現代人的個人娛樂看似豐富，但來來去去都係對住電腦，對住手機...不過始終網上的娛樂可以玩你喜歡的，看你喜歡的...至於電視就一向少睇，以前還有ATV的時候都會捧少少場，基本上免費頻道現在仲有TVB，至於其他頻道的電視台都冇乜留心去看~~現在除了睇TVB齣處境劇、新聞等之外，其他就甚少刻意睇，尤其現在什麼歌唱比賽，看來看去都未見有歌唱部份，只見成班人齊齊哇、齊齊喊、齊齊講...真真正正講多過做~~可能森伯古老得滯，唔喜歡這種形式的歌唱比賽!!!
反而在網上，有留意開一個外國女孩，係呀!上次講一位國內不會大的男孩視頻，今次就講一位外國女孩的視頻，歌聲真正繞樑三日，唱就唱，冇乜浮誇，而最特別係美國女生竟然翻唱一些舊國語金曲，常常母女檔一齊唱，歌聲真有點似老歌手的聲線，講多無謂，自己聽聽吧!!聽後可以留言講講意見...
https://www.youtube.com/watch?v=rE7Y6uBnSpM 甜蜜蜜
https://www.youtube.com/watch?v=_G5RLjN29GM&t=94s 月亮代表我的心
https://www.youtube.com/watch?v=H8bobAwj_vM 橄欖樹
https://www.youtube.com/watch?v=NalyCrj3Yj4 喜歡你 (廣東話)
講開聽歌，近排真係冇咩留意新歌、新歌手的動向，只知有個叫＂姜B＂的歌手，在早排上堂都有聽同學仔提過，當時連樣都未清楚，一向想扮後生的森伯伯想話自己係聽＂姜B＂的歌大...
但森底裡又問佢既歌識得幾多首，一首都唔識，完全呃唔到人又呃唔到自己...XXD
我現在看的電視節目只有新聞了，較早前還有看那套長壽處境劇，但近來都不再看了，因為太長壽，了無新意。
回覆刪除我現在的娛樂節目都是靠電腦提供，"輕談國學歌風雅"，"音樂大師課"，"經典咏流傳"等都喜歡，至於那位外國女生JJ，她說最近學唱廣東歌，我曾留言給她建議她向難度挑戰，試唱"帝女花-香夭"，真係大挑戰，哈哈！
對呀，有同感!!有些電視劇或者有創意性的節目，做多了就變得唔太好，就好似有些電影受歡迎，夾硬開續集，結果都係沒有之前的好，俗語有話見好就收，反而讓觀眾留有深印象...
刪除有時在視頻上什麼都睇一睇，都冇特定，一些講時事政局想聽看，舊歌也會聽......總有些外國人欣賞中國文化，歌曲，語言，這位JJ會唱之外，仲有講得一口流利的普通話，好多港人的普通話都甩甩咳咳，既然peace兄向她難度挑戰，可能真有日佢突然唱帝女花都唔定~~~
或者要學好一種語言，由唱歌開始都可以試試~~~
比賽唱歌部份喺周六晚8:30，其它係真人騷形式活動我就冇睇。喺JW落足心機指教後唱得幾唔錯，近期佳作係Chantel 首 戀愛預告，好多人都要聽番幾次 (2周播放咗2.6M次)，話要揾回初戀感覺，我都覺得好sweet。
回覆刪除資深創作人話姜B救翻起沉寂咗嘅廣東話歌曲喎！不過，我聽過又感動唔到我，反而喜歡 anson lo 首唱跳快歌 『一所懸命』， 勁道十足更好聽，跟住呢腳印印。
鬼妹發音係好正，但係我又聽唔出佢有唱到首歌嘅味道喎！感覺真係好個人、好主觀嘅。
見到廣告都唔太想睇，仲邊會留意佢正式幾時做，其實現在的人很有趣，明明這些參賽者的年齡很年輕，夾硬唱些不是年代的歌，而且當年的經典金曲已為人熟悉，只要不是五音不全，誰唱也會好...你覺得好sweet，就証明你對愛戀仲有一種憧憬期盼，仲好率真~~~
刪除可能完全唔係年代，我一首呢位姜B的歌都未聽過，講到咁紅應該有些成名作，但唔知有咩係成名作...救翻廣東歌?!!誇唔誇啲呀~~不如話常唱經典歌班叔叔姨姨輩的歌手救番廣東歌仲合理!!!!!anson lo...?!!完全唔識，在YT摷來睇好似扮緊韓星~~~
鬼妹除了唱歌之外，都可以講流利普通話，佢話偶像係周旋，所以都有唱周旋的名作，把聲真係好似古舊年代味道，只因怕一爺後生得滯唔識周旋的歌，所以冇連線畀大家聽囉...
我反而睇過佢個拍檔小馬哥，拎啲亞洲食物畀鬼佬試。
刪除未有睇過佢拍擋小馬哥視頻，除非有特別的內容，否則睇過都唔記得………
刪除唔似電視節目梗死咗，網絡就係包羅億有，就算森哥同我觀點意見大部份相反嘅，各自都會揾到啱睇嘅視頻。
刪除其實以前都唔多睇視頻，不過現在就多留意時局講乜，因為本地電視台的新聞冇咩料聽，反而睇視頻可以聽到較多方面的聲音......
刪除CNN報導大陸已打了10億支疫苗，係美國三倍，就畀人批評親中，反映報導事實係唔啱，我覺得大部份美國以至全球大衆傳媒已經唔持平，背後金主設定咗立場，我必須從視頻聽入不同聲音，擴闊視野，唔好畀人誤導，做儍仔。不過，我會偏幫中國。哈哈！
刪除森伯啲老人家冇乜留意CNN，現在無論什麼事都冇分對錯，什麼也是政治行先，反而人好易失理智......親中親美都好，唔會樣樣都是對的，要理智一點分析，起碼要有理據去撐自己的觀點...
刪除好似你咁做就啱，夠晒理智，生活遇到的人個個都好萌塞，覺得佢哋個腦唔知裝乜，反而開心是在網上認識到一些博友講實話，一爺係其中一個!!!!
台灣疫苗政治化，個分析員講到好氣憤，咁嘅總統，反映民主選舉呢個制度唔係選賢人。
刪除暗戀都會令人喪失理智，都有好多人因暗戀型仔森哥而喪失理智。
最主要係台灣的領導層乜都以政治行先，認為這樣人民才喜歡呢種領導手法，結果的好壞都讓人一清二楚......
刪除初時森伯伯老花眼，以為你寫傻仔森哥...暗戀森伯嗰個就真係傻!!!!哈哈哈
我都有睇過呢幾條片。
回覆刪除原來都有幾多人睇過佢視頻......
刪除新聞都會睇下，冇追劇集好耐囉。
回覆刪除基本上我連現在播緊咩劇集都唔太清楚......
刪除看到這位JJ雪蓮小姐，覺得她很有語言天份，唱得這樣一口流利的國粵歌曲，她的媽媽也唱得很好，樣子很自然好看。JJ的一曲「橄欖樹」，真的十分動人，我也很喜歡。
回覆刪除以外國人來講，講得一口流利的普通話已經好唔錯，見她唱得好又講得好，背後都可能落了不少功夫，正所謂台上三分鐘可能台下就十年功~~
刪除除了一首橄欖樹之外，還有其他的中式古典歌都好好~~
她唱到中文歌還未算叻，而且更可以唱到節奏輕快的中文歌就真係佩服，下面是她翻唱同杰倫的"Mojito"，好掂！
刪除https://www.youtube.com/watch?v=f0fcfLpQGmo
係呀，能唱到有韻律的歌不容易，相信她也下了不少功夫，唱到好才拍片錄音，之前唔知呢首歌係周杰倫唱...不過唱到周董的歌不易!!讚~~
刪除呢條片之前都有睇過，幾新吓!!!
「看來看去都未見有歌唱部份，只見成班人齊齊哇、齊齊喊、齊齊講...真真正正講多過做」，很同意，我沒有完整看完，因為不吸引，又怕見人流淚。
回覆刪除現在不難看到外國人用流利國語或粤語流行歌曲，覺得很感動！
係喇!!講來講去都睇唔到有唱過咩歌，不過都要公道講句，自己都冇全集睇，而且hea做更冇咩耐性慢慢睇...現在的真人show個個參賽者都要喊，可能現在新一代的觀眾受落這個節目模式啦!!
刪除有時見外國人都能操流利普通話，都有些可以激勵自己練好普通話...