呢排都有幾多天聞現象出現，早前有人影到雙彩虹、又有人見天空出現火彩虹(據講有七種顏色的雲彩)，上周又有日蝕…又唔察覺，無論怎樣，天朗氣清的晴空已經相當舒服，不過一到正午就熱到七彩~~~唔知各位的博友們，在以上的種種香港天聞奇觀中又有冇親眼睇過？！
所以一向都對天時暑熱麻麻地，尤其香港天熱又濕又侷，若然不是間中有冷氣，相信夏季都不易熬過，不過凡事都總有兩面睇，正所謂：等森伯吟一吟首詩先……春有百花秋有月；夏有涼風冬有雪……即是無論什麼季節，都總有些地方係你值得欣賞~~
經過一場過雲雨後，路上的花花葉葉都顯得特別翠綠，賞花賞草都唔一定要到公園、花展之類…..就算生長在路旁的植物也同樣吸引……
適逢今天出Blog是回歸日，在過去一年香港都發生很多事，感想當然有很多，不知大家又有沒有特別感受，有的都可以留言講講…
點止雙彩虹，水龍捲都有。
回覆刪除希望香港回復平穩，香港人安康。
原來又有水龍捲，呢樣又唔知…
刪除我相信見到呢年來的市道及經濟，人人都有這個願望~~~
早幾個星期前已聽見蟬鳴，意味盛夏偷偷黎咗。
回覆刪除最近可以望到極遠處，即係我最愛嘅乾淨空氣，能呼吸咁清新空氣好難得，疫情過後又打回原形。
唔怕熱、唔怕凍，最怕濕濕立立嘅回南天，石屎牆怕到喊晒咁出水。
炎夏冲凍水凉好舒服，食凍嘢消暑。前天文台長夏天都唔開冷氣瞓。
賞花賞草賞森哥，唔係打賞係欣賞，窮根未斷。
在四月已經感到天氣有點熱，我嗰區啲蟬可能未瞓醒，未聽到蟬鳴，或者鳴咗森伯撞聾聽唔到……
刪除望到極遠處?!!……你上咗太空~~哈哈。近排好多人都選擇去郊遊，目的都係吸吓新鮮空氣~~
你講起回南天我都好怕，好似近呢幾年個回南天好似短了，唔覺得濕濕立立出晒水……
夏天最好係食多啲水果，西瓜易買又消暑…
條窮根已經植入森伯的生活中，習慣了~~~
燥底森有工作同感情困擾？心亂如麻，冇法靜聽蟬鳴。
刪除極遠處係喺港島能清晰望到獅子山，汙槽空氣會好矇矓。
除咗水果，我會煲定蕃薯糖水、雜豆糖水，雪凍黎食，蕃薯、豆類有益身心，因餐後個腦立令我要食甜嘢才滿足，不能違令，可能，平時只有醃餸時四餐才加一、二羹砂糖太少，唔通係血糖低！
植入即後加，原來，森哥含住金塊出世，後來家道中落，經歷高低潮絕不簡單，森哥好堅強，令人佩服。
你諗多咗……森伯只係冇理會有否蟬聲，不過暫時都未聽到~~你可能住在半山區，樹木林蔭，蟬鳴特別清楚~~~
刪除通常呢個時候見到矇矓多數煙霞，同氣壓的問題有關，會快打風~~
現在的人好少煲糖水，大都怕甜…夏天消暑品除了瓜果之外，仲會整森伯的至愛…椰汁凍糕~~如果去飲茶都必定叫…
如果你不需要擔心血糖問題，食些糖都冇乜所謂~~
你是編劇?!...定睇得韓劇多呢?!!人生邊有咁戲劇性，只因森伯一路都係窮等人家，才可以習慣到貧困的生活，唔需要佩服……
綠化做得好就有得聽啦！森哥嗰區以前都係郊野，因早期規劃唔恰當，已變成石屎森林。
刪除煙霞、氣壓、打風咁了解天氣，高森莫測，好有學識喎！
[現在的人好少煲糖水，大都怕甜…] 原來我好古老，好落後，不過，我喜歡嘅，同時代脫節又無妨喎！因為我係為自己而活，唔會畀潮流牽著我走。外食冇得講，自己煲可以控制甜度。生果嘅高果糖都有機會危害健康啦！荔枝病……
椰汁凍糕諗起過年喎！食團年飯都有人整馬豆椰汁糕，添加人情味。
[如果你不需要擔心血糖問題，食些糖都冇乜所謂~~] 托斷食福，我條腰瘦咗，血壓又低到9X，應該冇老人三高問題。所以，要試新嘢，培養好習慣，堅定不移。
啲網友都話我係編劇，後生時我最怕作文呢！人生變幻莫測。
我都要佩服森哥，挨得住十世窮人，好了不起。
蟬鳴聽到與否都冇咩所謂，森伯住市區，現在石屎森林想在住的地方有點點綠意都唔易，所以家裡種些盆栽，以前有幾盆，現在只剩一盆水種，有時環境不合好易枯，公司有冷氣就種得好少少，不過打理都要些時間……
刪除幾廿歲人，生活上或多或少都識些少知識，又唔係咩學識，每個人都曉！
過年你們食椰汁凍糕？！…你們邊鼠鄉下，過年已經凍到飛起，仲可以食凍糕……不過森伯過年都會諗起芒果布甸，以前有親戚整過食過，雖然無厘頭，都印象難忘……哈哈
你的血壓咁低，正常咩？……你向編劇方向發展下嘛！
窮都唔緊要，做人思維正面少少，咁就可以與貧窮同行，有時買野慳番一兩毫子又會樂上半天，儲夠一個月買到個菠蘿包，又可以當食個豐富早餐，呢D就叫貧人的樂趣，你們D有錢人唔明…
怕惹蚊。水種植物濕氣太重，會搞到啲牆身發霉生卜泥。唔啱我。
刪除芒果布甸諗起公司同事中毒，指甲發紫，嚴重到留院，因為用咗有三門氏菌嘅生雞蛋整。上大陸工厰做嘢要過夜，夜晚生活太苦悶，有個同事自己整咗甜品同大家分享解悶，果次我剛好沒有喺大陸厰，逃過一劫。佢變咗禁食。哈哈！
我都曾經懷疑過會有病，原來健康都會咁低，良好運動和營養飲食習慣合成，達到運動員級數，我引已為傲，堅持keep fit。
電視劇嘅精彩情節我又諗唔到，都係諗到啲老土劇情，唔掂喎！
森哥正面又樂觀，我要向你學習，等我開心啲。
室內植物可以吸收家居壞氣體，而且眼睛對電子產品多，睇睇綠色也好，水種植物用一個細長杯也能種得好好，杯內放些小石春，只要有水浸過根部便可生長…
刪除你公司的芒果布甸懸案，福爾摩森會從陰謀論調查……第一，爭寵陰謀，同事唔底得一爺受老細欣賞，所以用毒布甸毒你……第二，桃色陰謀，有人因怨恨情仇，整個毒布甸你嘆吓……第三，可能一爺把口平時得罪同事多，稱呼人少招致毒布甸之禍，呢點最有可能…XXD
最後一爺又好彩冇返工，避過一劫～
你可算骨骼精奇，你講的血壓係上壓定下壓？！
我自己都不斷學習中……
壞氣體：森哥兜個圈話我放P，我承認我會多食纖維，世事有得必有失，做人要作出明智嘅選擇，獨居老人健康事大、放P事少。
刪除窗外群山環抱，綠色植物多到睇唔晒(晒命)，好好利用美麗嘅大自然。
森哥都想做編劇，懸案兇手點解唔等我第二日返上大陸才整布甸畀我食呢？
血壓9X/6X 心率6X。森哥唔好抹殺我嘅功勞，骨骼精奇係天生，呢個成績係靠後天嘅付出，充滿汗水和勞力，挨餓二日，結合精心安排嘅營養餐單，缺一不可。
我諗在一爺兄的腦中只得屎、尿、屁……一爺兄幾廿歲個思想好小朋友~~室內的油漆、地氈地板等都會釋放很多有害氣體，無論家居有小孩，老人家或成年人都好易長時間吸入這些有害氣體，種些大葉植物有助吸這些害氣……
刪除呢單案件懸就懸在點解唔等埋你在場先下毒手呢??第一可能根本唔知你唔
返，第二又可能良心發現，要即場毀滅証據，就唯有自己哽埋，頂多踎吓廁所，都估唔到要入院咁大鑊…
血壓9X/6X 心率6X………血壓真係好少咁低，既然咁辛苦保持身體，要繼續下去~~如果比森伯要挨餓二日，第三日好似放監食返夠本~~
係喎！行偏咗添！斯文森哥覺得太核突。
刪除住咗十幾年都仲有。
繼續編啦好好睇喎！
我一心只係想踢走36吋肥腰，離病痛更遠，冇諗過呢堆數字會咁。
唔係連續兩日。 唔會喺第二日早/午餐想食好多，反而係晚餐後好想摷嘢食。
斯文森哥覺得太核突……你又講得啱呀!!!斯斯文文的森伯平時好少講呢啲~~~
刪除植物除了可吸穢氣，日間可放出氧氣，唔駛落公園都有新鮮空氣……
我自己都覺得呢單懸案好好睇，日後一爺兄多報料，多啲創作題材~~~
你都好…第二晚才摷嘢食，森伯可能時時刻刻摷嘢食……
我易出汗，香港的夏天又濕又焗，叫我有點難受。
回覆刪除希望可以早日除下口罩⋯⋯
希望社會早日回復既有秩序，大家過些安樂日子⋯⋯
我相信香港的夏季一般人都認為唔易受，尤其烈日當空的日子~~
刪除係呀，夏天又熱又侷，兼且要戴口罩都幾辛苦…
相信呢個是很多港人的願望!!!!
過去的一年,真是讓人很心痛,只希望如今一切都會過去,明天會更好!
回覆刪除我諗好多人過去一年都完全感受到這種痛傷，不過風雨過後，寄望迎面而來是些安定的環境，平靜的日子…
刪除夏天食西瓜真係好消暑，凍嘅食物或飲品簡直係一流。
回覆刪除正確，所以夏季多水果，偶爾會整杯西瓜汁，梨汁飲飲，勝在夠消暑！
刪除講起吃西瓜，忽然想起小學時，老師說了一個關於葉天士醫生的故事：有一個咳嗽不停，病得很深的病人來求醫，葉天士沒有開藥方，只叫他回去買很多西瓜，放在船上，駛出江心，天天就只吃西瓜。 後來病人回來道謝，他竟然因此而痊癒，活過來了。
回覆刪除對於天氣，若果太冷或者太熱，我都不喜歡哩 !
又未聽過西瓜可以治咳嗽，故事中有冇解釋當中的原因?!!...夏天悶熱，的確有時食些消暑的水果真的可以除煩熱，可能一些熱症可以幫上忙，正所謂不時不食，夏季是食瓜瓜果果最適合不過，所以夏季間中都會加入果乾做餸，菜瓜類就唔少得……
刪除香港現在好一些，凍的日子都唔太凍，所以基本上都OK…
葉天士醫生有很多醫療故事在民間流傳，這個是由一位老學究的老師說的，可信性很高。當中的道理當然是有的。有機會時再說。
刪除聽你所講又覺得這書內容應該唔錯，有時一些民間的治病偏方都真正能用得著…
刪除或者你有機會寫篇有關的網誌，等我們可以從中學到一些……
香港各區都會設置一些花壇，種植著各種植物，好像：大紅花、軟枝黃蟬、夾竹桃等...
回覆刪除如果是夾竹桃，那麼千萬不要走近去觀看，這種花葉都有較重的毒性。曾經有女孩子為了和花朵合照，靠得太近，因此臉上皮膚受了傷害，幸好可以復原。
現在市區都做了很多綠化工作，都尚算唔錯…有些花都開得好靚，有日車途經過隧道口，見到有類似黃色串串金的樹，相當茂盛很美，若果不是在路口邊肯定惹來很多人來拍攝，不過得幾棵又唔知有冇影友感興趣~~
刪除很多植物只宜遠觀，都好少行太近……
春有百花秋有月 夏有涼風冬有雪
回覆刪除若無閒事掛心頭 便是人間好時節
好詩...好詩...
刪除