅色的扁豆，煮熟後會轉色，變得好似開邊綠豆顏色黃黃的，買一包都可以食一段時間，現在很多時候都用來帶飯~~
因為呢種扁豆是洋貨，以前唔多見，所以找到中文介紹的網頁不多，如果查扁豆可能會搜查很多中式湯水用作袪濕的扁豆，其實兩者很大分別，呢種豆森伯極力推介，可到以下視頻睇睇...https://www.youtube.com/watch?v=0hnrKYOGwnI
冠軍級人馬食冠軍級嘅豆，森哥好犀利。睇外國文章都有提過佢係營養豐富嘅superfood，不過，香港唔係咁流行，一般街市冇得賣，森哥咁叻又揾到喎！我相信物以罕為貴，應該唔平，幾$呀？我食開雜豆中最貴係眉豆$16/斤。
回覆刪除醫生/營養師話飯中加入高纖維嘅豆類可降低升糖指數，食得更加健康。
含抗氧化物，咁森哥愈食愈年青。睇樣貌嘅，你話自己係森伯都冇人信啦！
查唔到扁豆係唔係『完全蛋白質』？可能要混合其他蛋白質補充番缺失嗰幾種胺基酸喎！
乜野冠軍咁呢?!!扁豆是否superfood又冇留意，依家乜都話superfood架啦，即時升價十倍~~呢種扁豆最近好幾年先見到，呢隻豆對香港的朋友仲係新食材，附近間佳佳超市算大，所以有呢隻豆賣，去排隊畀錢時位收銀姐姐仲問呢隻豆點食，我話放落飯食...查實仲可以整豆湯，呢隻豆一浸水神奇事就出現，啲水會即時變得杰撻撻......眉豆都好食好喜歡用眉豆煮食!!!
刪除如果你想食豆降升糖指數，呢隻豆好啱，用少些白米按比例增加呢種豆的份量就可以~~
人哋譚校長年年廿五歲，我就年年個樣六十歲都願，驚到時六十歲就變咗九十歲個樣~~~哈哈哈
是否完全蛋白冇研究，正我相片中加些豆腐雞蛋增加蛋白質都OK......
我有睇你條短片架，扁豆攞第一名呀！快啲讚我咁尊重森哥寫嘅嘢。
刪除Super food 可能係商業吹捧、行銷手段、大力宣傳。邊似美國佬竊聽咁大單嘢各國官員都靜雞雞封口，華為5G都未有證據係安全問題已發到咁大。唔好睇西片塑造白人咁正直，現實嘅白人好假。希望中、印、日等亞洲人早日發威騎翻住啲鬼。
上百佳網查到$41.4/斤， 好乸脷，同我買雪藏豬扒差唔多價，美國Walmart賣HK$19.4/斤。呢隻豆係印度/中東人食嘅多，人哋大量入貨，去印度雜貨舖買會平成半，咁有益要多食，就要揾間價錢合理嘅，又擺得耐，一次過入足一年貨啦！
我食飯時有大量蔬果，食後又有雜豆水同生果，足夠纖維喇！
杰撻撻浸豆水會有營養可以拎黎煮飯？
60歲係森哥想喺人哋心目中嘅形象，但人哋睇見嘅森哥係30出頭男人嘅黃金時代。
有蛋同豆腐，食多幾種唔同嘅就永冇失拖，營養更勻衡。
咁又冇緊要，我又唔係要迫每位博友睇晒我每一隻字或影片，如果覺得有興趣就可以click上去睇睇...點都要畀個讚你!!!!!
刪除係呀，可能係商家吹捧，其實有很多食物大家都知有冇益處，上一輩的老人家都講食多些菜，食多些水果就有廁所去，雖然他們不是有科學的研究憑據，但從生活經歷得出的結論~~
我覺得一爺現在好多事都聯想起政治，隨時都可以對政治發表偉論......政治話題都冇咁好氣，最緊要用理智思維分析，要醒的就醒，扮唔醒的就尤佢地繼續扮唔醒囉!!!
睇嚟你真係好想買，佳佳是細細包，只是在米中加一些，就可以食一段時間，你連邊間店舖可以買到...幾錢一斤...你都有詳盡提到，幫森伯呢篇博附加些資料，唔該呀!!!!!!!!!!聽你咁講，常食就可以去印貨舖頭睇睇...
豆類適當食就可以，如果有鉀高的人或腎臟有問題，要限制食豆類喎!!!!
只要存放在乾爽的樽內可以有排擺，量多的話就放乾爽之地方就冇問題，反而眉豆越擺越縮到細細粒，呢種扁豆就唔會~~~
杰撻撻的水攪一攪就會有泡，通常都唔要，呢隻豆可以煮豆湯，相信個湯都會杰身少少~~
帶飯點都唔同在家中食，帶蛋或豆腐比較簡單嘛!!!
抵唔住頸發幾句勞騷消消氣囉！
刪除浸黃豆時都有白泡沫，好似蛋白咁浮喺水面，唔通蛋白質類豆會係咁，而其它蔬菜類豆同澱粉類豆又冇喎！
我求知欲都高架，唔知就要學，可能發現正嘢，好似我由蕃薯糖水轉為雜豆糖水，不過，有抗氧化力嘅黑豆都係$16/斤，都係食平DD又易買到嘅啱我。
其實豆類有泡就盡量不要，好似有時煲豆漿的時候面頭有很多泡，都要把它拔起，聽講話係豆類的天然毒素...
刪除逢有泡都唔會要，蛋白質已經在白白的豆漿內!!!
我都係架!!!走太遠買都寧願食過第二樣~~~不過在附近間佳佳都有，而且有唔同顏色揀就冇所謂，貴買平食一包都有排食......
黑豆你點食?!!
你講起提醒咗我，大豆皂苷等物質在85℃左右時很易起泡，被誤為「沸騰」而提前關火，溫度不夠100℃，時間又不夠長，有毒物質沒有被破壞，引起食物中毒，只要徹底燒沸幾分鐘，就可破壞其毒素，我煮豆漿時定必拔走大量白泡避免未完全煲透就滾瀉，反而煮雜豆糖水時，我打開蓋煲唔滾瀉就算，嫌麻煩冇拔走啲白泡，只係浸完豆後會洗走白泡，哈哈哈！食咗成年咁耐我應該中毒太深、命不久已，係時候同森哥講最後的再會。我冇中毒跡象係因為做足咗高温加熱消毒呢步。
刪除以前我單一衹打黑豆漿，當然，也用豆豉煮豉汁XX夠晒惹味囉！ 已食夠抗氧化食物，唔使靠貴1倍黑豆$16/斤，只食佢嘅同類黃豆$8/斤囉
刪除係呀，聽講話呢種物質叫大豆皂苷，是種天然毒性，基本上豆漿要滾多一次先好飲，至於毒性高唔高就不太清楚~~所以見到豆漿泡都會撇左去!!
刪除煲豆漿都唔易，要常注意爐火，時不時滾瀉~~
自己都有整過黑豆漿，不過黑豆漿冇咁好飲，而且森伯煲親黑豆漿都會煲瀉，所以冇再煲......
如果咁易中毒，政府都禁買黃豆喇!!!睇你仲咁精伶，冇咁快玩完!!!扮中毒呢一招呃下你身邊的伴侶都得，睇下佢哋有咩反應嘛......XXXXXD
因為豆豉是醃出來，都好少食~~不過用豉汁做的餸菜真係幾惹味......你真係幾知慳識儉喎，駛個錢都會度住，況且豆類貴極都有限喇...
刪除港式奶茶會混合幾種唔同茶葉才好飲，黑芝麻糊我都加入白芝麻才夠香。整黑豆漿係要加黃豆，我睇完 『『師奶經』』 學架。
刪除扮中毒呢一招…………睇黎森哥係好識撒嬌的男人，我唔識朝呢個方向咁諗喎！
窮人當然要睇餸食飯，現代富豪家族都會有個家族主理人睇住盤數日日增值，其他成員每月只有一筆可觀嘅生活費，不能亂咁揮霍，否則應驗富不過三代。醒目肥肥都係畀欣宜基本生活費直至35歲才可動用過億遺產，怕佢後生會被仔呃晒啲錢，年少時期必須窮養捱世界，學識做人，思想才變得夠成熟，知道正確洗錢方式。投資1億每年有10厘回報，咁每年收息1千萬我唔會用晒。
學識理財係人人都要，中學應該有理財呢一科，好實用，好過 模稜兩可 通識科。
攪黑芝麻要落白芝麻，攪黑豆漿又要落些黃豆......又袋到錢落袋!!!!我真係唔知呀!!有機會要試下~~
刪除森伯係老實人，唔會扮乜扮物，見你成日話驚中毒，以為你好在行啫...特別識得呃呃乙水乙水耍下花槍之類!!!!要撒嬌都唔會扮中毒啦，又要搽黑塊面又要扮嘔白泡，你扮埋我份...XXXD
大前題係人生苦短，就係生活太多不知的變數，今天你可以食得，難保他朝未必食得...今天你可以選擇用錢，難保他朝未必用得到...駛錢都係一種習慣，當你習慣慳住慳住駛，以後就習慣了這種駛錢模式，唔會改變!!當你有一千萬，更唔會亂用，因為你認為要慳才有一千萬，已將慳錢的觀念植根了!!!理財的觀念隨著人生的階段來改變，冇得當一個學科去學習~~
我嘅小學雞年代外食早餐約個幾，依家要卅幾，約15倍，倌材本要增值預埋通貨膨脹，仲有醫療新科技呢筆會好驚人。我都想好瀟灑咁隨便花，洗黑錢就難啫！洗乾淨錢易如反掌，不過，杞人憂天更適合我，慳吝做人但求安心，才可開心長遠生活，細水長流，亦都習慣喺限制下過活。
刪除個幾一個早餐?!!我諗同一爺未必同一個年代!!生活很多東西都係豐儉尤人，但過份克制的慳儉都未必係好事，有些要買要食都可以駛多少少錢~~
刪除森伯都明白駛錢容易，搵錢儲錢難......不過在合理的原則下駛錢都係應該的，否則變成守財奴!!!
乜一爺有黑錢駛咁好~~~哈哈哈
我知道我食咗咩營養同份量，就唔係將貨就價只係填肚，我對呢方面有研究、有信心達至營養均衡，建立一個健康嘅身體。
刪除
刪除我對呢方面有研究、有信心達至營養均衡>>>>>唔知邊位仁兄講自己有個肚腩仔~~~
雖然買食物唔一定要貴價錢，但你唔可以控制食物供應者，曾聽過為要滿足喜買平野的顧客，所以要大量生產或種植，落添加，落生長激素都在所難免，因為消費者要-----平!!!平他們才肯去買!!!!
所以太平宜而且一大包，都要諗過先!!!你看現在超巿的凍櫃，魚，肉一個平價錢就有一大包，相信這些來自肉食工廠~~~~所以食落肚貴少少都可以!!!
森伯好介紹，呢種扁豆是洋貨，咪要去CITYSUPER？
回覆刪除CITYSUPER好大機會有，但我在附近間稍大百佳買，一般超巿放穀類部份都可能有~~~
刪除令我諗起粽。
回覆刪除完全係呀!!!口感都真係好似粽，端午食吓當應節!!
刪除我喜歡榨豆漿。
回覆刪除應該唔會拿這種豆來榨豆漿!!!
刪除間中都會煲豆粥吃，但我從未煮過豆飯。
回覆刪除現在都喜歡煲豆粥吃，煲一次可以當三日早餐!!
刪除我覺得唔係隻隻豆都可以煮豆飯~~~