正所謂一年容易又中秋，在節日裡中秋都可算是喜歡的節日，一來是個大節，二來又是由暑熱走到清爽清涼的時候，很舒服~~
以前細個一定有兩個燈籠，所以記憶很深，而且在很多節日中，中秋節是唯一一個節日可以玩火，不過相對現今就不行了，人口稠密地方又狹窄，玩火真係好危險...
現在好少留意燈籠的市道，不過早前就見到家品店出售新款燈籠，遠睇簡直硬膠車仔玩具，再睇真原來係個燈籠...完全感受唔到任何中秋氣氛~~好在自己個玻璃紙兔仔燈籠仲健在，算可以畀森伯老人家緬懷一下~~~
過時過節月餅是必需的，所以今年都買了很多月餅，傳統又有冰皮又有，既是送禮又是自奉，較健康的伍仁月成為大家的首選~~
又因為疫情關係，做節都可能未必外出食，是因外食要分兩張檯，長輩們認為這樣不似吃團圓飯，所以在家吃也會一樣~~
森Blog祝大家中秋人月倆圓，節日愉快~~
紙兔燈籠緬懷
回覆刪除伍仁月餅自奉
中秋快樂
我都祝大夫有個快樂中秋~~
刪除有假放、有得食、有得玩，對細蚊仔來講，中秋節當然好快樂。
回覆刪除小學雞時期 我個燈籠年年都意外燒毀。咁幼稚嘅玩意到中學我就唔玩，輪到我班姨甥 、姪仔玩電燈嘅。到依家，我依舊覺得最平嘅風琴式摺得埋紙燈籠係最具節日風味。
謠傳又食鹹又食甜會甩頭髮，我都唔驚照食月餅。屋企人多，切月餅前會預先指好邊一塊(1/8)屬於邊個，有種『買定離手，開呀！』嘅感覺，食到大份鹹蛋黃就好似中頭獎咁開心。五仁果子月餅超難食，簡直係做錯事嘅刑罰，屋企得阿媽一個人喜歡，後期都冇攞。
細路時，都係喺附近大間啲、穩陣啲酒樓每月供嘅月餅會。
係呢個日子才抬頭望月，平時邊有閒情關注。
其實很多節日對小朋友來講都好快樂，聖誕，農曆年，中秋...既有得玩又有得食又有禮物收...
刪除以前玩燈籠的時代，時時都見到有細蚊路的燈籠燒著，可能其中一個係你喎...哈哈~~電燈籠似擺設多點，毫無可玩之處!!!現在的風琴型紙燈籠供人作為中秋節裝飾而已~~
第二個就驚，一爺兄唔驚啦，年青又生猛活潑，身壯又力健，頭髮唔駛話一定濃密啦，成隻金毛獅王咁款，唔驚又鹹又甜~~~~
森伯細個同你剛剛相反，月餅要專揀無黃，屋企人都會買純蓮蓉畀我，因為長輩話蛋黃是戒口食物，不過現在就有黃才好食，無呢個禁忌~
一爺咁細個食舊月餅都好似有種搏彩心態，唔怪得現在投資都有一手~~
時代變了講求健康飲食，五仁月餅都可以話鹹魚翻生，都算係好意頭...
好彩森伯都有抬頭做人，偶爾見到個月光都好靚，唔止八月十五~~
甜嘢食喺我嘅排行榜，淨蓮蓉都排好後。創新啲漏油鹹蛋黃朱古力啱我多啲。
刪除我覺得月餅靠中秋節個時機才有市場賣得呢個唔多值嘅高價。
森哥人月倆圓，可以解作個人圓潤咗，啱晒想增磅瘦人。
太甜的食物我都唔啱~~所以淨蓮蓉以及朱古力對我來講都係麻麻地...
刪除啲餅家一年一度搵錢就係中秋節呢段時間，做餅的料唔貴但就買到貴一貴!!!
中國人講意頭，圓圓潤潤代表好，可是森伯唔係圓潤型!!!可能一爺兄係啦~~~
但係森哥畫到自己圓碌碌有 baby fat 好鬼 cute喎！人見人愛。 呢啲叫無嗰樣整嗰樣。
刪除曾經圓潤過，可能有人永遠同我作對，搞到我滿肚子氣，激到脹晒。老咗睇得開，慢慢消氣，現在冇肚腩。
森哥有冇食過 Beyond meat？
早前電視節目介紹一間英國工廠大量 種植真菌 去整人造肉，手上得拾幾粒芝麻咁大嘅真菌泡籽，一個星期用糖水飼養後，生到5、6層樓咁高倉庫咁大，生長速度驚人。快過你養豬，糖水又好平，冇對環境造成傷害。平時，我都有食開金菇、雲耳
通常人哋話冇嗰樣整嗰樣，多數形容做差咗先會咁講...
刪除例如某人無端端在臉上黐粒星星，跟個人唔襯，就會畀人話，冇嗰樣整嗰樣...
可能有人永遠同我作對...呢啲叫做生活情趣，熱戀中的情侶喜歡耍花槍~~~XXXD，激一激就冇肚腩，咁唔需要減磅公司，你應該要多謝佢!!!
森伯一向好少追貼潮流，食正常肉最好，頂多不過量...很多人造肉食都係研究當中，人造肉，人造蛋呢啲未必會買~~尤其你話幾粒芝麻發到幾層樓咁大，好似恐怖實驗室...若然想對環境冇咁傷害，可以多食齋菜，吸收植物蛋白...
有孩子的家庭，過中秋節特別高興 ! 大大個的紙楊桃燈是以前每年必備的。可是自從興了膠燈籠之後，一大疊紙燈籠就再無用場了。
回覆刪除沒有孩子在身邊，我看節日都淡薄了。不過，總會吃完一個又一個的月餅，一面吃一面想念父母親。本來待到10月初才出下一篇網誌，但見森兄來訪說起中秋節，今晚我也推出了一篇。
秋葉，借此祝你佳節快樂！
刪除秋葉：
刪除通常中國的節日，都是著重一家人一同過，所以主旨都係有一家團聚的意思...現在的紙燈籠只係用來當中秋佈置~~
秋葉話：一面吃一面想念父母親...所以就有：每逢佳節倍思親呢個說話，有時都會趁大家還在，好好珍惜當下的時光...
好的，稍後會去睇下秋葉篇中秋網誌~~
Stella：
刪除我都祝兩位，有個愉快中秋節~~
Stella：
刪除謝謝你的好意 !
也借此祝頌闔府中秋愉快 ! 如意吉祥 !
森少：
刪除中秋節快樂 ! 真的是如你所言：「每逢佳節倍思親」。
往日與父母親的相聚相處，每一幕都已經成為經典的鏡頭，逝去的已不可追。
也願君珍惜與父母親人相聚的時刻，年年中秋，人月兩團圓。
Stella跟秋葉也容易成為朋友，見你們的興趣也差不多，也同是喜歡書法寫作等~~
刪除秋葉：
刪除我都祝秋葉中秋快樂，一家團圓樂融融~~以前農村社會，比較著重家庭親情，很多大時大節跟家庭團聚有關...雖然很多過了去的事不能返回，但有些值得的回憶也很好!!
這個當然喇，與家人相聚的時刻會珍惜~~
拎玻璃紙燈籠先有氣氛。
回覆刪除玻璃紙燈籠有特色，才感覺有中秋氣氛~~
刪除今年我也收到了榮華的雙黃月餅。
回覆刪除也收到富臨金萬五仁月餅，很鬆化可口。
祝你佳節快樂！
stella今個中秋唔錯，有人送月餅畀你唔需要自已買，而且又好食...
刪除今年自已買的月餅都唔錯，傳統口味~~~我都祝你節日快樂!!
眾多節日中，我最喜歡的是中秋節，年少時玩過多款不同的燈籠，有大白兔，有楊桃，有自製的椂柚皮和旋轉牛奶罐，而我最愛的是紙製風琴式那種，因為夠經典、顏色多、價錢平。
回覆刪除相信中秋節很多人也會喜歡，一些傳統節日的氣氛也越來越少，白兔，楊桃的燈籠都算經典，記得還有金魚，飛機坦克車都有...風琴紙燈籠真是歷久不衰，時至今日仍有這款燈籠見到，很具節日代表性~~
刪除年紀漸長，這十多年已很少吃月餅。
回覆刪除舊式花燈，自有一份美。
小時候，很渴望有一個白兔燈籠。有一年，終於得到了，但卻意外燒燬。
今年沒有買燈籠，因忙，也沒心情！
祝中秋快樂。
反而月餅由細到大都喜歡，記得小時屋企人會做一間茶樓的月餅會，當時的月餅好香，有人話可能用豬油整，所以好味兼且有風味...
刪除哈哈，很可惜得到白兔燈籠又燒了，若你有機會再見到可以買來當佈置~~
祝：中秋節快樂！
回覆刪除玻璃紙造嘅燈籠透光好，特別靚架！風琴型的燈籠我都好鍾意。
我都祝Man Man中秋節快樂~~
刪除你說得對，彩色玻璃紙透出來的光很柔和很美，而且又有節日氣氛，而風琴型的紙燈籠夠經典夠環保，今年用完摺來收起，明年又可以拿出來用...