久不久就會去逛逛國貨公司，可能現在的商場太過家家也差不多，每個商場總離不開屈人寺，扮零，麥當當，士打筆之類...反而國貨公司有不同之處，其實都要去買些日用品，順便睇睇有冇咩工藝品係森頭好~~
可能疫情關係好多人都怕出街，包括長者森，但去的時候未有第3波的疫情，當時仲係每日本地0確診~~
一些虎頭工藝品，很有民族風...
另一種好耐冇見過的動物模型，細細個在店舖廚窗好常見，以為經已絕跡，但國貨公司仲有，似是用來裝飾!! 見到小老虎造型唔得人驚，反而厚QQ~~
一種名為景泰藍的工藝品，每隻獨一無二，造型相同彩紋也不同...
今次去冇太多畫睇，有喜歡的水墨畫及國畫花樽~~
玻璃飾物打理得好，色彩可以永遠保存，睇價錢也不是太貴，勝在每樣得一件，唔怕撞款~~
一般人認為所謂的藝術飾品是種奢侈品，不是生活所需，但家中若然擺放一兩件，閒來賞賞也對心情有種調劑作用，這種便是所謂的藝術價值!!
我都好N年冇行過國貨。原來都仲係賣嗰啲工藝品。
回覆刪除你有機會都去行吓，話就話國貨公司，現在都有很多國外的貨品賣，除了傳統工藝品~~~
刪除藝術調劑生活
回覆刪除生活中的藝術品~~
刪除唔記得幾耐之前，唔太明白藝術呢個詞，咁咪查字典，揾到，藝術係從美出發，對美嘅追求。
回覆刪除咁靚嘢冇標準，森中感覺良好就係藝術。
美女俊男選美都可算係藝術。美食都係藝術。揈頭、揈手、揈腳到揈頭髮，手舞足蹈嘅舞道又係藝術。
森哥當人哋係免費博物館咁行喎！又似去咗畫展、水晶店、珠寶店……仲有唔多夠錢買嘅拍賣會……多功能展廊……一次過滿足好多個願望，好值得行。
估唔倒 士打筆 。畀貼士！
藝術這個名詞好抽象，冇一個準則何謂藝術，只要你認為好看，值得欣賞都已經可以稱為藝術，所以藝術的範疇好廣，可能一爺兄用手指撩下鼻隆，識欣賞的人都可以稱為一爺搞行為藝術...
刪除sorry喎，你要更正一吓，森伯冇當人免費博物館，森伯主要去消費買野，佢真係定期有展覽睇架，而且畀大眾免費參觀，至於拍賣會好似冇~~你有機會都可以去行行~~
士打筆，就係S字頭的咖啡店!!
吳君如同如花都係靠呢一招走紅咋！好勵害。不過，森哥唔好畀我感染到講埋呢D核凸嘢喎！唔襯你呀！
刪除都好多百貨公司摺埋，唔易生存，有冇邊間對森哥印象最深刻呀？
原來講呢間，啲咖啡好貴喎！我鍾意陣咖啡香味，飲就麻麻。
你咁早起身……
刪除我只係打個比喻啫，你唔需要真正代入其中……可能老人家唔識比喻，一爺可能真人優雅又脫俗……
最深刻的商場，除了間中會去的國貨公司外，仲有葵涌廣場都係有幾深印象，因為特別，呢類平民化的商場，可能你哋啲行慣尖東名店好少去，佢幾多嘢睇，行到肚仔餓又可以篤兩串魚旦，飲杯凍椰汁……
星巴咖啡係幾貴架，不過都合口味，平時唔飲，偶爾貪咖啡味，自己買來沖都得……
老人都會有夜尿或早醒問題，跟住會瞓唔番。仲後生嘅森哥遲啲就感受到。 哈哈！
刪除呢樣好高難度，唔係人人駕馭到架，做咗啲人都唔會憎你，仲覺得你好笑，係森哥唔得我會得，令我可以喺森哥面前抬高頭做人，所以，我叫聰慧森哥唔好學，萬一學識咗我唯一樣驕傲嘅都冇埋，會抬唔起頭做人。
網上話：葵涌廣場小食街吸引大量年青人光顧。森哥係後生仔當然會喜歡啦！
篤魚蛋、落好多花奶嘅椰汁……咁唔健康嘢食係森哥咁後生嘅身體才可承受，任性莽為代表年青，我呢個老人就頂唔順喇！
行尖東名店係齋行，得個睇字，負擔唔起。我覺得啲名牌係價超所值，撳富豪水魚。
你真係講中晒長者的生理需要，尿頻又難以入睡，到時到候就醒~~森伯都好有同感...
刪除你講左咁耐都唔知你乜事抬唔起頭做人，做人光明磊落幾時都可以見得人，係咪你平時鍾意在愛侶前吹嚧自己，專講大話所以到真實情況又唔敢面對現實?!!!~~XD
行商場邊有年齡之分，陣間你又話森伯鍾意行國貨公司十足老人家，行個商場公司唔駛在意年齡，想去就去~~~
在商場內篤魚旦，飲凍椰汁，兩樣我都未試過，不過見到有，而且見個個食到津津有味，你經開過附近，都可以上去睇睇，內裡有很多電話配件，格仔舖等，幾適合一爺果類年輕一族睇睇買野~~但好耐冇去又加上疫情唔知當中仲有幾多商檔可以留低?!!
有D富貴人家明知畀人當水魚撳都覺得光彩架!!!
森哥身受其害？
刪除森哥光芒萬丈，我泊埋去好失色，雖然我已經好好，但點睇都好似垂頭喪氣、冇抬起頭，係相對比喻未必係真實。
唯利是圖，商家都有目標顧客群組，比起額皺紋族，賺後生仔/𡃁仔錢易好多。國貨公司真係老氣橫秋，啱晒白髮族，森哥特色係人嫰心老，算是例外。
呢2樣都未試過，錯失好多精彩人生，今生有悔。
一時時啦~~可能冇一爺兄咁困擾...
刪除我仲以為一爺平時在愛侶前又認咩叻咩叻，真實要做到又另一回事，結果搞到抬不到頭面對，我勸一爺大家之間坦誠最好~~XXD
其實要睇下間商場主打是什麼目標人群或顧客，如果各大商場都係千篇一律真係行到好悶，除非有野要買...我冇話唔認老喎!!!!
篤兩串魚旦，飲杯椰汁有幾精彩呀?!!...一爺兄真係要求好低~~~~
價格低都可價值高，我呢個cheap精專吼呢類。
刪除生活精彩並冇同金錢畫上等號，窮人才可存活。
都唔駛叫自己做cheap精，只是你懂得用理智去消費啫...
刪除篤下魚旦，飲杯凍椰汁，一路睇吓嘢行吓商場...森伯稱呢種叫幸福，好少用精彩嚟形容~~~~
有同感呀！👍👍👍
回覆刪除相信很多人都會認同...
刪除我都幾鍾意玻璃藝術品。
回覆刪除玻璃晶瑩剔透，很有華麗感，很多人都喜歡~~~
刪除中國的工藝品真是太吸引，無論是手作、畫作，種種式式，都各顯特色。
回覆刪除每逢上到國貨公司，雙足不其然會走到工藝品部，或者賣絲綢布疋的那一層去參觀。有時都會買些天然的小飾物，畫作，或者紙扇等。
在南京、杭州反而會買些大件的特產，例如：蠶絲被兩張，會自動送到機場認領。
中式工藝品到現在不是太多人識欣賞，喜歡的人就會自自然然吸引去看看，國貨公司的工藝品較貼近民間藝術，只要喜歡便可以購買放在家中...
刪除相信有些興趣，愛觀賞的事物也會與秋葉相近，去到都總要逛逛工藝品部，他們都會不時更新，喜歡看陶器瓷器工藝品，但今次沒有擺放太多!!!
國內有些地方特產的工藝品或用品很有名，買些回來也不錯，有些特產香港未必搵到~~
中國有五千年的文化歷史，傳統手工都是一流的。不過後來人們崇洋了，已不大懂得欣賞我國文化，漸漸有些手作也退步了。
刪除不過，中國的蠶絲業、華麗的織錦，國畫、篆刻，陶瓷，種茶、古建築等等，太多動人的手藝，不能盡錄。所以去到杭州、南京，我想買的特產可多了。
有些貨品手功退步了...都有原因，一來很多產品都依賴機器，人手變得馬虎，以前的師傳真係有精湛手工，但之後有些師傅可能學藝未精，做出來的手工參差~~
刪除中國工藝都已經有多年歷史，當中有些會是瑰寶，懂得欣賞的人越來越少，文化產物是應該保存的，不要讓它在時光流逝中慢慢消失~~
講起藝術品，每次去都見到有兩面繡的工藝品，不過做得好的價錢就幾高~~
當我第一次在廣州的秋季交易所樓上，第一次見到展覽杭州南京的雙面刺繡，真是嘆為觀止 ! 太難得，太神奇和美麗 ! 所以在多年後，當我去到南京觀前寺的紀念品部，見到雙面繡，就買了一框回來。這是一幅「仙鶴朝陽圖」價錢中等，可以接受。
刪除近年網上也有「雙面繡」出售，價錢不太貴。
真正的雙面繡很有特色，而且正如你所講真的讓人嘆為觀止，同一塊面上，前後就繡出不同的花款，越繡得細緻就越貴...
刪除這框南京雙面繡現在還在你家中嗎??有機會真的要給予博友們看看，可能這些工藝品國內不難買到，所以你講是中等價錢，若是香港賣可能會貴得多~~
網上出售的不似雙面繡，前後都係一樣圖案~~~~~
依稀記得在廣州的交易會上見過兩面不同圖案的雙面繡，真是神乎其技。
刪除不過兩面都繡成一樣也不容易。當日觀前寺賣的都是一般貨色，沒有兩面都不同的。既然兩面都一樣，我就不貼出來了。
能夠講得雙面繡，必定是兩面不一樣才算合標準，不過有些單面刺繡都很美，對呀，相信要繡得好也不容易~~
刪除都冇所謂，就算是兩面一樣圖案也是美麗的藝術工藝品，因為賣的很少，如秋葉般識欣賞的人就更加少......
這種“雙面繡”的手工藝術，可能一般遊客都不會花錢去購買，所以寺內多間這類店子都是門庭冷落，我卻如獲至寶。可惜價錢都不便宜，也沒有兩面不同的高檔款式，看上的「仙鶴朝陽圖」，連框架也不少，小女見我喜歡，說代我拿和存放，才得以買下來。 至於織錦的手挽袋，價錢相宜，我買了很高興! 雖然只是買來欣賞，不會拿來用。
刪除近年見到女人街也有辦貨來賣，識貨的洋人見了，如獲至寶。
我也說現在懂得欣賞的不會太多，正如你講外國人反而喜歡有中國傳統特色的手工藝，真的可笑...
刪除聽來你真的喜歡這些工藝品，現在自己在街外見到喜歡的也不敢亂買太大件的東西，因怕家中沒位放置~都是買些小型工藝品，容易收藏之餘亦不阻空間...你的雙面繡是仙鶴朝陽，寓意很好，通常中式擺件多以好寓意為主，一般人都會喜歡~~
能夠在當地買到喜歡的特產，真是人生樂事。
刪除如果遇到兩面不同的雙面繡，應該都不便宜，我也捨不得花錢去購買。
能夠擁有兩面一樣的「仙鶴朝陽」，也很安慰了。
小時跟媽媽學刺繡，布面的圖案繡得好已經不容易，底部的線更是一團糟 !
我不再花時間去學了。所以當我見到兩面都這麼美麗的刺繡，真是很佩服。
又及：刺繡通常都是一面的，如果兩面都有圖案，不管是否一樣，都叫做「雙面繡」。
刪除如果是當地的特產，多數是價廉物美，就好似去石灣古鎮，就可以買些陶瓷工藝，夠晒傳統而且有多款選擇...
刪除國貨公司都有雙面鏽，不過就沒有仔細看看是否有兩面圖案，或者下次會留意~~
刺繡的工藝很講耐性，聽講要刺一朵花，都可能要用上一些時間才完成~~
其實很多工藝都要靠一雙巧手去製造，並非機器可以代勞......
我研究了網上的蘇州雙面繡，由幾百元到一萬幾千元都有，各式各樣的款式，任君選擇，貨到才付款。不過從未見到兩面不同的，其實兩面相同已經很難能可貴。雙面繡，表示不是單面的，是一次就繡得兩面都好看。
刪除要兩面都不同圖案，除非是繡兩塊，再貼在一起吧。哈哈...
一向以來所講的雙面繡是指有雙面不同的畫像，相信現在市面很難搵，不過都有網上店這些渠道，至於網店就很少會買這些貴價藝術品，若不合意退貨都未必易，當然現場睇過才購買比較穩陣~~~
刪除繡兩面再貼在一起...咁兒戲~~~
我查遍蘇繡的介紹，都是提到：
刪除「雙面繡也叫兩面繡，是在同一塊底料上、在同一繡制過程中，繡出正反兩面圖像、輪廓完全一樣、圖案同樣精美，都可供人仔細欣賞的繡品。」
可見得是你誤會了雙面繡的意思。
也可見得你對藝術的要求很高 ! 如果真有兩面不同的雙面繡，記得po出來看看，讓我也開開眼界吧。
我諗雙面鏽的作品，可能有單幅圖案或雙面圖案，我指的是兩面也不相同圖案，可能要看看師傅的技術，你可以看看這兩個視頻:
刪除https://www.youtube.com/watch?v=ZXyoR2qIH4A~~
https://www.youtube.com/watch?v=yv4bQjTdnbU
記得以前有節目都介紹過雙面鏽，當中有些作品是兩面不同圖案，前面是小狗擰轉後變了小貓等，很特別……
想起在廣州春季交易會上見到有一框小貓的雙面繡。小貓的手工精美，聽說他們可以把一條繡花線~撕成48份，所以繡出來就很細緻漂亮 !
刪除看過你付來的真正雙面繡的視頻，前面一隻孔雀，後面竟然是一隻老虎 !
前後除了梅花相同，動物都不同了，怎樣可以繡成這樣 ? 湘繡真是太神奇了。
我所指的雙面繡就是這些，很有趣，而且很特別，十分有觀賞價值和金錢價值……
刪除中國的手工奇技真太驚人 ! 好像在頤和園內見過的奇技「欖核微雕」，和在南京的長江大橋觀賞大樓內，有很多的內繪玻璃球，大的比足球更大，小的很細小。當時還有一位內繪專家在示範。 當時的導遊勸我們把他所繪的，都是大個的買下來，說將來會升值。
刪除可是那麼大個重量十足的玻璃球，收藏不易，如果第一天就買下來，日後周圍去，搬酒店就麻煩了。我當然不會買。
內地的人數很多當中一定有些才技出眾的人士，你講起欖核微雕，我即時諗起米粒寫字，在米上寫上一首詩真不簡單，還有內繪鼻煙壼，在小小的鼻煙壼裡畫畫...
刪除看來秋葉對藝術作品都有留意，不知你現在家中有否一兩件美麗的中式藝術品呢?!!若果有，能否post出來畀我們看看欣賞呢?!!
如果在街上遇有喜歡的藝術品，稍大型一定不會考慮，家中未必有合適的位置擺放，中小型都會買~~
都是花瓶、雙面鏽、禮陵瓷碗之類，如果找到以前拍下的圖片，也不妨再次貼上。
刪除無所謂，總之出自秋葉本身的珍藏，相信大家都喜歡的~~
刪除我也喜歡逛國貨公司，這種感覺同在外面行商場不同，我可以找到一些平日少見的商品，例如閣下提及的工藝品，又例如其超市內多樣化的食品，同百佳惠康的截然不同，或者說，更有鄉土氣息吧。不過現在的國貨公司已經不多，比較有規模的只有閣下逛的裕華及北角的華豐，我一年裡也沒有逛一次啊！
回覆刪除當時時逛的是一般商場，就算幾大型或幾高檔的商場也好，感覺都是差不多，反而有時去國貨公司又會有些特色東西可以睇睇，對呀！他們的超市有些貨品跟一般的超市有不同，但完全是國貨又未必，現在多了很多為人熟識的牌子，一般超市也會見到的，忽然覺得好親切~~哈哈哈
刪除對我來講裕華比較就腳，至於北角華豐在港島那邊未去過，若然碰巧有東西要買，都會去逛逛...
疫情至今,都好耐無行商場了!
回覆刪除或者等疫情過去後，再到各商場逛逛......
刪除未有疫情時，已很少行商場，此時此刻，更少！
回覆刪除國貨公司中，御花可以說是歷史悠久！
疫情時都唔想周圍去，商場人來人往更加冇諗過去...
刪除恕森伯孤陋寡聞，唔知御花是什麼...而且仲有悠久的歷史??!
我東施效顰森源的「士打筆」，御花即「裕華」，古時「華」與「花」通。
刪除哈哈...亞摩真係見笑~~
刪除原來代表裕華，等我仲以為真有種工藝叫御花...
香港以前有很多國貨公司，但到現在只是廖廖可數~~~