今次逛國貨公司，見到的都是小型工藝品，大型的藝術品擺設就不多見，其實除了工藝擺設之外，不能不提還有很多家品，如果喜歡古色古香的傢俱，這裡都有幾多，如果一屋中式傢俱真係幾有氣派，但現在港居趨向納米型，相信都好難擺放太多中式傢俬...
在這裡還見到久違的米通碗，相信以前香港有很多家庭都有用米通碗，這裡都幾多，森伯記得以前有隻純白的米通碗，小時很喜歡在燈光下照個米通碗，看看是否可以透光...
如果說到要買些中成藥，外邊買總是沒有太大信心，所以買些與中藥品有關都會到這裡買，好似之前介紹過的田七粉，現代人喜歡養生，所以有很多中式保健茶選擇...
今次就冇買藥品只是睇睇，還有我之前有篇網誌介紹過的防新冠茶，果然真係有得買，不過去的時候係冇本地確診個案，所以都冇買，不過買左都唔知點煲~~哈哈
時間都幾趕，買完要買的都已經不能再慢慢看其他，唔緊要，下次預些時間再逛過！！
中式傢俱有氣派
回覆刪除趕時間
下次再逛過
唯有下次再行過!!
刪除去年香港百萬行 何解多是黑衣人
刪除維園午聚未時發 沿途囗令號角心
今日立法舊瓶新 三權自古本無分
一黨專政圖窮現 妹仔宣旨代主臨
家有家規，國有國法，犯法之事，不要為之……
刪除酸枝家具都好貴重。啲櫈冇梳化椅咁舒服。雕花需精緻，抹塵要逐個窿逐個窿穿入去掃，自己整會好辛苦，要揾工人清潔。氣派係非一般家庭可容納。
回覆刪除覺得飲食能夠均衡營養就足夠，唔使食補充劑、藥品……。幸好能照顧好自己身體，唔使睇醫生打針食藥。
森哥會唔會行行吓見到靚嘢會即刻買咗佢，係冇喺賺買清單內？
刪除現在酸枝傢俱不易買到，要買相信都很貴，正如你講打理這些檯凳都幾麻煩，現在崇尚簡約，我認同簡單都有好處...或者氣派呢種格調都係留給富貴人家吧~~
平日冇病冇痛就話營養均衡就得啫，但現今都市人身體或多或少都有些小毛病，屬亞健康狀態，很想有些食品東西調理一吓，所以保健品就成行成市...
除非遇到森頭好，都會買，大件就要諗過先，細件都無所謂~~
調理森哥。
刪除購物清單上冇嘅，我就算睇啱都唔買，因為臨急臨忙會下錯決定，買返屋企我就後悔，變成冗員。
森伯都係咁，怕太快決定會買錯野，基本上買些新東西都會諗諗，所以買到返屋企就一定會用，唔會空置一邊~但如果唔常到的地方，鍾意會買咗先，因為唔知下次去幾時…
刪除亞健康冇病徵，食咗身體感謝你。
刪除其實又唔可以話冇病徵，不過等到真正病先去補救到時就遲~~
刪除森哥講得好有道理。
刪除我嘅亞健康就係36”肥腰包含脂肪肝，毫無病徵同痛楚。聽醫學研究話男人唔好大過34”，當然唔係講胸圍啦！咁某次急跑咗唔夠廿呎就頭暈滿天星，醒覺自己好唔掂，成個弱雞男， 的起心肝，真係要為自己未來嘅幸福做翻啲嘢。
呢個情況唔係要食咩補品，如果聽啲黃綠營養師話就係唔好食咁多，時刻計住卡路里，忍口超難，冇晒人生樂趣，導致抑鬱，呢種方法根本行唔通。故事教訓我專業人士未必實啱晒，好似森哥乜都唔聽我講咁樣，要自己引証吓，發展切合自己嘅一套。
人生會碰上千萬難題要克服，當然唔好咁輕易放棄啦！時晨到咗就能解決。原來，飲食要時間管理，總食量冇變，撥動吓，時疏時密，就搞掂咗。
森哥又有咩問題？出邊招擊退亞健康？
咁你真係要做多點腰部運動，等個腰圍可以縮細返...有很多病之前都冇咩癥兆，你運動前有冇熱身呢?!，唔熱身就狂做運動好易出事，做運動都係循序漸進，我都係開始時慢慢做~~你為左未來的幸福，前面的辛苦係唔緊要......
刪除你又話要為未來幸福而戰，忍下口都要，食得多自然會肥都唔出奇，食落口都要食些清清地，自己學下整些健康食物幾好玩又有得食，現在我自己都整很多簡單食物，簡簡單單食左又唔會太多罪惡感，一爺兄平時過大爺生活，寧願叫外賣都唔自己煮，呢樣習慣要改改~~
三餐都要食得平均，定時定量，七成飽就OK...森伯冇邊一招，平時食得清淡，素食偏多，肉食偏少，年紀老一定要注意下飲食，如果一爺有關飲食想問，森伯都樂意答嘅~~
係咪森哥喺床上做腰部運動都得呢？2個人happy一齊做效果加倍？
刪除一起身會先拉筋後做運動，咁算唔算熱身呀？不過，其它時段做運動冇熱身。
我冇進步到都係嗰一套8分鐘運動。雖然我唔多喜歡運動，總算養成定期運動習慣。
我做唔到和尚咁清心寡慾。食得是福，帶來愉快，當下唔幸福，要未來有咩用。
我係自己煮食架。怕油煙，所以，我只得最健康嘅烚、蒸。
著重多樣化，一餐有6種唔同顏色蔬瓜，3種植物性/動物性蛋白質類，和2種菇，補品係4種豆糖水，零食係花生同水果。一周重複但唔悶。
我冇森哥咁好嘢，7分飽就唔得。早餐少午餐正常晚餐最多，因為晚黑餓鬼出動，我會摷生果同豆豆糖水頂癮。
我喺森哥面前就係小朋友，纏住你問東問西啦！
咁做腰部運動又唔一定要在床上!!!兩個人Happy啲?!!就要問吓一爺兄同佢個愛侶嘞~~~~哈哈哈
刪除其實只要有少少熱身，都會減少做大量運動前的損耗，拉筋都已經算熱身，生活上有很多事情都未必想去做，但知道做了會對自己好，就會慢慢適應繼而習慣~~~
又唔係叫一爺兄做和尚，飲食和健康都息息相關，付出幾多收回幾多，呢個情況都可以講得通!!!你唔講唔知你鍾意烚吓烚吓，森伯好少烚嘢食多數蒸嘢食!!
成日聽你講豆糖水，現在少了吃甜東西，豆類多數用來與飯一同煮，扁豆，眉豆，鷹咀豆或普通菜豆...因為豆糖水又冇壓力煲就有排煲，你好似有壓力煲?!
夜晚餓會出來摷嘢食?!!唔似餓鬼，似老鼠曱甴!!哈哈哈
相信森伯真實仲小朋友過你，喜歡扮純，扮天真，扮無邪~~~~~
只有大宅，才能襯得起酸枝傢俬。
回覆刪除媽媽的家還有幾個米通花碗，用了幾十年了！
講得啱呀，以前的人住的是唐樓，一般都較大可放大傢俬...
刪除米通碗很多人都用過，但現在少人用，米通碗已不多見了~~
我也很喜歡米通碗，以前母家也用的。
回覆刪除我久不久都喜歡逛逛國貨，中國藝術品令我目不暇給。
其實米通碗幾有特色，以往很多家庭都會用~~
刪除每次我去國貨公司都有東西要買，再順道睇睇當中的陶瓷工藝品...
呢part我好少會行。
回覆刪除公司管理都知少人想去藥品部，所以大門口就係藥品部，畀大家易睇到~~
刪除我家都有米通碗，以前要過年才擺來用架，國貨公司有時都有好嘢，我試過買到一條羽絨褲平靚正，只要三四佰蚊，如是在行山用品店買要仟多元，
回覆刪除米通碗過年才用，好矜貴，都有些人當米通碗留給客人才用!!認同你所講，有時都會買到些東西平靚正，不過現在國貨公司都賣很多其他國家的貨品，總之有時去逛逛都可能揀到心頭貨品~~
刪除中國工藝真係令人著迷，陶瓷製品上的畫的山水花卉人物，多姿多彩。
回覆刪除去到佛山，我都有去石灣參觀石灣公仔展覽。關公、達摩、各式人物都栩栩如生。
國貨公司越來越少，真是可惜 !
景德鎮的米通碗，手工真是精妙。可是近年出產的沒有以前的耐熱，連底部也比較燙手。可能是燒製的過程減了工序。
回覆刪除秋葉喜歡的工藝品，森伯也喜歡這些，希望有機會可以講多些這類題材，不過影相不太容易~~哈哈
刪除我細細個都喜歡陶瓷工藝，陶瓷好生活化，好人性化，可能瓷器碗碟日日都接觸得到，所以很有親切感~~記得早前上課，有一項功課要講有關與藝術的題材，我二話不說即諗到陶瓷~~
石灣有石灣窰，所以舊時呢個地方出產很多陶瓷。
國貨公司現在越來越少，所以趁還有時要多點支持~~
現在陶瓷的製品很多，一般家庭都喜歡用一些時尚簡約款式，米通碗可能認為老土，沒利可圖，出產品質變得遜色了~~
中藥製成品呢家嘢其實好講彩數，聽我班friend講，有時啲奇難雜症睇成幾千蚊醫生都唔好，但求其淘寶買一兩支返嚟竟然就搽好咗……😂
回覆刪除都有句俗語講：行運醫生醫病尾...所以世事真係咩都有可能，現在令全世界頭晒痕的新冠病毒，常常戴口罩，常常用搓手液潔手可能都會中招，但一個露宿者，冇戴口罩又撿人食過的食物，可能佢已經出現抗體都唔定!!XXD
刪除