話咁快中秋又過了，話明喜歡中秋節，當然不想氣氛太快過去，就畀森伯呃多篇Blog，都同月餅有關，通常節日過後的應節食品都要清清佢，幸好月餅自己鍾意食，多些來就密些口，但可能森伯燥底食得太多就會熱氣...
最簡單可以配杯烏龍或者香片就可以，不過見有些剩餘物資就更加好...這些黃豆都存放了好一段時間，記得在上課期間用來拍攝用，數算都有年多前，應該冇變壞...
其實黃豆的食法唔多，對我來講唯一做到的就有豆漿，而且又可以佐月餅食唔錯，既清涼又好飲~~有部小型攪拌機幫手就快好多，隔去豆渣便可，自己整唔落太多糖......
淡淡地伴幾甜的月餅食~~都可以話是種簡單的享受!!唔需要太多時間，就煮好了豆漿，餘下一半可以再攪多次~~
煮淡豆漿伴月餅
回覆刪除豆漿淡，月餅甜...平衡吓~~~
刪除我要多糖。維他X咁我多啲。
回覆刪除而家維他X有隻無加糖的，間中會飲~~
刪除豆漿，總令我想起餈飯⋯⋯
回覆刪除其實豆漿可以配很多食物，好味又唔會搶味~~
刪除密密食月餅……森哥就得天獨厚呢，我會人月倆圓喎，最衰係月缺人肥添！所以，奉行源頭減肥，一於唔買， 婉拒送贈月餅。咁森哥今年紀錄係食幾多個月餅呀？
回覆刪除咁你又唔好話森伯，老人家都唔敢食太多月餅，一年一度先有興趣去食...人月倆圓講同咩人都可以，當然係你至親至愛的人啦~~~暫時應該食咗兩個幾個月餅，嚟梗要慢慢食，每次食一兩舊到...
刪除我覺得我好恐怖呀！開始食第一嚿就會鈎起我條為食癮，抗拒唔到，由其係零食、甜嘢，由計劃嘅¼個變成2個（因為我只買2個黎拜祖先），必須食到撐爆肚為止，後果不堪設想，唔通我患上暴食症。😭
刪除我好耐冇打豆漿囉！依家直接用黃豆整4豆糖水，制作更方便快捷，食少啲多加工食物。唔使煩全部營養一次過食晒落肚。又唔使處理豆渣喇！
都唔算好恐怖，好多人都會咁~~月餅唔會得兩個，一年一度的中秋都冇所謂，唯有食其他食物儘量清淡一點!!平時森伯食得清清哋都好，留番Quota食啲唔多健康的食物~~
刪除你唔會患上暴食症，你哋啲後生仔可能仲發育期呢!!特別好胃口......
好怕開爐煲太耐的食物，而且又冇真空煲，煲豆類要全熟先好食，而且豆類食得多會脹氣，不過一爺兄年青，腸胃消化能力強，森伯老人家驚成日胃氣脹~~~
後生仔二度發育就好啫，慘在我呢啲老人家二度發『肉』就係肥肚腩囉！係發脂，唔係發工資喎！健康攸關，將啲月餅錢用黎買晒有益嘅新鮮水果，癮起多食水果更好啦！優食趕走劣食。
刪除老人家長時間睇火會瞌睡，記性差又會忘記煲落嘢，釀成火災就損失大喇！如有需要，投資個真空煲係好值得，安全又慳煤氣，老人之寶。
好彩我又冇胃氣脹困擾。以前，食開番薯糖水，啲纖維令我放屁較多。好奇怪喎！近期轉食纖維量增加5倍嘅豆豆反而冇咗多氣現象。食物都因人而異。
可能一爺兄第十度發育呢!!如果真係有個肚腩就做多點腰部運動，每日限定做幾次運動集中在腰部，中央肥胖出現糖尿的機率又會高些，一爺兄唔好講笑喇，幾個月餅錢對一爺來講算什麼，一年一度應下節都唔好咁孤寒，食物都唔係只分優定劣，開心食下應節食品都係一種賞心事~~~
刪除森伯會睇火，不會隨時恰眼訓，校個小型的計時器，過時就會響，基本上都會知道~~煲長時間就會用...
都話左你地年青人唔怕胃脹，曾幾何時我有胃氣過多，太多豆類都唔好食過量，很多食物適可而止就可以，食過量就乜都變成冇益!!!!
好似好有運動常識喎！咁森哥每周運動幾多分鐘？ 我有185分鐘。
刪除研究所得消脂最好係鍛練大腿，因為呢度係身體最大肌肉群組，消耗最多能量。
攞走邊度儲存脂肪來用係一個自動機制，唔係你話練邊個部位就減去邊個部位嘅脂肪，只係可增架嗰度嘅肌肉量。
正日對著個月亮食月餅會特別開心咩？點為之中秋節快樂？中秋節過後買月餅最平，為何追月時食冇咁開心？打破傳統，破舊立新，我何時何地食有益水果/食物開心過食冇益月餅好多喎！
Bingo！我係好孤寒架！呢個係我優點。
後生仔森哥呀！老嘢會唔記得校計時器啦！計時器唔跟身，走遠咗/撞聾/瞓着咗聽唔到響聲，行開咗就唔記得煲落嘢出咗街，都有危險，老人要有一套切合老人做法。好似以前用普通水煲，再轉用BB響水煲，最後要自動跳制電水煲，老人悲哀進化史。
我活用現有資源冇買到，萬能手機內置計時器/鬧鐘提醒，佢係現代人比伴侶更加親密嘅，無時無刻都摸著佢嘅，最貼身助手。手機比計時器更跟身，我係試過落咗街買嘢時手機響提醒我鬚刨充電夠鐘拔插蘇。
老人都唔怕胃脹，我就係一個好例子，唔好 妒忌我得天獨厚。我每周食1斤豆，請問森哥多唔多呢？
我邊有森哥咁好自制力，美食當前，我無法自拔，知易行難。
基本上每日都做四組運動，都係普通的熱身運動，勝在可以在任何地方做，包括上班時，時時坐在電腦前好唔掂，壞眼兼且唔郁動~~~完全冇計有幾多時間，總之畀自己可以運動一下...大腿幾時都要鍛鍊，因為大腿的肌肉隨著年紀大而逐漸流失，肌肉太弱對步行也有影響，所以平時吸收多些優質蛋白去畀肌肉筋肉有得吸收，當然運動都好重要~~增加脂肪都冇用，要化為有力量的肌肉才有用~~
刪除過時過節都係想高興開心，有月餅過節等同有糕點過新年一樣，唔需要太名貴，豐儉由人就OK...可能一爺兄仲細個唔明白!!!!哈哈哈
打破傳統，破舊立新>>>>>一爺成日用呢啲藉口畀自己換新歡...呢啲說話森伯唔會隨便講，屬於古老錫山的森伯幾念舊~~XXXD
對我來講校定個計時器都已經OK，當習慣成了自然就唔會忘記的...唯獨你話走遠左聽唔到，呢個我信你，你間豪華大宅幾萬呎隨時行得遠聽唔到，就算聽到少少聲行去都要十令分鐘，所以計時器未適合你，但對森伯住的納米屋，轉一轉身就可由廳轉到廚房，即刻可以熄爐好方便~~~~
你太依賴手機，我部機都冇乜電，開始好似森伯咁老化，所以現在都係用些比較原始的方式過生活，人生就是如此，用自己最合適最舒服的方法過生活最理想，科技好用但唔等如要全用!!!
森伯只用豆類做些配菜，近排多了食菜豆類，菜豆比較易吸收而且唔需要浸太長時間~~有好多嘢都不能自拔，再一次講唔係放縱自己的藉口...
醫生測試肌少症方法。坐在椅上，雙手交义放於森哥巨胸前，提起一隻腳凌空，單腳站立，必須企穩3秒鐘唔跌才算合格。左右兩腳輪流做。此輕功唔掂就要多加腿部運動。
刪除唔好盲摸摸 ，要計算每日蛋白質，由其是素食者。原來，我有時會爆燈傷腎，有時會太少，要調較自己。
時日無多，唔好虧待自己，隨心而行，改變不用藉口。
某年博文，森哥唔傳統買棋子餅過中秋節。唉！只管森官放火，不准一爺點燈。栗子蛋糕和月餅任揀其一過節，栗子蛋糕賞月更佳，做人唔好咁死板。
下次揀部大電量手機5000mA。有講：鋰電池降到30%就要充電，嚿電會耐用啲，充電中最好關機或休眠狀態，上網學吓同森哥交換情報。
對森哥黎講，有好多食物都係偉哥，森哥食完身體某器官會變硬。因為從少就用悲痛來訓練，森哥控制飲食能力比一般人更強勁，我拍馬屁都追唔上。
打風日快樂！
企穩3秒鐘唔跌才算合格...照計好多人都會做得到，有時~有冇腳骨力自己感覺到~~~
刪除哈哈哈...巨胸前?!!你又想抹黑森伯，講到好似怪物!!!巨胸留番畀一爺個body慢慢擁有...做人太多計算就會好吃力，隨意出發會比較自在一點，總之食物有冇益處一看便知，懶得去樣樣食物計算...
你咩事時日毋多呢?!!
買栗子蛋糕過節，失去營造節日那種氣氛，栗子蛋糕只會諗到過生日，人大了反而做番傳統的最好，咁一爺平時過節咪慳唔少~~~農曆新年買雪糕當年糕都得喎!!!!
因為我好多時都係叉電過量，可能這樣就令嚿電唔襟用......你想同森伯交換咩情報先?!!!
邊有好似你諗乜嘢食物都係偉哥，你食得多就真係變得又硬又直，係成個人伸直嗰種~~~~控制慣了就易做到，唔覺有幾難~~~~
昨日的打風是普通一日假啫!!
我都經常榨豆漿，因為家人喜歡飲。
回覆刪除月餅應節，一年吃一次都冇問題。
現在都有無糖版的維他X，不過自己整又會好少少~~
刪除對呀，籍著一年吃一次先敢放縱自己...哈哈哈
森少時常在家攪東攪西，口福不淺。
回覆刪除在家中特別多嘢搞…哈哈
刪除這是普通食物，都算不上什麼口福……
懂得計數的，都會自製豆漿來喝啦。但要記得買有機的黃豆來弄呀。
刪除我很懶，只是買豆漿來喝，是那種標明非基因改造大豆，無添加防腐劑，高鈣低糖的，冷藏一盒可以喝多次。
都沒有理會是否要用有機黃豆來磨豆漿，總之覺得自製豆漿比較濃味，而且甜度可隨意落糖的多少~~
刪除其實磨豆漿不是太多功夫，而且做多一點也可以把它放在雪櫃擺放數天，到飲的時候又可以滾熱都幾唔錯...
因為見很多盒裝豆漿都有很多添加物，出名牌子都有...
我買的那種是標明是用“有機黃豆”的。沒有貨時，我不會買其它牌子的。
刪除可告訴我是什麼品牌呢?!，若然有機會都可以買來飲飲，記得有隻叫＂豆漿王＂呢隻幾唔錯，添加少而且印有用非基因豆...第二好就係維他X!!!
刪除標明用有機黃豆，非基因改造，無添加防腐劑的，在佳記有得賣，至於高鈣低糖的，更為搶手。咪就係嗰隻維他乜囉。
刪除我都諗過買黃豆回來整豆漿，不過，如果向店員話要買：有機黃豆，都唔知work唔work啦。但係知名超市不會違反說明條例，否則消委會會公佈。
你講的維他乜，而且又能在佳記超巿買到，我即時諗到個盒面有個"純"字果隻，現在的消費者一聽到話低糖高鈣，實會搶購!!!消費者都想飲得好味又健康~~
刪除其實現在超巿有部份貨架是買有機穀物類，你可以試搵搵大多數有機黃豆都好易有貨，買一包都可以攪幾次豆漿，不過價錢一定貴過買街巿的散裝黃豆...
自己整好,出邊賣的好甜.
回覆刪除對呀，整甜度可以由自己控制~~~
刪除我對月餅興趣不大，每年食一角就當係應咗節，不過今年就食大咗，總共食咗一個。
回覆刪除我喜歡豆漿，經常會自己整，其實真係好抵，幾塊錢買到一斤黃豆，可以整到幾次，健康、經濟、好味！
你食一個月餅已經叫食大咗?!!...對森伯而言係唔夠喉~~~哈哈哈
刪除現在覺得偶然間自己整豆漿都幾好唔太麻煩，而且可以話係完全純正無添加豆味濃，買一包都可以整幾次，經濟又實惠~~
喜歡在外邊買豆漿飲，懶之過，嘻...
回覆刪除又不要這樣說，有些人寧願買唔想自己攪，因為都要些時間和心機~~
刪除