自疫症開始，相信都有幾多人要留家工作，留在家工作也要一段日子，分分鐘都可能成個月，不過好在科技進步，可以透過webcam算是同公司有個簡略的聯繫，不過在家中用這種視像，都留意了些事情，但又唔知大家有冇同感...如果在公司用都冇咩問題，整裝待發隨時ready，但在家中可能著得求求其其，背心加睡褲，當然唔OK啦~~過到班同事們都未必過到自己，當然要換件肆正少少的衫，有時就算唔係返工都要剃剃鬚，梳梳頭...在家裡通常都比較散漫，唔會準時開始，公司都冇太嚴謹，遲了一兩個字都好等閒，唔會著緊...XXXD
都有發覺有時放Cam的位置都幾緊要，要睇睇屋企有邊忽可以出鏡，太多雜物唔得，太多私物都唔得，冇整理過更加唔得啦，仿似狗竇...不過通常這些應用程式，都有項功能可以化走個背景，或轉為虛擬背景！見好多人都用，但我冇用兼唔知點用~~哈哈哈
相信這種webcam無論在家或在公司，都要再用多一段時間，這都算是運用到科技帶來的方便！！
呢個千里眼開會好好用。其實，佢都係一個無敵 線眼。
回覆刪除車 Cam 撞車唔使拗數 。
捉蛇王都得。
交通燈 Cam 唔跟燈過馬路，喺辦公室嘅交通警就用擴音器大聲叫著X色衫個男人違規，啲人都變得乖乖聽話。
網上購物 用手機鏡頭閱讀信用卡號碼，唔使驚手誤打錯咗。
自己用釘書機釘大肶個肥佬於出事當天嘅行蹤都一清二楚。
Cam 配上 人面識別 人工智能， 威力增強億倍，國內3分鐘內可揾到人。香港新身份證用機取新證就係靠你個樣搞掂。
無敵線眼咁巴閉!!!...呢種只係供人在視像時用，目的可以見吓個樣，應該唔會用來監察，公司個Cam唔用時鏡頭就面壁...唔會睇到森伯蛇王，或老人家恰眼訓的片段~~~
刪除我諗一爺兄平時梗係"目及"得另一半多，成日將個鏡頭幻化為CCTV，另一半去過邊鼠都逃唔過一爺隻法眼~~畀啲空間佢啦...XXXD
這種是一般室內用作視像通訊的鏡頭，而唔係個個都會裝閉路電視，通常裝閉路電視都唔會個鏡頭咁搶眼，用針孔鏡頭等目標人物冇得防範~~
哈哈，都聽人講過人工智能幾分鐘內就可識別人樣，所以天"眼"恢恢，唔好作壞事，蒙實塊面都冇用!!
你提起換新身份証，森伯都未睇幾時換得~~~
『𥄫』 令人腎上腺素飈升，知道別人身體、私生活、秘密……都係好過癮，所以，八卦雜誌咁好賣。我好奇心好大，喺合法底下係咩嘢都想𥄫。
刪除係一等良民冇牽涉大量金錢、高級權力、貪汙、政治……就唔使怕呢個 天眼通，因為森哥係一個冇被追查嘅價值。城中名人都好驚佢喇！
80年代係比較後期，森哥等吓啦！
仲記得有個鬼佬博士被美國電視台訪問途中，佢對仔女闖咗入鏡，被人歧視為傭工嘅阿媽急忙帶走添亂嘅細蚊仔。森哥係咪驚畀人發現有孩子，過年要派利是呢！
你講到"目及"係一種有益身心的行為或者活動，差唔多連特首都要走出嚟呼籲叫大家市民一同參予...哈哈~~唔會啦，真係要睇吓"目及"的對象係邊位......
刪除冇被追查的價值都已經好好，因為俗語所講：人怕出名，豬仔怕肥...所謂成名的代價之一，反而平民百姓可以樂得自在~~
森伯係生於現今的咸豐年代人士...XXD
呢單什麼新聞，未聽過...有時做名人子女的一舉一動都會受到人家關注，有些什麼差錯就會連父母一同受指責~~森伯有孩子你又知，反而我自己唔知~~~~
好多人反對特首，純情森哥都係唔好𥄫啦！
刪除但係 森哥唔係豬、唔係豬人，係男神喎！我哋係肱股之友，能韜森哥光都係我嘅榮幸。
咸豐年代即係指咸濕好豐盛時期，森哥咪好風流，好似成蟲咁連自己有幾多個仔女都唔清楚。
但森伯絕對唔係為反而反果類人，你大可放心~~
刪除多謝一爺關心到森伯個純情形象，唔想一朝被打破~~XXD
一爺的文學根底深厚，而森伯就目不識丁，完全唔知咩係胘股之友，你真抬舉，未見過森伯都敢話森伯係男神，費事笑大人家個口，森伯神神化化就有份，男神呢個朵留返畀一爺比較合適!!!!
咸豐年代的解說好唔得，讚壞你既文字根底!!!
咁啱亞馬遜公司發布家居用小型無人機:Ring Always Home Cam。就係無人機裝上鏡頭，作為保安用途，配合Ring Alarm系統，當家居發生特別事故，如有外人入侵，無人機便會由預定路線飛往視察，將影像傳送至用家手機。 保安員冇得撈喇！
刪除乜一爺對這些無人機鏡頭咁熟悉?!!...做一爺的情人，傭人都好大壓力，就算逃得過法網都逃唔過你對法眼及無人機~~哈哈
刪除保安用途好嚴密，多數是國家級的機密重地~~只要科技不斷進步，很多工種都可以用科技取替人手...
幪面賊廢佢武功，點都要花錢養看門狗。唔知價值港幣58萬嘅波士頓動力機械狗又啱唔啱市場胃口呢？
刪除本年2月打第一份工就喺挪威鑽油台當巡守員。然後，佢嘅兄弟相繼加入德國藥廠檢查 廢物焚化工作。
其實，機械狗已在19年 9 月加入美國某鎮警察局炸彈小分隊做實習生，測試和警務人員一起工作的能力。
我反而驚啲幪面賊連看門狗都唔放過~~~
刪除用58萬嚟買隻動力機械狗狗，不如去鴨寮街買多兩把鎖好過(仲要係國產貨)，唔好睇少佢，可能仲小兵立大功~~~~
兩兄弟拍住上都好，有乜事都可以互相照應...我諗雖然話機械狗，其實係一副拆彈機器，危險工作搵機器幫手好些！！
哈哈，一個不小心，家居、私隱都暴光！
回覆刪除係呀，不過鏡頭所攝到的範圍有限，而且通常坐定定，角落位就冇問題...
刪除這種Cam舍下就沒有，但記得以前小女有個男同學，叫小女在電腦側邊整個視像器。
回覆刪除我就大加反對，因為在室內行來行去，好容易成為背景，這樣連阿媽都好唔不自在。
作為家長一定擔心子女的私隱問題，其實只要你小女兒唔開電腦，對方是看不到你家的情況，不過都係有需要才用，冇需要就把它收起來~~
刪除若果電腦個鏡頭要放在廳，那樣其他家人的一舉一動都被人見到，很不自在~~哈哈
當時只得一部座檯的大電腦放在小小的廳子裡共用，我們慣了行來行去，不能為了某人上網就停下來。後來才多了兩部計算機的電腦，各自為政了。
刪除現在用手提電腦都相當方便，到那裡用都可以，尤其是有連鏡頭，若然不方便可在自己房間用電腦視像，免得其他家人覺得滋擾~~
刪除直到現在的智能電話可上網兼視像通話，真係到哪裡開Cam都冇問題，我在家裡都係用手機...
一大座的電腦很不靈活，早已棄置了。而手機的面積較細，查看還可，寫網誌我就感到不方便，因為文字資料都存放在電腦的Words檔裡。我不懂設置太多功能。
刪除現今大多數居住環境空間不大，越細件的用品越方便，家中一般都用手提電腦或平板了~~我也是，寫網誌少用手機，用桌上電腦好得多~~
刪除學懂的功能不需要太多，懂得用words都已經能夠處理很多文書工作!!
我WFH唔使見人，冇呢啲煩惱。
回覆刪除WFH都分很多種的工作形式，唔一定個個都要開Cam...
刪除我通常將個cam對住道牆，穿見像樣的上衣。同埋唔可以遲到！
回覆刪除在工作間，唔用cam時，我都會將佢對住牆...通常都係要換過件衫，先視像...
刪除科技進步透過webcam留家工作
回覆刪除現在很多打工仔都是這樣~~
刪除有個Cam喺屋企我會周身唔自在……😂
回覆刪除照計唔開著個cam都冇問題，但眼見個cam放在廳，心理上都會凝住凝住有人"目及"住你...哈哈
刪除