在眾多的衣履服裝當中，相信鞋唔會有太多人會關注到，反而把視點放在衫與褲比較多，若果平時唔係對衣裝太講究的人來說，買鞋求求其其就可以~~
但鞋對森伯來講都幾重要，舒服的鞋真的行得舒服些，所以要買都大多數係懶佬鞋，穿出穿入比較方便...男裝鞋最好，不用太多款式選擇，因森伯有選擇困難症，買什麼都要諗很耐...
森伯的鞋可以著很久，有時要著一段時間鞋才舒服，慢慢適應返對腳形才叫好著...森伯伯係長者一名大家都知，平時著鞋都係斯斯文文果類，又唔係日日越野長途賽，都唔明點解著的鞋不是爆線，就係穿鞋底...好不容易走去買鞋了，今次都幾好...一睇就試，一試就買~~完全冇試其他，男裝鞋薯薯嘜嘜就OK喇~~
至於相片中的型佬鞋，就唔多襯森伯，平時幹粗活兼且粗人一名，俗語話：著起龍袍都唔似太子...呢句說話用在森伯伯身上就形容得淋漓盡致~~~XXD
鞋對我來講都很重要，因為我有扁平足，舒服的鞋真也不容易買到。
回覆刪除「著起龍袍都唔似太子...」森源太客氣了！去飲鞋，點都要有一雙喎！
舒服的鞋可能要著一段時間後才感到合意舒適，鞋寬少少比較好~~
刪除唔客氣講實話...去飲鞋都會有，有幾對鞋都可以應付唔同的穿著需要~~
懶佬鞋
回覆刪除唔好傻佬鞋就得嘞!!
刪除我有個特殊癖好，一定要有鞋帶，咁至夠完整、好睇。拖鞋就例外。呢世人凉鞋都係著過一對，冇鞋帶唔啱我。
回覆刪除讀工程嘅要入學校工場學習，必要著工業安全鞋和工衣，鞋頭鑲咗塊鋼片，被錘仔砸到都傷唔到隻腳，鞋頭真係硬邦邦。
要尊重某啲場合要執正啲好似見工、見客、飲宴……都要有對備用。 遵守 Dress Code 係禮貌，唔會畀人笑扮型架。
都唔算什麼特殊癖好，只是偏好啫...睇嚟一爺兄個人幾愛整整齊齊，每日綁好鞋帶先出街...不過有時綁鬆了就容易絆倒腳，在街上偶爾都見人鞋帶鬆脫了...
刪除工程用的鞋係安全鞋，平常人唔會買來著掛!!!
當然喇，唔同場合要襯返當時的需要， Dress Code 唔多要跟隨，總之穿衣哲學就是什麼場合或地方，穿什麼衣服~~
跟蹤人都會借啲意綁鞋帶，都有其它功能。
刪除我通常係鞋底蝕咗。貴皮鞋可以拎去補鞋佬，我又未試過。
細路時都有用鞋油擦令對皮鞋。
度身訂造西裝就試過，度身訂造皮鞋又未試過。
冇咩人要跟蹤，除非一爺兄...
刪除我早前的一對舊鞋甩了線，因為好著，所以都要補補佢~~現在的鞋好少要刷，以前阿媽阿爸嗰代買多數係皮鞋，當然要刷!!
一爺要度定幾套西裝去唔同場合，富貴人應酬多都唔奇~~~
仲乜跟蹤我，有咩想八卦咪直接問我囉！陽光大男孩森哥唔好咁陰濕喎！
刪除補鞋幾多錢呢？
餐廳待應生、售貨員、酒店服務員、經紀……都係要著老西，嗰陣屎我係打日本仔寫字樓工，低級職員都係要打呔番工，跟足公司 Dress Code。係我阿哥介紹去呢間度做西裝，揀啲普通料一次做2套5嚿水好抵呀！森哥個腦唔好成日偏埋一面諗嘢啦！好傷心呀！
森老伯出名并底森，跟縱一爺兄為要親眼目睹你間超級大宅，由聽行廚房都要十幾分鐘...畀森老伯大開眼界~~~
刪除我補的鞋可能唔算大問題，縫一縫條線就OK，十五個大洋!!
基本上工種要見客先要著老西，代表專業形象~~兩套老西五佰大洋，真係好抵喎~~是否好耐前的事!!
你咁都傷心，你真係好玻璃心喎!!!
講講鞋：
刪除今早鄉下佬出城，到純剛百貨買特價$299/2對 Raabok 波鞋，同款一黑一灰。波鞋耐用價廉最合我意，灰、黑色冇白色咁易汙糟，款式平實唔使追潮流。
森哥喺中學都讀過一課書名叫 『我愛大明湖』，啲人讀了『老殘遊記』去遊大明湖，咩美境都看不見，就懷疑老殘撒謊。其實係喺某特定條件下才睇到美境。反而，幾十分鐘路程揭露咗老人悲哀生活。其一，老人愛惜物品，連垃圾都當寶貝執回家，就算已經堆積如山都唔停手，誓要塞到有家歸不得。其二，老人體弱多病再加上行動不良，等森哥關節炎病發，痛不欲生，成身僵硬，動彈不得，此時要爬過垃圾山真係要花上成個鐘頭架。
在純剛買$299兩對鞋都算抵，你講起呢種日資百貨公司好耐都冇行過，佢乜都貴過人，有時遇到喜歡的衣履鞋襪，買都會同一款但唔同色，最多係衫~~波鞋好少著，不過可以著在不同場合都適合!!
刪除老殘遊記都已經忘記講乜，記得主講大明湖...你講揭露老人家的生活，珍惜自已的舊物都無可厚非，但專去搶垃圾當寶加以愛惜，又怪怪地，香港都可能隱藏很多的拾荒者，人人在垃圾站尋"寶"搞到連屋企位置都冇，都算病態的一棰~~
你又想講到森伯好似僵C，無端端爬垃圾山?!!一爺發表的言論好高深，森伯完全搭唔到咀~~
想波鞋噤著啲，幾年前見有篇文話唔好日日著住同一對，我係咁架，要有2對輪流，畀佢有一日休息，我正在試驗中，係真就可慳番啲鞋錢。
刪除1對著2年，2對替換可著4年，錯覺好似長咗！不過，好處畀一日散氣係冇乜臭味，又可日日唔同鞋款，個人都醒神啲，篇文章係作假都有好冇壞，邊似生果日報有目的作假寫衰米國總統候選人個仔就真係政治黑暗。
男裝鞋唔需要日日換，你得兩對鞋?!……正常來講森伯的鞋一般都著到七八年，有時三四年就爛証明D料唔靚~~
刪除因為有幾對鞋分擔下……
現在都唔敢睇生果報啦，不過網上都好少睇佢~~~
皮鞋3對(去飲鞋、常著、後備)，波鞋2對(常著、後備)，通常個鞋底磨蝕，落雨入水，粗人走糴多二三年要換。
刪除仲諗住森哥有事又要潛水幾個月，突然又現身。
你都幾做足準備，後備鞋都有一兩對，兩三年要更換都唔算太襟著，基本上我得幾對鞋更換，如日後見到合心水都會買多對輕便鞋~~
刪除個人呢排唔多舒服，等到好一點就過來同大家傾吓偈...
我以為森伯買左相中這對鞋^_^其實買鞋最緊要舒服呀﹗
回覆刪除森伯唔會睇中尖頭鞋，覺得尖頭鞋不好看，正如你說著鞋以舒服首選...
刪除原來你係懶佬唔係型佬。。。
回覆刪除一向，乜你而家先知?!...哈哈哈
刪除鞋，好重要！尤其工種要走黎走去，又或者成日要企，一定要舒服！
回覆刪除鞋，會襯起成個LOOK，千其唔好「觀音頭，掃把腳」！
對呀，工種如果要走來走去，買些舒服的鞋好緊要，反而款式平實就可以~~
刪除初時以前阿摩話森伯係：鱷魚頭；老襯底....
自己襯衫基本上都會從整體來看，基本順眼就OK...
買鞋當然要舒服的才好。隆重場合少不免要3吋高踭鞋，仲要斗零踭。返工穿兩吋高，圓頭就可以了，皮質當然耐用好多。退下來了，最好是穿運動鞋啦，平底最方便。
回覆刪除對呀，著鞋一定要舒服，否則腳步好易出問題，因為要長期著嘛...
刪除通常返工鞋多數要靚少少好少少，如果要面對街外人都給人感覺端莊整齊~~
平底鞋應該最好，簡易穿著又舒服!!
鞋都會分場合去買，但唔會同一時間買幾對。
回覆刪除我試過同一時間買兩對鞋，覺得間鞋店的鞋好著...後來先知後悔~~哈哈
刪除我屋企而家一對皮鞋都冇，因為我出街通常都係著牛仔褲……😅
回覆刪除有時一對型仔皮鞋配牛仔褲都好好睇，不過要視乎需要，男裝鞋基本都好少畀人注意，除非工作要見客，否則隨意就得…
刪除