時至今日，相信都有很多用電子錢包去付款的渠道，感覺都應該方便，但會否普及就不得而知，記得曾經看過篇報導，越用得多這種電子貨幣，他們的理財能力就會越差，因為他們會不知不覺用多了錢，結果就需要貸款渡日……
對於森伯伯D古代人來講，理財方式全用電子化，相信都冇咩可能，
好怕就係電子失靈，交易記錄唔可靠，就好似最簡單的”發達隆”，有時都冇計過嘟了幾多次，講真唔會常用，但就時時要入錢，奇就奇在D錢咁快用完?!!......所以電子交易唔太穩陣，更何況咩電話理財，電子銀行之類……
用返現金交易最穩陣，之不過就會製做太多神砂，搞到森伯伯可以升呢做神砂王子，現在神砂都好少用得著，有些舖頭都會用，尤其某些店舖的標價仲用XX.90 / XXX.90果類，唔明點解唔減$0.90，或者加多$0.10，化整數就好計……
毫子森伯都照收，積少成多嘛，至緊要就係森伯個褲袋夠大夠實淨，唔怕袋穿隆~~
我呢邊都仲好興用現金。聽講話啲人係想保護私隱。
回覆刪除私隱問題漏了講，感到在線上打資料唔安全，非必要都唔會選呢個方法交易……
刪除我喺呢方面了解唔深，唔夠精明，唔熟悉如何保障自己啲錢嘅安全，好怕會畀人騙錢，冇用電子貨幣。
回覆刪除收得神沙嘅舖頭大多數都可用發達通或轆信用卡，我都唔用現金，所以，得番十個、八個一毫、兩毫、伍毫咁上下。
散紙搭巴士時用咗佢。
森哥冇記賬！咁就唔知啲錢喺邊方面大洗咗？
所謂的電子交易唔熟唔做，都唔熟知點敢隨便用，不過最緊要係有冇呢個需要……綱上買東西，多數選擇線下付款……
刪除諗住找得神砂的消費，基本上都唔會用信用卡付款，除非專程去公司shopping才會……
可能遲些毫子都唔會用~~毫子對我來講好少機會用到，所以儲埋!!!
我以前都有試過記賬，但又未必次次都有恆心做記錄，結果都放棄了……基本上森伯好少用”發逹隆”洗大咗…………
網上買嘢有時我都會用信用卡支付，好似超市、買機票，其它唔可靠嘅就貨到付現金。財到光棍手，一去冇回頭，真係駟馬難追。
刪除轆卡後我會keep住啲單據，有空就上網check數。有啲有send個短訊去你個電話有呢單交易，我又唔識點設定。
所以，推出電子貨幣個機構應該拍片教人點用同要留意地方，唔好等人矇查查。
網上付款的渠道多了，在網上行騙的機會都多了，好似之前有人話在網上購買口罩，錢就一早付了，結果口罩就遲遲未收到……為何咁容易就被騙，就因為有時在線上買賣東西方便了，少了戒心…所以事事都要睇清楚~~~
刪除你講的電話有冇交易通知，是否要申請電話理財之類?!!......你就穩陣，我沒有設個地方去保留所有單據，隔一段時間就唔知去咗邊…….你做電子貨幣個老闆就會咁做，有損失的都是你自己問題~~~~
講開電話理財，咁森哥有冇用繳費聆呢？我用咗好耐，好鬼方便。
刪除電話理財好似喺開支票戶口時間銀行就幫你一起開埋，當時冇咩功能，我都冇用過，後來才有網上戶口。
但轉數快我都冇開通，又係驚畀人拎到我個電話後會好易轉走我啲血汗。
繳費靈PPS我都有用，暫時都OK幾好……
刪除至於你話電話銀行或電子銀行，冇打算申請所以都冇理喇~~
你有需要整個網上戶口，有時處理你啲股票投資都會好方便，你知你啲股票上上落落，億億聲……哈哈哈
逢親越簡單，越方便都會諗諗，唔識用盞奶嘢~~~~
以前要大額付款才轆卡，依家，喺超市買$3蚊雞嘢我都照轆。
刪除咁森伯又冇咁豪……收銀時時排長龍，3蚊雞都轆，畀人眼睥睥，直接畀散紙佢好過!!
刪除啲卡都係嘟架，唔使再簽名，我計過，時間同你摷錢到找錢或電話畀錢差唔多咋！
刪除超市有自助畀銀櫃臺，唔使點等，快好多，自己做埋收銀工作都值得。森哥有冇試過？
你講嘅信用卡是否類似銀聯卡?!!…
刪除森伯去開超市又甚少買幾蚊雞嘢，多數用發達隆找數，信用卡最主要帶出街傍身，唔夠現金可以用……
自動收銀櫃台，見人用，但自己未玩過，因為森伯去超市除了買嘢，仲有例行工作，就係增值發達隆……
信用卡以前用磁帶，後來轉咗晶片， 嵌入式 晶片個樣同手機Sim咭一樣， 眼仔碌碌森哥應該睇到。
刪除有咗呢塊晶片後就加入嘟卡功能，佢叫 Paywave，個符號好似手機上Wifi幾條弧線發射咁樣。
我師奶仔上身為咗貪信用卡積分嘛！不過，驚跌咭冇將伯通綁上信用卡自動增值，咁樣好似開咗條水喉會大出血，都係麻煩少少自己增值安全啲。
基本上信用卡多數係最新款，因為銀行主動幫你更新，就算更新幾多新功能，森伯都唔會用太多，尤其普通買些東西……
刪除我好少儲積分，以現金回贈代替積分，因為費事傷腦筋~~至於你話自動增值就唔好搞森伯，分分鐘多了筆數要追查都有排查~~~
電子貨幣普及
回覆刪除理財能力升呢
電子貨幣落入森伯手中變咗唔普及……
刪除我比較喜歡使用電子貨幣，貪方便。
回覆刪除電子貨幣勝在方便，唔好處是有機會用唔到…
刪除我就遇過這個情形，結果都要付現金~~~~
除左去街市買餸，平日好少用硬幣！
回覆刪除係啦，除了買東西，真係很少會用到硬幣~~~
刪除現金同電子消費都會用，但銀行的電子理財就暫不會用。
回覆刪除我也是，太過煩複的交易程序都係少用為好，唔識用就攪到一鑊粥~~~
刪除超市很歡迎顧客付零錢和硬幣。用八達通也是一個方便的付款方法。
回覆刪除對於手機付款我就沒有什麼信心。
有時為了減少袋中的零碎神砂，我會在百元現鈔之外，付上零錢尾數，收的找贖都是整數，零錢就會減少。這樣讓買賣雙方都減少了零數上的麻煩。
通常都是超市或者連鎖商舖才歡迎零錢散紙，如街市搭的士就未必有找…
刪除你的方法也不錯，不過買嘢前都要帶備些散紙才方便找贖，我也喜歡這方法，不過就少機會碰到這樣情況…
手機付款類似八達隆，相信唔會用，不想樣樣事依賴手機，忽然遺失了，都會幾麻煩……
有些的士司機很公道、很老實，不會隨便收小費，早早就把尾數拿給你。所以要說明不收尾數，大家安樂。
刪除那麼多年來我見過很多很好的的士司機。故意兜路的司機屬少數。
當然，如非必要，去長途都是乘搭公共交通工具啦，我都是慳家。
都有遇過好同差嘅的士司機，不過搭的士基本上都預了他們不找贖散紙，有些會找的算公道，不過我遇到的十居其九都唔會……
刪除對呀，的士都算常用，不過現階段的疫情下都會少搭，好似話他們的士業界又會申請加價，現在的士嘅經營都幾困難……
哈哈，都係阿森少似闊少，所以Ｄ的士大佬都唔會找的散紙畀你了。
刪除可能佢哋驚我告佢唔找贖尾數，所以不敢不畀。也有可能講起上嚟幾好傾，他們總是不想收我畀Ｄ貼士。
的士若是拒載、兜路、唔肯找贖，都算犯法。近日疫情的士生意真係幾冷清。
哈哈，秋葉見笑~~森伯伯本身寒酸樣，又怎會似闊少咁巴閉……至於秋葉就唔同，一面正氣眼神銳利，相信的士司機都唔敢唔老實……
刪除有時亦可能現在少散紙用來找贖，不找也不會怪他們吧~~
時勢關係各行各業都冇辦法，都係希望早日捱過經濟寒冬……
我也想自己是眼神銳利，可惜我自己是個大近視。
刪除可能我個樣很寒酸，他們不忍心收我的小費吧。
但如果我先說收個整數，他們都會樂於不收零頭小數的。
邊個話大近視唔可以眼神銳利?!……我諗司機見秋葉友善，都唔會多收小費~~有時遇到有些司機大佬都幾好傾，上車講到落車~~
刪除你講樂於不收小數，可能你搭長途車司機才這樣做~~
我都唔係次次都同司機傾偈的，不過有時遇到的交通情況，有感而發就會交談起來。搭長途較少啦，無論長途短途，只要我一拿出錢來，說出：找回幾多就得啦。他們都很樂意收小費的。
刪除話時話，由去年6月起，什麼車我都少搭了。早幾日想乘車去遠d,點知疫情又湧起第二波，唉，出外的心又淡了。
森伯都唔會主動傾喇，係啲司機傾開先傾……
刪除現在的士費的零頭毫子都預了他們不找回，通常有毫子收得最多係買東西時……
男人之家，可能唔好意思下下畀硬幣付款，所以去街市或者超市購物，次次都係畀紙幣，於是收回的硬幣越來越多。
刪除如果我看到大小硬幣越來越多時，我就會主動使出去。周而復始。
都唔係唔想收硬幣，最主要想唱散些大碼銀紙，有時十元二十元紙幣比較好用，不過最近物價高了，就算百元紙幣，都可以當散紙，買一兩樣東西就用了~~哈哈
刪除時代在進步,今時今日真係多是用電子交易,特別係大陸,買棵蔥都用微信支付,乾淨好多!
回覆刪除聽講國內都好早推行電子化，但是否個個人都能夠懂得用呢?!……
刪除哈哈哈，買棵蒽都用微信付款又幾好笑……