以前人的生活純樸簡單，但出門都要七件事，唔知大家記唔記得邊七件事呢?!
咪就係柴、米、油、鹽、醬、醋、茶...查實都唔係太知何解，有識之士不妨答答森伯~~
至於今時今日，出門又有邊兩件事一定要做呢?!
我諗大家都唔需要諗就講到答案，就係口罩...銀包唔記得帶唔緊要，鎖匙都冇相干，反而冇戴口罩，啲人見到即刻彈開十尺遠，車唔畀上，餐聽唔畀入，差啲連茅廁都冇得去~~哈哈
講真今次的疫症，政府其實都做了很多，無論你是否認同都好，正如人家都話，有福利就舐盡，把口就數政府這不是，那不是...
記得之前政府每戶派十個口罩，親耳聽到有人話又唔早啲派，這個時候派多餘...估唔到冇幾耐又有第三波嚴重的疫情，這些人再唔敢出聲~~
而呢幾個口罩就是公司給予的，所剩無幾...
見第三波疫情咁嚴峻，乜法寶都要出齊，平時都好少帶支搓手液出街，但這一排都要帶定，之前買了一支啲香味麻麻，都唔敢再帶出街用，今次買到呢支又唔錯喎，至於咩味道，一睇就知係香橙味，淡淡的橙味幾醒神，用後又唔會黐立立，其實都係不時之需，唔會多用~~
下次見到都要買多支後備~~~
唔知2040年回望翻2020年有幾唔同，有幾感慨呢！好似依家回放2003年。不過，唔知我仲喺唔喺度！
回覆刪除橙味森……夠索。
港人平時勞勞碌碌，邊有時間去感想與回顧~~到現在2003年，都不是記得太清楚，不過每件事都令我們長一智~~~
刪除啲橙味只是一陣子，唔會留得耐~~~
又長一智， 歷練森，咁咪係 高智森。
刪除橙味消散後，內涵森 原味 更勝一籌。
喺大門口 當眼處或門把手 掛袋口罩，包保你出門實記得戴口罩。
一爺兄今次咁好口，高智慧唔輪到森伯喇……
刪除原味指森伯嗰類麻甩臭汗味……哈哈
門口掛口罩?!!冇見過有人咁做，而且唔衛生呢！若然冇就問人攞，幸好暫時未遇過……
唔使汗水都有自身微微體香。
刪除講吓依家冇人會用嘅柴，原來，上山執柴唔係免費，以前鄉村係要畀錢政府好似租某塊山地，咁條村咁多戶自己分配時間上山執柴，村屋真係有柴房存放，有時，啲柴啲潮濕氣溫下會嘔出雲耳/菇類。
對人家的微微體香，真係冇一爺咁熟知……
刪除古時有種職業叫樵夫，工作是上山斬柴攞去賣，現在當然沒有，以前的人準備一餐要用很多時間，可能煮好下午又要準備定夜晚嗰餐飯，現在時代進步真係慳返唔少時間，若然森伯生於古時，有可能一餐煮埋幾餐……
森哥太索累事囉！都係人哋索森哥。
刪除都冇雪櫃，煮太多會壞架。一般家庭都係六O年代尾才分期付款買。
以前冇錢買肉食架，得過時過節才煮肉。蔬菜好平，平時真係白飯青菜，間唔中有豆腐或雞蛋，所以，有豬油撈飯，豬油渣麵。我細路時有一類街邊檔專門賣2味嘢 一 豬油渣油麵同生菜鯪魚肉，我都係夠錢食豬油渣麵咋。
被人索呢家嘢留返畀一爺兄啱啲嘞，留返畀一爺慢慢enjoy……
刪除冇雪櫃森伯就捱吓食蕃薯，蕃薯唔易壞，很多根莖類都唔易變質……好鍾意聽一爺兄的人生經歷，油渣麵未食過，早兩日吔即食麵當早餐，本身有自家制上湯，加個炒蛋加葱花，甚甚甚好味，有時唔需要咩珍饈百味，越簡單越好吃，油渣麵，豬油撈飯同道理……
我試過忘了戴上口罩便出門，幸好大廈的保安員提醒，不然就⋯⋯
回覆刪除而且，我會多帶一個口罩旁身，以防不時之需。
我都試過差點冇戴口罩，幸好只是剛剛出門的時候……現在忘了帶備口罩，真係幾麻煩兼尷尬~~口罩我又冇帶後備……
刪除我好珍惜政府的同心口罩，夠環保。
回覆刪除其實同芯口罩的原意是好的，夠環保~~不過洗了多次就鬆下來~~現在把它收藏起來!!
刪除鬆下來，我把吊帶用針線收緊就可以用了！
刪除這個也是好方法，或者用鬆出的吊帶打個細結來收緊些……
刪除我都有試過吾記得帶口罩落樓，管理員呀姐見到，知我趕時間，重比個口罩我用^_^用消毒藥水多，攪到手部皮膚都乾了>_<
回覆刪除有時趕出門口，真係會忘記戴口罩，所以今篇都要寫出門的兩件必要事……
刪除我用搓手液唔多，所以沒有遇到手部敏感的問題，返到公司或屋企洗完手搽少少潤膚解救!!
口罩，搓手液一定旁生。
回覆刪除口罩同搓手液，呢個時期真係唔少得~~
刪除試過出門唔記得戴口罩要返回家攞，如果唔係冇得去街囉。
回覆刪除最好在常用的袋子放個後備口罩，假設出了門才知冇帶，都可以有個後備用…
刪除現在我都有準備後備口罩，所以出街都放心些。謝....
刪除對呀……在這個時期，做些準備功夫，萬一有些突發情況出現，都唔駛怕!!
刪除作者已經移除這則留言。
回覆刪除今次的疫症
刪除政府有利就舐盡
無論你是否認同都好
正如人家都話
政府派同心口罩
不夠環保多L餘...
今次的疫症，可以看到社會上各人的眾生相…
刪除反政府人士乜嘢都反，政府派銅芯口罩佢地話肉酸難睇唔夠靚，可以重用60次都話唔夠環保；政府派十個一次性口罩佢地又話太遲；政府搵中央政府向我們提供醫療人員及設施援助，佢地又話呢啲醫療人員冇牌及設施不可靠；今次政府安排全民自願檢測，已經開始聽到一啲廢人話不可信，要抵制；其實呢啲廢人個個染哂病毒都不足惜，最可惡的是他們會連累香港人。
回覆刪除同意！
刪除瘋言瘋語，噪音擾民，香港正常人不勝其煩。
祝大家保重身體，渡過難關。。
to peace :
刪除很久沒有見到Peace到訪，歡迎你多來訪~~
我見過一個視頻，這人根本唔會帶同芯口罩，但他卻申領一個，新簇簇就用剪刀剪開，目的想畀視頻觀眾睇睇個同芯口罩裡面用什麼物料做，當中必定是彈三彈四，而留言者就罵他浪費口罩，對於呢班人來講，這樣當然唔環保，唔排除有人申領了都未必會用~~~
你說得對，現在的人很多都認為政府弱勢，可以欺負就欺負，所以有什麼新政策，第一時間就聽到反對聲音，呢班人士把口就乜都想反，但政府的紓困措施，所謂的派福利，他們就驚死蝕底，千元至萬元的補助就點都要，派口罩或什麼免費檢驗他們就接受，不會讚好一句，他們有何居心，可想而知……
to stella :
刪除認同你講的不勝其煩，這個時候已經是多事之年，他們還想添煩添亂，幾時都係同心合作才可渡過難關~~~
作者已經移除這則留言。
回覆刪除出門兩年事，當然要先戴上口罩，和搓手液。 但是“開門”七件事，柴、米、油、鹽、醬、醋、茶，一直以來都是這麼說的。幸好現代不燒柴，用自來氣體，省時省力得多了。
回覆刪除可是空閒時間多了，有些人就是太無聊，不甘寂寞 ! 多年來，喜歡到處找機會撩事鬥非，作為樂趣。
更正：出門兩“件”事。
刪除以前的人生活很簡單，只顧好生活的必需就是了，曾聽人講過開門七件事，少一樣都可能對日常生活有影響，所以每日都為生活而拼樸~~不過時代不同了，縱使生活形式有所改變，但每日出門也是為生活營役~~~
刪除秋葉對打出的字句真係一絲不苟……
刪除一字之差，謬以千里。
刪除如果都是使用速成(頭尾碼)打字的人，一看就明白是揀錯字:否則，就會覺得莫名其妙，看得一頭霧水。所以，都是更正一下好些。
打了這麼多年，一路想，一路打，真是很快 !所以一時按錯了隔籬也不知道。
在網上時時都有打錯字的機會，不過相信大家blog友會明白意思的，睇上文，對下理都會了解原意想表達什麼……
刪除好耐以前打中文都係用速成，差不多要打中文大都以速成作為練打字的基本，後來練好倉頡，打字就快很多唔需要逐一搵字，到現在更好，有些人可以用手寫，不過都要搵字…我都係用倉頡，快手很多……
最初我都是學倉頡，以倉頡為打字的基礎，老師是嚴禁用速成的。
刪除後來覺得只用倉頡的頭尾兩碼，真是省事省力得多。打熟了，根本都記得它在哪裡。只有很特別的才會去找一下。
有人用手寫板，可是說：久不久寫得壞了，就要去買新的。
我在手機寫WhatsApp，就喜歡用手指寫。不喜歡用聲控。
你的老師好似嚴謹了，有時候忘了倉頡碼怎打，都會轉用速成，速成是最初打中文字常用，不過後來工作關係要打字快點，於是就勤學倉頡……現在手寫板好普遍，不過我不需要，就算手機都以倉頡為常用中打輸入法，手寫板易壞嗎？我未試過擁有……
刪除輸入法隨個人喜好，就自己認為容易著手打就最好!!!聲控未用過~~
因為越來越不依指法，是偷睇鍵盤的結果，打中文字的速度，已經退步了許多。
刪除以前上班打英文字，左右十隻手指都出動，只需看放在左面的原文，是不需要看鍵盤的，那時真是快如閃電。有一次老闆對我說：「連鍵盤也不看，何必那麼嚴苛，打慢一點也可以。」
他是老闆，當然可以用兩隻手指慢慢打，如果做職員也是這樣，到處都見工都不合格了。現在用電腦，真是自由得多，而且花樣百出。
因為工作關係打中文字是需要，所以不會生疏~~打字都要講工多手熟，時時打就會變得熟練，你又好野連老闆都嫌你打得太快，我相信秋葉是當時老闆上司的愛將，分分鐘幾十秒就能打出過千字...都要畀個讚你!!!
刪除時代不同了，以前一部打字機就打出很多文件，但現代的電腦就差不多個個員工都有一部，亦有打字列印功能~~~
那位舊老闆與人合伙做生意摺埋，關門之後，我向相熟的親友問他借~他工場辦事處的打字機練習打字。常常一個人在那裡練習。
刪除後來他東山再起，獨資經營與中東做生意。
跟著大力邀請我做他的助理，廠務、打字、接聽長途電話等。他一向坐不定，不見影。當出貨付運那天，叫弟弟們來幫手，他賺的錢十分之多，多到可以資助他姐姐與人合作開的廠。
其實一個老闆能夠東山再起，是件不容易的事，很多人都會放棄甚至意志被打沉，所以不放棄的精神對一個創業者來講很重要~~
刪除一聽就知秋葉必定是老闆的得力助手，又加上秋葉精叻過人，一個人管或做幾範工作都冇問題，老闆外去傾生意都放心過人...
人生經歷要講到工作，可以有很多的回憶~~~
這份工作，令我最有深刻的回憶，也是我一個人生的里程碑。
刪除當初親人多次勸告我：「這個工作他可能是沒有糧出的哩 ! 你要多加考慮。」 當時我說沒有所謂，就當是我還給他~借出地方給我練習打字的好意。
這位老闆真是我的伯樂。
照你所講，你是這間公司開國功臣，由零開始做起~~
刪除其實現在剛開始打工的後生人很多時都怕蝕底，所以一份工作做不長，若然好似以前的你，就算沒糧出都有地方給我練打字，也是一個機會，是一個體驗，都可以是種正面的心態~~
結果仲可以遇上工作的伯樂...
當我給他工作的時候，旱已經在他那裡練好了打字的技能啦，並不是在工作之後才去練習的。在那間摺埋的廠裡，我天天去練習大半天，都練到很純熟了，門匙都托人送還給他了。他既然肯慷慨借出地方，幫他一把都無妨，橫豎家裡不是等著我份糧開飯。
刪除以前的人搵工最緊要學到東西，現在的人搵工最緊要福利幾多，假期幾多...不同了~~
刪除我諗...以前的秋葉打工只是為hea吓時間，薪水反而唔多志在，大不了當做義工去幫吓人，都是件樂事~~呢種生活情操好高!!
唔係hea吓時間gar,我勤於學習，也很努力去工作。投桃報李，別人幫我，我也應該去幫番人啫。大公無私，皆大歡喜。
刪除兩年後，因為暑天我去參加訓練營數天，回來之後病了一個月，就辭職了。
豈料老闆請人代我工作了一個月，仍然請我回去工作，真係好老闆。
那個老闆真是很好人，那就証明沒人能代替秋葉的崗位，又難怪，樣樣工事秋葉都打理得頭頭是道，剩打字都可以一個頂兩三個，是難得的人才!!!
刪除去完訓練營數天就病足成個月，相信當時的訓練都十分艱鉅……幸好老闆仍體諒，安排人手幫忙，直至你回去復工~~~
當時我們這間小公司，一直只是接一個中東客戶的定單，不需要打太多的文件，我也不需要常常打字。 反而會幫老闆的家姐畫錄音機的新產品圖樣。
刪除小公司成本輕，賺的錢更多，竟然可以資助大廠。
真是越說越遠，好像在自吹自擂，汗顏 ! 也該停下來了。謝謝你的收看。
其實也想聽聽森兄的人生開心事，可以一說就好了。
能夠得到老闆重用，對打工仔來講都係好的事，有時公司的規模大細與否都不是重點，反而最緊要就係能學到一些工作技能，增加自己的工作經驗，為自已爭取多些工作機會~~
刪除有時不要輕看一些小型公司，可能都會賺很多的錢，投資其他生意，看公司實力最緊要!!
我工作上都少少可以講講，曾幾何時打過份工，薪金都不太多，記得大概是當時市價的薪金二分之一，但勝在可以學到工作上的有用技能，那時都做了好幾年，所以當時對我年青來講學東西最重要...
森兄說的很對 ! 年青初出道時最重要的是找到一份可以學到有用技能的工作，薪金多少不計較，而且一做就做了好幾年，你真是很有遠見 !
刪除比之現在那些年青人，有些人見工還要媽媽陪著，人工少不願意做，職位低又不願意做，正是高不成低不就，寧願宅在家。
都好難講現在的所謂新一代，經過去一段時間的社暴日子，對現時所謂的年青人都唔敢寄予什麼，當然森伯唔會一竹桿啦，都會有些懂事的年青人對工作有熱誠...
刪除無論什麼階段的求職者，都不應該先站自己利益諗，是要以周遭的時勢環境去打量，否則都好難找到一份工作，而這一刻係工作找人，非人找工作~~~
多得身邊班老友，我啲口罩真係用極都用唔完，仲要冇花過一分一毫去買！
回覆刪除這樣代表你十分幸福，生活所需，仍有人在不經不覺間為你打點~~我也暫時沒有買過口罩……
刪除